28 lines
1.8 KiB
Plaintext
28 lines
1.8 KiB
Plaintext
\id 2JN
|
|
\ide UTF-8
|
|
\h 2 Yoani
|
|
\toc1 2 Yoani
|
|
\toc2 2 Yoani
|
|
\toc3 2jn
|
|
\mt 2 Yoani
|
|
\c 1
|
|
\cl ESUKI 1
|
|
\p
|
|
\v 1 Eloko atie moli ongo aononi pe atie wana wande, enge e koyemeleka mbai meemene, te ndji mbai amene, kasi la wango kpaa wayewi meemene,
|
|
\v 2 la o meemene enge eyabati ndondo esu, pe ekoyabata la iso libela la libela.
|
|
\v 3 Logoo wosungu ekodja mongindji la iso, la motema magba la logoo e Mengei wawa pe la Yesu Kilisito mana o wawa mongindji la o meemene pe la libalano.
|
|
\p
|
|
\v 4 Idjei la mwemu ngbii, laate iyeni wadji wana wa owe wakosombaka ndondo e meemene, ndji ndenge tototali pui atie Wawa.
|
|
\p
|
|
\v 5 Ndjongo sikalandjo, moli, ikoongoko la owe, nda moto ongo otiodhingelaka pui e poli, kasi enge etotali iso tee la lipotele ate tobalane.
|
|
\v 6 Pe dhenda enge libalano eyinei, tosombake ndenge pui djande e oongi. Dhenda pui eho, ndenge saa e ookali ino tee la lipotele ate, osombi ndji ndondo eho.
|
|
\p
|
|
\v 7 Laate ngbi e wato wa moleho wapumbi ndondo e moki, wato wango watitiesakolaka ate Yesu Kilisito adjali la mweni. Inde ongo moto o ekosako pe mwaamaleli e Kilisito.
|
|
\v 8 Kebani ino la ino, laate otiwungeseni pukapuka e otomo ekelali, iso kasi totote liputi kpaa.
|
|
\v 9 Moto kpaa ongo oki lihele pe atikaliti ndondo e litiesakoli e Kilisito, ati la Mwengei. Moto ongo okowumwaka ndondo e litiesakoli luho, inde ongo odjei la Wawa pe la Mana.
|
|
\v 10 Inga moto adja atie ino pe akpaliti ma matiesakoli, otimoyambakeni pe otimohakeni mobale.
|
|
\v 11 Laate moto ongo omohekeli mobale, ayakpuliga la sambo djande mbe.
|
|
\p
|
|
\v 12 Te ndenge edjei mbai la sambo ngbii e odhingeli ino, ibaliti odhingi uho la okpengbeite pe la malia ma masia, kasi ikounaka ate idje atie ino laate tosolole maiso la maiso, laate mwemu munu motume mekee.
|
|
\v 13 Wana wa maangua, moli ongo oononi, wa otomeli mobale.
|