bbm_reg/41-MAT.usfm

\id MAT
\ide UTF-8
\h Mateo
\toc1 Mateo
\toc2 Mateo
\toc3 mat
\mt Mateo
\c 1
\cl ESUKI 1
\p
\v 1 Ehele edjei litoto e Yesu kilisito, mana o Davidi, mana o Abalama.
\v 2 Abalama amowotali Yisaka; Yisaka amowotali Yakobo, Yakobo amowotali Yuda la wamaanango.
\v 3 Yuda amowotali Peleze la zela, ngbau edjali Tamala; Peleze awotali Ezelona, Ezelona awotali Lama;
\v 4 Lama awotali Aminadaba, Aminadaba awotali Nayasona, Nayasona awotali Salemoni.
\v 5 Salemoni awotali Boazi nango edjali Lahaba, Boazi awotali Obede iwo la Luta.
\v 6 Obede amowotali Isayi, Isayi amowotali Davidi. Likumu Davidi amowotali Salomo la moli omoki mo wato wa Ulia.
\v 7 Salomo amowotali Loboama, Loboama amowotali Abidja, Abidja awotali Asa.
\v 8 Asa amowotali Yozafata, Yozafata awotali Yolama, Yolama awotali Oziyasi.
\v 9 Oziyasi amowotali Yotama; Yotama awotali Azaka; Azaka awotali Ezekiasi;
\v 10 Ezekiasi awotali Manase; Manase awotali Amona; Amona awotali Yoziasi;
\v 11 Yoziasi amowotali Yekoniasi la wamanango, engele ekpalemate iwo la Babilona.
\p
\v 12 Mbuse ewototami owu la Babilona, Yekoniasi amowotali Silitieli; Silitieli awotali Zolobabeli;
\v 13 Zolobabeli amowotali Abiyudi; Abiyudi awotali Eliakimi; Eliakimi awotali Azolo;
\v 14 Azolo awotali Sadoki; Sadoki amowotali Akimi; Akimi awotali Eliyudi.
\v 15 Eliyudi amowotali Eleyazala, Eleyazala awotali Matana; Matana awotali Yakobo,
\v 16 Yakobo awotali Edjepu, molome o Maliya ongo omowoti Yesu, ongo okomowelaka iwo kilisito.
\p
\v 17 Edjei mawota liyomu la ineyi obandji la Abalayama tee la Davidi, wawotami liyomu la inei obandji la Davidi tee la ototami ewu la Babilona pe wawotami liyomu la ineyi abandji ototami la Babilona tee owotami o Kilisito.
\p
\v 18 Denga engele ewumali owotami o Yesu kilisito. Maliya, nango Yesu, adjakali wose o Edjepu, kasi, liwoso ate wayikane, Maliya awumali la lemi la okolu e elimo esatu.
\v 19 EdjePu ose onde, adjali moto molamu atibalali omosamboli, alukali ndenge ate akawane la inde la oisani
\v 20 Ndenge edjakali inde omungoli, ahumbwa e Mwengei amopumbelia la saki pe amwaselia: Edjepu, mana o Davidi, otidje la mbangi la ototi Maliya nda moli e owe, la loyi ate mana ongo odjei la solo ende alongoyi la elimo esatu.
\v 21 Akowota mana opele pe okomohekele kombo e Yesu laate inde moto okowakalesa wato wande la obee owu.
\v 22 Djinge sambo kpaa ikoengesama la ate sambo ekpomali likumu atie wasakoli makoyengesama:
\v 23 Denga, mana o moseka akowuma la lemi, akowota mana opele alidji wakomowela ate Emanweli, enge easi ate Mwengei laiso mongindji.
\v 24 Ango esusuali Edjepu, akelali ndenge emowaselali ahumbwa aleeti amototali moli onde,
\v 25 Ati wanesali wenge la inde tee ango ewotali inde mana opele, amohekeliya kombo e Yesu.
\c 2
\cl ESUKI 2
\p
\v 1 Mboli e owotami o Yesu la Betelema e wa Yuda la masio mango madjaakali Elode Likumu, wadenga wato walomungo wa midjoto, walongoiya ongo la epumbeli e liusause wakadjia la Betelema.
\v 2 Waasia ate: eni Likumu o wayuda awotami? Late toeneli mondjoto monde ango edjakali iso ongo la epumbelo e liwusawuse, ase todjayakongi la inde.
\p
\v 3 Ango eokia Likumu Elode ndjongo, mamungo ma mosambali inde la wato wa Yelusalema kpaa.
\v 4 Ase awabolyanesia makumu ma wanganga Mwengei la wato wa lokenge kpàa apotia owahueli nda ati ewotami Kilisito?”
\v 5 Wamwaselia ate la Betelema e wa Yuda; ase denga ndenge enge edhingamali la mboka e mosakoli.
\v 6 Ase owe Betelema owe ma moki oeti mokeke ndondo e miki misungumisungu ma Yuda; late moto mokikima ongo okookambani, akokamba wato wa Isalayela akopumba atie owe.
\p
\v 7 Ndjongo Elode awawelaali wato wa lokenge la oyaisi ase awahuelia olamu olamu late ayewe nda engele mweneneli modjoto muho;
\v 8 Ase ango ewatomali inde la Betelema, aasali la iwo ate kekeni okamolukani mana oho olamu olamu, inga omwenekeni, djakani o ndjaselani mbai late mbai mpe ikayakonga lainde.
\p
\v 9 Mbuse e omoki Likumu, wakeeli. Mondjoto mungo eeneli iwo ongo ekopumbaka liusause, edjakaali okii liwoso lau, tee ekayamalia likolo la mana ongo omokeke.
\v 10 Ango eeneli iwo mondjoto muho waemeleeli ngbii.
\v 11 Aleti ango elingelaali iwo la molako wamogbotia mana mokee ayabati iwo la nango Malia, wamaya mauli wayakongia lamano oho. Wadhukolaali ogumake owu ase wamohekelia makawo wolo, paka, la malasi.
\v 12 Mbuse, nda ewaunelaali Mwengei la saki ate watimowongwele Elode, wa wongwali la moki mowu la eeti mboka.
\p
\v 13 Mbuse eiwo owongoi, denga! Ahumbwa o Mwengei amopumbelaali Edjepu la saki amwaselia ate: amala, motota mana la nango ndjongo tila la Ezipito, alidji yabata ongo tee ango ekowaasela mbai ate owongwe, late Elode akobalaka omolukani mana ate amoole.
\v 14 Ndjongo ayamalali ase amototaali mana oho la nango la likolo ase akeeli la Ezipito.
\v 15 Ase ayabatali ongo tee la logo e Elode, late ungo owasaali Mwengéi la monoko e motuke monde moengesame: imowelaali mana ombai alongwe la ezipito.
\v 16 Ndjongo ango eeneli Elode ate wanganga myoto wamohengi aumaali la limemu ngbii, ase atomali waole wana kpàa wa pele opoti mbula iwale tee sese wango wadjakali la Betelema aleti la miki maho kpàa, ndenge wato wa lokenge wamuaselali.
\v 17 Laate eyengesame enge mosakoli Yilimia aasali.
\q
\v 18 Moli mwesi eokanali la Lama, wilelo aleti la ohumbi la wilelo ngbii, Lasele ase odjaki oleli wana wande, aleti atonaali obondesami, late watikine.
\p
\v 19 Ango egbaali Elode, denga! Ahumbia e Mwengéi amopumbelaali Edjepu la saki la Ezipito.
\v 20 Ase amwaselia ate: amala motota mana la nango okeeni la moki mo Isalayele late wango wadjaakali omoluki omooli mana oho wagbieke.
\v 21 Ndjongo ayamalaali ase omototia mana oho la nango ase wawongoiya la moki mo Isalayele.
\p
\v 22 Aseko nda eokaali inde ate Akelosi adjakaali Likumu ongo la Yudeya ebete esango Elode, awangaali okii ongo aleeti, nda emokebesaali Mwengei la saki, akeeli ongo la moki mo Galileya.
\v 23 Aleeti ayabataali la moki mwesi eweli iwo Nazaleta, aloi ate eyengesame wungo oasanaali la nano e wasakoli: wakomowela ate moto o Nazalete.
\c 3
\cl ESUKI 3
\p
\v 1 La enge engele ndjongo, Yowani mopatesi apumbali pe apotali otiesakoli ongo a manganga e yudeya.
\v 2 Aasali ate: kukolani mitema manu, la loyi ate okumu o Mwengei ewumika ahue.
\v 3 Yowani adjei moto ongo okpomali mosakoli Izaya la tina eende ate: edjei mooli mo moto ongo akopamaka la manganga: wongeleni mboka e likumu, atani mboka edje ngbai.
\p
\v 4 Yowani adjali okpali esinje enge edjakali la kunja e kamela pe mokaba mo ekombaka e nama alibele lande. Adjakali olaki waapepe la woi emotulu.
\v 5 Wato wa yelusalema, la wango wa yudeya kpaa la wango wa yolodane kpaa wa djakali oki atie inde.
\v 6 Wayewali la hoho masumu mahu, wabatisamali la inde la maliya ma yolodani.
\p
\v 7 Ango eenia inde Wafalizeyo la wa sadukayo wa kodjaka atie inde ate wa batisame, awaaseliya: liwota la ndjo, ndayi oosumini ate otileni limemu linge likodjaka?
\v 8 Ndjongo kelani sambo djinge ikoyenese ate okukoligani mitema.
\v 9 Otiaseni ino amene: Abalayama adjei sangbasu. La ndenge eho, iyowaselini ate maamabukeli Mwengei akoki omawumesi wana wa Abalayama.
\v 10 Wabatika engboma la lidjo dja mite; motekpaa mungo mowoti pukapuka ndamu ekotenama aleeti ekolumbama la misa.
\p
\v 11 Mbayi, ikobatisaka la maliya la tina e okukoli mitema, kasi ongo okodja mbuse e mbayi aeti mbayi la okulu pe ikokiti otokoli moliki mo ikpokpo eende, inde akoobatisani la elimu esatu pe la misa,
\v 12 A djei la lungu ende la ewoo; akowongele ebete ende etangake opunga, akoisa pukapuka, akolumba pulu amisa mitilimanaka.
\p
\v 13 Ndjongo Yesu alongwali a galileya, akeli la yolodani atie Yowani, aloyi ate Yowani amopatese,
\v 14 kasi Yowani atonali ase aasiya ate: mbai moto ikoki odji atie owe ate opatese mbai, owe odji atie mbai nda ndenge?
\v 15 Yesu amowongweselali ate: otitone, ewongi la iso ate tokokese sambo kpaa dja osembo, ase Yowani agemiali.
\p
\v 16 Mbuse e obatisami, Yesu apumali a maliya. Denga likolo lihanali ngbai ase elimo e Mwengei e moyadjimbelali nda eluwa edjia ngambo ende.
\v 17 Denda, moli molongwali la likolo mwaasali dji sambo: oholo adjei mana o mbai olibalano, ongo omobali mbai.
\c 4
\cl ESUKI 4
\p
\v 1 Mbuse eho elimo ekeli la Yesu la esobe ate amekeme la Etota.
\v 2 Mbuse ende okili ilaka wuse 40 la likolo 40 aokali ndjala.
\v 3 Aseko momeki ayandngbali ati einde pe amohaselia inga odjei mana o Mwengei hasa la ma mabukeli ate makukwana makoke.
\v 4 Yesu amohongweselali: modingami ate: moto atikala ndii la makoke, kasi la makpomi kpaa mango ma pumbi la monoko mo Mwengei.
\v 5 Ndjongo etotaamokpalali la egbala esatu, pe amotelesali gboo e likolo la Petelo.
\v 6 Peamohaselia inga odjei monga ayanga; alumba la mbume! La ndenge eho, endingami ate: akohekele mitindo atie waandjelu wande la tina owe pe wakookpaala la mawo, la mbangi ate ligiligi la owe lititimie libukeli te kikima.
\v 7 Yesu amohaselia: ekomami alidi ate: okokiti ommomeki likumu, Engali e owe.
\p
\v 8 Etota amokpalia alidi la mokoli mohingake, amohenesia okumu kpaa wo mokii.
\v 9 Pe amohaselia ikohekele djinge kpaa inga ondimi mbai maho pe okumesa mbai.
\v 10 Yesu amohaselia ate longwa ahala Etota! Ndenge eho, edingami ate: ndi likumu la owe Mwengei. Okoki owe omokumesi pe la omokeli.
\v 11 Mbuse eho Etota amodeyia pe hene ndjo wapumbwa wa yandongbali ati inde pe wa mosalesia.
\p
\v 12 Tango eyokia inde ate Yaone ahelamala, Yesu akeli la Galilea.
\v 13 Alongwali la Nazalate pe akia la Kapelenaumu; e gbata esungu, la moki mo Zebulona pe mo Nefetali.
\v 14 Laate mango makpoma ate mosakoli Izaya makokesame.
\q
\v 15 Mokii mo Zebulona la Nafetalia, mboka e malia ma mbuu, ebete enge edjei ngambo eeti e yolodani, Galileya.
\q
\v 16 Wato wango wayabati la ongundu waheni ngbai esi esungu, pe wango wadjakali la londe lo logo ngbai esu ewadimbeli.
\p
\v 17 Ndi enge tango, Yesu abandali pe otoyi ohasi wongeleni sambo; la likambo ate okumu o likolooumia pene.
\p
\v 18 Ndenge edjaakali inde osombi la olayi o lindanda sungu la ligalileya, ahenia lanango la manango waale, Simoni awelameli ate Petelo, pe la manaango andele, wadjakali olumbi itanga la lindanda lisungu la Galileya, wadjali pedja wa lobi wasuu.
\v 19 Awahaselia: tutiani pe ikohumesani wa lobi dja wato.
\v 20 Ndjongo, wadeyia itanga djawu pe wa motuteyia.
\p
\v 21 Akia lihele pe awahenia waeti manango la manango waale, Yakobomonga Zebedeyo, la manango Yoani, wayabatali la ebete la sangbsu Zebedeyo pe wadjaakali owongeli itanga djawu. Awawelia,
\v 22 Pe ndi ndjongo wadeyia wato pe la sagbasu wa motuteyia.
\p
\v 23 Yesu asombali la Galileya kpaa; ateyaali la wa sinagoga, akpomali mboli lndamu la Mwengei pe akalesali ikoni kpaa la ilukano kpaa atie e wato.
\v 24 Mboli inde esombali la siliya mobimba pe wamodjelesi la wato kpaa wa ikoni pe la oembi ndenge kpaa la witota, la wato wa ibubulaka, ango watisombala, pe adjakali owakalesi.
\v 25 Wato ngbii wamotutiali, wango wadjali la Galileya, la wango wa dekapole, la wango wa yelusaleme, la wango wa yudeya, pe la wango wa eti songo edi.
\c 5
\cl ESUKI 5
\p
\v 1 Tango ehenia Yesu wato ngbii, atelia la mokoli. Ayabatia pe wa tutieyi wande wa yandongbia ati inde.
\v 2 Mbuse eho abandia owa kpomeli matio, mande ahasia:
\v 3 Mwemu ngbii la wato wango watundi la mitema la ate okumu o Mwengei odjei wohu!
\q
\v 4 Mwemu ngbii la wango wadjali la ilelo, la ate wakodjwa woemeli.
\q
\v 5 Mwemu ngbii la wango wadjei bosii, wakotota mu mokii!
\q
\v 6 Mwemu ngbii la wango wadjali la ndjala pe wakolu kaka osembo, wakogbeta!
\q
\v 7 Mwemu ngbii la wango wakosumaka sambo ndamu, wakowahesa olamu!
\q
\v 8 Mwemu ngbii l, a wango wadjei mitama milamu, wakohene olamu.
\q
\v 9 Mwemu ngbii la wango wakohekeke logop, wakowawela wana wa Mwengei
\v 10 Mwemu ngbii la wango wakowanyokoloko la tina e osembo, okumu olikolo odjei woyu!
\q
\v 11 Mwemu ngbii mokodja la ino tango enge eko, tangemaka ino la wato pe wakohasaka la ino sambo mbe la tina e mbai.
\v 12 Hemeleni pe mwemu mosungu modje la ino la likambo ate mbano enu ekodja esungu ongo likolo. Ndenge eho eho, wawanyokolali wasakoli liwoso lanu.
\p
\v 13 Odjeni mokpa mo moki. Kasi inga mokpa mosila esali eho, nde nda ndenge ekowongwa woleli woho.
\v 14 Odjeini mweli ngbai mo moki. Egbli enge edjei la mokili etihisana,
\v 15 Watiloliaka otambe ate waebete sese kasi likolo la ate ewahenese wato kpaa wadjei ndondo e molako.
\v 16 La ndenge eho, ngbii enu ekoheneke ati e wato la ate wahene ikela ndamu ongo odjei likolo.
\p
\v 17 Otimungoleni ate idji ate ilongose mibeko wasakoli, olongosi kasi okokesi.
\v 18 Ndenge eho, iyohaseli la osembo; ango eti salamata likolo la mbume, lidingo teeti te lisia la lidingo eti lisalamate ndondo e mibeko yambo ate sambo kpa ikokesana.
\v 19 Ongo okobuka mobeko mokikima pe okowahasela wato wakele ndjongo awelama moto mokeke la okumu o Mwengei: kasi ongo okoke pe okoteya atie weti wato, akowelam; a moto mosungu la okumu o Mwengei.
\v 20 Ndenge eho, iwohaseli, inga osembo wonu woti ete mungo mo wango wabimiali mibeko pe wa Falisayo, otilingelani la okumu o moto.
\p
\v 21 Oyokalini ate wa wahaselali witindo: otimowol; a moto, moto ongo okowola moto akosambesama;
\v 22 Kasi mbai iwohaselini: moto ongo oyabati la limemu la manango ndi la pamba okoki la osambesami, moto ongo oko mototaka manango nda atial kole awongi ate atote etumbu la sambi pe ongo okomotonaka manango nda boli akoki olongoli lamisa ma lifelo.
\v 23 Inga ohumesa mabondja la otale o Mwengei, pe ango omungola obe oowe atie manangwa;
\v 24 Dhee libondja lowe a lotale pe keke yoo owongeli sambo ino la mangwa ase mbuse djaka ohi mabondja ma owe.
\v 25 Wongele ino la motowe la mosio, nganga eko sombaka ino lainde, la mbangi ate atilumbe atie e zozi, pe Zozi atike la owe la boloko wambele.
\v 26 Iwowasali memene otikuba oyogo dji opute enge nyongo.
\p
\v 27 Ookalini ate ahasamali: oti huanesa wenge la moli o moto.
\v 28 Kasi mbai ahasi la ino ate; moto kpaa ongo odengi moli la ndenge emolulake ahunesika lainde wenge la motema.
\v 29 Inga lisio eowe elilome likotomaka la sambo mbe, elongose pe elumba lihele, la likambo ate ewongi la otikali la eketi la olumbami wenge kpaa la lifelo.
\v 30 Pe inga ewo eowe elilome eotama la sambo mbe, etene pe elumba lihele, la likambo ate ewongi la owe odjei la ekete la ate olumbame wenge kpa la lifelo.
\p
\v 31 Ehasamali ate: moto ongo owumbi la moli onde amohekele ekpata e ooli liwala.
\v 32 Ase mbai, iyowaselini ino ate moto ongo owumbi la moli onde inga etidje eteba aluki ate amokelese eteba.
\p
\v 33 Oyokali alidi ni ate ehasamali atie iloko: otibuka saka eowe, kasi okokokesa mumgo molakali owe likumu.
\v 34 Kasi mbai iwohaseli ate otibingesaka la sambo kpaa, la kombo e liloko la likambo ate lidjei esiko e Mwengei,
\v 35 Otibingesaka la kombo e mbume, la likambo ate edjei ebete ekobataka Mwengei magilili, alidi te kombo e Yelusaleme la likambo ate lidjei egbla e likumu lisungu.
\p
\v 36 Otibinge pe saka la moto, la likambo e owe te kikima.
\v 37 Makpomi maowe matikale ndenge ekpomi owe; linge likobakesaka iwo likopumbaka la obe.
\p
\v 38 Oyokalini ate wahasali; maiso la tina e maiso pe maino la tina e maino.
\v 39 Mbai ohohaseli ate otiumwe ebete kikimi la moto mobe, inga moto aobinga la litama la lilome mohekele linge la liale.
\v 40 Inga moto aluka la owe sambi la ate atote simbi eowe eowe, modeele amidi.
\v 41 Inga moto aluka osombesi kilometele esi kela la inde kilometele iyale.
\v 42 Hekele ongo okohongoko pe otimotonele ongo okoluka ototi mopulu atie owe.
\p
\v 43 Ookalini ate wasali: okomobala miino owe pe okomotona monguna moowe.
\v 44 Kasi mbai iwohaseli: bala wanguna wanu, pambwani wango wakoobumakolaka, kelani olamu atie wango wa otoni, pe sambelani la tina e wango wakoonyokoloko pe wakoheneseke olozi.
\v 45 La likambo ate odjeini wana wa sangbanu ongo odjei likolo, la ndenge eho, akopumbesaka lihusahuse wonde la tina e wato walamu la wato wabe, alidi akolueseke ewongo la tina e wato wa osembo la wango wa djangi womemene.
\v 46 Inga obala wango wa obali, nda kole ekotota ino? Waputesi wa lomeya watikelaka ndji ndjongo?
\v 47 Inga oha mobale ndji atie wamangwa, nde ekeli ino linge litikela weti wato? Wato wa maeti maembaa watikelaka ndji ndjonngo?
\v 48 Wumani wato walamu nda ndenge edjei sangbasu o likolo moto molamu.
\c 6
\cl ESUKI 6
\p
\v 1 Kelani sambo ndamu dja likawo atie wato la ate waoneni, inga otikele ndjongo, otidjwa mbano atie sangbasu ongo o likolo.
\v 2 Tango enge ehi owe likawo atie moto, otibinge ndundu, ndenge ekokelaka wato wango wakohisaka wikela wau la sinagogaiwohaselini la osembo, wadjei la mbano ewu.
\v 3 Kasi owe, ngonga ehekeli owe likawo, ewo eowe e liali etiewe linge likeli ewo e lilome,
\v 4 La likambo ate likawo la owe likeleme la oyahi, ango sangwa, ongo okoheneke dinge ihisani, ekohenese sambo djaowe la hoho.
\p
\v 5 Tango ekobondeleke owe, otidja nda moto ongo okohisaka wikela wande: wabali obondeli oyemeli likolo ongo la sinagoga ple kelekelee mboka la ate wato wawahenee iwohaselini la osembo, wadjei la mbano.
\v 6 Kasi owe, tango okobondoke lingela ndondo e monguta, liha moluhe mowe pe hongo Mwengei eowe ongo odjei la ebete ehisami, pe sangwa, ongo okoheneke la ohisami, akopumbela hoho.
\v 7 Tango enge ekobondeleke owe nda wa pangano; otikpome sambo ngbii nda wato wa wawota maeti; wakomungolaka ate otetelake o makpomi mawu, iwongolo djawu ikondimama atie Mwengei.
\v 8 Otikeleni nda iwo, la ate sangbanu oeni ema enge ebali ino liwoso ate omowongeni.
\v 9 Denda ndenge enge ekokela ino liwongolo: sangbasu ongo odjei likolo! Kombo owe esatu ekumesame.
\q2
\v 10 Okumu wowe wodje, mokano mowe mokeleme ahala la mbume nda ongo likolo.
\q2
\v 11 Tohe iso keke ilaka inge ikoki,
\v 12 limbesa iso la sambo djasu mbe, ndenge enge ekolimbesaka iso wango wakotokelaka obe.
\q2
\v 13 Tolongose lihale la simbisi, alidi kalesa iso la sambo mbe, la ate owe odjei la okumu, otetelake la lokumu seko la seko amene.
\p
\v 14 Inga owalimbese wato obe sangwa o liloko okolimbasa koto owe;
\v 15 Kasi otilimbese wato la obe owu, sangwa atilimbese kine sambo mbe dja owe.
\p
\v 16 Tango enge eyakilesi owe la tina Mwengei otiyabate la elongi emgba nda wato wango wakoisaka ikela djawu. La ndenge eho, wakolukaka ndenge kpaa ate wato waewe ate wakili iwoaseli la osembo, wadjei la mbano ewu.
\v 17 Kasi owe, inga okila kpola elongi eowe pe amunola maita malumba liliamu.
\v 18 La ate otihenese la wato ate oyakilesi kasi sangwa ongo odjei oweni la ebete ehisanake ndi inde sangwa ongo okoheneke la ohisami, ekoo wongwela.
\p
\v 19 Otitumeni la iwo ala la moki ebete enge mbwambwa la oholi ekobitesa alidi wa iwi wakogbangola ituti la ate wa iwe.
\v 20 Kasi lukanini iwo dja likolo, ongo oholi la mbwambwa itibitesa pe wa iwi watikoka ogbangoli ituti pe o iwi!
\v 21 La ndenge eho, ebete edjei iwo dja owe, ndi ebete ekodja motema moowe.
\p
\v 22 Liso lidjei eheneli e wenge inga liso la lidjei olamu, wange eowe kpaa ekodje ngbi;
\v 23 Kasi inga liso la owe liti olamu wenge eowe kplaa ekodja la ongundu. Inga ongbi wugo wodjei ati ndenge!
\p
\v 24 Moto toeti akokiti owakeleli makumu maale, laate akomotona ongo o poo pe akomo bala ongo owal; e, ndenge eti akoyahele la ongo o woso pe akomotona ongo o mbuse. Okokitini okeleli mwengei la ambele mbala kikima.
\p
\v 25 La ndenge eho iwohaseli: otiyatungesameni la tina e olaki la ekengi wonu te la tina e okpali wonu. Omoi otiete ilaka, wenge etiete isinde?
\v 26 Dengani mbulu dja likolo: watioka pe watiisasaka sangbanu o likolo awalakakesaka owaetitini lla tina kolee.
\v 27 Ndai ndondo enu; la oyatungesi onde, akoki obakesite Mwengele mwesi la maiso mande?
\p
\v 28 Denda ndenge ekoyatungesaka ino la tina e isindje yekola yono ndenge tooko futele ndamu la elanga mobele: watikelaka mosala; watisoloko isindje;
\v 29 Iwohaselini ate Salomo inde amene, la okumu wonde kpaa, atidjakali la esindje elamu nda fulele eesi.
\v 30 Inga mwengei akokpalesaka fulele dja elanga ndjinge idjei keke kasi ekundu wakoelumbaa la misa, akokiti okeli ndjongo atienu, wato wa oyambi okeke?
\v 31 Otiyatungesie kine, otihaseni ate: nde ekolaka iso? Nde ekokenga iso? Tokokpala nde?
\v 32 La ndenge eho, dji sambo kpaa, wato la Maeti maemba wakolukaka, kaikoase, sangbasu ongo o likolo ayewi ate odjeini la osenga oho,
\v 33 Lukayoni okulu la osembo o Mwengei, djeti sambo kpaa akohekeleni mbuse.
\v 34 Otiyatungeseni la tina e ekundu la likambo ate ekundu ekoyawongele eho amene. Lisio liesi likolo la sambo.
\c 7
\cl ESUKI 7
\p
\v 1 Otisambese moto la likambo ate watiosambese mino te,
\v 2 La likambo ate wakoosambesa ndi ndenge ekosambesaka owe pe wakootenele ndi la imekeli kikima nda owe.
\v 3 Nda ndenge ekoheneke owe posi la maiso ma mangwa kasi otihekeke la liso laowe amene?
\v 4 Nda ndenge ekoki owe omohaseli mangwa: dee mbai oilongose posi la maiso: ndi owe koto, linge la owe liso lidjei la posi?
\v 5 Moto mohisake ikele, longoso yo posi la liso la owe amene, sikandjo okohene olamu lma ate olongose linge.
\p
\v 6 Otihekele iwo djka osatu atie wa imbwa alidi otilumbe palata eowe aite wangoya, la mbangi ate wa ehoto alidi ate eowongwele la ookondwesi.
\p
\v 7 Wongaa wakoohekele, lukana okokondja, binga moluhe wakooluhuela.
\v 8 La ndenge eho, moto kpaa ongo okoongoko ako tata, ongolukaka akohene alidi wakomoluhuela ongo okombinga moluhue.
\p
\v 9 Nda moto n_denge edjei ino ango akomohakele mana oinde libukeli inga amohonga lipa?
\v 10 Inga ahonga suu, okomodjekele ndjo.
\v 11 Inga ino wato wabe oyewini owahekeli wana wanu iwo ilamu, sangbanu ongo odjei likolo kodjanga ohii iwo ilaka la wana wande wango wakomowongooko nda ndenge?
\p
\v 12 Sambo kpaa ikobala ino ate wa okelele, ino koto, wakelelani ndi ndjongo; la likambo atie wasakoli.
\p
\v 13 Lingelani la moluhe mosungu! Landendeni eho, mohuhe modjei mosungu, tonani mboka enge ekokpalaka la obitani, wato ngbii wakolingelaka ango.
\v 14 Kaikoase moluhe mokeke la mboka enge eti ngbi djaho ekohekeleke omoi, kasi wato wango wakohekeleke wadjei wa keke.
\p
\v 15 Kebani la la wango ayawelaka iwo amene wasakoli! Wakodjaka ya ino wa kpali isindje wa meme; kasi ndondoewu wadjei pange.
\v 16 Okowaewani la mabukeli, wakobukaka ndongo likolo la mabukeli, wakobuka pukapuka dja fugi likolo.
\v 17 Mote kpaa molamu mokowotaka pukapuka ndamu kasi mote mobe mokowaka ndi pukapuka mbe.
\v 18 Mote malamu ùotiwota mbe ndi ndjongo mote mobe motiwotaka pukapuka mdamu.
\v 19 Mote kpaa mungo motiwotaka pukapuka ndamu akoetena pe wakoelumba la misa.
\v 20 La pukapuka djawu ekoewani ino mite.
\p
\v 21 Wango wakohaseka mbai: likumu, likumu! Watilingele iwo kpaa la okumu o likolo, kasi ndi wango wakokelaka mungo mobali wawa o likolo.
\v 22 Wati ngbii wakohasa la mbai lin ge lisio: likumu, likumu, toti sakolali la kombo eowe? Toti humbali la itita la kombo eowe? Totikelali wikamwa la kombo eowe?
\v 23 Mbuse ikowahasela la hoho: itioyewaliniti. Longwani ya mbai, ino wato wabe.
\p
\v 24 Ehele ndenge, moto kpaa ongo okookaka makpomi mahasi mbai pe akoekelelaka, ikomokokanesa la moto o okengi ongo o mai monguta monde likolo la mabukemi.
\v 25 Ewongo eluiya, mikalikali mikadja, ehoho mokelia atie molumbe mungo monguta; mokwiti la likambo limanali.
\v 26 Kasi ongo moto kpaa okoyokaka mango mahokasaka mbai kasi kasi aekeleliti, adjei nda bili ongo omali monguta monde likolo la zelo.
\v 27 Ewongo eluiyaa, mikalikali mikadja, ehoho ekelia pe longolia mungo monguta, mogbangwania kpaa.
\p
\v 28 Tango eseselia Yesu opumbesi lango makpomi, wato wayabatali la lomungo lo mande,
\v 29 la likambo ate adjakli oteyi la okulu kasi te nda wabimiani ase nda wato wadjei wokondji.
\c 8
\cl ESUKI 8
\p
\v 1 Yesu aadjimbali likolo la mokoli, wato ngbii wamotutiali.
\v 2 Ndjongo moto mwesi odjéi la ekoni e mbala andongbali ahue la inde, a mali mauli liwoso lande, ase asia: Mwalimo inga obali kalesa mbai.
\p
\v 3 Yesu alongoseli ewo amobatelia asia: ibali okale! Ndi engele eho moto oho akalia.
\v 4 Mbuse eho Yesu asia lainde oka wolamu, otimwaselake moto tweti te ase keke oyainie djéi atie wanganga Mwengéi nda ndjongo ekali owe.
\p
\v 5 Ango elingelali inde la Kapalanaume, Kapiteni moesi o Roma andongbia ahue la inde, amwongia ate amokalese.
\v 6 Asia: Mwalimo, moto o mbai o wotomu akolangaka la monguta, wenge wimoliti ndau, ekomwanaka makasi.
\p
\v 7 Yesu amwaselia: ikokeke omokalesi.
\p
\v 8 ASe Kapiteni asia Mwalimo, idjéi moto mpamba, ewongiti olingele la monguta mo mbai. Ase asa loi woikima moto o mbai owotomu akokala.
\v 9 Mbai koto edjéi la mahumu liwoso la mbai, la idjéila wamasadje mbuse e mbai inga yasa ate keke akoke inga yasa la moesi ate wongwa akowongwa inga yasa la moto o mbai owotomu ate kelandjo akokela.
\p
\v 10 Ango eokali Yesu ndjongo, inde ahuelali ngbii ase asia la wato wango wamotutiakali inde: Iwaselini memene; yeneki wondimi te weti te ahala la Isalayele.
\v 11 Iwaselini wato ngbii, wakolongwa atie ekolongwaka moi, ase la atie ekolangalaka moho wakoabatala mesa ndondo e wokumu wo Mwengéi ongo likolo ebete eikima la Abalahama la Isaka la Yakobo.
\v 12 Ase wato wango wakelaki ate wakondje wokumu, wakowalumba iwo la molili, ongo wakolela la otuanesi maino.
\v 13 Ndjongo Yesu amwaselia Kapiteni, wongwa la monguta mwo owe, loi lokokelama ndi ndjongo nda endimiga owe ase moto owotomu wo Kapiteni oho akalia ndi la engele eho.
\p
\v 14 Yesu akia la monguta mo petele, ongo amogbotia nango moli o moli o Petele la epe wenge wande widjali la miso makasi.
\v 15 Yesu amobatelia ewo ekoni emodeya, akalia, inde apotia omokeleli inde.
\p
\v 16 Kolokolo eumia wamodjelia Yesu la wato ngbii wango wadjéi la wisisi wibe Yesu aumbia la waho la wasi wonde, ase inde awakalesia wato ngbii wa wikoni.
\v 17 Inde akelali ndjongo, la wengesi loi wungo wasali mwaseli Isaya: inde atotali wodidi wosu, ase akpalia wikoni wosu.
\p
\v 18 Yesu awenia wato ngbii womolengi ndjongo akelia mwano mo okpandi siwili e ligbutu.
\v 19 Mwalimo mwesi mo pui aumia ahue la inde ase asia la inde: Mwalimo ikotutiawiati kpàa winge wikoke owe.
\p
\v 20 Yesu amwaselia ate: mbwa dja motulu idjéi la mawela ma mbume ase mbulu idjéi la minguta, mana omoto ati la ebete elangalake te, la ohomi.
\p
\v 21 MOto odi ongo odjakali motutiani monde, asia la Yesu mwalimo, dee mbai ikamokunda wawa.
\p
\v 22 Yesu a mwaselia ate: tutia mbai, dee wato waguake wakundane.
\p
\v 23 Yesu alingelia la molela ase watutiani wonde walingelia lainde mongindi.
\v 24 Galagala ehoho esungu ehohali likolo la malia ndjongo malia mapotali olingeli la molela, ase Yesu adjakali la wilo.
\v 25 Watutiani wandongbia ahue lainde wamosusolia la wilo, ase awaselia ate Likumu tokalesa iso! Toguiya.
\p
\v 26 Yesu awaselia ate: alikambo lande ekowangaka ino ndjongo? Wondimi wonu wodjéi wokeke nda ndenge? Ndindjongo inde amalia apamelia eho atie e malia maligbutu ase djiesi kpàa ititimia logoo
\v 27 Wato kpàa wahuelali ngbii ase wapotia wasi: oholo moto adjéi nda ndenge? Alikambo ate ehoho la malia ma ligbutu mamotemeya inde?
\p
\v 28 Ango emali Yesu siwili eligbutu, la mokimo wabagadala, wato wale waumali lakabuli, wadjali ogbotononila inde. Wato wadjakali la wisisi wibe, wadjakali wobe ngbii ndjongo moto tweti atiengakali oleki la enge mboka.
\v 29 Wapotali opami: Mana o Mwengéi obali nde atie su? Odjiala alikambo la otoni iso eguele la enge engele eoniga Mwengei.
\v 30 Ma wokeke egogo engulu esungu idjakali olaki.
\p
\v 31 Wisis wibe wamwongoli Yesu ndjo: inga obali oumbi la iso: totoma iso ndondo e egogo e ngulu.
\p
\v 32 Yesu awaselia ate: kekeni ase waumia atie wango wato wale waho, ase walingelia ndondo e wangulu galagala egogo esi kpàa watilia obangu tée la mokoli alikambo la olengeli ndondo e ligbutu ase walindia ongo.
\v 33 Wabanéi wangulu watilia wakia ongo la moki ongo wasumbia mboli eho la loi lungo womi atie e wato wale wa wisisi wibe.
\v 34 Ndjongo wato kpàa a wamoki wakia ogbotoni la Yesu Ango omweni iwo wamwongia ate alongwe la moki moho.
\c 9
\cl ESUKI 9
\p
\v 1 Yesu alingelia la molela akpandia alidi siwili eligbutu, ase aumia ongo la moki monde mene.
\v 2 Wamodjeliaa moto ongo olangali la epe akwesi dee ango weneli Yesu wondimi wou, inde aia la moto ongo okwesi dee: «Mana ombai, ate tetesa motema makasi! Ilimbesi masumu ma owe.
\p
\v 3 Ndjongo wapundesi wapui wadi wadjakali omungoi la mitema mawu" oholo moto akomotangakolaka Mwengéi.
\v 4 Yesu aewalima mungwene mawu, ase asia: alikambo lande edjéi ino la mamungwana mabe eheng ndenge la mitema manu?
\v 5 Nda ebali ino okpomakpomi: ilimbesiga masumu ma owe awasi: amala ase pota osombi?
\v 6 Ase ibali waweni ate mbai mana o moto idjéi la wokulu ahala la mokili la olimbesi masumu" inde asia la moto ongo oliti wenge amala, tota epe eowe ase keke la moki mo owe.
\v 7 Moto oho amalia, ase akia la moki monde.
\v 8 Ango weneli wato wasungu ungo loi wotali owangi ngbii, ase wa mwemeleli Mwengéi, alikambo ate awahiga wokumu ehenge ndenge atie wato.
\p
\v 9 Yesu angwali ongo ase ango adjakali oleki, amoenia moto mwesi nkombo ende Matia, adjakali wabati la bilo uputesi mamelo, Yesu aasea la inde: “tutia mbai!” Matia amalia ase amotuteiya.
\v 10 Ango odjakali Yesu olaki la monguta monde, wato ebele wandombe wa mamelo la wato wabe wabatia la mesa la Yesu mongindi la watutiani wande.
\p
\v 11 Wafalisayo waenia ndjongo wasia la watutiani wande alikambo lande ekolakaka mwalimo monu la wandombe wa oputesimamelo ase la wato wobe?
\p
\v 12 Yesu aokia ndjongo: asia: wato wango wadjéi wenge wolamu watomolukaka monganga te, ndi wato wango wadjée la ekoni nde wakomolukaka monganga.
\v 13 Kekeni okayapundesi djinge sambo yasi ekpata e Mwengéi ibali wouma ase ibaliti makao ma nama tumbake te la gesele, idjiti owaweli wato walamu te ase wato wabe.
\p
\v 14 Ndjongo watutiani wa Yoani mopatesi wakia atie Yesu, ase wamohuelia: Alikambo lande ekokilaka iso wafalisayo wilaka mbala ngbii? Asewatutiani wa owe watokilaka te alikambo lande?
\p
\v 15 Ase Yesu awawongoselia omungoini ate wato wango wawaweli iwo la lipati la liwa la waengi odjéi la magba engele edjéi memene ongo owaweli? Memene waengiti odjéi la magba te! Ase wuse wungo wogeleli ango ekolongwa molome alipati ase wakokila olaki.
\p
\v 16 Moto tweti atosonoko esindje e gala la limbusu la engo eholi, inga te ndjongo esindje eholi ekosalakana enge e gala lipokosaka laho likodja lisungu.
\v 17 Watosuaka Vino poli ndondo e saki e loposo wo gala te inga wakela ndjongo saki e loposo ekosalakana, vino ekosuakana ase saki e loposo ekobitana mpamba. Ase wakoswaka vino poli ndondo e loposo wungo woholi ndjongo eho kpàa ekodja wolamu.
\p
\v 18 Ango wasakali Yesu ndjoi djaho, likumu la wayuda mwesi akodja, amaya mauli liwoso lande ase asia Mana o mbai omoli aguia ndisikahala ase djaka omobatele ewo likolo lande alikambo ate akale.
\v 19 Yesu alongoya amotuteya, ase watutiani wande wakia lainde mongindi.
\v 20 Moli mwesi, ongo odjakali la oekoni eodoki makila mbuse e mosio; wilanga liomu la wiale ndjongo inde andongbali ahuela Yesu mbuse e mokongo, ase ahelia etindje ende.
\p
\v 21 Alikambo ate inde asia la motema inga ihela sa esidje ende ikokala.
\p
\v 22 Yesu a dendia mbuse amoenia asiate: Mana o mbai dja la motema makasi! Wondimi wo owe wokalesi owe ndi la engele eho moli oho akali.
\p
\v 23 Yesu aumia la monguta mo Likumu laho, ango oweneli inde wato wabomi wamalinga alikambo la okiiakamohundi mana oho, ase wato ebele wato wadjakali okpomi etale.
\v 24 Inde asia umani saa alikambo ate mana omoli aguiti te, ase akolalaka wilo wa mosekia ngbii.
\v 25 Ango aumali wato saa, Yesu alingelia la monguta amohelia mana omoli oho ewo ase mana omoli oho aamalia.
\v 26 Mboli eho esombia wiati pkàa la mokili mwesi ngoo.
\p
\v 27 Yesu alongoya ongo, ase engele enge edjakali inde weti ebete eesi, wato wagui maiso wale wapotali omotutei la opami tookela iso magba mana o Davidi!
\v 28 Ango eumali Yesu la monguta, wato wagui maiso waumia ahue la inde ase inde awahuelia: Ondimini ate yengi oduholini maiso manu? Wa mowongoselia: Ndjongo mwalimo.
\p
\v 29 Ndjongo Yesu awahelia la maiso, asia: Loi wokelame nda edjéi wondimi wonu?
\v 30 ASe maiso mawu madukwania. Yesu awatekesia makasi inde awaselia okani wolamu, ewongi moto tweti atie wete.
\v 31 Ase wakia wasia mboli e Yesu Wiati kpàa ndondo e miki maho.
\p
\v 32 Ango odjakali wato waho okiiwakadjia la moto mwesi otokpomaka te atie Yesu alikambo ate inde adjakali la molimo mobe.
\v 33 Ango oumbali Yesu la molimo moho, moto oho apotia o kpomi: Wato waenia ndjongo wato ngbii wahuelia wasia ewenekiyo loi nda wohowu ahala la Isalaele.
\p
\v 34 Ase wa Falisai wasia adjéi Likumu la wisisi wibe, nde emohi inde wokumu wo woumbi la wisisi wibe.
\p
\v 35 Yesu alekali wibete kpàa ndondo e gbata la miki kpàa inde adjakali opundesi la monguta mowakongi mowu woasi mboli ndamu e wokumu ase adjakali okalesi wato kpàa wawikoni la wato wawodidi.
\v 36 Motema monde mookali magba alikambo la wato ngbii wango wawenekeli inde, alikambo ate wato waho wadjakali olembi ase wadjakali la motema molitake nda nkondolo djinge idjangi modengi.
\v 37 Ndjongo inde asia la watutiani wande pukapuka idjéi ngbii ase wato wawotomu wati ngbii te alikambo la osui pukapuka.
\v 38 Ndjongo akongoni la Likumu la elanga awatome wato wawotomu ngbii alikambo la osui.
\c 10
\cl ESUKI 10
\p
\v 1 Yesu awawelali watutiani wande liomu la wale, awahelia wokulu wo oumbi la milimo mibe, la okalesi wikoni kpàa, la okalesi wikoni kpàa, la wodidi wesi kpaa.
\v 2 Ehele edjéi nkombo dja watomani liomu la wale oliwoso Simo nkombo ende edi Petele la manango Andele, Yakobi la manango Yoani, wona wa Zebedeo.
\v 3 Pilipo la watolome, Toma la Matia, ndombe e mamelo, Yakobi mùana o Alafeo la Zadeo.
\v 4 Simo moto obali moki monde la Yuda Kaliota, moto omohali Yesu atie mitone.
\p
\v 5 Yesu awatomali watutiani waho liomu la wale awahali miano ndjo: otikekeni la telitoamle ebete e wato wati wayuda te, wango wakoabataka ongo, otilingelakeni la gbata e wa Samalia te.
\v 6 Ase kekeni atie wa Isalaele wango wawusi mboka nda kondolo.
\v 7 La mboka, asakani wokumu wo likolo woumiga awue!
\v 8 Wakalesani wato wa wikoni, wasekwisani qwato waguake wakelesani wato wamba la umbani la milimo mibe. Ino okondjini mpamba.
\v 9 Otikakeni wolo, te wadjenge, te pukapuka dja wadjenge, la wopasa wonu te
\v 10 Otitotakeni wopasa alikambo la wosombi wonu te, te simisi iwale te, te sapato te lingenda te.
\v 11 Inga woumani la gbata esi te la moki mwesi, molukani ndi moto ongo okowemeleni ase abatani atie nde tendi wungo wuse wokolongwa ino ango atie nde.
\v 12 Inga olingelani la monguta mwesi, asani logoo edje laino.
\v 13 Inga wato wa wuhungo monguta wawoemeleni, ewongi logoo enu edje la iwo. Ase inga wawemeletini ino te longoseni logo enu.
\v 14 Inga watona owemelini ino te owoki ino, la monguta mwesi ndjongo, te la gbata esi longwani la ehenge ebete ase huholani limungele la makolo manu.
\v 15 Iwaselini loi wo memene: la wuse wo oteni huko, enguele e wato wa gbata eho ekodja monga oleki eguele e wato wa Sodoma lo gomola.
\p
\v 16 Okani! Yotomini ino nda kondolo ndondo e pange ndjongo, djani la wokenge nda ebili ndjo la logoo nda mbulu e pidjo.
\v 17 Huakani, alikambo ate wato wakawaino la timilali la wakobinga ino liwoso, ino pimbo ndondo e monguta mo wakongi mowu.
\v 18 Wakokawani ino liwoso la wakawi, ase la makumu alikambo la mbai, liwoso lawu la liwoso la wadjondji.
\v 19 Inga waokawani ino liwoso la timilali, otibatakeni motema likolo te, alikambo loi wokwasa ino, te la ndenge e wasi ikohani ino loi lungo lokwasa ino.
\v 20 Ndjoi djaho itouma atie nu te ase ikouma ma molimo mo sangbanu okoasa ndondo enu.
\v 21 Liwota wakolaana wawa akomoolà mana, wana wakoamalila wa sangwà, pé wakowaala.
\v 22 Watokpa wakootani, aloyi la kombo embayi kasi, ongo akonanga motema, akokalàa!
\v 23 Inga wodje betelemi la moki mwesi, ladjeiti mikii. Iyowaselini meemené woti sombwani mokikpa mo isalaele hatanga engé adjakiya mana o moto.
\p
\v 24 Moyekoli atimwetaka molakisi mondé.
\v 25 Ewandi wamondwe moyekoli nda molakisi moondé, wamowelali yoo memenè molako ate adjei likumu mo mutimombé; aseko laino wongo waabati à molako monde.
\p
\v 26 Otiwangeni ema teeti easiti liwoso lanu tilingé liaasi etidjanga wewani eiwoso lanu litingé liaaisi etidjanga wewani liwosolasu.
\v 27 Asani lamoli motetelaké lingé li waaselalini mbai likolo lingé ni ewasalelalini mbai la dumbiani lamoli motetelaké likolo la milako.
\v 28 Dèeni owangi wango wakoolaka wengi, kasi watiolaka molimo, wangani wango wakolaka wengé la molimo la gehene.
\v 29 Watitambaka mbulu djà sèlè iwalé la makuta la cuivele? Kaakwasé, emateeti ingélikuuma inga sangbanu atigéngé.
\v 30 Edjete motango mowusé mo moto mwewani.
\v 31 Ino awietini edingé mbulu la oyiti susele.
\v 32 Aseko, motongo otatolani mbai liwoso la wato kpa, mbai pé ikomotatola iwoso ewawa ombai adjei likolo.
\v 33 Inga moto awungana mbai liwoso la wato, mbai pé ikomoungana liwoso la wawa ongoodjei o likolo.
\p
\v 34 Oti mungoleni te ate idji odjabati logoo ahala la mokili idjiti odjabati logoo te, ase obati mopanga.
\v 35 Idji odjabati okawani ndondo e wawa la mana o pele la sango, ndondo e mana o moli mongindi la nango ndondo e moli mongindi la nango molome onde.
\v 36 Watonani wa moto wakodjaa ndi wato wa liwota lande mene.
\v 37 Moto omobali sango, te nango oleki mbai, moto oho aengiti la mbai te moto omoali mana opele te mana onde omoli oleki mbai moto oko aengiti la mbai te.
\v 38 Moto ongo okpaliti kuluse eende te la otutei mbai te moto oho aengiti la mbai te.
\v 39 Moto obali obanei mokalo monde akowotilesa woho ase moto okotilesa mokalo monde la gbondo e mbai akokondja woho alidi.
\p
\v 40 Moto okowemekeni ino akoemeleke mbai, ase moto okoemeleke mbai, akomoemeleke moto ongo otomali mbai.
\v 41 Moto okomwemeleke mwaseli mo Mwengéi alikambo moto oho adjéi mwaseli mo Mwengéi akokondja esuki e liputi la mwaseli oho ase moto okomwemele moto memene liwoso la Mwengéi alikambo moto oho adjéi moto memene liwoso la Mwengéi akokandja esuki e liputi la moto oho.
\v 42 Yasi la ino loi wo memene moto okomoha moto mwesi etotu esi e malia madekeke atie moto mwesi mokeke ndondo e watutiani wambai alikambo ate moto oho adjéi motutiani mo mbai, akokondja liputi.
\c 11
\cl ESUKI 11
\p
\v 1 Ango oseselali inde owapundei watutiani wande liomu la wale inde alongoya ongo la okii owapundesi la owaseli ndondo egbata la moki moho.
\p
\v 2 Yoani Mopatesi adjakali la woyogo, ase aokia mboli etomu dja Kilisito, ndjongo inde awatomia watutiani wande wadi.
\v 3 Alikambo la omohueli Yesu odjéi moto ongo wewi iso ate ageleli inga te ndjongo tomolambele odi ongo ongoli?
\p
\v 4 Yesu awawongoselia: kekeni omwaseli Yoani loi wungo woeni ino la wungo wooki ino.
\v 5 Wato wagui maiso waenia wato wabukakani makolo wasombia, wato wa mbala wakalia wato wadikami matoi wopotia ooki, wato waguake wasusoya ase wato wango wadjangi wa okia mboli ndamu.
\v 6 Mwemu la moto ongo okobamiaka wondimi wonde.
\p
\v 7 Ango okeli watutiani wa Yoani mopatesi, Yesu apotia wasi loi wo Yoani atie wato ngbii okadengakini nda loi ongo la lisobe? Etale enge ekoninganesaka ehoho? Te?
\v 8 Ndjongo okelini odendi nde? Moto ongo okali wisindje wilamu? Ase wato wango wakpali wisidje wilamu wadjéi la minguta ma makumu.
\v 9 Nde ndjongo okelini okadendi nde? Mwaseli? Memene yasi la ino okelini omweni moto ongo omoleki mwaseli.
\v 10 Te la gesele Yoani adjéi moto ongo wasi ekpàata e Mwengéi alikambo lande: Mwengéi asiate imotomi toma o mbai liwoso la owe alikambo la odukoli mboka alikambo la owe.
\p
\v 11 Yasi la ino loi wo memene: ndondo e wato, moto tweti te adjali mosungu omoleki Yoani mopatesi. Ase moto ongo odjéi mokeke ati ndondo e wokondji wo likolo adjéi mosungu omoleki inde.
\v 12 Obandi ndiango engele enge easakali Yoani mopatesi tee ndi kekehele, wokumu wo likolo wokondji nga monga ase wato wa paima wokolukaka opwesi woho.
\v 13 Waaseli kpàa la pui dja Moize yasiga loi wo wokumu wungo wodji la engele e Yoani.
\v 14 Ase inga obalini ondimi mbai Yoani adjéi Elia ongo wasali iwo ate akodja.
\v 15 Okani wolamu inga odjéini la matoi.
\p
\v 16 Ikowakokesa wato wa ehele engele landai? Wadjéi nda wana wango waabati ebete e lihoo, enge wabolei wesi wakopamaka la wungo wodi ate;
\v 17 Toobomeli ino misiki, ase otiwineni te tolembaleli ndjembo dja magba, ase otilelalini te!
\v 18 Alikambo ate Yoani mopatesi adjali inde atilakali la atikengali Vino te, ase wato wasiate: inde adjei la esisi ebe.
\v 19 Mbai mana o moto idji ga ikolakaka la ikokengaka ase wato waasia: modendani oholo moto akomungwaka sa wolaki la okengi Vino. Inde aewani la wa ndombe wa mamelo, la wato wabe! Ase lokenge wo Mwengéi wokoeneneke memene alikambo likokelaka inde djinge sambo.
\p
\v 20 Ndjongo Yesu apotia ogbongeli miki mingo mikeliga inde maahuele ngbii ndondo eho alikambo ate wato waho watihengeseli mitema te inde asia.
\v 21 Magba la owe Korasini! Magba la owe Betesaida alikambo ate inga wiaahueli ehele ndenge wiumiga atie nu, wiumali la Zire la Sodoma, gala wato wa mihinge miki wakpali ga saki ase wasuiga misu la mito mau, alikambo ohengesi mitema.
\v 22 Alikambo la ndjo, yasi la ino, la wuse wo oteni huko eguele enu ekodja makasi oleki eguele e wato wa Zire la Sidona.
\v 23 Ase owe Kapalanaumu omungwaka ate akoatelesa la oumi likolo okouma sese tee la lifelo: alikambo ate inga wiaahueli ehele ndenge, wiumiga atie owewi wumiga la Sodoma nda gbata eho eumali tee kelekele.
\v 24 Alikambo laho, yasi la ino la wuse wo oteni huko eguele enu ekodjamakasi oleki enge e Sodona.
\p
\v 25 La engele eho, Yesu asia o wawa, Likumu la likolo làlá mokili, yohekeli kekedinge alikambo ate wenesiga atie wana loi wungo woisi owe atie wato wa lokenge, ase wato waho waewi ga opundesi.
\v 26 La memene wawa edjéi ndjongo alikambo ate wonoli ndjongo la obali ndjongo.
\p
\v 27 Wawa abatiga wiho kpàa la wawo ma mbai moto tweti te a mwewiti mana ndi wawa omwewi ase moto tweti te amwewi wawa ndi mana omwewi inde, ase wato wango wa wabali mana owaewesi atie sango.
\v 28 Ndjakani atie mbai ino kpàa wango walembi la mikpali ase ikohomesani ino.
\v 29 Kpalani tomu dja mbai ase hekeleni mbai mboka ikopundesani ino alikambo ate idjéi la motema pete la wa telesi té, ase okokondja la ebete ehomake la ino mene.
\v 30 Okpali wotomu wungo wokohani mbai woti makasi te ase mokpali mokokpalesani ino mbai moliti.
\c 12
\cl ESUKI 12
\p
\v 1 Mbuse engele ekeke, Yesu adjakali oleki ndondo e elanga e wopunga wuse wo ohomi watutiani wande waokia ndjala wapotia ogbololi wopunga la olaki pukapuka djaho.
\v 2 Ango weneli wa Falisai loi loho, wasia la Yesu: Denda watutiani wa owe wakokelaka wotomu wuse wo ohomi, loi wungo wotekesi pui djasu.
\p
\v 3 Yesu asia la iwo: otitangakeni yo te sambo djinge ikelali Davidi wuse wesi wungo wodjakali wato wande la ndjala?
\v 4 Inde alingelali la monguta mo Mwengéi ase watidjali la obalesi wo olaki mapa maho te. Pui djaho ibalesi ndi la wanganga Mwengei.
\v 5 Alidi otitangalini ndondo e pui dja Moize ate; la wuse wo ohomi wanganga- Mwengéi wahawa ndondo etomu dja monguta ma Mwengéi watotemi aka pui la wuse wo okomi te ase wati la lisumu te?
\v 6 Ase yasi la ino, ema esi enge edjéi ala enge eleki wasungu olaki monguta mo Mwengei.
\v 7 Inga wewakini gbondo esambo dja ekpata e Mwengéi nda asi eho: ibali wouma ase ibaliti makao ma nama mango makohaka iwo, nda wengitini owasambesi wahawa wato wati la loi te.
\v 8 Te legesele te mbai mana o moto idjéi Likumu la wuse wo sabata.
\p
\v 9 Yesu alongoiya ongo, alingelia la monguta mowu mowakongi.
\v 10 Moto mwesi adjakali ongo ewo ende egui. Wato wango wadjakali ongo, wadjakali omotioli Yesu nda inde nde okeli wobe: la ndjongo wamohuelia Yesu pui dja su indimi omokalesi moto wuse woohomi?
\p
\v 11 Yesu awaselia inga moto ndondo esu adjéi la kondolo esi mpamba, ase inga kondolo esi mpamba, ase inga kondolo eho ekwa la liwela lilindi wuse wo ohomi, inde atolingela ongo la woumesi kondolo eho?
\v 12 Motio mo moto modjéi ngbii oleki kondolo! Ndjongo pui dja su indimi okeli olamu.
\v 13 Ndjongo Yesu asia la moto oho: Djaka la ewo e owe inde amohelia ewo ase ewo ende ekalia nda enge edi.
\v 14 Walisayo wakia, ase wamungo ya nda ndenge engi omohekeli Yesu.
\p
\v 15 Ango wewali Yesu loi loho, inde alongoya la ebete eho, ase wato ngbii wa motuteyainde inde akalesia wato kpàa wawikoni.
\v 16 Ase Yesu awahali iwo wokulu wo owaewesi iwo inde adjéi ndai.
\v 17 Edjali ndjo alikambo la woengesi loi liungo wasali mwaaseli Isaya.
\q
\v 18 Mwengéi asi: oholo adjéi mosali mo mbai ongo omwonoli mbai, moto ongo omobali mbai ase ibati mwemu kpàa mo mbai atie nde. Ikohekele molimo mo mbai mokotikala likolo lande akoenese atie e tomu huko djinge ibali mbai oteni.
\q
\v 19 Atoswa la moto te la atopama te wato moka te okpomakpomi la mboka.
\q
\v 20 Atoso litaki linge liyaimbi la atola mwinda mungo mopotia olimani akokela ndjongo tee ndi alongesiga womemene.
\q
\v 21 Ase witondo kpàa wikobata mamungwene mawu ndondo ende.
\p
\v 22 Ndjongo wadjia atie Yesu la moto mwesi ongo ogui maiso, la atiengali okpomi te la inde adéi la esisi ebe Yesu amokalesia moto oho ase apotia okpomi la woeni.
\v 23 Wato kpàa waahuelia la wasia inde aengi odjéi mana o Davidi.
\p
\v 24 Ango ewa okali Wa Falisayo wasia: oholo moto akoumbaka la esisi ebe, alikambo la Beledjebului Likumu la wu akomohaka inde wokulu!
\p
\v 25 Ase Yesu aewali mamungwene mawu, ndjongo inde asia la iwo la wokumu kpàa wungo wokosanaka wato waho ndondo ewu mene gboo eho edjéi logo. Gbata kpàa te mawota kpàa mango wato waho te woabolei wou wakosanaka ndondo ewu mene, wato amala te.
\v 26 Inga Etota aumba inde akosanaka la inde mene. Ndjongo wokumu wonde wokoamala nda ndenge?
\v 27 Okomungwakani ate mbai ikoumbaka la wisisi wibe alikambo la Belezehuli akohaka mbai wokulu. Ndjongo ndai okohaka okulu atie wayekoli wanu mongindi?
\v 28 Kasi inga la okulu e Mwengei ekowumbaka mbai la, likumu la Mwengei edjei etie ino.
\p
\v 29 Alidi nda ndenge moto akoki lingeli la molako mo moto otetelake apuese iho, ndji atimo eheyo ongo moto motetelake.
\p
\v 30 Moto ongo oti la mbai mongindi te akosanaka la mbai moto ongo ogamesitiaka mbai te la okongoli djinge ikoandjaka inde akaa ndjaka.
\p
\v 31 Alikambo laho, yasi la ino wato waengi olimbesami alikambo la masumu kpàa ase alikambo la sambo kpàa djinge ikoasaka iwo ase moto ongo okoasaka sambo mbe atie molimo monsato, atolimbisama te.
\v 32 MOto ongo okoasaka sambo mbe atie mana o moto akolimbisama ase moto ongo okoasaka sambo mbe atie molimo monsato atolimbisama te, te la ehele engele, te le engele enge egeleli.
\p
\v 33 Alikambo la okondji pukapuka ndamu eongi odje la motema molamu inga odjani la mote mone, okodjani la pukapuka mbe alikambo ate wato wakoewaka mote la ndenge epukapuka djinge ikowotaka mote moho.
\v 34 Ino okani nda ndenge engi ino wasi sambo ndamu ase ino odjéini wato wabe? Alikambo ate monoko mo moto mokoeneseke sambo djinge itumi la motema monde.
\v 35 Moto molamu alikambo la wodjenge walamu la motema monde, akoumesaka sambo ndamu, moto mobe alikambo la wadjenge wabe la motema monde akoumesaka sambo mbee.
\v 36 Yasi la ino la wuse wo oteni huko wakowasambesa wato alikambo la woasi wou ndjongo ndjongo la mango masi iwo.
\v 37 Alikambo ate wakotena huko e owe, nda ekoasaka owe inga odje la huko te inga oti la huko.
\p
\v 38 Ndjongo wato wadi la wapundesi wa pui la wa Falisayo wasia la Yesu: mwalimo, tobali towene owe okele eaahuele.
\p
\v 39 Yesu awawongoselia ndjo: wato wa ehele engele ekéké wati wato wango wakoahelelaka la wondimi wou te atie Mwengéi wako ongoko eaahueli, ase Mwengéi atowaha iwo eaahueli teeti te, ndi enge emohali Yona.
\v 40 Te la gesele te, nda elangalali Yona masio masato la makolo masato ndondo solo djasu sungu, ndi ndjongo mbai mana o moto ikolangala masio masato la makolo masato ndondo e mbume.
\v 41 Wuse wo oteni huko, wato wa Ninive wakoamala liwoso la wato wa kekehele la wako wasambesa iwo alikambo ate wa hengeseli motema ango okali iwo woasi wo yona.
\v 42 La wuse wo oteni huko, Likumu la moli o Sudi akoamala la owasambesi wato wa kekehele, la akowahela iwo alikambo ate inde alongwali la moki mo lihiele la oki sambo itumi la lokenge lo Salomo ase ema esi edjéi ahala esungu omoleki salomo.
\p
\v 43 Ango oumiga molimo mobe atie moto inde akokeke ase akowongwaka la wibete wiomake oluki ebete ehomake inga atigbote eho te.
\v 44 Inde asia iwongwe la monguta la ebete enge elongwali mbai inde awoya ongo ase agbotia wonguta modjéi wohola ndi wakpasiga la wa wongeliga moho wolamu kpàa.
\v 45 Ndjongo inde akia ototi milimo sambo wadi omoleki inde la wobe wawongoya mongindi ase wabatia ongo edjéi ndi ndjongo ate gboo emoto oho ekodja wobe oleki ongo oliwoso loi wokodjaa ndi ndjongo alikambo la wato wabe wa kekehele
\v 46 Ango edjakali Yesu wasi yo la wato, nango la wamanango woumia wamalia ongo saa la wadjaki oluki okpomesani la inde.
\v 47 Moto mwesi amwaselia Yesu oka ngua la wamangua waamali ongo saa ase wabali okpomesani la owe.
\p
\v 48 Yesu amowoselia ongo moto nda moto odjéi ima la wa manima wadjéi wa ndai?
\v 49 Mbuse eho inde alongosia ewo atie watutiani wande asia: Dendani ima la wamanima wadjéi ahala,
\v 50 Moto okokela nda ebali wawa o likolo, moto oho adjéi manima opele, la manima o moli.
\c 13
\cl ESUKI 13
\p
\v 1 La wungo wuse mene, Yesu apumdesi la monguta asee akabatia kelekele e ligbutu alikambo la opudesi.
\v 2 Wato ngbii wabolea ahue la inde, la ndjongo inde alingelali la molela, abatali ongo wato wamalia kelekele e malia.
\v 3 Yesu adjakali wasi masekpe alikambo la wasi la iwo, sambo ngbii, ndjinge yasakali inde laiwo moto mwesi apumbali okii okaoni pukapuka.
\v 4 Ango odjakali nde olumbakoli pukapuka djadi ikwakanali kelekele e mboka mbulu iumali mine idjilakia.
\v 5 Esuki edi ekuali la ebete e mabanga la ebete enge etidjake mbume sungu, pukapuka itoli gala alikambo ate mbume itidjake sungu te.
\v 6 Ango ebatali moi molongosia kasi djaho, ase kasi djaho yomali suaa alikambo ate ndjili itibekakolali te.
\v 7 Esuki edi e pukapuka ikwakanali ndondo e keke keke iumali ihelali kasi ndamu djaho.
\v 8 Ase pukapuka djadi ikwakanali ndondo e mbume ndamu, ase iwotali pukapuka djadi iwotali pukapuka kama esi, djadi tuku isato.
\v 9 Yesu asali alidi: okani wolamu, inga odjéini la matoi.
\p
\v 10 Watutiani waumia ahue la Yesu ase wamohuelia: alikambo lande ekopomaka owe la iwo la masekpe?
\p
\v 11 Yesu awawongoselia ino okondjigani lokenge lowewi sambo djinge iyasi ndondo e wokumu wo likolo, wa wato wakondjaki yo woho te.
\v 12 Alikambo ate moto ongo odjéi la wadjenge akokondja wadi ase akodjaa la wadjenge ngbii, ase moto odjéi la waho wakeke, wakopuesa ndi wango wadjéi inde la waho wakeke.
\v 13 Alikambo laho likoasaka mbai la iwo la masekpe alikambo ate wakodendaka ase wenitiaka te, la wakokaka, ase waokitiaka gbondo eho te.
\v 14 Ndjongo ndjoi dja mwaaseli Isaya maengesame: alikambo lawu la wasindjo Mwengéi asi okani wolamu ase otoewani gbondo te okodengani wolamu, ase otoeneni te.
\p
\v 15 Te la gesele molimo mo waha wa wato moumiga ndou, wadihiga matoi mawu, wanangiga maiso mawu alikambo ate maiso mawu matiene te ase matoi mawu matioke te, alikambo molimo mowu motiewe gbondo te alikambo ate watia ndondo e ahue la mbai ase iwakalese.
\p
\v 16 Ase ino, mwemu modjéi la ino, maiso manu makoeneke, ase matoi manu makokaka!
\v 17 Ikwasaka la ino loi wo memene: waaseli gbii la wato ngbii wa Mwengéi wabalali weni luhulu loi wokoeneke ino, ase watieneli te la wabalakali oki luhulu loi wokaka ino, ase watiokali te.
\p
\v 18 Ndjongo okani gbondo e lisekpe la moto o woni.
\v 19 Wato wa woki loi wo wokumu wo Mwengéi ase waewiti gbondo te, wadjéi nda kelekele e mboka ebete ekwali pukapuka: Etota adjia alongosia loi wungo wokwi la mitema wawu.
\v 20 Wadi wadjéi nda mbume dja mabanga, mango makwi pukapuka ndondo eho, wakokaa sambo ase wandimia la mwemu.
\v 21 Ase wakodeke sambo djinge ikolingelaka la mitema mawu te, wakoakelelaka maho sa engele ekeeke. Ase inga ekoni euma te wodidi alikambo la loi wo Mwengei.
\v 22 Wadi wadjéi nda pukapuka ndondo ekeke: wakali loi ase mamungwene ma mokalo mamuhumu moki, la mwemu la wikosako wawa djenge enangami la sambo djaho, ndjongo wawotiti pukapuka te ndjongo wawotia pukapuka.
\v 23 Ndjongo wato wadi wakondji pukapuka la mbume ndamu waoki loi ase waewi gbondo eho. Djadi kama esi djadi tuku motoba, ase djadi tuku isato.
\p
\v 24 Yesu awaselia lisekpe ladi: wokumu wo likolo wodjéi nda ema enge moto mwesi aonali pukapuka ndamu la elanga ende.
\v 25 La likolo ango odjakali wato kpàa la wilo, motone mo moto oho adjia aonia wisoki wibe ndondo engano, ase akia.
\v 26 Ango otoli ngano ase iwotia pukapuka, wisoki wibe witoiya koto.
\v 27 Wato wa wotomu wa memene elanga wapotia wasi la inde likumu, onali pukapuka ndamu la elanga e owe ndjongo wisoki wibe wihiwi widji eni?
\p
\v 28 Inde awawongoselia: motone nde okelali luhulu loi ndjongo wato wa wotomu wamohuelia inde obali ate toke olongosi wisoki wibe?
\p
\v 29 Inde awaselia iwo: te alikambo ango okolongose ino wisoki wibe, okolongoseni koto ngano.
\v 30 Deni djaho eume mongindi te ndi engele ekotena ino pukapuka engele ehonde ekoasa mbai la wato wa wotomu waoteni pukapuka liwoso longoseni wisoki wibe, ase owinangeni ma wokema woke alikambo la omatumbi, mbuse eho okolingesani ngano la monguta mo mbai mo woisi pukapuka.
\p
\v 31 Yesu awaselia iwo lisekpe ladi: wokumu wo likolo wodjéi nda pukapuka e mositade, enge etotali moto, aonia ndondo e elanga ende.
\v 32 Idjéi pukapuka kekekeke oleki pukapuka djadi kpàa ase inga itoiga idjéi wisoki wiesi wileki wisoki wiumia mite ndjongo kpàa mbulu iumia okeli wilako wau likolo la wite waho.
\p
\v 33 Yesu asia la iwo lisekpe ladi wokumu wo likolo wodjéi nda le Vire enge etoti moli, ase awanesia djaho ebete eikima la kilo tuku iwale la itano dja Farine tee ndi engele enge ekovimba mapa kpaa.
\p
\v 34 Yesu adjakali osololi la masekpe alikambo la woasi sambo djinge kpàa atie wato ngbii; inde atiasakali la iwo te inga atiase la masekpe te.
\v 35 INde akelakali ndjongo, alikambo aengese la wungo woasali Mwaseli ikoasa la iwo ndi la masekpe ikoasa la iwo sambo djinge iyaisi olongoi te engele e okelami wo mokili.
\p
\v 36 Ndjongo Yesu awadeya wato ngbii ase alingelia la monguta. Watutiani wande wakia atie nde ase wasia twasela iso gbondo e lisekpe la wisoki wibe ndondo e langa.
\p
\v 37 Yesu awa wongoselali ndjo: moto owoni pukapuka ndamu djéi mbai mana o moto.
\v 38 Elanga edjéi mokili, pukapuka ndamu enesi loi lo wato wango wadjéi wato wa wokumu wisoki wibe enesi loi lo wato wango wadjéi wato wa Satana.
\v 39 Motone mo oni wisoki wibe edjéi Satana. Engele e oki pukapuka edjéi gboo e mokili wato wa oluiki pukapuka edjéi waumbwa.
\v 40 Nda elongosi iwo wisoki wibe alikambo la olumbi la misa, ekodja ndindjongo engele e gboo e mokili.
\v 41 Manango o moto akowatoma aahumbwa wande wakolongose ndondo e wokumu wonde wato wa wikosako, wato wango wakokelaka maumu, wato wango wakokelaka wobe.
\v 42 Ase wakowalumba ndondo le pulu ebete ekolela iwo la okpemeseni maino.
\v 43 Ase; wato wa omotemei Mwengéi wakongala nda moi ndondo e wokumu wo sangbau. Okani wolamu, inga odjéini la matoi.
\p
\v 44 Wokumu wo likolo wodjéi nda wadjenge wayaisi la elanga. Moto mwesi agbotia wadjenge waho ase awasia alidi inde adjéi la mwemu, ndjongo nda ekii inde okatambi wiho kpàa winge widjéi inde la waho.
\p
\v 45 Alidi wokumu wolikolo wodjéi nda moto ootambi, ongo okolukaka mayaka mabanga ma motio mosungu.
\v 46 Inga agbotiga liesi laho linge la motio mosungu inde akia akatambia wiho kpàa winge widjaki inde la waho, ase asombia libanga laho.
\p
\v 47 Alidi wokumu wo likolo wodjéi nda woya wosu, wato walumbia ndondo e ligbutu ase woya wohelia su ndenge la ndenge.
\v 48 Inga itumiga, wato wa oluki su, wakogula wohokelekele e malia ase waabati alikambo la wonisu wabate su ndamu ndondo e modjangi ase walumbe su mbembe ndondo e malia.
\v 49 Ekodjaa ndjongo engele gboo e mokili: waahumbwa wa kodja olongosi wato wabe ndondo e wato walamu.
\v 50 Alikambo la owalumbi ndondo emisa lapulu, ongo wakolela la okpemeseni maino.
\p
\v 51 Yesu awahulia: wewigani loi loho woesi kpàa?
\p
\v 52 Ndjongo wapundesi kpàa wa pui wango waumia watutiani la wokumu wo likolo, wadjéi nda moto o wadjenge ongo omesi ndondo e wadjenge wande wiho wikoli la wiho wa gala.
\p
\v 53 Ango asesali inde wasi mango masekpe maho inde alongoya ongo.
\v 54 Ase akia la gbata ebete enge ebekali inde inde apotali opundesi ndondo e monguta mowakongi mo wa Yuda la ebete eho, ase wato kpàa wango wadjakali ango wahuelali ngbii wadjakali woasi lainde akondji wungo wokenge eni? Ndenge engi inde okeli wamohue enge ndenge?
\v 55 Inde ati mana o sabate te? Nango ati Maria te? Wamanango Yakobo, Yosefu, Simoni la Yuda te?
\v 56 Ase wa manango wa wali wati ndondo esu te? Inde akondji wokulu wungo eni.
\p
\v 57 Ase enge ewahali iwo omondimi inde, ndjongo Yesu asia la iwo: mwaseli akokondjaka etemia wiati kpàa ase adjangia waho ndondo e gbata ende mene la ndondo e liwota lande.
\v 58 Ongo inde akelali wiahueli ngbii te alikambo la wondimi wou.
\c 14
\cl ESUKI 14
\p
\v 1 La enge tango, elode moaneleli mo aokia mboli e Yesu, aasia la watutiani wandé: idjei yowane mobatisi!
\v 2 Abasia la wagwi, edjei ndjongo ndé moto akokeleka waahueli.
\p
\v 3 Aloi helode ndé amohelesali Yowane, amolingali, amobatalia la ogogo alikambo Helodia, moli ofilipo maanango à loyi te yowane amowaselali tè ati mototé ndà moli.
\v 4 Alukali omoholi, kasiadjaali owangi wato, aloyi wadjaali oweni yoane nda moeni sambo.
\v 5 Alukali omoli kasi adjali owangi wato, aloyi wadjaali oweni yowane nda Polifeta
\v 6 Tango wadjaki owongeli feti a owotami é Helode; mana omoli O helodiasi awinia liwosonla wato, Helode ayemelia,
\v 7 Ekiatée amowunelia la olapi la omohi éngé ekoonga indé kpaa.
\v 8 Oyokia ndengé emowaseli na ngo aasi mauselia: Ha mbai moto é yoane mobatisi la saani.
\v 9 Likumu awumia magbai; kadsi odhéndi ndé olapi ondé la maiso ma wato.
\v 10 Awongia tè wamohè, aatomia à wamotené Yoane ongo la egogo.
\v 11 Moto mondé wakia leho a asani wa mohia manomoli adjei ohi nango
\v 12 Wayekoli wa Yoane wadjia ototi wengé wandé wakia okundi, wadjia omosumbeli Yesu mboli.
\v 13 Ango eyokia Yesu a njongo atelia masu wa akia ma lihelé ebeté emanganga; ase wato waumia woewi woho ndjngo wapumbia la mokila mo tetedja inde la makolo.
\v 14 Tango epumbia indée a andondoli, aonia wato ngbi, awa okelia magba, akalesia wakoni.
\p
\v 15 Kolokolo é djea ewolo emanganga, limbilé likia wayekoli wa moaselia: wongola wato wake; wakasombi ilaka.
\p
\v 16 Yesu awawongolelia: wakokiti; wahekelini ino amene ilakà.
\p
\v 17 Wa mwaselia: todjei ndi la okoke itano lasu iwale.
\p
\v 18 Aasia: djakani leho.
\v 19 Awa batisia wato la isoki, abandeli mapa itano la su iwalé, atombolia maiso likolo, apambolia. Abukia okoke aleti ahia la wayekoli wandé, wakabolia la wato.
\v 20 Iwokpa walakia pé wa gbetia aleti wa onia ikolo nkoto iwalé engé etikalali.
\v 21 Wango walakali wadjali oweti nkoto itano ewato té otangi wali la wana.
\p
\v 22 Mbuse aasia la wayekoli wandé watelé andondoli pé wake liwoso landé léeti ngambo emalia, indé awongose wato.
\v 23 Tango ewawongosia, atelia mokoli, aloyi tè bondeli ma lihélé; aleti pkwa edjaali, adjali indé amene
\v 24 andondoli edjaki ndondo emalia, mbongé ewadjaalia, aloyi ehoho edjaki odjei eeti ngambo.
\v 25 Ewumia ngo, nga ineyi elikolo, yesu awadjelia akosombaka likolo e malia.
\v 26 Ango eenia wayekoli tè okosombakà likolo e malia watumali, waasia: edje etota! Aleeti, la owangi ewu wa bandali odhumbeyi.
\v 27 Yesu awaaselia ndimani tè edjei mbai.
\p
\v 28 Petelo amoongoselia: likumu, inga edjei owè, ndimate edjè etiowe la makolo.
\p
\v 29 Yesu aasia: djakà! Petelo alongoya aandondoli, adombia likolo emalia akiya ngambo e yesu.
\v 30 Kasi owenité ahoho edjaki oweli owangi; ndengé ebandaki indé odji, abandi olindi, adumbia: likumu, kalesa mbai.
\p
\v 31 Yesu anonolia ewo, amohelia, amoaselia: moto oondimi keke, woni otindimé owo?
\v 32 Wartelia a andondoli, ehoho esilia.
\p
\v 33 Wango wadjakli ndondo é andondoli wadjia okwi amakolo ma yesu wamoaselia: odjei meemene mana o Mwengei.
\p
\v 34 Mbuse wadjia a moki mo nazaleti.
\v 35 Wato waengé ebeté; wamoewa Yesu wa tomia mboli kelekele eyiwo wadjelia wato wa ikoni.
\p
\v 36 Aasaliatè wahele saa esuki esindje endé. Wango wadjaki omoheli.
\c 15
\cl ESUKI 15
\p
\v 1 Mbuse eho wa Falizeyo la wa tiesakoli wa mibeko wadjali la Yelusalema ogbotoni la Yesu pe waaasia.
\v 2 Woni watutiani wa owe watitosaka o tata wungo elongoyi la wato wa gala?
\p
\v 3 Awawongoselia;” ino pe, ndjoni ekobukaka ino sambo dja Mwengéi la gbondo e otata onu?
\v 4 La ndenge eho, Mwengéi aasali ate motemia sangwaa la ngwa, alidji: ongo okwasa obe atie sango la nango akotota etumbu e logo.
\p
\v 5 Kasi ino oasini ate: moto ongo okohasa inga la sango te la nango linge likokaki mbai oohi lidjéi libondja atie Mwengéi.
\v 6 Aengiti la omotemei sango la nango. Olongosia likPomeli e Mwengéi la tina e otata wonu.
\v 7 Wakosi, Izaya asakoli olamu la tina enu, ango eyasali inde.
\v 8 Wawato wakoyaheneseke nda wato wa mbai wakotemiaka mbai la minoko, kaiko mitema mahu midjéi lihele la mbai.
\v 9 Wakokotemiaka mbai ndenge e ikosako, la ohekeli mateya mango madjei mibeko ma wato.
\p
\v 10 Yesu awawelia wato pe aasia: ndjokani mbai pe tenani gbondo olamu.
\v 11 Eti djinge ikolingelaka la monoko ndjawo ikoumesaka moto osoto, kasi winge ikopumbaka la monoko. Ehonde likoumesaka moto osoto.
\p
\v 12 Mbuse watutiani wande wayandongbia pe wa mohaselia: “oyewi ate wa Falizeyo wayatungesaali la ooki mango makpomi?”
\v 13 Awongosia mote kpàa mungo mooniti wawa o likolo mokotenama.
\v 14 Waadhee wadjéi wagbii maiso wango wakosumaka weti wagbi maiso mboka, inga mogbii maiso akosuma oweti mogbi maio, wakokwa iwo kpàa ndondo e liwela.
\p
\v 15 Petelo atotia makpomi pe amohaselia “tsosolisa li lisekpe.”
\p
\v 16 Yesu aasia “Ino koto, odjéini yo la odjangi okenge?
\v 17 Ososolaki yo ni ate djinge ilingeli la monoko likokeke la solo, mbuse ikoke la linee?
\v 18 Kasi ndjinge ikopumbaka la monoko lidjii la motema, djawo ikopumbaka la monoko lidji la motema djawo ikoumesaka wato osoto.
\v 19 La ndenge eho, la motema nde ikodjaka mamungo mbee, ooli wato, ikobo, osono ohuanesi wenge moli la motopele, iwa, oasi obe la tina e moto, okpomi la moto obe.
\v 20 Ene linge likoumesaka moto osoto; kasi olaki odjangi okpoli mawo, linge litiumesaka moto osoto.”
\p
\v 21 Yesu alongwali ango pe akeeli la moki mo Tyli la Sidona.
\v 22 Moli mwesi o kanana ongo odjaali la enge ngambo agbamali “Ndjoka magba, Likumu, mana ombai omoli akotungesamaka la etota eesi”
\v 23 Atimowongweselali loi te loi kima, watutie wayandongbia pe wamoweelia “Mowongosa, la la loyi ate akohumbaka pui mbuse esu.
\p
\v 24 Awongosia “Itomamali la tina e meme ndjinge iwungi la liwota la Isalaele.”
\p
\v 25 Kasi ongo moli adjia pe amayia mahuli liwoso la inde ahasia “Likumu, sunga mbai.”
\p
\v 26 Awongosia “Eti olamu ototi okoke o wana pe owalumbeli wana wa mbwa.”
\p
\v 27 Ongo moli aasia,” Ndjongo Likumu, kasi wana wambwa wakolaka ilakelo djinge keke keke ikokwaka sese e mesa e Likumu lawu.”
\p
\v 28 Mbuse Yesu amohaselia “Moli, oyambi oowe odjéi osungu, ekelame ndenge ebali owe” obandi enge tango, mana onde omoli akalia.
\p
\v 29 Yesu alongweya enge ebete pe akia kelekele e Ligbutu lisungu la Galileya. Atelia la mokoli ayabatia.
\v 30 Wato ngbii wayandongbia atiende, ndondo ewu edjakali la watenguli, wato wagwi maiso, wabubu, wato waiketi pe wato wadjeti ikoni ndenge la ngenge, wadjia la iwo atie Yesu awakalesia.
\v 31 Wato kpàa wahemelali oheni wabubu okpomi, wato wa iketi wa kalia, watenguli wasombia olamu, wato wa lolanda waenia, wamotemeiya Mwengéi o isalayele.
\p
\v 32 Yesu awawelia watutieyi awahaselia “Itumi la lomungo la tina e wa wato la likambo ate wakelia masio masato ndi wadjéi la mbai kasi wati la ema elakake. Ibaliti owawongoli la ndjala, la mbangi watilembe la mboka.”
\p
\v 33 Watutieyi wande wa mohaselia “Nda ndenge e koki iso odjwi ehele ebete e manganga ndjo makoke laate wa wato ngbii ndjo walake?”
\v 34 Yesu awahuelia “Odjéini la makoke maenga?” wamowongoselia: sambo.
\p
\v 35 Mbuse wabatesia wato la mbume.
\v 36 Atotia makoke sambo la suu, mbuse ende omotondi Mwengéi, awahekelia watutiani wande, wahekele wango wato kpa.
\v 37 Iwo kpàa walakia pe wagbetia, mbuse eho wabatia djinge itikalaki la isaka sambo.
\v 38 Wango walakali wadjakali wato koto inei, owalongosi wali la wana.
\p
\v 39 Mbuse awongosia wato, atelia la wato pe akakia la moki mo Manganga.
\c 16
\cl ESUKI 16
\p
\v 1 Wafalisayi la wasa dukayi wa djia atie yesu, la ate wamobate la sambo, wamoweelia ate awahenese sambo dja likolo.
\p
\v 2 Yesu awawongoselia: la kolokolo, okohasakani ekodja olamu, la lokambo ae lipata lidjei lil: angake; pe boo.
\v 3 Mopepe mo ewongo mokokela keke, la likambo ate likolo lilangiti; wato wayaisak; e; oyewini ososoli likalo kasi oyewiti odendi sambo ekosombaka tango.
\v 4 Wana wa tango mbe alidi wa ekobo wakolukaka ohoni wikamwa, otihane djeti ikamwa nda enge e yonesi mosakoli mbuse alongoya atie wu pe akia.
\p
\v 5 Tango e kpandia iwo ngambo aatie malia; watutieyi wande wawosanali ototi mapa.
\v 6 Yesu awahaselia: huakani, otiyaheni la llaka ma wafalisayo la wadukayo.
\p
\v 7 Wayekoli wa mungolia ino amene pe wahasia: ahasi ndjongo ndenge etotiti iso lipa.
\p
\v 8 Yesu, la oyewi mamungo mawu, awahaselia: wato wa oyambi okeke, nda ndenge ekomungolaka ino ndi inomene la ndenge etotiti ni ino mapa?
\v 9 Ososolaki yoni alidi omungoliti kine mapa matano djinge ilaka ate wato 5000, ikolo iyenga ikpala ate ino,
\v 10 Te mapa sambo mango malaka wato 4000, ikolo yienga ikpala ate ino?
\v 11 Ndandenge etisosoli ino eti la tina e mapa ekpomi mbai la ino? Otihahe ni la ilaka ewa falisayo la sadukayo.
\v 12 Sikandjo wasosolia ate etindje la tina e famini e mapa ehasi Yesu la iwo ate wati yahe, kasi la tina mateya ma wa Falisayo.
\p
\v 13 Yesu awumia la moki moselaleya e Pilipo. Awahuelia atie wande: mbai idjei ndai, ndenge ekpomaka wato, mbai monga moto?
\p
\v 14 Wamowongoselia: ndamo e wato wakohasaka ate odjei mobatesi; weeti ate odjei Eliya, weeti koto ate odjei Yelemia, odjei mosakoli mwesi.
\p
\v 15 Inoko, oyewi ni ate mbai idjei ndai? Awahueli.
\p
\v 16 Simoni awongosia: odjei Masiya, Monga Mwengei o bomoi.
\p
\v 17 Yesu atotia ikpomi, amohaselia; odjei olamu, Simoni, monga Yonasi, la likambo ate eti lobundo la wato loohenesi ndjongo, kasi wawa ongo o likolo.
\v 18 Mbai, iwohaseli ate odjei pe likolo e libukeli ikomaa Eyamba, e mbai, milihe dja masio ma logo mitilongosa libukeli.
\v 19 Ikoohele madukweli ma okumu likolo: linge likonanga owe ahala sese la mbume likonangna ongo likolo pe linge liko duhola owe ahala sese la mbume liko luhuana koto ongo likolo.
\v 20 Awahaselia watutieyi wandeate watimohasele moto ate adjei likolo.
\p
\v 21 Ndi enge tango, abandia owahenesi watutieyi wande ate akoki oki la yelusaleme, onyokami, la wa iloko, makumu ma wa nganga pe wa bimianeli mibeko oholani la osekwi lisio la isato.
\v 22 Petelo amototia inde amene, abandia omotetesi wenge la omohaseli ate: Mwengei aobanye likumu! Djinge sambo itiowumelate.
\p
\v 23 Yesu ayakukolia pe ahasia la Petelo: wongwa mbujse, Etota, odjei motambo atie mbai la likambo ate mabundo ma owe mati mabundo ma Mwengwei kasi mabundo ma wato wa mokii.
\p
\v 24 Yesu ahasia la wattieyi wande: moto ongo obali odjei motutieyi mo mbai, akpa agbongolo onde mbuse atutie mbai!
\v 25 La ndenge eho, moto ongo okoluka okalesi bomoi onde akowungesa, kasi moto ongo okowungisa bomoi onde la tina e mbai ako etota la alidi.
\v 26 Okodja nda litomba moto ongo okondja moki mobimba, inga awungisa molimo monde? Alidi ndeema ekokukwanesa moto la molimo monde.
\v 27 La ndenge eho, monga moto akodja la okumu o sango, la wapubwa wande, akokela moto la moto okokani la ikela wande.
\v 28 Iohaseli la osembo, ndambo e wato ndondo e wango wadjei ahala watigbaa liwoso ate wahene ndenge ekodja monga moto la okumu.
\c 17
\cl ESUKI 17
\p
\v 1 Mbuse Yesu amototali Petelo, Yakobo, la maanango Yoani, atelali la iwo likolo la mokoli.
\v 2 Ayakukolali liwoso lawu, elongi ende engengali nda use, alidji wisindje wande wibubaali nda mwinda
\v 3 Mpe denga Moize la Eliya wawapumbelali wadjaali osololi la Yesu.
\v 4 Petelo atotali maloba mpe aasia: likumu, edjei olamu la iso toyabate ala, inga obali tomaye minguta isato, eesi e owe eesi e Moize, mpe eesi e Eliya.
\p
\v 5 Ango edjaaki inde owaasi, ndenga lipata lingengeke ewadhihali. Ndondo elipata mooli mookanali ndjo la maamaloba: oholo adjei mana ombai olibalano, iyemeli lainde ngbi: mookani!
\v 6 Eokaali tutiani djande mungo mooli, wakwaaali ilongi wawu la mbume alidji watumaali la boo sungu.
\p
\v 7 Ase yesu ayandongbali la huwe ewu, awabandali alidji aasali: amalani, otidjeeni la boo.
\v 8 Wadjambali maiso wa moyeneli ndji Yesu inde amene.
\p
\v 9 Eyadimbaali iwo la mokoli, Yesu awaunelia ate: otiasakeni la moto tueti dji sambo iyeeti ala tee lisio mana o moto akobasa la logo.
\p
\v 10 Watutiani wa mohuelali ehele poopo: woni watiesakoli wa mibeko wakowasaka ate ewongi Elia adjee yo liwoso?
\p
\v 11 Inde awongwesi ate Eliya akodjaa ala mpe akowongele sambo kpaa.
\v 12 Ase ikwasaaka la ino ate Eliya adjiika, kasi omwewitii kasi wamokeleli nda ebalaki iwo. Ndjongo mana o mato akwene odidi la mawo mawu.
\v 13 La mwengele eeho, tutiani wayewali ate adjaali owaasi la iwo la tina e Yoani mopatisi.
\p
\v 14 Ango ewumaali iwo la hue e wato, moto mwesi adjaali okwi la mawuli liwoso la Yesu, asaali:
\v 15 Likumu, ndjokela mana ombai magba adjei la ebubuluka, akoyeneke odidi; akokwaka la misa edji mbala la malia.
\v 16 Imogbalali etie watutiani wa owe, watilonge omokalesi.
\p
\v 17 Yesu awongwesia ate, ehele wuuma edjangi ondimi mpe la okeseni; tee la nda engele ikodjaa la ino? Tee landa engele ikonangelani motema? Djeelani mbai la inde.
\v 18 Yesu amopamelia etota, epumbali la wenge emana, ndji la enge engele, mana akalali.
\p
\v 19 Watutiani wayandongbali atie Yesu, wamowaselali la oyayisi: woni etikoke iso owumbi la ehele etota?
\p
\v 20 Inde aasia la iwo ate, ondimi onu odjei okeeke. Iyowaselini meemene, inga odjeini la ondimi nda pukapuka e sinapi, okwasani la muu mokoli ate, somba te ate longwa ala keke tee ongo mpe ekosomba, loi tueti woti djanga okelami.
\v 21 Kasi ndenge ehele etota ekopumbaka ndji la oongi la oyakili.
\p
\v 22 Tango edjaki iwo osombi la galileya, Yesu aasi la iwo ate: ewongi la mana o moto ate wamokawe la mawo ma wato;
\v 23 Mpe wakomoola, la mbuse e masio ma satu akobasa. Watumali la magba makasi.
\p
\v 24 Eumaali iwo la kapalanauma, wango wadjali oongi pako la tepelo wayandongbali atie petelo wamoaselia ate: likumu lanu akokiti oputi pako e mbula?
\v 25 Awongosia, ee. Ango elingelia iwo la monguta, Yesu atotia maloba aasia: simoni, okobundolaka woni? Makumu ma mbume wakoki oongi pako inga liputi etie wandai? Etie wana wawu inga etie wadidi?
\p
\v 26 Amoaselia: etie, wadidi. Yesu aasia la inde ate ndjongo; wana wati puta.
\v 27 Njongo lalikambo ate totiwahe ndundu, keke la ligbutu mpe lumba ndobani, gula suu enge e liwoso ekodja; modukola monoko, okogboto falanga. Tota eho, keke owahi lalikambo la iso la owe.
\c 18
\cl ESUKI 18
\p
\v 1 La engele eho Watutiani wandjia ahue wo Yesu wtndai ondjéi mosungu la wokumu wo likolo?
\p
\v 2 Yesu amowelia mana mokeke, amobatia awondja wou.
\v 3 Ase asiate iwaseki la memene inga ino otiatitimeseni, ase inga otiakukoleni nda wana wakeke otolingelani la wokumu wo likolo.
\v 4 Alikambo ate ongo moto akoatitimesa nda oholo mana mokeke inde okodjaa mosungu la wokumu wolikolo.
\v 5 Ase moto ongo okoyamba mana mokeke la nkombo e mbai ayambi mbai mene.
\p
\v 6 Ase inga moto mwesi amobingesa akikimi moto mwesi mokeke ondimi, mbai ewongi wolamu la inde wanange libanga lisungu la kingo, ase wamolumbe la ebale.
\v 7 Magba la moki la likambo e wikikimi! Ase wikikimi wikoki odjei, kasi magba la moto ongo okobingisa ekikimi eho!
\v 8 Inga ewo eowe, té ekolo eowe eobingesa ekikimi, etena ase woelumbe lihiele, ewongi wolamu olingele la mokalo, ekolo etenei la ewo elemei teaté olingele la makolo male la mawo male la misa ma libela.
\v 9 Inga liso la owe liobingesa ekikimi, lilongose, eti wolamu odje la maiso male waolumbe la misa ma Gehena.
\p
\v 10 Huakani woimobetesa mwesi nda owana wakeke oholo, alikambo iwaselini ate waahumbwa wau walikolo wakoeneke wiengele kpàa, elongi e wawa ongo ondjéi ongo likolo.
\v 11 Alikambo ate Mana omoto andji ohalesi wawungi.
\v 12 Woenini woni? Inga moto mwesi andja la pata kama esi, ase inga esi ewunga, atodee ndjinge tukulibwa la libwa ndjadi la mokoli, la akaluki enge ewungi?
\v 13 Ase inga ayene, iwaselini la memene oemele ngbii oleki te ndjinge tuku libwa la libwa ndjinge iwungi ti.
\v 14 Ndenge kikima, eti obali wo sangbanu ongo ondjéi ongo likolo omowu ngesi mwesi nda wana wahawa.
\p
\v 15 Inga mangwa aokelela Wobe, keke omotote, owe la inde ino wale inga awokela omoenese mangwa wobe.
\v 16 Kasi inga atiwoke, motota moto mwesi te wale alikambo ate la wa demu wale te wasato loi loho wewane.
\v 17 Inga atibale owao iwo, asa la lingomba ase inga atona koto oki lingomba andje atiowe nda mopagano alidi nda moputesi mamelo.
\v 18 Iwaselini la memene ndjinge kpàa ikonanga ino ahala la mbume ikonangana ongo likolo ase ndjinge kpàa ikodukola ino ahala la mbume ikodukwana ongo likolo.
\v 19 Iwaselini alidi ate inga wale kati enu waokana ahala la mbume la woongi ema esi ndjongo, ekondimana la wawa ongo ondjéi ongo likolo.
\v 20 Inga ango wale te wasato wagbotonono la nkombo e mbai, mbai indjéi ndondo ewu.
\p
\v 21 Ase Petelo andongbia ahue la inde ase asiate Likumu, ikoki omokeli mino ombai magba mbala woni inga akela mbai wobe? Ekondjaa ndi mbala sambo?
\p
\v 22 Yesu amwaselia ate iwaseliti ate esuke mbala sambo, kasi mbala tuku sambo mbala sambo.
\v 23 Alikambo ate wokumu wo likolo wondjéi nda likumu liesi okeli okatangi wambele wande atee wato wande wawotomu.
\v 24 Ango ondjakali inde otangi wamondjelia la moto mwesi ongo ondjakali la wambele koto lioomu.
\v 25 Ango otindjali inde la ema eputake likumu lande atomia ate wa motambe inde la moli onde, la wana wande, la wiho wande kpàa alikambo ate nongo ende esile.
\v 26 Moto owotomua alumbia la mbume, alelia la inde asiate Likumu ndjokela mbai magba ikoputa nongo owe.
\v 27 Amokelia magba Likumu la wango wato wa wotumu amodeya akia, amolimbesia nongo enge endjaki inde la eho.
\v 28 Mbuse ende opumbi, ongo moto owotomu agbotononi a la mwesi ongo ondjakali la nongo e wambele kama esi amohelia amohunolia kingo asiato puta nongo e mbai.
\p
\v 29 Minonde alumbia la mbume, amwongia asiate ndjokila mbai magba ikoputa nongo eowe.
\v 30 Kasi ongodi teobali, ase akamolumbia la woyogo, tee ndiapute nongo enge endjaki inde la eho.
\v 31 Wino wande wenia ndjongo waokia magba ma sungu ase wakia okamwaseli likumu la wundjinge sambo ileki kpàa.
\p
\v 32 Ase ango memene wotomu amowelia moto onde owotomu ase amwaselia ate Moto owotomu mobe mbai yolimbesi owe nongo owe kpàa alikambo ate oleleli mbai.
\v 33 Otikokake omokeli mino owe magba, nda ewokeli mbai owe magba?
\v 34 Ase likumu lande amemelia, amohelesia la woyogo, tee ndiango okoputa inde nongo eende.
\v 35 Ndi ndjongo ekokela wawa olikolo, inga mwesi onu atimokele mino nde magba la motema monde.
\c 19
\cl ESUKI 19
\p
\v 1 Ango oseselia Yesu owaseli ndjinge sambo: adheiya Galilaya, ase akia la gbata e Yudea, la molelo mo Yordani.
\v 2 Ebiba e wato wamotutiali, ase ongo awakalesia wato wa wikoni.
\p
\v 3 Wafalizeyo wamolingia, ase wasiate, wamomeke: Ewongi ate moto amotone moli onde sa ndjongo te loi?
\p
\v 4 Awawongoselia ate: otitangalini ate mokeli, la lipotele, amokelali motopele la moli?
\v 5 Ase asiate: alikambo ate motopele akomodhee sango la nango, akoabolia la moli onde, ase iwo wale waumia moto moikima.
\v 6 Ango wati kine wato wale wa ndjéi gaa moto moikima moto twèti atikawanesa ema enge enangi Mwengei.
\p
\v 7 Wamoongoselia: la ndandenge, Moize asali ate, inga omotona moli omodhingela ekpata omodhee ake.
\p
\v 8 Awawongoselia ate: la likambo la woteteli wo mito manu, nde easali Moize ndjoongo ate owatone wali wanu: la lipotele, etidjali ndjongo.
\v 9 Kasi iyowaselini moto ongo okomotona moli onde, amoheliti la la eteba, ase aikia moli odji akelia eteba.
\p
\v 10 Watutiani wande wasia la inde ate: inga likambo la molome la moli lindjéi ndjongo eti wolamu ate waikanane.
\p
\v 11 Awawongoselia ate: Pele kpàa watokoka loi luho, ndji wango wayahi.
\v 12 Ndjongo edjéi la wato wango wawotama wikube tee la solo dja wa nango, la wango wayakela wikube iwo amene; edjéi wato wango wayakela wikube la okumu wo likolo. Ongo odjéi la matoi maokake, aoke.
\p
\v 13 Ndjiango, wamodjelia la wana wakeke, alikambo ate awabatele mawo, ase awa ongole. Kasi watutiani wawatekesia.
\v 14 Ase Yesu asiate: wadheeni wana wakeke wadje etie mbai, ase otiwatekeseni, alikambo ate wokumu wo Mwengéi wo djéi aatie wango wakodja nda wana wakeke.
\v 15 Awabatelia mawo, ase akia.
\p
\v 16 Ase dhenda, moto mwèsi aandongbia ahue ende, aseko asia la Yesu: likumu ikele woni alikambo ate ikondje wokali wo libela?
\p
\v 17 Amowongoselia ate: ndandenge ekohuelaka owe mbai la ndjinge sambo idjéi wolamu? Ema esi ejei wolamu. Inga obali olingeli la mokalo, dhemia dumbei. Amowongoselia: nda djinge?
\p
\v 18 Ase Yesu awongoselia ate: otiolake moto; otiandake moli omoto la wose; otiiwake ema emoto; otiasake moleho, modemia sangwa la ngwa.
\v 19 Ase: mobala mino owe nda eyabali owe amene.
\p
\v 20 Ongo mana mwenga a mwaselia ate: ikelidjinge sambo kpàa; nda uho wotikali?
\p
\v 21 Yesu amwaselia ate: inga obali ate odjee moto ongo oyengi, keke tamba wiho kpàa winge widjéi owe la waho, owahee wato wango wadjangi, ase okotota ema e motio ongo likolo, ase tutia mbai.
\v 22 Mbuse eho ango eokia inde djinge sambo; ongo mana opele akia la limemu, alikambo ate adjakali la wiho ngbi.
\p
\v 23 Yesu awaselia watutiani wande ate: iyowaaselini memene, moto olikodja akolingela awokumu wo likolo la monga.
\v 24 Iwaaselini alidji ate, edjéi petee Kamela olingeli la buu etonga, oyeti olingeli e moto owogumake la okumu e Mwengei.
\p
\v 25 Ango eokia watutiani ndjoongo, wakamwali ngbi, ase wasi ate: ndai o kokala?
\p
\v 26 Yesu awa dhengia, ase a waselia ate: la wato, eyengiti okelani, kasi la Mwengéi edjéi petee.
\p
\v 27 Petele atotia loi, asia la inde ate: denda iso todhei wiho kpàa, ase tootuteya owe, nda ema ekokondja iso?
\p
\v 28 Yesu awawongoselia ate: iyowaselini la memene, ango ekouma wiho kpàa wiholi, ango ekoabata mana o moto la ngbelengo eende ewokumu, ino wango watutei mbai, okwabatani la ngbelengo ende e wokumu, liomu la iwale, okowambesani wikolo liomu la wiale wa Isalayele.
\v 29 Ase moto ongo okodhei minguta mande te wamanango wa pele, te wamanango wawali, te sango te nango te moli onde, te wana wande, te mbume, alikambo la mbai, akokondja wiho waho mbala ngbi oyeti alidji akotota bomoi e likolo.
\p
\v 30 Wato wango waleki liwoso wakowongwa mbuse, ase wango wadjéi mbuse, wakodja liwoso.
\c 20
\cl ESUKI 20
\p
\v 1 Okumu o likolo lodjei nda memene elanga ongo opumbi boo laate awatote wasali la elanga ende.
\v 2 Aokania la iwo la liputa e likuta kikima la husee pe awatomia la elange e vino ende
\v 3 Apumbia la engele libwa e boo pe awaenia waeti wayabati ebete eikima, wati la otomo.
\v 4 Awaaselia: ino koto kekeni la vino e mbai, ikohekeleni likondja linge likoki.
\v 5 Iwo koto wakia. Apumbia alidji la engele e limbile alidji la engele e isato mbuse e limbile pe akelia ndenge kikima.
\v 6 Apumbia mbala e gboo la engele e itano e mbuse e limbile awagbotia waeti wadjaakali ndji ango, wati la otomo. Awaaselia: ndjoni ekoyabatakani ino ndjoo odjangi okeli otomu?
\p
\v 7 Wamowongoselia, moto toeti atohi otomu. Awaaselia: Keke kotoni la elanga e vino e mbai, okototani enge ekoki.
\p
\v 8 Likolo lidjia, memene e elanga e vino amoaselia ongo okomoikelaka iwo: wawela wasali pe wahekela likondja, opoti la moto o mbuse osuki la moto o liwoso.
\v 9 Wango wa engele e itano mbuse e limbile wakondjia likuta liesi moto la moto.
\v 10 Ango ekadjia wato wa poo, wamungolia okondji ngbii, kasi wakondjia ndji likuta kikima.
\v 11 Ango etotia iwo, wa ndungwania atie memene elanga e vino.
\p
\v 12 Waasia: wato wa mbuse wakeli otomo ndji engele eikima, owahekelia ndenge kikima nda iso wato wakeli la paima e liusa wuse la ehela.
\p
\v 13 Amowongoselia mwesi ndondo ewu: bola, iokeliti obe. Otindimali likuta liesi nda likondja?
\v 14 Tota linge lindjimaali owe pe keke. Ikowahekele wango wa gboo likondja likima nda owe.
\p
\v 15 Endjimesamiti la mbai okeli ndenge enge ebali mbai la tina e iwo dja mbai? Okoheneke obe ndenge edjei mbai moto molamu?
\v 16 La eho, wato wa gboo wakouma wato wa poo alidji wato wa poo wakouma wato wa gboo. Wato ngbii wawelami kasi wato wakeke waononi.
\p
\v 17 Ango edjakaali inde oteli la yelusalema, Yesu awatotia watutiani wande liomu la waal; awaaselia la mboka:
\v 18 Tokotelaka la yelusalema pe monga moto akotambama atie wanganga Mwengei la wabimianeli wa mibeko. Wako mokwesa la sambo la ate agbee.
\v 19 Wakomoha la mawo ma wato wango wati wa isalayele la ate wamodheende, wa mopie, wamobake la ekulusu; lisio la isato akobasa.
\p
\v 20 Nango wana wa Zebedeyo ayandongbia atie Yesu la wana wande, amayia mauli laate amowonge Yesu ema esi.
\v 21 Amoaselia: obali nde? Ndima ate la okumu wowe wana wa mbai wawa ndjo wayabate mwesi la ewo e owe e lilome, ongo eeti la ewo e owe e liali.
\p
\v 22 Yesu awongosia: oyeweti linge likowongoko owe. Okokokani okengi la kopo enge ekokenga mbai, okokoka ototi lipatesa linge likopatesama mbai? Wamowongoselia: tokokoka.
\p
\v 23 Awawongoselia: la ndenge eho okokengani kopo e mbai pe okototani lipatesa linge likoatesama mbai. Kasi la tina eoyabati la lilome e mbai la liali la mbai, mbai amene iyewiti pe likohama la wato wango wawongelami la wawa.
\p
\v 24 Mbuse eooki ndjongo, watutiani waeti liomu wamemelia la wa waale.
\v 25 Yesu awawelia pe awaaselia: oyewini ate makumu ma miki wakoyainyaka iwo okumu owu, wato wau wasungu wakwaokesaka okumu wau.
\v 26 Etidja ndjongo ndondo enu, inga moto abala odjei osungu ndondo enu, akodja motuke monu.
\v 27 Inga moto abali odjei moto o liwoso atienu; adjei motuke monu.
\v 28 Nde ndjongo mana o moto adji, te ate wamokelele, kasi la okeleli la ohi bomoi onde likawo e wato ngbi.
\p
\v 29 Ango epumbia iyo la Yeliko, wato ngbii watuteiya Yesu.
\v 30 Wagwi maiso wale wayabatali kelekele e mboka, ango ewokia iwo ate Yesu akoetaka ango, wahumbali pui waasali ate: Likumu mana o Davidi, tondjokela magba!
\v 31 Wato wadjakali owatekesi laate wadhee, kasi wahumbia pui oeteli: likumu mana o Dawidi, tondjokela magba.
\p
\v 32 Yesu ayamalia, awawelia pe aasia: obalini iokelele nde?
\v 33 Wamoaselia: likumu maiso masu ma luhuane.
\v 34 Awaokia magba, ahelia maiso mawu, mbuse eho waenia wamobileya.
\c 21
\cl ESUKI 21
\p
\v 1 Ango eyaandongbali iwo ahue e Yelusalama, waumia la Betefage, ngambo e mokoli mo Oliva Yesu atomia watutiani wande waale.
\v 2 Awaaselia: kekeni la moki mungo modjei liwoso lanu; okogboto punda eesi wamonangi ebete kikima la enge ekeke; motokolani pe djaka la ewo atie mbai.
\v 3 Inga moto aohuelani, mowongoselani ate: Likumu adjei la posa eho. Ndji ango akoodheni ate oete.
\p
\v 4 Kaikoase djinge sambo kpaa ikelamia laate linge likpomaate mosakoli likokesame.
\v 5 Mwaaselia mana o moli o siyona: dhenga likumu la owe akodjaka atie owe, atumi la olamu pe ateli likolo la punda eesi.
\p
\v 6 Watutiani wakia okeli ndenge enge ewatomi Yesu.
\v 7 Wadjia la punda eho e moli la punda enge keke, wabata isindje djawu likolo, pe Yesu ayabatelia.
\v 8 Wato ngbii wabatili isindje djawu la mboka, waeti watenia ite dja mite, waandali djaho la mboka.
\v 9 Wato wango wasombali liwoso la wango wa mbuse e Yesu wadjali ohumbi pui la lembo: Ozana monga Davidi! Opambwe ongo okodja la kombo e likumu! Ozana ongo oyeti likolo!
\p
\v 10 Ango e lingelia inde la Yelusalema, egbala gbata kpa edudumali, wadjali oasi ate: wandai wango?
\p
\v 11 Ebiba e wato waasali: edjei Yesu, mwaaseli e Nazaleta la Galileya.
\p
\v 12 Yesu alingelia la Tepelo e Mwengei; awumbia la wato kpaa wadjali otambi la ndondo e Tepelo; alumbia mesa dja wakukoli wa waambele pe la ibete ewatambi wa wilua.
\v 13 Awaaselia: edhingami ate Tepelo e mbai ekowelama ate monguta mowaatati kasi ino, oekukolia ebete e wato wa iwa.
\p
\v 14 Wato wagui maiso la wango wakotengulaka wadjia atie nde la Tepelo, awaakalesia
\v 15 Kasi makumu mawa nganga wa Mwengei la wa bimianeli wa mibeko wamemelia la tina e sambo ndamu djinge ikeli inde, wana wadjaakali ohumbi pui la Tepelo: Ozana la monga Davidi!
\p
\v 16 Wamoaselia ate: okokokaka djinge ekwasaka iwo? Yesu awawongeselia: eee. Otitangeni dji sambo: okeli ate monoko mo wana la wana wango wakonungaka mawele e otemeye?
\p
\v 17 Mbuse eho awadheiya pe apumbia la gbata la oki la Betania ongo elangalali inde.
\p
\v 18 Ekundu boo, ango ewongoiya inde la gbata, ndjiala e mohelia.
\v 19 Aenia mote mo Figi kelekele e mboka pe ayandongbia, agbotia ndji ngasi, aasali la mote moho: te lisiyo otiwotakine mbuma! Mote mo Figi moomia ndji enge engele.
\p
\v 20 Oeni ndjongo, watutiani wakamweiya, waasia: nda ndenge egbenelia mu mote mo Figi la mbala kikima?
\p
\v 21 Yesu awaaselia: iwowaselini meemene, inga odjaa la oyambi pe obatiti kokeeya, okokelani te ndji linge likelami la mu mote mo Figi, te ate inga oasani la mu mokoli: longwa ango alumba la ewale, enge ekokelama.
\v 22 Linge likohongo ino la oyambi ndondo eyaakongi okototani eho.
\p
\v 23 Yesu akiya ndondo Tepelo; ango edjali inde otiesakoli akoli; wiloko dja wanganga Mwengei la wiloko wa wato wakadjia omowaseli: nda ndenge e okumu okokelaka owe dji sambo, alidji ndai a ohi ehele okumu?
\p
\v 24 Yesu awaongweselia: mbai pe ikohuelani poopo esi, inga olimbolani mbai, mbai pe ekoowaselani nda okumu ekokelaka mbai dji sambo.
\v 25 Patisa e Yoani, edji eni? Likolo, inga etie wato? Kasi wabundoiya iwo amene: inga towongosa ate: la likolo, akotowasela ate: ndandenge etimondimalini?
\v 26 Inga towongosa ate: la wato, tokowangaka ebiba eehele wato, a loyi iwo kpa wakomototaka Yoani nda mosakoli.
\v 27 Wamowongoselia yesu: toyewiti. Inde pe awawongoselia: mbai pe itiowaselani nda okumu ekokelaka mbai dji sambo.
\p
\v 28 Obundoyini woni? Moto mwesi adjaali la wana wande wa pele wale. Akia atie ongo o liwoso, amoaselia: mana o mbai keke okeli keke la elanga e mbai e Vino.
\p
\v 29 Inde awongosia: ibaliti, kasi mbuse aokia magba akia okeli.
\p
\v 30 Sangbau akia atie ongo o wale, amoaselia ndenge kikima. Mana oho amowongoselia: ikoke, likumu la mbai, kasi akiti.
\v 31 Ndondo ewu wale ndai okeli mokano mo wawa? Wamowongoselia: ongo o liwoso. Yesu awaaselia: Iyowaselini meemene, waputesi mamelo la wali wa ndumba wakoke liwoso lanu la okumu wo Mwengei.
\v 32 Laate Yoani adjali ootiesakoli mboka e meemene, kasi ino otimondjimalini. Kaikonde waputesi mamalo la wali wa ndumba wamondjimali, kasi ino, wango waenali, otiyokeni magba la omondjimi.
\p
\v 33 Okani eeti lisekpe. Memene monguta mwesi, aonali elanga ende e vino. Alingali eho la mite, atongia liwela; ase amaiya ebete eisake pukapuka, aawahia watuke wande wa elanga e vino, akia okendo.
\v 34 Ango ewumia engele ebukake, awatomia watuke wande atie watuke wa elanga e vino, laate wamohekele mogono monde.
\v 35 Kasi watuke wa elanga e vino wawahelali watuke wande, wamobinga mwesi, wamoolia o wale, wamobingi ongo o sato mabukeli.
\v 36 Atomia wadji watuke, motango mosungu oeti wango wa liwoso, wawakelali ndenge kikima.
\v 37 Gboo awatomelali mana onde, aasia: Wakomotosa mana o mbai.
\p
\v 38 Ango e moeneli iwo mana oho, watuke wa elanga e vino wayaselia iwo amene: dhenda moto okotikala la ogumake; djakani tomoole, ogumake ekototikalela!
\v 39 Wamototali, wamolumbia saa e elanga evigno, alidji wamoolali.
\v 40 Sikalandjo, ango memene elanga e vino akodja, akokela nde la watuke wa elanga?
\p
\v 41 Wamowongoselali: akoyawolakola meemene, alidji akodhe elanga e vino la weeti watuke, wango wakomohekele esuki e mogono monde.
\p
\v 42 Yesu awaaselia: otitangali te wuse ndondo e madhingo: libukeli enge elumbali wamai ndji eho nde ewumali likule e lilome; edjei otomo olongoyi atie likumu, kasi edjei ema ekamwake la maiso masu?
\p
\v 43 Edjei eho nde, ikowaselakani, wakolongola okumu o Mwengei atie ino, wakoha eeti moki enge ekowota pukapuka.
\v 44 Ongo akokwa likolo la libukeli akobukia, alidji ongo libukeli likomokwele, ekomwandjakola.
\p
\v 45 Mbuse e ooki maloba mande, iloko e wanganga Mwengei la wafalizeyo wayewali ate edjei iwo nde Yesu awaaselaka.
\v 46 Walukali o moheli, kasi wawangali ebiba e wato, aloyi ate iwo wadjali omototi Yesu ate adjei mosakoli.
\c 22
\cl ESUKI 22
\p
\v 1 Yesu awawongweselali iwo aleeti la masekpe pe aasali ate:
\v 2 Okumu e likolo edjei nda likumu mwesi ongo akelelali mana onde o molome yenga e liwala.
\v 3 Ase atomia mituke mande wake oweli wato wango wawelanali la yenga e liwala, ase wato waho watonali odji.
\v 4 Aleeti atomali mituke meeti pe awaaselia ate: asela wato wango wawelami ate: dhenda! Iwongeli ilaka la mbai e midji, wangombe wa mbai e milome la mbahu dja mbai e maita eolami, ilaka kpaa edjei djakani la yenga e liwala.
\v 5 Iwo waeneli ehoo pamba pe wakeeli, mwesi la elanga ende, odji la tomo djande.
\v 6 Wango weeti wawahelia mituke mande, wawa sambwesia obe pe wawaolia iwoo kpa.
\v 7 Ango e okia likumu ndjongo, amemelali; atomia wato, waolia wango watokpa, watumbia gbata ewu.
\v 8 Ndjongo aasali la mituke mande ate: yenga e liwala elengelami olamu, ase wato wango wawelamali wawongiti la ehoo.
\v 9 Eho lenge kekeni la wibhomanelo dja mboka, moto kpaa ongo okomogbotoni mowelani la yenga e liwala.
\v 10 Ndjongo wango mituke wapumbali la wa mboka pe wawelali watokpaa wango wawagbotoli, wato wabe la wango walamu: pe monguta mo yenga e liwala etumali la wato wango wawelanali.
\v 11 Ango likumu alingelali odhendji wato wango wawelamali, aeneli moto mwesi ongo atikpalali esindje e yenga e liwala.
\v 12 Amwaselia ate: bola, nda ndenge olingeli alandjoo odjangi okpali e sindje e yenga e liwala? Ongo moto anangali monoko.
\v 13 Ndjongo likumu aasali la mituke mande ate: monangani makolo la mawo, djakani la inde, molumbani la molili e saa ongo ekodja oleli la otwi maino.
\v 14 Laate wato ngbii wawelani ase keke nde waonani.
\p
\v 15 Ndjongo wafalizeyo wakeli okakeli likita iwo kpaa laate wamohele la maloba mande.
\v 16 Eho lenge wamotomelali watutiani wau, la wato wa Elode, waasali: motiasakoli, toyewi ate owe okoasaka memene pe okotiesakolaka mboka e Mwengei la meemene pe oyiwangaka moto te, laate otidhendaka ilongi djaa wato.
\v 17 Ndjongo yewesa iso omungoli nde? Ewongi oputi Kaisala limelo enge moto kpaa akoputaka inga ekokiti oputi.
\p
\v 18 Ase nda Yesu ayewali mamungo mbee mawu, aasia ate: woni okwalelakani mbai lisala?
\v 19 Iniani mbai ambele enge moto kpaa akofutaka limelo. Wamodjelelia ambele esi.
\v 20 Ase awaaselia ate: elilingi ehele pe madhingo maama ma ndai.
\p
\v 21 Waasali ate: e kaisala ase awaaselali ate: ndjongo, hekeleni kaisala wihoo wa kaisala, ase Mwengei wihoo wango wa Mwengei.
\v 22 Ango eokali iwo ndjongo, wakamwali, pe wamodheli inde wakia.
\p
\v 23 A lisio lahoo wasadukai wato wango wakoasaka ate libasi liti te, wadjali ebete edjei inde pe wamohuelia:
\v 24 Motiesakoli Moize aasali ate: inga moto agwa, awotiti wana, maanango opele akoki amototi moli onde a liwala la owoteli maanango wana.
\v 25 Sikalandjo edjaali la pele sambo ndondo esu, pe ongo o liwoso ayikaali p, e agwaali, ase nda eti wotali inde wana, amodheleli manango opele moli onde.
\v 26 Ekelemali ndjongo la ongo wale pe la ongo osato tee la iwo kpaa sambo.
\v 27 La gboo e iwo kpaa moli ongo agwaali.
\v 28 Ndjongo la obasi e logo, akodjaa moli ondai a ndondo iwoo sambo? Laate iwo kpaa wamototali nda moli.
\p
\v 29 Yesu awongolelali ate: odjeeni la owungi, laate oyewitini madhingo pe okulu e Mwengei;
\v 30 Pamba te la lisekwa pele wataika pe wali watilingele mawala ase wakodjaa iwo kpa nda wahumbwa. Wa likolo.
\v 31 La likambo lidheendji obasi e logo, otitangeni enge Mwengei aaselali ino ate:
\v 32 Idjei Mwengei o Abalayama pe Mwengei o Yisaka pe Mwengei o Yakobo? Ati Mwengei o wagwi, kasi e wato wa mokalo.
\p
\v 33 Ango ebiba e wato waokali ndjongo wakamwali la etiesakoli ende.
\p
\v 34 Ango wafalisaya wayokali ate: ahelesali wasadukai monoko, wayaboliali limbutu mwesi.
\v 35 Ase mwesi ewu ongo oyewali mibele olamu olamu, ahuelia a tina omomeki inde ate:
\v 36 Motiesakoli, nda mobele eeti osungu ndondo e mibele?
\p
\v 37 Amwaselelali inde ate: osengeli obali Mwengei Mongali e owe la motema mo owe mobimba pe la molimo mo owe mobimba pe la mamungo ma owe kpaa.
\v 38 Ango nde mobele enge eti osungu pe e liwoso.
\v 39 Ewale enge ehengemeni la ehoo; eho lele: eongi obale miinowe nda owe amene.
\v 40 Mibele kpaa pe matiesakoli, ehelani la mibele mwale.
\p
\v 41 Kaikoase ango wafalisayi wayaboliali ebete e kikima, Yesu awahuelali:
\v 42 Omungoini nde la tina e kilisito? Adjei mana o ndai? Iwo wamowongoselia ate: Mana o Davidi.
\p
\v 43 Inde awaaselali iwo ate: ndjongo nda ndenge Davidi la mboka e molimo santu akomowelaka inde likumu pe aasia:
\v 44 Mwengei asia la Likumu o mbai ate abata la eho e mbai e lilome tee ikobata watonani wowe sesee e makolo ma owe?
\v 45 Ndjongo inga Davidi amowelia inde Likumu, nda ndenge inde akoki odjei mana onde?
\v 46 Moto te mwesi atikokali omoowongweseli loyi pe moto te mwesi atimekali opoti ungo use omohueli poopo.
\c 23
\cl ESUKI 23
\p
\v 1 Sikalandjo, Yesu alongwali la tepelo apumbia, ndjongo watutiani wande wayandongbali la omoyinei nda ndenge emaanali tepelo.
\v 2 Awawongoselia ate: otienekeni wiho winge kpa? La meemene iyasi la ino ate, te libukeli liikima lititikala likolo la libukeli ladji, kpaa ekokwa sese.
\v 3 Ango eyabatali inde la Mokoli ma oliva, watutani wayandongbali atie inde ndji iwo amene wamoaselia ate: twewesa, sambo djaho ekokelama nda engele, la nda tondo ekoenese odji wowe la timei wosambo dja ehele engele?
\v 4 Militake, wakobataka la makolokoto ma wato, watibalaka okpali iwo amene la mosei.
\v 5 Waokelaka sambo kpa laate wato waene. Alidji wa kokpalaka filakateli, wadjei la songe elayi elayi la walobe djawu
\v 6 wakobalaka owabati ibete epoo la lipati alidji iholo elihoso la wasinagoga.
\v 7 Wa bali owahi ewo la iholo la hoho, la owa weli la wato Rabbi, Rabbi
\v 8 Kasi ino, otiyaweleni Rabbi; laate moto mwesi nde adjei mwalimo, odjei ino kpa wa mana ima.
\v 9 Otiweleni moto tweti a mbume wawa; laate moto mwesi ongo odyei wawa, ango odyei likolo.
\v 10 Otiyaweleni wa inyei, laate moyinyei monu adjei mwesi, kilisito
\v 11 Ongo oweti osungu la ino akoki odjei motuke monu.
\v 12 Ongo akoyadjamba wako modjilikisa, ongo akowadjilikisa wako modjamba.
\p
\v 13 Magba laino wa dingi wa mibeko la wa falizeyo wa hengeli; laate okodikelaka wato mboka elikolo; otilingelani ino amene, alidji otibalakate wango wabali olingeli watilingele.
\v 14 Magba la ino, wa dingi wa mibeko la wa falizeyo wa moleho laate oko pwesakani milako ma wali wango wa gweli pele, aleeti okokelakani la oyaisi maongi malayi malayi; la eho, okosambisamani la oeteli.
\p
\v 15 Magba la ino, wadingi wa mbeko la wa falizeyo wa hengeli! Laate okokpandakani ewale la mbume la okukoli moto mwesi motema; aleeti tango ekukolia inde motema, omoumisiani mana geena mbala iwale oweti te ino.
\p
\v 16 Magba la ino; wato wagwi mayiso! Wakwasaka: inga moto alapia la tepelo; ekeliti ema; kasi; inga moto alapia lawolo etepelo, akeli olamu.
\v 17 Wibebe! Wato wagwi mayiso; la wolo la tepelo nda enge eeti osungu, wolo inga tepelo enge ekohaka wolo lokumu.
\v 18 Okowasakani alidji: Inga moto; alapa la kombo e etombelo, ekeliti ema; ase, inga moto alapiya la likaho enge edjei la etumbelo, akoki oengemesi.
\v 19 Wato wagwi mayiso! Nde enge eeti osungu, likawo inga etumbelo enge ekohaka likawo lokumu.
\v 20 Ongo olapi la tepelo alapi la tepelo la djinge kpaa idjei ndondo;
\v 21 Pe moto ongo olapi la tepelo alapi la tepelo la ongo oyabati ango;
\v 22 Aleeti ongo olapi likolo alapi la ngbelengo e Mwengei la ongo oyabateli.
\p
\v 23 Magba la ino wapundesi wa pui la Wafalizeyo, wakosi okohakani atie Mwengéi esuki esi ndondo e wisuki liomu la wisoki nda ebili e mete, la ndjakumini, kasi odheyani opundesi sambo ndjinge dja pui: omemene, motema mangba, la ondjimi. Edjei eho nde ekokaki ino okeli, te odhei djinge djeti.
\v 24 Ino wato wango wakowa iniaka wato wango wagwi maiso mboka! Okoumesakani koka keke ndondo e wiho wikengake kasi okokengakani nama ekamela!
\p
\v 25 Magba la ino wapundesi wa pui la wafalisazeyo wakosi! Okokpolokoni kondolo e etotu la pepe, kasi ndondo etumi la pukapuka dja iwa djanu la ehoha e ebe.
\v 26 Mofalizeyo mogwi maiso! Kpoloyo liwoso ndondo e etotu inga esani enge etilindaka ndjongo ongo kondolo ekolanga olamukoto.
\p
\v 27 Magba la ino wapundesi wa pui la wafalizeyo wakosi! Odjéini nda kabuli djinge ikpuli iwo mpembe iyeneni wolamu ono saa, kasi ndondo itumi la mikuwa ma wato wagwake la ndenge kpaa dja wiho wiholoke.
\v 28 Ino odjéini ndjongo, la maiso ma wato walamu, kasi ndondo otumini la wikosako la sambo mbembe
\v 29 Magba la ino wapundesi wa pui la wafalizeyo, wakosi! Okowongelekeni kabuli dja waaseli, okowongelekeni wolamu wolamu kabuli dja wato walamu.
\v 30 Ase woasiani ate: inga todjaki engele e watata wasu, nda totiaboliali la iwo, la osui makila ma waaseli.
\v 31 Okondjimakani ino amene la oyakwisi ate odjeini wana wa wato wango waolali waaseli.
\v 32 La eho, silisani otomo wungo watata wanu wapotali.
\v 33 Wandjoo liwota la mabate! Nda ndenge emungoi ino otili eguele e lifelo?
\v 34 La ndjongo ikotomelani waaseli, wato walokenge la wapundesi wa pui. Okowaolani wadJi, okowakiani wadJi likolo la ekulusu, ase okowabingani wadJi pimbo ndondo e monguta monu mo wakongi la okowatutiani la moki mwesi la mwesi.
\v 35 La eho ewokweleni ino makila ma wato walamu winge wisuani la mbume, opoti la makila ma Abele moto molamu tee la Zakali, mana o Belekia, ongo omolalini ino la tepelo la etumbelo.
\v 36 Iwaselini loi lo memene, djinge sambo kpa ekokwele ehele oliye.
\p
\v 37 Yelusalema, Yelusalema, owe ongo okowaolaka waaseli alidji okobingaka wango waotomelini mabukeli! Mbala woni ilukali oboleyi wana wa owe, nda koko ekoboliaka wana wande ndondo emambulu, ino otibaleni!
\v 38 Dhenda minguta manu mikotila manganga.
\v 39 Ndjongo iwaselini olongoi keke otindjenekineni mbai tée ekowasani ino: pambwa ongo okodja la kombo e likumu.
\c 24
\cl ESUKI 24
\p
\v 1 Ango okia Yesu, apumbia la Tepelo watutiani wande wayandongbia la ahue la omoinei nda emaani eho.
\v 2 Kasi Yesu awaaselia ate: woenini nda odjéi eho? Iyowaselini la memene, etotikala ahala libukeli liesi likolo la leeti libukeli, kpaa ekokwa sese.
\p
\v 3 Yesu ayabatali likolo la mokoli mo oliva, ase watutiani wakia iwo amene okamohueli, waasali ate: Toasela iso, nda engele ekokelana ndjinge sambo, nda elembo ekokelana la wodji wowe, la gboo e moki?
\p
\v 4 Yesu awawongoselia: angatalakani moto atiokosakeni.
\v 5 La loyi ate wasuungu wakodja la nkombo e mbai wakwasa ate. Mbai idjéi kilisito ase wakowakosakola wato ngbi.
\v 6 Okookani mboli ewita la wita wikosana. Adhendakani, huakani otiwangakeni, la loyi ate ewongi djinge sambo ekelame, kasi gboo e moki eumakiyo.
\v 7 Alikambo witondo wikosana la weeti witondo, wokumu la wokumu wokosana, ndjala ekodja, mbume ekoduduma wibete kpa.
\v 8 Enge kpàa edjéi lipotele la odjidji.
\p
\v 9 Ango wakokawani ino la odjidji, ase wakotonani miki kpàa, la loyi e nkombo e mbai.
\v 10 Ango nde wato ngbi koto wakobhinga ekikimi, ase wakowa ino, wato wakotonana iwo la iwo.
\v 11 Waaseli wa moleho wakodjàa, ase wakowakosakola wato ngbi.
\v 12 Ase, sambo dja obuki pui ikouma ngbi, libalano la wato ngbi likosila.
\v 13 Kasi ongo moto okodjaa la egalala tee gboo akokala.
\v 14 Ehele mboli ndamu e wokumu ekotiesakolana la mbume djiesi kpaa, alikambo la ohi demu la wibete kpàa winge widjéi wato, mbuse eho gboo ekodja.
\p
\v 15 Nde ndjongo, ango ekwene ino ema ebe eamali la ebete e satu, nda eyasali mwaseli Daniele ate ongo otangi ahuake.
\v 16 Ase, wango wakodjaa la Yudea wakotila la mokoli.
\v 17 Ongo okotela likolo la motendo atoadjimba la ototi wiho winge widjéi la monguta monde.
\v 18 Ase ongo oki la wilanga atika wongwa mbuse ototi wiho winge witikali la mbuse.
\v 19 Magba la wali wango wadjéi la memi la wango wakonu ngesaka wana la masiyo maho!
\v 20 Akongokoni engele kpàa alikambo ate matili manu matidjee engele e pio makasi, te wuse wo yenga.
\v 21 Aloyi ate, enge engele ekodjaa wodjidji woesi wasungu, wungo wokelanakiyo tee lipotele la moki, tee ndji kekehele, ase etokelana kine alidji.
\v 22 Ase inga masio maho matiumake ahue, nda moto toeti atokala, kasi la loyi la wato wango waononi, wuse woho wokodjaa ahue.
\p
\v 23 Inga moto awaaselani ate: Kilisito adjéi ahala, ta ate adjei ango, otimondjimakeni.
\v 24 Alikambo ate: wa kilisito wa moleho wakodjaa, la waaseli wamoleho; ase wakoumesa masimbo ndenge la ndenge, ase wakokela wiahuelahueli, alikambo la awakwesi te wato wango waononi, te inga wokoki wodjéi.
\v 25 Weneni iyowaselini liwoso.
\v 26 Inga wa woaselani ate: Dhendani, adjéi la lisobe; otike ekeni, dhenda, adjéi la wila ngele, otindimakeni.
\v 27 Nda ndenge ekopumaka wuse la esiti wokobataka tee la wesite, nde ndjoongo ekodjaa odji wo Mana omoto.
\v 28 Ebete enge edjei molonda, koka ikoboliana ango.
\p
\v 29 Ndjiango mbuse e wodjidji e masiyo waho, moi mokolimana koto, ndebo etoumesa obhati woho, minoto mikolongwa likolo mikwe la mbume, ase wokulu wo likolo wokoduduma.
\v 30 Ango elembo e Mana omoto ekwenene ongo likolo, ase mawota kpàa ma miki mikwabhingabinga la oleli, ase wakomwene Mana omoto ageleli la mapata malikolo la okulu koto la mogano ngbii.
\v 31 Wahumbwa wande wakodjaa, la ndundu ikobinga, ase wakowakokia waononi wande la wihoko winei, olongoi la gboo esi e likolo tee la gboo eho edji.
\p
\v 32 OKani maamapundesi e mote mo Figi moenesi ango oumia witee petepete, la opumbesi kasi, woewini ate engele e ehela eumia ahue.
\v 33 Ndji ndjongo, engele ekoene ino sambo djinge kpàa, ewani wolamu ate wuse owongwake wo mbai wodjéi ahue.
\v 34 Lameemene iyasi la ino ate liwota lihili litoeta kpa, liwoso ate djihinge sambo kpàa iume.
\v 35 Likolo la mbume wikoleka, ase maloba ma mbai itoeta te wokeke.
\p
\v 36 La loyi lidhendji lisiyo la engele, moto tueti ayewiti, edje te waahumbwa te mana, ndji wawa inde amene moto oyewi.
\v 37 Loi wungo wokelanali la engele e Noa, ekodja ndji ndjongo engele ekodja mana o moto.
\v 38 Ndjongo ndondo e masio liwoso ate malia matume la moki mwesi kpàa, wato wadjakali olaki la okengi, wa djakali oiki wali, te oikesi wana wau, tee ndji wuse wolingelali Noe la wato.
\v 39 Watimungwakali loi te weti te, tee engele etumali malia eengia, ase ewaolali iwo kpàa, ekodja ndji ndjongo engele ekowongwa mana o moto.
\v 40 Wato wale wakodjaa la mwesi akomototana, mwesi akotikala.
\v 41 Wali wale wakohuluka wokeke ebete eikima: mwesi akototana, mwesi akotikala.
\v 42 Ndindjongo hukani, la loyi ate wewitini nda wuse okodja Likumu la nu.
\v 43 Ewani oho wolamu: inga memene monguta aewaki nda engele moto o iwa akodja la likolo, nda ayabatali angbilia, nda atidheli moto o iwa alingele la monguta monde.
\v 44 La ndjongo, ino koto, abanyiani wolamu, alikambo mbai mana o moto ikodja engele enge emungoiti ino.
\p
\v 45 Ndjongo nda motuke molamu pe aangatali ongo likumu la nde amobati sindjili e wato wa monguta monde la owahi wilaka la engele enge ebalami?
\v 46 Mwemu modjéi la moto o wotomu ongo inga Likumu lande akawongwa atie nde, amogbootia ayahekeleli la wotomu wonde.
\v 47 Iyowaselini memene: Akobobata likumu e wiho wande kpa.
\v 48 Ase inga adja motuke mobe, ongo akoyasela inde amene: LIkumu la mbai awumoi la owongoi,
\v 49 Akopota owabingi wato wango wakokelaka wotomu la inde mongindji, ingi alaka la okokengi mongindi la wato wa molangwa.
\v 50 Likumu laho akawongwa wuse wumgo inde atiyewa, la engele enge eyewiti inde.
\v 51 Likumu akomoha etumbu e tetelake, akomokawela liputi e wato wa ogeno: ongo ekodja oleli la otwi maino.
\c 25
\cl ESUKI 25
\p
\v 1 Eho lenge, okumu o likolo ekodja nda waseka liomo wango watotali matambe djawu pe wapumbali ogbotoni la molome o liwala.
\v 2 Watano wadjaali wikete, pe watano wadjaali la okenge.
\v 3 Wikete watotali matambe mau, kasi watitotali maita.
\v 4 Kaiko ase wango wa lokenge watotali miinda mau la maita ndondo e milangi
\v 5 Nda molome oliwala adjaali owumwei, waokali ilo, walangalali.
\p
\v 6 La ndondo e likolo moli modhumbiamali: dhenda molome o liwala, kekeni ogbotone la inde.
\v 7 Wali wango kpaa, wayamalia pe wawongelali matambe mawu.
\p
\v 8 Wikete waasaali la wango wa lokenge ate: hekeleni iso ndambo e maita eenu, laate masu mapotia olimani.
\v 9 Wongo wa lokenge wawongolali ndjo: te ndgjongo, maita matikoka okelelani iso la ino. Kekeni atie wango wakotambaka maita pe sambani djanu.
\v 10 Ango ekeeli iwo osombi, molome o liwala aumia. Wango wahuakali walingelia la inde monguta mo liwala, modhuhe edhikanali.
\p
\v 11 La mbuse, weeti waseka wadjia, waasia: likumu, likumu todhukola!
\v 12 Inde awangolali ate: iyoaselini meemene iyoyewitini.
\p
\v 13 Angatalakani a tina ate woyewiti lisio la engele.
\p
\v 14 Edjei nda moto mwesi apotali okii okendo la moki mo wadjidji, awelali mituke mandee pe awahekeleli iho wande.
\v 15 Ndjongo ahekeleli mwesi wambele itano oeti iwale, ongo oeti mwesi ahekeleli moto la moto ondeli okulu wonde, mbuse akeli okendo la moki mo wadjidji.
\v 16 Lambala kikima, ongo ototali wambele itano akeli okeli la eho molunga, pe eho ewotali eeti itano.
\v 17 Ndenge kikima pe la ongo ototali iwale, eeti iwale.
\v 18 Ase ongo ototali ndji esi akeli, pe atongali mbume pe ahisali ambele eho e wimbende e likumu lande.
\p
\v 19 Mbuse e masio malayi likumu e watuke adjali pe awawongoli wamosubele mboli e wambele djande.
\v 20 Ongo ototali wambele itano adjaali pe akpalali wambele eti itano aasali ate: likumu, ohekeli mbayi wambele itano; dhenga, ewotia wambele eti itano.
\p
\v 21 Likumu lande amoaselali ate: edjei olamu, motuke molamu pe la omeemene e sambo keke ikoobata obanyei wihoo ngbii. Lingela la mwemu e likumu la owe.
\p
\v 22 La mbuse ongo ototali wambele iwale adjaali pe amoaselia ate: likumu, ohekeleli mbai wambele iwale, dhenda, iyokpobeli wambele etii iwale.
\p
\v 23 Likumu lande amoaselia ate: edjei olamu, motuke molamu pe la omeemene; odjali olamu la sambo keke, ikoobata obanyei wiho ngbii lingela la mwemu e likumu la owe.
\p
\v 24 La gboo ongo ototali ambele esi adjaali pe aasali ate: likumu iyewaki ate owe okodjaka moto o sambo tetelake, okobukaka, ebete etiyone owe, okoboliaka ebete etihuholali owe.
\v 25 Ndjongo iwangali pe ikeeli oyisi ambele e owe la mbume, dhenda ambele owe lele.
\p
\v 26 Likumu lande amowongweselali ate: motuke mobe pe ekete, oyewali ate ikobukaka ebete ewoniti mbai, la ikoboliaka ebete etihuholali mbai.
\v 27 Oho lenge eengali obate wambele wa mbai ewimbende la baki ase la ewongo e mbai nda itoti wambele wa mbai la asumbelia.
\v 28 Mopwesani djinge ambele, mohani ongo odjei la wambele liomu.
\v 29 Laate wakomoha ongo odjei la eho ngbi, kasi ongo oti la eho, wakomopwesa te enge edjaki inde la eho.
\v 30 La enge edhendji mu mtuke mo pamba, molumbani saa: ongo ekodja ilelo la otui maino.
\p
\v 31 Ango mana o moto akodja la kembo ende pe wahumbwa wasatu mongindji la lainde, ndjongo akoyabata la ngbelengo ende e okumu la kembo.
\v 32 Miki kpa mikoyabata liwoso lande. Akokabola wato wadji la weeti, nda sindjili e kondolo akokabolaka kondolo la meme.
\v 33 Ase akobata kondolo la oho ende e lilome ase wa meme la ewo ende e liali.
\p
\v 34 Ndjongo likumu akwasa la wango wadjei la ewo e lilome: djakani, ino wango wapambwaami la wawa o mbai, totani mbano e okumu enge wawongelali ino tee la lipoteli e moki.
\v 35 Laate iyokali ndjala pe ohekelelini mbai ma ema lakake; idjali la ehoha, ohekelelini mbai malia makengake. Idjali modjidji pe oyambalini mbai olamu.
\v 36 Idjali lingbengbele pe okpalisalini mbai, idjali la boloko pe odjalini odhendji mbai.
\p
\v 37 Ndjongo wato walamu wakomowongolela inde ndjo, likumu nda engele toeneli, odjali la ndjala tohekeleli ilaka, inga la ehoha, tohekeleli malia makengaka?
\v 38 Nda engele toeneli modjidji pe toyambali olamu pe odjaali lingbengbele pe tokpalesali?
\v 39 Nda engele toeneli la ekoni te la boloko todjaali oodhendji?
\p
\v 40 Ase likumu awawongoselali ate meemene iyowaselini: masio kpaa enge okelali eho la mwesi la wato wango waeti wakeke ndondo la wa manima wa mbai, okelelalini mbai.
\p
\v 41 Ndjongo akwasa pe la wawo wa djei la eho nde eliali ate: longwani ala ino wango walakelanala obe, kekeni la misa enge etilimanaka enge ewongonali la etota la waahumbwa wande.
\v 42 Laate iyokali ndjala, ase otihalini mbai ilaka pe idjali la ehoha, otihalini mbai malia makengake.
\v 43 Idjali modjidji, otiyambalini mbai olumu; pe idjaali lingbengbele otikpalisalini mbai, idjali lekoni pe la boloko, otidjali odhendji mbai.
\p
\v 44 Ndjongo iwo pe wakomowongosela: likumu nda engele to oeneli la ndjala pe la posa e malia te modjidji pe lingbengbele te la ekoni pe la boloko pe totioyokelelali owe?
\p
\v 45 Ase inde akowawongolela la oasi ate: Iyowaselini meemene pendja ate: engele kpaa enge otikelali la mwesi a wato wango waheti keke ndondo e wamanima wa mbai, otikelelalini mbai eho.
\p
\v 46 Ase wakokela logo e libele, ase wato walamu, wakoke la mokalo mo libela.
\c 26
\cl ESUKI 26
\p
\v 1 Ase ango oseselali Yesu oasi sambo ndjande, awaaselia watutiani wande ate:
\v 2 Woewini ate etikali masio maale Pasika ekelane, ase wakomokawa Mana omoto la loyi ate wamwakie la kulusu.
\p
\v 3 Ndjoongo wiloko wa wanganga Mwengei, la watiesakoli e pui wakumu la wiloko wato wagbotonia aatie nganga Mwengei mosungu ongo omoweli iwo ate Kaifa.
\v 4 Ase wakelia londo la ndenge ate wamohele Yesu la lokenge obe, ase wamoole.
\v 5 Kasi wasiate: etidjee engele e lipati, la loyi ate wato watikele ewedje.
\p
\v 6 Ango edjakali Yesu la Betania, la monguta e Simona moto oekoni e mbala.
\v 7 Moli mwesi ayandongbia ahue onde, aiki mokeba mo malasi modjéi la lumba wolamu, mungo modjéi la motio mosungu, ase ango odjakali inde olaki, amosuelia malasi la moto.
\v 8 Watutiani, waenia ndjongo, ewabitelia, ase wasia ate: nda ndenge obitesi ema nda ehenge ndjongo?
\v 9 Ewongoki ate watambe mango malasi la motio mosungu, wawahe watundake.
\p
\v 10 Ango ookia Yesu ndjongo, awaseselia ate: ndandenge ekomodendiaka ino oholo moli? Akeli loi wesi wolamu atie mbai.
\v 11 Ino odjéini la watundake masio kpàa, kasi otodjaakineni la mbai masio kpàa te.
\v 12 Nda esweli inde mbai malasi la wenge wa mbai, edjei la olengeli oombami o mbai.
\v 13 Iwaaselini la memene, wiati kpàa wikoasana mboli ndamu, la moki mwesi kpàa, wakwasa la omungoi ndenge ekeli oholo moli.
\p
\v 14 Ndjiango mwesi owatutiani wande liomu la wale, omoweli iwo ate Yuda Mosikaliota, akia atie wiloko e wanganga Mwengei.
\v 15 Ase asiate: okohani mbai nda ema laate iyokaweleni la inde? Ase wamohekelia wambele tuku isato.
\v 16 Ndji enge engele, alukia ndenge ndaamu la omokawi Yesu.
\p
\v 17 Wuse wopoo e wokoke edjangi enuele watutiani wakiaa atie Yesu, wamwaselia ate: Nda eati ebali owe ate tokawongele Pasika?
\p
\v 18 Awawongoselia ate: Kekeni la gbata la ebete eesi, ase owaseleni ate: Likumu aasi ate: Engele e mbai ewumia ahue, ikokela Pasika la watutiani wa mbai atie owe.
\v 19 Watutiani wakelia ndindjongo nda ewatomali Likumu. Ase wawongelelia Pasika.
\p
\v 20 Eumia pokwa, aabatia la mesa inde la wango liomu la wale.
\v 21 Ango odjakali iwo olaki, asia ate: iwaselini memene, mwesi oonu akokawa mbai.
\p
\v 22 Waokia magba makasi, ase mwesi la mwesi apotia omwaseli: Edjéi mbai Likumu?
\p
\v 23 Awawongoselia ate: ongo moto obongi la mbai ewo la pepe ebete eikima, inde nde okawa mbai.
\v 24 Mana o moto akokeke, ndenge edhingami eho la loyi lande, kasi magba la moto ongo okomotambaka mana o moto! Ekokaki odjei olamu inga moto oho atiwotamake.
\v 25 Yuda, ongo omokawali a longosia loi asiate: Edjéi mbai Likumu? Yesu amowongoselia ate: Ndjongo nda owasi owe.
\p
\v 26 Ango odjakali iwo olaki, Yesu atotia okoke; ase mbuse, eende eoyakongi abukia, ase awahekelia watutiani asiate: totani, olakeni, ehenge edjéi wenge wa mbai.
\v 27 Mbuse atotia etotu, ase mbuse ewakongi, awahekelia asiate: kengani ino kpàa;
\v 28 Ehenge edjéi makila ma mbai makila ma wouma ma oholi, mango makoswakana la loyi la wato ngbi, la olimbesi masumu.
\v 29 Iwaselini, itokenga kine engema elongoi la mote movino, tee wuse wungo okokenga mbai enge poli la ino mongindji, la okumu o wawa.
\p
\v 30 Mbuse e olembi lembo e Davidji, wakia la mokoli mo oliva.
\p
\v 31 Ase ongo Yesu awaaselia ate: okobingani ekikimi ino kpa la li likolo, la loyi la mbai, laate edhingami ate: ikomobinga sindjili e pata, ase mpata djaho kpàa ikowandjana.
\v 32 Kasi ango mbuse ekosusua mbai, ikokee liwoso lanu la Galilaya.
\p
\v 33 Petelo aotia liloba, aasia ate: inga té wato kpàa wakosakela ekikimi a loyi la owe, mbai itisakela ekimi te okeke.
\p
\v 34 Yesu amwaselia ate: la memene ewaseli mbai, la li likolo ndjo liwoso ate koko ebekwe okowungana mbai mbala isato.
\p
\v 35 Petelo amoongoselia ate inga tate edjaki ate togue la owe mongindji mbai itowungana. Ase watutiani kpàa waasia ndji ndjongo.
\p
\v 36 Mbuse eho, Yesu akia la iwo la ebete esi e weli iwo ate Getesemani, ase asia la watutiani ate: abatani ahala, ango ekokeke mbai lihele oyakongi.
\v 37 Amototia la inde Petelo la wana wa Zebedeyo wale, apotia ooki magba la oyamungoi makasi.
\v 38 Awaselia alidji ate: Molimo mo mbai modjei la magba tée la logo. Abatani ahala djaani maiso ngbai la mbai mongindji.
\v 39 Ase ayandongbia moke liwoso, akuya elongi la mbume ayakongia ndjo: Wawa, inga eho ekodja olamu, ehele etotu eleke lihiele la mbai! Mbala kpàa, etidje wungo wobali mbai, kasi edje nda ebali owe.
\v 40 Ase, akia ango odjéi watutiani, awagbotia walali, ase asia la Petelo ate: ino okokitini otoni la mbai té engele esi?
\v 41 Susuani, ase wakongeni la loyi ate otikweni la mamekani, elimo edjéi la mogalia kasi moini modjéi pete.
\p
\v 42 Awatikia alidji ase ayakongia ndjo: wawa o mbai, inga eengaki ekelame ate eho etileke inga etikenge, mokano mo owe mokelame.
\p
\v 43 Awongoyia alidji akawagbotia walali ilo, ango maiso mawu malitali.
\v 44 Awatikia, ase akia alidji, ayakongia mbala esato, awongwanelia ndji ndjongo.
\v 45 Mbuse eho akia atie watutiani wande ase awaaselia ate: Woni odjéini la wilo, alidji okohomakani la ehele engele? Dhendani, engele eumia ahue, ate Mana omoto wamokawe la mawo ma wato wa masumu.
\v 46 Susuani, tokee dhenda ongo okawi mbai aumia ahue.
\p
\v 47 Ango edjiakiyo Yesu owaasi, dhenda, Yuda mwesi ndondo e watutiani liomo la iwale, aumia, adjiya la watongbi waiki mabeha la mite, walongoyi atie makumu e wanganga Mwengei la wiloko e wato.
\v 48 Kaikonde moto ongo omotambali awahali elembo, aasali: moto ongo ikomolinga ekopi edjei inde mohelani.
\v 49 Lambala kikima Yuda ayandogbia atie Yesu aasia: mbote mwalimo! Amolinga ekopi.
\p
\v 50 Yesu amowongoselia: manima, enge edji owe okeli, kela eho. Ase wango wato wayandongbia wamobatia Yesu mawo, wamohelia.
\v 51 Mwesi la wango wadjakali la Yesu mongindji aumesia sapia ende, amokotia moto o wotomu o nganga-Mwengéi mosungu, ase amotenia litoi.
\v 52 Yesu omoaselia: wongosa sapia e owe la mokpokobo la loyi ate wango kpàa wakokelela sapia, wakogua ndji la sapia.
\v 53 Omungoli ate itikokake oongi ligamasi atie wawa, akoki otomeli mbai ndji sikala oleki liwoke e wahumbia liomu la iyale?
\v 54 Ndandenge ekoengemene madhingo, ate eho ekokaki okelami ndji ndjongo?
\p
\v 55 Mbuse eho Yesu awaaselia liwoke la wato: odjini la wiwuni la mité la oheli mbai nda moto o iwa? Masio kpàa idjakali masio kpa oyabati la ino, otiesakoli la tepelo, otihelalini mbai.
\v 56 Kasi djihidji kpàa iumia ndjo la loyi la woengesi madhingo ma waaseli. Watutiani kpa wamodheiya, watila.
\p
\v 57 Wato wango wamohelali Yesu wakeli la inde atie nganga Mwengéi mosungu, Kaifa, ongo wapundesi wa pui la wiloko wato wagbotonoli.
\v 58 Petele adjali omotuteyi Yesu mbuse ma lihiele, tee la monguta mo nganga-Mwengéi mosungu, alingeli andondo e lopango ase ayabatia la watuke mongindji la ondhendji inga loi woho woko suka nda ndenge?
\p
\v 59 Wiloko wato wa wanganga Mwengéi la wiloko wato kpàa wakelali londo mosungu la oluki loyi e mohengelake Yesu laate wamoolese.
\v 60 Kasi watieneli te likambo likikima, te ndenge wato wa moleho wadjali ngbi. Mbuse weeti wale wadjali.
\v 61 Ase waasia ate: oholo moto aasali ate: ikobuka monguta mo Mwengéi ase ikoma la mbuse e masio masato.
\p
\v 62 Nganga Mwengéi mosungu aamalia ase asia la Yesu: Owongositi loi te lokikima? Woni wa wato wakokambaka?
\v 63 Kasi Yesu aabatia logoo. Ndjongo nganga Mwengéi mosungu asia la inde ate: la nkombo e Mwengéi o mokalo iwongi otowongosele iso la memene inga odjéi Masia mana o Mwengéi?
\p
\v 64 Yesu amowongoselia: Owe oasi ga. Kasi yasi la ino okoeneni ndji keke mana o moto ayabati la lilome e Mwengei e okulu kpaa, igeleli la mapata ma likolo.
\p
\v 65 Nganga Mwengéi mosungu asalakolia wisindje wande wa wenge ase asia ate: Amotangi Mwengei! Nde ekolukakine iso wa demo? Ookigani nda emotangi inde Mwengei.
\v 66 Omungoini nde? Wamowongolia ate: Akoki la logo.
\v 67 Mbuse wamolumbelia soi la mbanda mpe wamobingia ibhotu, weeti wamobambolia la oasi:
\v 68 La oasi: Kilisito twasela. Ndai aobingi?
\p
\v 69 Petele ayabatali kelekele ndondo e lopango, Moto e owotomu mwesi o moli o nganga Mwengi mosungu aumia ahue lainde ase amwaselia ate: owe koto adjaki la Yesu mongindji moto o Galilea.
\p
\v 70 Kasi Petele awungania la oasi: iyewiti enge ebali owe oasi.
\p
\v 71 Mbuse eho ango edjali inde oki liwoso la moluhe mo lopango, Moto o wotomu mwesi o moli odji amoenia awaselia wato wango wa djakali ango: oholo moto adjaki la Yesu mongindji moto o Nazaleta.
\p
\v 72 Ase Petele awungania alidji la olapi: Imoyewiti ohongo moto.
\p
\v 73 Mbuse e engele ekeke, wato wango wadjakali ango wayagugia ahue ase wasia la Petele; memene odjéi mwesi owu, easeli e owe ekoeneseke.
\p
\v 74 Kasi Petele apotia owabumakoli la olapi ate: Imoyewiti ohongo moto! La mbala kikima koko ebhekoiya.
\p
\v 75 Ase petele amungolia loi wungo woasali Yesu la inde ate: liwoso koko e ebekwe okowungana mbai mbala isato. Apumbali saa, atobheiya la ilolo la magba.
\c 27
\cl ESUKI 27
\p
\v 1 La kesekese wiloko wato kpàa wa wanganga-Mwengéi la wiloko wato wa wa Yuda waokanali ebete eikima alikambo la omoli Yesu.
\v 2 Wamohelali, wamokawia la wamobatia liwoso la Guvelenele Pilato.
\p
\v 3 Engele Yuda, moto ongo o mohali Yesu atie watone aeneli ate wateniga loi wo Yesu la omoli, inde aokali magba la motema, ase akadjia la pukapuka dja wadjinge tuku isato atie wiloko wato wa wanganga Mwengéi la wiloko Watone la wiloko wato.
\p
\v 4 Inde awaselia ikelali wobe omokawi moto ongo otila huka te la omoli! Ase wamwaselia edjéi loi wosu? Eho edjéi loi wo owe
\v 5 Yuda akalumbia wadjenge ndondo e monguta mo Mwengéi, ase akia mbuse eho inde akia wanangi moliki la kingo ende mene.
\p
\v 6 Wiloko wato wa wanganga Mwengéi waonia wadjenge waho ase wasia: pui djasu itekasi obati wadjenge wahawa la sanduku e monguta mo Mwengéi, alikambo edjéi motio mo makila.
\v 7 Ambuse e wokani ebete eikima, walumbali wadjenge waho la elanga e moto mwesi ookeli teni, alikambo la obati elanga eho ebete eowakundi wato wadjake.
\v 8 Alikambo laho, wawelali elanga eho elanga e makila tee kekehele.
\p
\v 9 Ndjongo sambo dja mwaaseli Yeremia yengesame: watotali puklapuka dja wadjenge tuku isato wadjenge wango waokanali wato wa Isalaele la oputi alikambo lande.
\v 10 Ase wasombia la djaho elanga e moto ookeli teni, nda eheleli Likumu mbai mwamo.
\p
\v 11 Yesu amalali liwoso la Guvenere amohulia owe odjéi Likumu la wa Yuda? Yesu awongosia, wasiga.
\p
\v 12 Mbuse wokeke ango wiloko wato wanganga Mwengéi la wiloko wato wamobetelia inde, inde atimowongoselali moto twti.
\p
\v 13 Ndjongo Pilato asia la inde okitiaka te, obeteli wuhuwu wokobeteleke iwo?
\v 14 Ase Yesu atimo wongoselali ema teeti te ndjongo Pilato aahuelia ngbii oleki.
\p
\v 15 Ndondo e mapati kpàa ma Pasika, Guvelenele akomodeke moto mwesi o woyogo, moto ongo omobalaki wato kpàa.
\v 16 Ndjongo la engele ehomoto mwesi owoyogo edjakali moto owoyo ongo omobalakali wato kpàa nkombo ende Yesu Baraba.
\p
\v 17 Ndjongo Pilato awahuelia wato ngbii wango waabolei: obalini imode nda moto la loi lonu? Yesu Baraba te Yesu ongo omoweli iwo Kilisito?
\v 18 Te la gesele te inde aewali wolamu ate wamokawali Yesu atie ende, alikambo ate wadjali la ekakala.
\p
\v 19 Ango wabatakali Pilato la ebete e timilali moli onde a motomia moto owasi la inde: otikelake loi te weti atie oholo moto ohuko te alikambo ate keke a likolo yoki wobe ngbii la oloti la loi wonde.
\p
\v 20 Wiloko wa wanganga- Mwengéi la wiloko wato wa watindikia wato la omwongi Pilato Baraba, ase wamoolé Yesu.
\v 21 Guvenele awahuelia wato waho obalini imodee ndai ndondo e wahawa wato wale? Wamowongoselia: Baraba!
\p
\v 22 Pilato awahuelia: ndjongo obalini ikele nde la Yesu ongo omoweli iwo Kilisito? Wato kpàa wawongosia: mwakiani la Kuruse.
\v 23 Pilato ahuelia ndjongo inde akeli nde? Take go Ase wopotali opami la wokulu kpàa wou: Mwakia inde la Kuruse!
\p
\v 24 Ango wenia Pilato ate aengiti ikine okeli loi te weti te, ase ndi etale elekali liwoso, inde atotia malia agbolia mawo liwoso la wato ase asia huko e ohoko moto eti la moto mo mbai te! Edjéi loi wonu!
\p
\v 25 Wato kpaa wawongosi: ewongi huko eoholo e logo edje la mito masu, tee mito ma wana wasu.
\v 26 Njongo pilato amodeya Balabasi alikambo la iwo. Inde ahekelia mwano oomobingi Yesu fimbo, awaaselia wa mohele a ekulusu.
\p
\v 27 Wa masaze wa Pilalato wakia la Yesu la munguta mo guvelenele, ase wa masaze kpaa waaboleya kelekele ende.
\v 28 Wa molongosiya isindje wande, wa mokpalesia lobe etanake.
\v 29 Mbuse eho wasonia kataka e keeke, wa mokpalesia a moto monde, wa mohelesiya ekongo la ewo e lilome, wa maiya mawuli liwoso lande, wa mosekali la owasi: Mbaa likumu la wa yuda.
\v 30 Wamosuwelali ikaha, watotali ekongo wa mobingia la moto.
\v 31 Ango edeiya iwo omoseki, wa molongosiya lobe etanake, wamokpalesia isindje wande amene, ase wakia la inde omobaki la ekulusu.
\p
\v 32 Ango oumali iwo, wagbotonia la moto mwesi o Kirene, omoweli iwo ate Simoni ase wamwaselia la makasi ate akpale kuluse e Yesu.
\v 33 Waumia ebete esi eweli iwo ate Gologota enge easi ate ebete e mokua mo moto.
\v 34 Wamohekelia vino ewauesi iwo la malia mabe ate akenge, kasi adetia atoni a okengi.
\v 35 Mbuse eomogbomi la ekulusu wakania wisindjè wande, wabingia waho la likambo la okokesi ndjinge yasanali la waaseli ate wakokawana wisindjè wambai ase wakobinga kandjo e mbai la zenge.
\v 36 Mbuse wabatia, wako denda.
\v 37 Alikambo la ohui demu eohelani wonde, wadingia la likolo la moto monde oholondjo andjéi Yesu Likumu la wayuda.
\v 38 Wamogbomia la kulusu inde la wato wabe wale, mwesi la ewo elilome mwesi la ewo e liali.
\v 39 Wato waetakali la mboka wa motangakolia, la oninganesi moto.
\v 40 La wasiate: owe moto olukaki ate obuke tepelo, ase otonge mbuse e masio ma sato, akalesa kine owe mene! Inga ondjéi Mana o Mwengéi, andjimba la kulusu.
\p
\v 41 Wanganga-wakawi, la wadingeli la wiloko wato wapotia omoseki, ase wasiate.
\v 42 Awakalesali wato wadi, ase akokiti wakalesi inde mene! Inga andjéi Likumu la Isalaele, aandjimbe la kulusu, ase tomondime.
\v 43 Aahi la Mwengéi, Mwengéi amokalese kine inga amobali. Ango andjakali ate mbai indjéi Mana o Mwengéi.
\v 44 Wato wabe wango wawagbomoli lainde la kulusu mongindi, wamotangakolia ndindjongo.
\p
\v 45 Olongoi engele etimobatée e libwa, molili molingelali mokili mwesi kpàa.
\v 46 Ase engele e libwa, mYesu apamia la moli mosungu Eli, Eli lama sabakatani? Measite Mwengéi o mbai Mwengéi o mbai, odei mbai alikambo la nde?
\v 47 Wato wadi wango wandjakali ango waokia ndjongo wasiate akomowelaka Elia.
\v 48 Ase ango mwesi owu akia obangu aotia linuka aluleya la vino e ngai, ase abatia la etotu, amohia ate akenge.
\p
\v 49 Ksi wango wadi waasiate deeni toene inga Elia akondja omokalesi.
\v 50 Yesu ahumbia pui alidi ase atenia motema.
\v 51 Ase denda litambala la petelo lisaleya la wisali wiale, olongoi likolo tée sése, mbume iningania, mabanga matakania.
\v 52 Kuli inuhama ase wansatu wango wagwaté wa susoya.
\v 53 Wato wango walongwali la kabuli, mbuse e wosusoi wo Yesu, walingelali la moki mosatu, ase wato wasungu waweneli.
\p
\v 54 Wasindjili la wato wango wandjakali ango la omokengeli Yesu, waenia woningani wo mbume la ndjinge sambo ileki mine, wawangia makasi se wasiate Memene, oholo moto andjaki Mna o Mwengéi.
\p
\v 55 Wali ebele wandjakali odengi lalihiele wango wakeli la Yesu tée la Galilaya, la omolambeli.
\v 56 Katikati ewu endjali Malia Magadala, Malia nango Yakobi la Yosefu, la ngbau owana wa Zebedeyo.
\p
\v 57 Kolokoloeumia, moto mwesi o Arimateo andjakali la wambele ebele, nkombo ende Yosefu, ongo ondjakalihoto motutia o Yesu.
\v 58 Akia atie e Pilato, ase akaongia wenge wa Yesu. Ase Pilato asiate wamohekele la inde.
\v 59 Yosefu atotia wenge, alingia la esindjè elamu elumbake.
\v 60 Ase abatia la kabuli esindjè eholi enge ewongeleli iwo la mabanga. Mbuse adihue libanga lisungu la moduhe mo kabuli, ase akia.
\v 61 Malia o Magadala, la Malia la Malia odi wandjakali ango, wabati ndiango ahuela kabuli.
\p
\v 62 Wunewuse, ege endjakali wuse wo woa wongeli, wanganga wakumi, la Wafalisayo wakia mongindi liwoso la Pilato.
\v 63 Ase wasiate Likumu, iso to waseli ate ongo mosakoli asali ate akokala alidi mbuse e masio masato ako susua.
\v 64 Watoma wato wakakengele kabuli mbuse e masio ma sato, alikambo ate watutiani wande watindjamoiwe ase la wasi la wato ate; asusoi ga la wato wagwake. Moleho mo ehele mbalandjo mokoeta té mbala eliwoso.
\p
\v 65 Pilato awaselia ate ondjéini la sindjili, kekeni kakengeleni ndenge ewi ino.
\v 66 Wakia, ase walingelia la kabuli la ndenge ndamu, watindikia.
\c 28
\cl ESUKI 28
\p
\v 1 Mbuse e sabata, la hilihili e lisio la poo e poso, Maliya Magadala la moliya weeti wakeeli odhendji mbila.
\v 2 Eho dhenda! Mbume edudumali makasi meenene, laate ahumbwa e Mwengei alongwali likolo, ayadjimbia, agulia libhukeli liwoso e modhuhe mo mila, ayabatia likolo la ho.
\v 3 Ndenge ende edjakali nda abalimani, pe wisindje wande ebubali nda mapata.
\v 4 Wasindjili wangilimali la owangi, waumali nda wagui.
\p
\v 5 Ase ahumbwa ehoo awawongoselali wali waho ate: Otiwangeni, laate eyewi ate okolukakani Yesu, ongo omobakali oyo.
\v 6 Ati alandjo laate asusoigaa, nda eyasali inde. Djakani odhenge ebete Likumu alangalali.
\p
\v 7 Ase kekeni galagala pe walehela watutiani wande ate asusoi. Aki liwoso la nu la Galileya. Ongo nde okomoeneni ino. Meemene isilisiga oowaselini.
\p
\v 8 Walongwali obangu la mbila, la owangi la mwemu sungu, wakeeli obangu owasumbeli watuatiani wande mboli.
\v 9 Dhnda! Yesu agbotonia la iwo pe awaaselia: mbaa! Wadjali wamohelia mangbanda pe wakuya mauli liwoso lande.
\v 10 Ndjingo Yesu awahaselia ate: oyiwangeni! Kekeni owasumbeli wamanima wa mbai mboli, ate wakee a Galileya laate ongo wakohene
\v 11 Ango edjakiyo iwo la mboka, weeti wasindjili walingelali la gbata, wawasumbelia wiloko wa wanganga Mwengei sambo kpa ekelamali.
\v 12 Mbuse e waabondji la wiloko la olingeli likita, waahali wasoda makuta masungu.
\v 13 Ase wawaselia: asani ate watutiani wande wadjaali oyiwi wenge ndji iso todjei la ilo.
\v 14 Inga ewuma la matoyi ma likumu e gbata, tokomondimisa alidji tokokela ate watootungeseni.
\v 15 Ndjongo watotali wambele eho ewibende pe wakelali ndi nda ewatiesakolali iwo; pe loi luhoo esombali atie wa yuda tee la lisio la keke.
\p
\v 16 Kaikowase, watuitiani liomo la esi wakeeli la Galilaya a mokoli enge Yesu awa wunelali iwo wagbotone.
\v 17 Ango emoenia iwo, wamomayelia mauli sese kasi wadji wakokiali.
\v 18 Ase Yesu ayandongbali pe akpomesali la iwo, aasia: wahekeli mbai okumu kpaa e likolo pe la mbume.
\v 19 Eho lenge, kekeni pe owumeseni wato wa miki kpa watutiani wa mbai, owapateseni la kombo e wawa pe la mana pe elimo satu.
\v 20 Watiesakolani watose sambo kpaa enge oyohekelini. Pe dhenda! Edjei la ino tee gboo e moki.