bbm_reg/42-MRK.usfm

\id MRK
\ide UTF-8
\h Malaako
\toc1 Malaako
\toc2 Malaako
\toc3 mrk
\mt Malaako
\c 1
\cl ESUKI 1
\p
\v 1 Ehele edjei mboli ndamu e Mwengei Yesu kilisito.
\v 2 Ndenge edingami la mokanda mo Isaya, ndenga ikotoma atie owe motomani mo mbai; ongo oko wongele mboka eowe;
\v 3 Edjei moli mongo moko kpomaka ongo la motulu: wongeleni mboka e likumu, la langiani eho olamu.
\p
\v 4 Yowana awumali la motulu, adjaali oti libatisi likukoleke motema la olimbisi masumu.
\v 5 Mikii kpaa Judaya wato kpaa wa yelusaleme, wadjakali oki atie inde wadjakali owunisi la ohola masumu, Yowaniadjakali owabatisi la malia ma Yoloda.
\v 6 Yowani adjakali okpali esindje wa suwe dja kamelamoliki mo ekomba enama o motulu.
\v 7 Adjakali otiesakoli ndjo: motongo akodja la okulu oleti mbai; ikokiti otokoli miliki dja ikpokpo wande.
\v 8 Mbai ikoo batisaka ino la woliwa, kasi inde akobatisaka la molimo mosatu.
\p
\v 9 Enge tango, Yesu akeeli la Nazalete ongo la Galile Yowani a mobatisali la yuludani.
\v 10 La tango enge awumali la malia, aenia likolo lindukwania, elimo ewadhimbielia nda pidjo.
\v 11 Leeti mooli mookanali likolo odjei mana o mbai olibalano iyemeli loowe.
\v 12 Aleeti tango enge elimo emotomia la motulu.
\v 13 Ongo akeliaka masio tuku ineii la omekami la etota. Adjakali la mbau dja mitulu,
\v 14 Mbuse Yoana ahelanali akia la Galilai, okatiesaka loyi lo Mwengei.
\v 15 Adjakali owasi ndjo ekoki okondji olikolo wowumia ohue okukolani ndima ni mboli ndamu.
\p
\v 16 Tango esombakali inde penepene emalia ma Galilai, amo wenia Simoni iwo la Andele, manango la Simoni walumbakali woya la malia, wadjakali wa lobi.
\v 17 Yesu awaselia: biliani mbai, ikobatani wa lobi wa wato.
\v 18 Wa deiya meya mawo, wa mobilia.
\v 19 Atike lihele te, amoyenia Yakubo, manango o Zebede, la Yowane, manango ongo wadjakaali kati wato owongeli meya.
\v 20 Ndi ehenge tango ndjo awawelia, wa déeli wa sagbasu Zebede la wasali wau, weeti wa obilia.
\p
\v 21 Wa keeli la kapanaume. Edjààli lisioo la yenga, Yezu alikambo ndondo e losambo, mpe abandi otiesakoli.
\v 22 Wato wakamwali mingi la ndéngé edjakaliinde otiesakoli la otétélaké, etidjàli okokani la ndéngé ewa wiloko wato.
\v 23 Adjàli ndondo ésinagogà ewu, moto mwesi adjiàli la molimombé mpe ahumbwali pwi: Ndéema edjei etiiso la owè, yesu moto ona nazarethà? Odjialà ndjo otolimwesé isoo.
\v 24 Iyewike odjéi: motuké o Mwengei.
\p
\v 25 Yesu àapameliya àasia, héla munoko mpé pumba la wéngé ehéle moto.
\v 26 Molimo mobé mopumba ndondo moto, eko molumbàlumbà, mpé akohumbwakà pui.
\p
\v 27 Watokpàa wakamwiya, wabandia ohuèlani: Epoti owasi ndjooni? Edjei mateya màholi. Ahotumiàka la otétélàké milimombé, ewotosaka!
\v 28 Mboli endé éandjali galilea esi kpaa.
\p
\v 29 Wopumbia à sinagoga, wakiyali la molako e simoni la Andele mboka kikima la Yakobo la Yowani.
\v 30 Nango okiyo Simoni alangalali la epée adjali la ekoni é fèfèle; mbala esi, wa mwaséli Yesu à loilandé.
\v 31 Ayandongbia pène indé, àmohelia mahoo àmomalesià mpé mbala okikima fèfèle emomiya. Mbuse, awàkeleliyà eleka.
\p
\v 32 La pokwa, mbuse élolangali éusé, wamodjelia wato dja ikoni kpàa, mpé wato wa etota.
\v 33 Wato mungo moki wadjiatée à moduhe mondé.
\v 34 Akalesià wato kpàa wongo wadjàali la ikoni pkàa. Aombia la milimo mbé ngbii, atidjàali obali milimo mbé eyasi, laate wi moyewali.
\p
\v 35 La ngonga eboo, ndii likolo edjeiyo, àamalia, aatè akè ébeté émangàngà, ongo adjali ndé oàkongi la Mwèngei.
\v 36 Simona lawango wadjàali landé; wakia omoluki.
\v 37 Wa mogbotia wamwaselia: motokpa akolukaka.
\p
\v 38 Awaaseliya toke enge moki mo mungo modjei kelekele ikoki pe oteyi ongo, laate edjei saa loyi luwo.
\v 39 Mpe akia otei la wa sinagoga, la moki ongo mo engali kpa pe awumbia la milimop mbe.
\p
\v 40 Moto o mbala adja atie inde, awalumbia la mawuli mpe a mwaselia la popoo enge magba: inga ombala, kalesa mbai.
\p
\v 41 Yesu atumia la magba, akokolia ewoo, amohelia mpe asiaa: ibali, iume peto.
\v 42 Enge ngonga, mbala epumbia aseko aumia peto.
\v 43 Yesu àmotumia mbala kikima, amwaselia la otétélaké, mpé à mwaselià, àbania
\v 44 otimwaselé moto tweti, keke owa inye etii wutuke wa Mwengei, kèkè owà inyé étii etuké wa Mwengei, aseko, hàamakabo Moyize atomaali la moto okali.
\v 45 Ongo moto okeli osumbi mboli, la ndéngété, Yesu atikokàli aléeti olingeli la hoho. A omalali sàa, la ébété engé edjàali la manganga, wato wa moki wadjàali odji.
\c 2
\cl ESUKI 2
\p
\v 1 Mbuse emasiyo, Yesu awongoiya akapelanawuma, wawokia aate adjei a molako.
\v 2 Wadjia wato ngbii ebeté liwoso la moduhe etiwakokali, adjali owateyi.
\v 3 Wato wadja etei indé wadja la moto ogwi makolo wato waneyi wa mopkali.
\v 4 Ndengé etikokali olingeli ngbii wato wa djali, wabukia mohuwa momolako ebete edjaki indé, wa modimbia la egénge moto obukeyi makolo alongalaki.
\v 5 Yesu adendia ondimi owu oasia longo moto oekoni: mana o mbai, masumu ma owe malimbisami.
\p
\v 6 Wateyi wamibeko wango wadjakali ongo wasia oholo motoakohasaka ndjoongo awotiolaka Mwengei. Iloko wato waobatakoli, wadjakalali ongo owasia:
\v 7 woni oolomoto akowasaka ndjoongo? Awotiolakà. Ndayi okoki olimbisi masumu, inga etidjei Mwengei.
\p
\v 8 Yesu ayewiya mbala kikima engé edjaki iwo owasi ndondo ewu, awaaselia: woni odjei ni la momumongo amitema manu?
\v 9 Ndé edjei obé, owasi la moto ogwi mokolo: masumu maowe malimbisami?
\v 10 Aloyi tè oyeweni mana omoto adjei la okulu ala sese olimbisi wato mabe beba manu:
\v 11 Aansia la moto ogwi makolo, iyowaseli, amala, tota épé owe, keke a molako owè.
\p
\v 12 Ndjilengé ngonga aamalia, atotia epé endé apumbwa wato kpa wakomoweneke, iwo kpa wamokumisia mweengei; waosia, tée edjei iso toeneki yo dji sambo.
\p
\v 13 Yesu akia aleeti ngambo emalia. Wato kpà wadjia etie ndé adjali owatiesakoli.
\v 14 La oweti amowelia Levisi mana Alafe, aabilo epako amowaselia mbai, amobilia.
\p
\v 15 Ongo yesu odjaki ameza amolako mo levesi, wa futisi pako, la wato wa ekaleli mbé waabatia ameza la indé alééti lawayekoli wandé; wadjali ngbi, wadjaki omoyoki,
\v 16 iloko la wafalizeyo wa moweliya akolakaka la wafutisi pako la wato ekaleli mbé, waasia la wa yekoli wa ndé: oweni akolakaka, aleeti akokengaka la watisi pako, la wato ekeleli mbe.
\p
\v 17 Yesu awokia aasia; etidjée wango wadjei la posa ewa dokitele ndi wango wadjei la ekoni. Itidjei oweli wango wadjei olamu, kasi wato wa masumu.
\p
\v 18 Wayekoli wa yoana la wafalizia wadjali okili ilakà. Wadjia omowaseli: woni wayekoli wa yowana la wango wawa falizia wakokiaka ilakà? Kasi wango wa owe watikilalka?
\p
\v 19 Yesu awa wongoselia! Tango molomé oliwala adjei yo la wali wandé wakoki otoni ilakà? Tango kpaà edjei iyo ebete esi la molomé eliwala watikoké okili ilakà.
\v 20 Masiyo matidja molome akotela wakokila iloka engé lisiyo.
\p
\v 21 Moto tweti atikoké osoni esindje éndé eholi la isendje egala; inga akela ndjongo ekogulana engé eholi ekogula éngé egala, eyateli eho ekodja osungu oweti.
\v 22 Aleeti moto tueti akobatakà maana eholi la molangi egalà, enama; inga akelandjongo, mana makoata milangi ino ikomboka. Wakomboka ena. Wakobotaka mana ewoli la milangi miholi dja ikombaka enama.
\p
\v 23 Ewumia liso eyenga. Yesu akpandia ilanga endongo. Wayekoli wandé amboka wawumia obuki ndongo.
\v 24 Wa falizea wa mwaselia: denda wakokelakà engé etibalesamé lisiyo eyenga.
\p
\v 25 Yesu awawongoselia: otitangeni davide, tango adjali la owongi, la nda indé la wango wadjaki la indé.
\v 26 Woni alingelali a molako mo mwengei, tango ekango emwengei likumu abatali, alakia okoké engé eingami, éngé ekoki ndjila wa konga ewengei olaki; awahia tè wango wadjaki la inde.
\v 27 Aaselia aleti: yenga ekelemate alikambo e moto te moto likambo e yenga
\v 28 Mana o moto adjei likolo elisiyo e yenga.
\c 3
\cl ESUKI 3
\p
\v 1 Yesu alingelia aleti asinagoga agbotia moto adjei la ewo ekasi.
\v 2 Wadjaki omodendi Yesu inga aomokalisa lisiyo eyenga: adjaki aloyi te wamokambe.
\v 3 Yesu aasi la moto la ewo ekasi: amala ndondo ewu.
\v 4 Aleeti awaaselia: endimamité lisiyo la eyenga, okeli olamu te okeli obe; omokalisi moto tè omooli? Waabatiya iyo kpa logo.
\v 5 A sombe seya masiyo mandé ngambo la ngambo la limemu mpo, awakelima la motema mobé mowu. Aasia longomoto: nanola ewoowe. Ananplia, ewoendé ekalia.
\v 6 Wafalisai wa pumbia, molingalia likita ate wapumbia wa molingialikita atewa mooli.
\p
\v 7 Yesu akiya ngambo ewale iyo la wayekoli wande. Wato ngbi wa djaki omobili wango wa longwi apaleliya weeti ayudéa la watulu, wa sidona.
\v 8 Awaokia sambo ngbii adjaki indé okeli, ya djaali etii ndé.
\v 9 Aasie la watutiani wande wa wongele wato eesi laate wati o wati mohote.
\v 10 Alikambo aakelasi wato ngbii, wango wadjaki leekoni wadjaki omokweliate wa helewengé wande.
\v 11 Te milimo mibé, tango edjaki iwo omweni wadjaki omombameli mpé adumbeli: odjei mana o mwengei.
\v 12 Kasi adjaki owaye wisi tè watiyase inga adjei ndai.
\p
\v 13 Ateliya likolo la imokoli mwesi; awawelia wango adjaki owaweli; wakia eetiiindé.
\v 14 Atotia wayekoli lomi e iwale wango wakodja la indé.
\v 15 Aloyi awatomé oteyi la otetelaké lawumbi la itota.
\v 16 Wango wato lomi la iwale awototi edjei: somina, amaleliya libukeli.
\v 17 Yakobo mana Ozebedaya, la Yoane manako pyakobo awahia kombo wanalayesia eeinyi wa na wangombe; la Andele, la filipo,
\v 18 la buelemia, la matia la Toma, la yakobo mana o alefa la tadea,
\v 19 la simina okanana, la Yudasia mokeliata, ongo la mbuse amotambali.
\p
\v 20 Wakia atako watgi wa welonia aleeti, watidja lité la ngonga lakielaka la wu.
\v 21 Oliye e Yesu waokia enge edjali oeti, wadjate ate wamohelé. Wadjali owasi tè: okoni eboli.
\p
\v 22 Aleeti wiloko wango wadjimbali, tée ayelusaleme wadjaki owasi ate: adjei la belazabulu; aleeti adjei owumisi itota la kombo e likumu eyi tota.
\p
\v 23 Yesu awawalia aasia la masekpe: ndandengé djambulu akoki owumbi djabulu?
\v 24 Inga likumu likabuania la indé amane engé likumu ekokiti owumwi.
\v 25 Inga molako mwesi mokowania indé amine, engé molako ekokiti owumwe.
\v 26 Inga etota aa umisia indé amane modidi aleeti aakawa.
\v 27 Moto tweti akoki alingeli landé molako emoto otetelake oyiwi iho wandé odjangi omoheli moto ongo motetelake. Mbuse akoyiwa molako nonde.
\v 28 Wowaselini menene, masumu kpa mokolisamà la wana wa wato, edendi nda ndengé émasumu, aleeti nda ndéngé é likolo engé edjei wo okeli ndengé éotangi.
\v 29 Kasi ongo moto ongo okokelali sumu a molimo satu atélisiyo akotota olimbisi: la masumu tii gboo.
\p
\v 30 Yesu aasia ndjongo alonyi tè wadjali awasi: adjei la molimo mobe.
\p
\v 31 Nango Yesu la wa maningo wadja waamalia saa wamotomelia wato wa mowelé.
\v 32 Wato ngbi wa molingaki, wa mowalesia: Ngwa, lawa magwa wadjei saa wakowelaka.
\p
\v 33 Awongosia: ndayi ima wandayi wa manima?
\v 34 Adendia wango wa sukani la indé: aasiya iwo ndé wadjei wa ima, la wa manima.
\v 35 Ongo moto okokelaka ndengé mwengéi abali indé udé adjei manima opelé; mani o moli.
\c 4
\cl ESUKI 4
\p
\v 1 Yesu abandali ohi mateya kelelé emalia masungu. Wato ngbii wayandogbia kelekele ende ongo elingelaali indé la wato mpe ayabatia. Ndjongo wato kpa wayabatali ambumé.
\v 2 Abandali ohi mateya la indé la masekpe.
\v 3 Ndjokani moto mwesi akaonali,
\v 4 La ebandali indé ooni, ndambo epukapuka ekpia amboka mbulu ekadjia elakia.
\v 5 Eeti ekpia la mabukeli, ango ebandia eho otoyi, ango etidjali mbumé sungu, laate ndjili elingelé lambumé etikolali,
\v 6 Ango ekadjia moyi, elongosia pe eomia.
\v 7 Djeti pukapuka ekpia lakéké; etiwotali pukapuka laate editelelali.
\v 8 Dinge ikpaali lambume ndamu, pukapuka eesi ewotali pukapuka ngbi, Dinge idjali tuku isato, tukuitano, pe mokama.
\v 9 Mbuse aasia, moto odjei la iyokeli eyokake, ayoke.
\p
\v 10 Aabatia la wayekoli wande, makelekele, weti wato wango wadjali watutiani wande, wamohuelia aasosolise enge lisekpe.
\v 11 Andele anbandia awaseli wato pkaa wango wadjei saa wakobanda wooki la masepke, kasi ino nde okoyewani dinge yasii la okondi la Mwengei, la ete edjei alikambo lanu,
\v 12 laate, wango waadje la maiso. Wa eneke watieneke, wango wadjei wiyokake watioke, laate wati kukole, laate masusu mahu matilimbisame.
\p
\v 13 Awa huelia, atitangalini ehele lisekpe? Ndandange ekoyani ino masekpe djinge djei kpaa?
\v 14 Moni akoonaka liloba,
\v 15 Weeti wato wadjei nda mboka, ebete enge eanani liloba, la mwengala enge ewokiwo, etota edjali sia liloba linge lianamali ndondo ende.
\v 16 Weeti, la wa weeti wakobukaka pukapuka la moyoko la ibete dja mabukeli; ango okoyokaka iwo sambo dja Mwengei, wa kotota eho la mwemu, kasi ndili.
\v 17 Kasi watii la ndili iwo amene wakodiangaka ondimi, mpe la tango enge edjakali la tina eloi: la Mwengei, wadjaa la osakele esungu.
\v 18 Weeti wakodjaaka mogome ndondo ekeke, edjei wango wakookaka loi wo Mwengei.
\v 19 Kasi la wango wadjei la libalano la masio ma djei la ogumake mpe lolenge ungo okoki owa lumbisi wato
\v 20 Weeti waotota, linge lionami la mbume lilamu asewango wa okii liloba mpe wa gemeya eho olamu mpe wakowota pukapuka mbala tuke isato.
\p
\v 21 Ase awaesali ate: watidjaka-la-muendjii alikambo ate obongiee ha ehoko, la omekeli te la sese épee, te djongo? Wawodjaka lehoo ate wabate la ebateli moendjii, djongo te?
\v 22 Alikambo ate emateeti te ebatamiii, inga hetidjakéé alikambo te epumbé a hoho; ema teeti ehisamee holamu holamu inga etidjaki ho weneni a hoho.
\v 23 Inga moto adjé la matoi ma hokaké, ahoke.
\p
\v 24 Awahasela alidjii: wakani lengé sambo ehoki ino. Lahengeli ekoengemenese le hoo, wako otalieni le hoo sungu mpenza.
\v 25 Ate motango adjé la hema, wako mohekele sungu aleeti, ate moto ngo atii la hema oholo adjé le hoo wakomopwesa.
\p
\v 26 Ate àasali alidjii: likumu la Mwengéi édjéi ndjo: édjéi nda moto mwèsi alumbi mogono àmbumé.
\v 27 Alangali à likolo, àsusweà la usé, asé mogono motoyi aséko moiingià, aséko àyewuti ndéngé ékélami éhoo.
\v 28 Mbume ehoo, ndi éoamene ebandi hotoi pukapuka kekèkekè la époo, isokisoki, mbuse motoo, gboo pukapuka ndondo émo éhoo.
\v 29 Ase halobango saha pukapuka ohékelia mboka atenia la éhuni, alikambwaté, tango o buki pukapuka eumia.
\p
\v 30 Asaaki alidji até: toko wèngèmènese iso àokumu é Mwengéi, asé masekpè mako àasélaka iso?
\v 31 Edjéi ndéngé kikima àpukapuka é sénévi, ingé éwonami àmbumé, édjéi kèke a mogono kpàa édjéi à mbumé;
\v 32 Sàa longonga la oloni, étetia, éumi sungu a mbumé ihoo a matakitaki, épumbi sungu alikamboate mbulu ongo a likoo ikoki oàbati sése é elima.
\p
\v 33 Saa landenge dji masekpe malamu edjeki inde oteyi, wa djaali oyewiowaekeli.
\v 34 Atidjangali owaaseli la masekpe kasi adjaki owa limboli tango edjakali iwo amene.
\p
\v 35 Ndji lenge lisio la pokwa awaselia tokpande ngambo e malia.
\v 36 Mbuse éowongwi wato wamodjuàli a molela ébeté édjàali; adjakàali asé mwèti molela la indé.
\v 37 Kàiko éhoho mwèsi éokulu éowangi éebingi, éhoho édjàaki oyalumbi a molela, ase moléla ékéali otumi a malia.
\v 38 Indé, alangalakia? Wa mosusulali wamoaselaali: molakisi. Otiya susubwaka la enge iso to holisaka?
\p
\v 39 Wadjàki osuswi, adembèsià l'éhoho, aàsià ewale: bii! Logoo! Éhoho éé éhia, ewumia.
\v 40 Mbuse awaàséli: woni adjéi la owangi? Woni oti djeni la ondimi?
\p
\v 41 Wadjokali la owangi osungu, malia o moto saka.
\c 5
\cl ESUKI 5
\p
\v 1 Waumali leeti ngambo e malia, la mokii mo Gadalina, tango epumbia.
\v 2 Ango epumbia Yesu la wato agbotonia la moto mwesi alongwali la wambila adjali la molimo mbee.
\v 3 Moto oho adjali oyabati ndji la mbila, moto tweti atikokali omoheli la miliki ma ibende.
\v 4 Tango edjali iwo o moheli la mabende la makolo la miliki, adjali oteni miliki la obuki mabende, moto tweti atikakali omotitimesi.
\v 5 Adjali masio kpaa la likolo la moyi ongo la mbila mpe ongo a mikoli; adjali ohumbi pui mpe la owakondjosi inde amene la mabukeli.
\v 6 Ango emwenia inde Yesu adjia obangu akwiya la mauli liboso lande.
\v 7 Awumbia la moli motetelake: nda loyi edjei iso la owe, Yesu, mana o mwengei o likolo? Iyokongi la kombo e Mwemgei otihe mbai etunbu.
\v 8 Yesu amwaselali: molimo mbe, pumba la wenge ehele moto!
\p
\v 9 Yesu amohuelia: kombo owe ndayi? Amowongweselia kombo e mbayi ngbii, laate todjei ngbii.
\v 10 Amobondelia atiwatome lihele la moki
\v 11 Wangulu wadjali olaki kelekele e mokoli.
\v 12 Djinge milimo mbee wamoongia: totoma tolingele ndondo edji ngulu.
\v 13 Yesu awahia mboka. Milimo mbee wipumbia la wenge e moto oho, wilingelia ndondo e wangulu. Ngulu kpaa ilongoiya likolo ikuiya la malia; idjali inga mbuka iwale e wangulu, ilindali la malia.
\p
\v 14 Wasindjili wa wangulu wakia obangu osumbi mboli la moki mosungu la miki mikeke. Wato wadjali odendi enge eyetali.
\v 15 Wadjaa atie Yesu, wamwenia motongo odjaki la milimo mbee aahabati, akpali isindje, awongwanelia lomungo, watumali la owangi.
\v 16 Wango wayeneli sambo iyetali, wadjali osumbi mboli ndenge emoumelali moto omolimo mbee mpe la wangulu.
\v 17 Wato kpaa wamoongia Yesu te alongwe la moki mowu
\v 18 Ango etelia Yesu wato, motongo adjaki la molimo mbee amoongia ate eke lainde mongindJi.
\p
\v 19 Yesu atimobalesali, ase amoaseliaa: kekee la molako mowe yewisa wiino wowe sambo ndjinge likumu aokeleli la ndenge aokeli maga.
\v 20 Ndjongo ongo moto akia okasumbe mboli la moki mo dekapolo sambo ndjinge Yesu amokeleli, iwokpaa wakamwali.
\p
\v 21 Yesu angbandali alidji la wato ngambo eeti e malia, wato ngbii wabolianali atie inde, adjali kondolo e malia.
\v 22 Likumu liese e molako mo sinagoga, kombo ende Yailo. Ango imwenia inde Yesu amongumbamelia,
\v 23 Amobondelia, aamwaselia: mana o mbai omoli adjei pene e logo! Ihongi odje omobateli mawo laate akale adje la bomoi.
\v 24 Yesu akia mongindji la inde, wato ngbii wadjali omobilei la omohianesi.
\p
\v 25 Djokande moli mwesi adjakali oweni makila mbula liomo la iwale.
\v 26 Aeniaka odjidji ngbi la mawo minganga, abitisali ndjinge kpa edjakali inde la eho, djinge kpa etimokalesali, wenge wande epotali oki ngambo e obe.
\v 27 Aokia wakokpomaka la kombo e Yesu akia mbuse e wato, ahelia esindje ende.
\v 28 Adjali oyaaseli: inga ipoto te esindje ende ikokala.
\v 29 Ndji la enge engele makila matenia, awokia la wenge wande ate akali la ekoni ende.
\p
\v 30 Yesu aenia inde amene ate okulu, epumbi la wenge wande, alongoiya ndondo e wato pe aasia: ndai opoti wisindje wa mbai?
\p
\v 31 Watiesakoli wande wamwaselia, oeni wato wakoo biliaka, mpe oasia ndai oheli mbai?
\v 32 Yesu adhendia ahue ende la omoeni ongo okelali ndjongo.
\p
\v 33 Molia awangia, apotia ongilimi, ayewali enge emowumelali, adjia okwi mauli la makolo mande, amoaselia sambo kpa.
\v 34 Yesu amoaselia, mana omoli ondiimi wowe e okalesia kekée. Kala la ekoni e owe.
\p
\v 35 Ndji edjaki inde yo oasi, weeti wato wango walongwali la monguta e likumu e sinagoga, wadjali, wamwaselia ate: mana e owe o moli agwi! Woni okomotungesaka motiesakoli alidji?
\p
\v 36 Ango eokali Yesu ndinge sambo, aasia la likumu e sinagoga: oti wange, djaa la ondjimi.
\v 37 Atibalali ate moto te mokikima atimobile ndji Petelo ée Yakobo la Yoani.
\v 38 Ango eumia inde la molako mo likumu la Sinagoga, mpe Yesu aenia ebiba e wato wakolelaka; wakohumbaka pui.
\v 39 Mbuse e olingeli, awaaselali ate: woni okobatakani ewedje la oleli? Oholo mana agwiti, alangali ilo.
\v 40 Wapotali omodendei. Awapumbesali amototia sango la nango mana la wango wasombali la inde mongindji, walingelia ebete mana alangalali.
\v 41 Atotali ewo e mana oho, aasali la inde: talits kumu, enge einei: mana omoli iyasi la owe amala!
\v 42 La mbala kikima mana o moli oho ayamalali pe apotali osombi, laate adjali la mbula liomu la iwale. Watumali la mwemu e oweteli.
\v 43 Aasali la iwo mbala la mbala ate watiyewese moto tueti ehele sambo, mbusa awaaseli alidji wamohe mana o moli oho ema elakake.
\c 6
\cl ESUKI 6
\p
\v 1 Yesu alongoiya ongo, aumia la moki monde. Watutiani wande wamobiliali.
\v 2 Ango sabato eumali, apotali otiesakoli la sinagoga; watokpa wango wadjali o mooki wakamwali alidji waasali ate: oholo moto atoti dji sambo eni? Nda ndenge e maamamungo emogboti, nda ndenge akokelaka dji sambo ewangake?
\v 3 Te oholo moto akokelaka mabaya, monga Mali, manango la Yakobo, la Yozefu, la Yuda la Simo? Wa maanango wa wali watidje ala mongindji la iso? Apotali owabingisi ekiikimi.
\p
\v 4 Yesu awaaselali: watimondjimaka polofeta la moki monde, eholo e wasango la oliye wonde.
\p
\v 5 Atikelali sambo teeti ekamwake, inga saa okalesi maa wato wa wikoni la owaabateli mawo.
\v 6 Akawali odjangi ondjimi owu. Yesu akeeli miki la miki akotiesakolaka.
\p
\v 7 Awelali wa liomu la iwale, apotali owatomi wale wale, awahali okulu likolo la milimo mbee.
\v 8 Awaaaselia, watitote ema teeti la okendo, ndji mote, watitote okoke, te opasa, te wadjenge ndondo e mokaba.
\v 9 Wakpale sandala; waatibate mikoto miale.
\v 10 Mbuse awaaselia: inga la eeti ebete olingelani la molako, abatani ango tee lisio likopamba ino.
\v 11 Inga la gbata esi wato wabaliti ooyambi, wabaliti oowoki, pumbani ango, huholani motubu la makolo manu la oyinyei ate owatonini.
\v 12 Wakeeli, watiesakolali la oweli moto la moto ate akukole ekaleli ende.
\v 13 Wadjàaki owumbi la djàabulu, wamunolali wato wa wikoni maita, wadjali owakalesi.
\p
\v 14 Kaiko, sambo djaho eumali la matoi ma likumu Elode, a loyi kombo e Yesu ebandali oyewani, wato wadjali oasi ate: Yoani mopatesi ongo oguali abasi, ehonde akokelaka sambo dja okulu.
\v 15 Weeti wato waasali: edjei Elia. Alidji weeti waasali: adjei polofeta mwesi owa polofeta wasu.
\p
\v 16 Elode, aokia djinge mboli, aasia: edjei Yoani ongo omotenali mbai kingo inde moto obasi.
\p
\v 17 Ndjongo Elode inde amene moto omohelate Yoani, amonangali la oyogo, la likambo la Elodjiasi, moli o maanango Pilipo.
\v 18 Yoani amowaselai: eti olamu omoyiki moli o maangwa.
\v 19 Elodjiasi atumali la likewe la Yoani, ehonde abalali ndji logo wonde.
\v 20 Kasi atikokali omooli laate Elode amowangali Yoana, aewali ate adjei moto molamu; alidji mosatu; adjaate omobanei, pe, mbuse emooki adjali odjei la boo alidji abandali odjei la mwemu la omooki.
\p
\v 21 Lisio leesi, libaku lieneneli emgele Elode awongesali wilaka wa pokwa lisio e wotamake wonde, ahali yenga e wato wasungu wande, la makumu ma wasoda, la wato wa sungu wa Galileya.
\v 22 Moseka Elodjiasi alingeli la molako; pe abandia wanga, pe E lode aemelia la wanga. Likumu aasia la mana omoli: hongo ema enge ebali owe ikoo haa.
\v 23 Aasia la olapi: enge ekohongo owe mbai, ikoohaa, inga te edjaaki oodja e wokumu wo mbai.
\p
\v 24 Opumbia ongo, amohoelia nango: ndandenge ema ekoki mbai hoongi? Nango aasia: moto mo Yoani.
\p
\v 25 Awongoiya obangu atie likumu amohia oongi wonde: ibali ate opee mbai moto mo Yoani la ehoko.
\v 26 Likumu atumaali la magbaa kasi, latina eolapi enge elapali inde la maiso ma wato, ati kokali otoni.
\v 27 Atoomali la obangu motuke monde amototele moto mo Yoani mopatisi.
\v 28 Watuke wakeeli oteni Yoani moto la yogo, pe wa pkalali moto la saani.
\v 29 A mohekelia mana moli oho, mano mano moli a mohekelia nango. Ango eokia watutiani wa Yoani djinge sambo, wadjali ototi wenge wande wakeeli okakundji.
\p
\v 30 Watutiani; waboliania kelekele e Yesu, waamosumbelali mboli la ndengekpa ekelali iwo, la ndengekpa edjakali iwo otangisi.
\v 31 Yesu awaselia: djakani kelekele ndondo e ebete e manganga, ase homani maakeke. A likambo edjakali la wato sungu wadjakali oki la odji, watidjali la yengele eolaki.
\v 32 Wakekeli ndondo é moléla, la oki kèlekèle ndondo ébeté é manganga.
\v 33 Wato sungu waawenali wakoke, ayewali, wato wagbata kpa waakeli obangu la makolo la owalambeli ebete ekeki iwo.
\v 34 Ango epumbia iwo la moléla, Yesu aenia wato ngbi awaokelali magba laate wadjali nda wakondolo wadjangi sindjili; ayabatali owatiesakoli sambo sungu.
\p
\v 35 Ndenge éngele édjàki oki, watutiani wandé wayagugia la indé, wamowaselia: ehele ebete edjei manganga, alidji limbile liki gaa.
\v 36 Wawongosa, laaté waké ndondo émoki asé ndondo e moki mo huwé a huwé, la osombi éma elakeke.
\p
\v 37 Yesu awawongésélia: wahekéleni ino amène wilaka. Asé wa mo wasélia: iso toke osombi makoké la falanga kama iwalé, towahe ate walake?
\p
\v 38 Awasélia até, odjéni la makoké ménga? Ka dhénde ni. Wayabatia asé wa mowasélia: itano, la su iwale.
\v 39 Asé awaasélia até abatani limbutu limbutu likolo la isoki.
\v 40 Asé wayabati la molongo ékama alidji e tuku itano.
\v 41 Atotia makoké matano a su iwalé asé adhéndia maiso likolo, aasali oongi o lipamboli; mbuse atenia makoke awahekelia Watutiani, a laaté wakawole la wato. Wakawolia pe djinge su iwale la wato kpa.
\v 42 Kpa walakia wa gbetia
\v 43 Asé waonoli midjàngi witumi liomo la iwale la isuki dja makoke la su.
\v 44 Wato wango walakali makoké, édjàli wato koto itano.
\p
\v 45 Sika sika ndjo mbuse, awaselia la makasi Watutiani watéle ndondo é moléla; wake liwoso la nde ngambo eeti e malia, ngambo e Betesaida, inde atikale owongosi wato.
\v 46 Ango awawongosia, akia a mokoli; okaakongi.
\v 47 Ango ewumia Kolokolo, moléla mo djàki ébeté e malia masungu, asé Yesu adjàkali indé moikima la mbume.
\v 48 Waenia wawumali la minga oliki laate éhoho edjakali oki eeti ngambo. Pene e gboo elikolo, Yesu akeli ngambo ewu akosombaka likolo e ligbutu lisungu, apali awaeti.
\v 49 Ango emwenia iwo akosombaka likolo la malia, wayewalia ate edjei etota; wabandali ohumbi pui.
\v 50 Ango émweni iwo, mito miwasombali. Asé Yesu awaaselia: Yewani ate edjei mbai, otidjeni la boo!
\v 51 Mbuse eotéli la iwo ndondo émolela, asé éhoho édhèia. Wadjàkiali iwo amene, ango asé watumisamali la owangi la okamwe;
\v 52 Laate watiyewali ekamwesi e makoko, la loyi mitema mau matetelali.
\p
\v 53 Mbuse eokpandi ligbutu lisungu, wawumali la moki e Genesaleta ase wakpandjia.
\v 54 Engele épumbia iwo la moléla, wato wamoyewali Yesu,
\v 55 Waetali wiholo kpa, wadjali okpali wato wawikoni la wipe, wiholo djinge edjali iwo ooki ate Yesu adjei.
\v 56 Wibeté kpa widjali inde oumi, ndondo e miki, ndondo e gbata te ndondo e mitulu, wadjali obati wato wawikoni la lingalala, wadjali omoongi ate awabalese wapote te gboo e esindje ende. Wato kpa wadjali omoheli, wadjali okali.
\c 7
\cl ESUKI 7
\p
\v 1 Wafalizeyo la weeti watiesakoli wa pui, wa longoali la yeluseleme, wayabondali la hue e Yesu.
\v 2 Wayenali weeti watutianiwa Yesu wakolakaka la mawo osoto, eyinei watiyakpole maho.
\v 3 Wafalizeyo la wayuda kpaa watilakaka odjangi oyakpoli olamu mawo, ndenge e ekaleli e wiloko.
\v 4 Tango ewongoyia iwo la liho, watilaka liwoso ate wayakpole. Wabanei yo djeti ekaleli e watata nda okpoli witutu, wikoko, la sani e bolonze.
\p
\v 5 Wafalizeyo la watiesakoli wa pui wa mohueli Yesu: woni watutiani wa owe watibiliaka ekaleli e watata, kasi wakolakaka wilaka wawu odjangi oyakpoli mawo?
\p
\v 6 Yesu awawongoselia: wato wa moleho, Isaya aaselate likambo lanu, nda ndenge edhingami: wa wato wako temeyaka mbai la wibebu, kaiko motema mowu modjei lihele la mbai.
\q
\v 7 Eti olamu wa temeye mbai la ohi matiesakoli djinge itomami la wato.
\p
\v 8 Odeini matiesakoli ma Mwengei kasi obaneini ekaleli ewato aloyi okokpolokoni teni la itutu alidji okokelakani djeti sambo iyengemeni la eho.
\v 9 Yesu awaaselia alidji: okolumbaka olamu matiesakoli ma Mwengei la likambo la obanei ekaleli enu.
\v 10 La eho Moize aasali ate: motemeya sangwa la ngwa: ongo okomobumakola sango inga nango akotota etumbu e logo
\v 11 Ngambo enu, inga moto aasa la sango la nango: enge elukaki mbai oohi edjei likawo e Mwengei,
\v 12 Ango akokiti kine omokeleli sango inga nango.
\v 13 Okobitisakani liloba e Mwengei la ekaleli enu enge ebati ino alidji okokelakani djeti sambo eengemeni la eho.
\p
\v 14 Mbuse eho, Yesu awelali wato kpaa, awaaselia: okani mbai inokpaa alidji yewani.
\v 15 Ema teeti enge edjei saa la moto ekokiti omoomisi moto osoto inga elingela la monoko monde kasi enge ekopumbaka ndondo ende ekomowumisa osoto.
\v 16 Ongo odjei la matoyi maokake awoke.
\p
\v 17 Ango elingelali Yesu la monguta, lihele e wato, watutiani wande wa mohuelali la tina la enge lisekpe.
\v 18 Awaaselia: ino pe odjangini kandela? Otiyeweni ate ema teeti enge edjei saa e moto, inga elingela ekokiti omowumisi moto osoto.
\v 19 La eho, enge etilingelaka la motema, kasi la solo mbuse ekopumba la line. Adjali owasi ndjongo ate ilakakpaa edjei olamu.
\v 20 Aasia alidji: enge ekopumbaka ndondo emoto nde ekomowumisaka osoto.
\v 21 La eho, edjei ndondo, la motema mo wato nde mamungo mbee makopumbaka, witeba, ondumba, la ooli wato.
\v 22 Iwa, ononi wiho wa wato, limemu, okosi, esombeli mbe, iliko, ogeno, njangi.
\v 23 Djinge sambo mbe kpa, ekopumbaka ndondo e moto alidji ekomowumisaka osoto.
\p
\v 24 Yesu alongwali ongo, akeli la moki mo tile, la sidona. Alingelia la monguta mwesi atibalali ate moto tueti ayewe. Tendjongo atikokali oyayisi.
\v 25 Kaiko nde moli mwesi ongo mana onde adjali la molimo mbe aokali mboli e Yesu, adjali oyalumbi la makolo mande.
\v 26 Moli oho atidjali mo yuda, moto o Sulia e fenisia, adjali o moongi Yesu ate apumbese etota eho la wenge e mana onde o moli.
\v 27 Yesu a mowaselia: daheyo wana wa gbete, lalikambo eti olamu wilaka wa wana olumbeli wana wa mbwa.
\p
\v 28 Amoyongoselia, edjei ndjongo likumu, kasi wana wa mbwa sese e mesa wakolakaka witika etiki wana.
\p
\v 29 Yesu amowongoselia: la likambo e loyi eyasi owe, okoki owongoyi: etota e pumbiga etie mana owe o moli.
\v 30 Ango ewongoya inde atie inde, a mogbotia mana alangali la epe: etota epumbiga
\v 31 Yesu apumbia moki mo Tile, akadjia la Sidona ngambo e ligbutu e Galileya, okpandeli moki mo Dekapolo.
\v 32 Wa modjelia bubu atidjali owasi, wamoongia ate a mobate mawo likolo lande.
\v 33 Yesu akeli la inde lihele e wato, amobongia misei la matoyi, amobandia lolemi la soyi djande ndamu.
\v 34 Mbuse atombolia maiso likolo, ahatiania makasi, aasia: efata, einyei dukuana.
\v 35 Ndjiango, matoyi mande madukwamali, lolemo londe etokwania, abandia oasi olamu.
\p
\v 36 Yesu awatekesia watiyasele moto te mokikima, kasi ango akowatekisaka, iwo wakoasaka alidji oyetesi.
\v 37 Watumali la boo, waasali: akokelaka sambo kpaa olamu, akookisaka wato wagwi matoyi, la owasesi wa bubu.
\c 8
\cl ESUKI 8
\p
\v 1 Engé lisio wato ngbi wadjali wati djali la éma elakaké, Yesu awawelia wayekoli awaaselia.
\v 2 Idjéi la magba la wa wato; aloyi ékeliga masio masato wadjée pene émbai; wati la éma élakaké.
\v 3 Inga iwawengosa éwawu la ndjàla, okulu ékowasila a mboka; aloyi wèeti la iwo wadji lihélé.
\p
\v 4 Wayekoli wamoongoselia: ndandénge ekoki iso owagbetesi la okoke, ala, ébete emanganga?
\p
\v 5 Yesu awaaselia: odjéini la okoke woni? Sambo, wa moongoselia.
\p
\v 6 Waabatesia wato a mbumé, abondélia éngé okoke sambo, aleti, mbuse ahia ma ndondi, abukia awahia wayekoli wandé wakawoli wato.
\v 7 Edjali la ndambo esu, Yesu, atondi aleeti, wakabolia aleeti.
\v 8 Walakia pe wagbeta, wakongolia ekolo sambo itumi la itika.
\v 9 Wadjali oyeti mbuka inei. Mbuse Yesu awawongosia.
\v 10 Ango esilisia indé atelia andondoli la wayekoli wandé wakia ngambo é Dalamalita.
\p
\v 11 Wa Falizeyo wadjali, wa bandia osololi la Yesu, até wa molongé, wa mohuélia elombo engé elogwi likolo.
\v 12 Yesu, alelali andimo mondé ndondo, aasia: woni ehelé liwota ekoongo elembo? Iyo waselini mèmene elembo etidja a leeti la ehelé liwota.
\v 13 Mbuse awa deiya atelia la andondoli, la okpandi eti ngambo.
\v 14 Wayekoli wawosanali ototi makoké, wadjali saa leesi la andondoli.
\v 15 Yesu awahia ehele otomu: dukolani maiso la mana wa Falizia, la mango mana.
\p
\v 16 Wayekoli wadjali omonduyi edjei nda ndenge edjangi iso okoke.
\p
\v 17 Yesu awayewali aasia: woni okomungolaka ndéngé édjangi ino makoké? Odjéi niyo tée sika ndi odjangini mayele, té ango oyewaki niiyo?
\v 18 Odjéini la motema mungo motiyewaka obangu? Odjéini la maiso otiyeneke ni? Odjéini la matoyi, otiyokaka? Aleti otini kine la lo mungo?
\v 19 Tango ibukali okoké la wato mbuka itano, kitunga woni eitika okpalalini? Lomi la iwalé wamoongoselia.
\p
\v 20 Tango ibukali makoké sambo la wato mbuka sambo, kitunga woni itumali la esuki okpalalini sambo, wa moongoselia.
\v 21 Awaaselia: otiyewakiyo aleeti?
\p
\v 22 Wakia a Betesaida wadja otei Yesu la moto ogwi maiso, wa mobondelia amohelé.
\v 23 Ahelia moto ogwi maiso la maho, akiya laindé saa emoki; mbuse amobatia soyi likolo la maiso, amobatelia maho, amohuelia inga akoyeneke nda ema.
\p
\v 24 Adhendia, aasia iyeni wato, kasi ikoyeneke nda mité ekosombaka.
\v 25 Yesu amobatia aleeti maho liko emaiso; mbuse, ango moto ongo ogwi maiso adhendia olumu akalali, ayeni kpa olamu.
\p
\v 26 Yesu amoongolia la molako mondé, aasia: oti lingele la moki.
\p
\v 27 Yesu akia, la wayekoli wandé, la moki mo Sezalia elé Filipo, awahuélia amboka élé poopo: wakowasaka té idjéi ndai?
\v 28 Wa mowongoselia weeti: Yoane mobatisi; wèeti, Elia, weeti mwesi ewa polofeta
\v 29 Awa melia, ino okowasaka ni idjéi ndai? Petelo amowongoselia: odjéi kilisito.
\p
\v 30 Yesu awaongia ate watimowasele moto tweti.
\p
\v 31 Abandali owateyi ekokia te mana omoto awoké odidi ngbi. Alumbane la iloko, la wanganga- wa Mwengéi, la wateyi wamibeko, wako mowola, akobasa mbuse e masio masato.
\v 32 Adjali owayewisi dji sambo molelé. Petelo, amowelia makélekéle, abandiya omotekisi
\v 33 Kasi Yesu, awongoyia awadendia wayekoli wandé, amotekisia Petelo. Amowaselia mbuse, é owe, etota aloyi oti munfgolaka sambo é Mwengei, odjéi saa la lomungu ewato.
\p
\v 34 Mbuse, awawelia wato ngbi la wayekoli wandé; awaaselia: inga moto abala odji mbuse embai, aatoné indé amène; akpale ekulusu éndé: mbuse abilié mbai.
\v 35 Aloyi moto ongo akoluka okalisi omoi ondé akowangisa, kasi ango akowungi omoi ondé la loyi lo mbai, la mboli ndamu akokala.
\v 36 Ekoki odjéi olamu moto ototi mu moki, ingo abitesia molimo mondé?
\v 37 Nde ekoki ohi moto lo okalambesi la molimo monde?
\v 38 Ongo okoka soni la mbai alidi la maloba ma mbai etie ehele libota wa iwiteba la wato wa masumu mano omoto akowaoka soni lisio linge likodia inde la okulu e sango la wahumbwa wa satu.
\c 9
\cl ESUKI 9
\p
\v 1 Awasélia alidji: iwasélini mèmene, wato-weti wango wadjéi ala watigwa, até wayene likumu la Moengéi ekodjàaka la okulu.
\p
\v 2 Mbuse émasio motoba, Yesu awatotia la indé Petel, Yakobo la Yoane, akiya inde amene kelekele elikolo émokoli. Adjàkia la mbongwana a kukolia lioso lau.
\v 3 Wisindjè wandé iumia mpèè, mokpoli wisidjè tèeti a moki akoumisa ndjongo.
\v 4 Elia iwo la Moize wa enenia, wakosololaka la Yesu.
\v 5 Piele, atoti loi, aasia la Yesu: likumu édjéi olamu até to djè ala; tokele milako misato, mwèsi mo owe, mwèsi mo Elia.
\v 6 Aseko ayewi ti owasi ndé éma, waumaki la
\v 7 Walingamia a lipata, moli mopumbia alipata: oholo adjéi mana ombai o libalano: mookani.
\v 8 Ndji engele eho, watutiani wadendia kelekele, asé waenia sa Yesu indé amène la iwo.
\p
\v 9 Ango eyadjimbia iyo ongo la mokoli, Yesu awatekesia ate: otiwaselakéni wato éma énge eni ino, ndi ndjongoo mana o moto akosuswa alogo.
\v 10 Wawokia djingé sambo, wahueliania inga obasi eyinyei woni.
\p
\v 11 Watutiani wa mo huelia puopuo: woni wadingi wako asaka até Elia adjè poo?
\p
\v 12 Awaselia até: Elia akodjà liwoso la owengeli sambo kpàa. Ango likambo até mana o moto akooka pasi sungu wakomotiola?
\v 13 Nda iwaseli até Elia adji ga, asé wa mokeli nda ndéngé edingami ehoo alikambo lande.
\p
\v 14 Njongo eumi iwo, a hué la watutiani, wayeni wato ngbii wabalia a hué, la iwo, la ingé wato wabé wadingi wakogulanaka la iwo.
\v 15 Ango ébele wato wa moenia Yesu waahuélia wakia omohia mobalé.
\v 16 Awa huélia: nde éma ekosuanélaka ino?
\p
\v 17 Asé moto mwèsi la ébelé wato amowongoselia, likumu idji la mana o mbai liwoso la owe mana ombai akwèsi la ésisi ébé.
\v 18 Wibete weti ekomoyelaka asé emolumba la mbume mana ahumésia maulo a monoko e émobatisia logo! Ihalelia la watutiani até umbani la éngé ésisi iwo tookoki.
\p
\v 19 Yesu awa ongoselia hasia ndjo: nda tango ekokaino okéli? Djàkani la indé wa moekelia la inde.
\v 20 Ndiango mana amoenia Yesu, ndiango ésisi éhumia; akwa ambume a akukolakolia.
\v 21 Yesu amohuélia sango: nda tango ebandi ingé ekoni o mokeli?
\v 22 Asé ésisi omolumbaka la misa la malia até emobitese inga okoka okeli ema esi djaka toongamèse; asé okotohekele iso mapute.
\p
\v 23 Yesu amoaselia: inga okoki ndjingé kpàa idjéi la moto ongo ondimi.
\p
\v 24 Dji ango sango mana aahuélia: imogwaki até! Ndjàka osalese mbai moto odjangi ondimi.
\p
\v 25 Yesu aenia wato wageleli, wako tumolaka ésisi ébé, ahasia ate: ésisi abata logoo ihumbi la we uma atiolo mana, oti wongwakekine.
\p
\v 26 Asé epumbia, la opamapami, asé abandia ohalimanihalimani. Mana ahumia nda moto ogwi asé wadji wasia até ohomana agwaki dèè.
\v 27 Asé Yesu amohélia eho, amologwèsia asé aamelia likolo.
\p
\v 28 Ango elingelia Yesu la monguta, watutiani wande wa mohuela iwo la iwo: nda likambo litikoke iso woumesi winge wisisi?
\p
\v 29 Awaselia ate: ehenge ndenge djoongo ekumaka ndi la woaleli wosolo,
\v 30 Wadjakià ongo, ase wakakpa ndia la Galilea. Yesu atibala kali até moto amoewé.
\v 31 Ango owalakesakali indé watutiani wandé, ase awaselia até: Mana o moto wako mokawa la mawo ma wato ase wakomola, ase mbuse emasio masato ekogwa inde, ase akosusua.
\v 32 Ango watutiani waokiti sambo djénge yasi indé, ase wawangia omohueli.
\p
\v 33 Waumia la kapalanauma ongo edjàkali iwo la monguta, Yesu awahuelia: nda ema ehuelanaki ino amboka?
\v 34 Iyo watikalia logoo, kaikonde amboka wadjàkali woasani iwo amene até ndai odjéi moto mosungu ahala odjéi iso.
\v 35 Ase àabatia, awawelia wango liomu la wale, awaselia: inga moto obala até adjèe liwos, adjèe moto ombuse ewato kpàa,
\v 36 Ase amototia mana mokeke, amobatia la wodja wou, amokpalia mawo, awaselia.
\v 37 Ongo moto okomotatolo mana mokeke la nkombo émbai ondimi mbai -mène; ongo mwèsi okondima mbai motongo ondimi mbai amondimi mbai.
\p
\v 38 Yoani amwaselia até: likumu, tomwèni moto mwèsi akoumbaka la wisisi la nkombo eowe, alikambo até indé abaiti ototutei iso.
\p
\v 39 Awawongoselia até otimotèkeseni, moto tweti okokela sambo sungusungu la nkombo émbai, likambo até wango wakodjà mbuse wakohaasa wobe alikambo la mbai.
\v 40 Ongo oti laiso loyi adjéi moto oosu.
\v 41 Ongo mwèsi okohani etotu emalia la nkombo embai, alikambo até ino odjéini, wato wa Kilisoto, iwaselini mèmène, atowungesa lisute landé tee.
\p
\v 42 Ase moto kpàa ongo wakwekelesa wato wakeke wango wandiméli mbai, ewongi até wamonangé Libukéli la kingo lingé likotangélaka iwo la pukapuka, ose walumbé la molia masungu.
\v 43 Inga éwo éowe éobibegesa ékikima, etena, éwongi wolamu olingéli la ebete élamu.
\v 44 Koliko olingeli mawo male la ebete enge Géhena.
\v 45 Mitolimaka.
\v 46 La koliko olingele la makolo male la ebeté ébé engé émisa mitolimanaka la Geneya.
\v 47 Inga liso la owe likobingisa ékikimi, lilongese, éwongi wolamu olingeli àati é Mwengei la liso likima, koliko odjéi la maiso male waolumbe la Gehena.
\v 48 Ango otogwaka busu, ase miso mingo mitolimanaka.
\p
\v 49 Ango ékolongola wato kpàa la misa.
\v 50 Mokpa modjéi éma elamu, inga mokpa modjànga oleli okowongosani woleli woho la ndé? Djakani la mokpa lainolaino asé djakani la logoo.
\c 10
\cl ESUKI 10
\p
\v 1 Yesu adjaali oki, alingelia liwange e yudé pene e yuludane wato wagbotane pene hende, likambo amokii mondé ayabatia aléeti owayekolisi.
\v 2 Wafalisasai wadjaali a ate wamomeke. Wabandia omoweli poopo, awaaselia, ate molome akoki omooli moli ondé?
\p
\v 3 A wahongoselia: Moise ahekeli nda wingbundu?
\p
\v 4 Moize, ayekeliino wingbundu laokeli ekpata eolaké liwala.
\p
\v 5 Yesu awaseli: latina moto makasi makasi manu, ase Moise ahekelali enge engbundu.
\v 6 Kasi lihoso akelé mokili Moingei akelali moto opelé la omoli,
\v 7 Eho molome akolongwa atie waboti wandé, amotota moli waoke,
\v 8 iwo walé wakodja moto mwesi. Watikine mohini miwale, wakouma moini moikima.
\v 9 Enge Mwengei aheli moto atikoke okaboli.
\p
\v 10 Ango edjaki iwo lamonguta wayekoli wabandali omoweli laloi loho.
\v 11 Awaselia: moto okomolongosa moli ondé akomoika oweti moli amokeleli ekobo;
\v 12 Inga moliawola liwala landé akaikia eti liwala inde akeli ekobo.
\p
\v 13 Wabandali omodjeli wana wakeke ate awahele, wayekoli wandé waatekesia.
\v 14 Yesu, ahenia ndjongo, emobitelia, awaaselia: deé wana wadje ebeté embai, otiwatekeséni, aate likumu la Mwengei edjei e wana.
\v 15 Ikowaselakani méemené, moto ongo atiyamba likumu la Mwengei nda mana mokeke atilingela.
\v 16 Awatotali wana amaho mandé abandali owapamboli awahelia maho.
\p
\v 17 Ango Yesu adjei laokendo, akua mahuli liwoso landé: motisakoli, amowelia, ikokela woni itote likumu la Mwengei?
\p
\v 18 Yesu amoaselia: woni okowelaka mbai moto molalamu? Moto molamu ati ndi Mwengei.
\v 19 Oyewi mibeko: otikelake ekobo, otimoole moto, otiase moleho, otakelé moto obé, bala sangua la ngua.
\p
\v 20 Amowongoselia: Motiasakoli iyewi djene sambo ndi laolenge.
\p
\v 21 Yesu amodendia la libalano aasia: odjangi sa ema esi; keke otambi iho wowe kpa, pe haa wadjenge la wato wa otundake. Ango odja la ogumake ongo likolo; mbuse djaka otutie mbai.
\v 22 Kasi moto oho alembia wenge la djinge loyi awongoyia la magba. Late adjaki la ogumi oweti.
\v 23 Yesu ehegesia maiso ongo edjaki inde: aosia la tuke wande: ekodjaa monga la ate mongumei alingele la okondji o Mwengei!
\v 24 Tuke wayaweelaalia ungo loi waasali Yesu. Mpe owongwelia aleeti: aasiala iwo ndgo: wana mbai, edjei moonga la wango waa yehekeli la ogumake la olingeli la okondji enge!
\v 25 Edjei petee la mana ee kamela alingeli la buu e egula la ebete ate mogumi; alingeli la okondji o Mwengei.
\p
\v 26 Wa yekoli wa kamwali, waa huelia mwesi mwesi iwo ndai ongo okolingela?
\p
\v 27 Yesu awa deendja, ase awaselia: edjei moonga la wato, kasi té Mwengei; sambo pkaa edjei pete atie mwengei.
\p
\v 28 Petelo ayamalia la waasi ate; ndenga! Iso kpaa tolongwei, ewesu otutie owe.
\p
\v 29 Yesu awawongo selaali ndjo: ikwasaaka la ino meemene; motote moikima, ongo olongwei, alayi. Ombai pe la loi emboli elamu, molako monde, inga wa maanango wa pele, tée wa wali, inga ngbau la sangbo molionde tee wana wande, tée mbume pkaa,
\v 30 otidjaani la mwemu la muu moki ndjo, la milako la wana wa pele wango wa wali, la waima, la wana, a tee mbume, odidi la masio mango mageeli, wa kondja, la ogumake la bomoi oseko.
\v 31 Wato wa liwoso wa kowongwa mbuse, wango wa mbuse wa ko eta liwoso
\v 32 adjaali la mboka oteli okia yelusaleme; Yesu akeli liwoso la iwo. Wayekoli wande, wa! Lingelaali modjega, mpe wa motutiali la owangi. Ndjango Yesu awawelaali aleeiti wayekoli djande, ase abondia awaaseli ungo okomokawu:
\v 33 Denda, tookeke a yelusaleme, mpe mana omoto a kotambama aatie wanganga e Mwengei la wa dingi. Wakomokawa la logo, mpe wa komokowa aati wapagano,
\v 34 Wakomoseka, wakomolumbela soyi, wakomobinga fumbo, wakomoola, akosuswa mbusi emasiyo mosato.
\p
\v 35 Wana wa zebedeyo, Yakobo.
\p
\v 36 Awawongweselia: edema ebali ino ate iyokeleni?
\p
\v 37 Wa mwaselali, ate mwesi ayabate la lilome la oyo ongo weeti ayabate la liaali, ango ekoyabata owe la otua wowe.
\p
\v 38 Yesu a wa wongweselia: oyewite enge ekoongoko ina. Okokini okengi etotu linge likokengela mbai, tee obatisami la libatisa linge likoki mbai obatisami? Ée, tondimi, waasi ndjongo.
\p
\v 39 Yesu awa wongweeli: edjei olamu ate okenge ndi linge likoki mbai oken, ate okobatisama la la libatisa linge likoki mbai abatisami,
\v 40 Kasi la oyabati la lilome la mbai inga la liali la mbai, linge lidengiti mbai, ekohama ndji la wango wongesama laho.
\p
\v 41 Wa liomo, wa okaali ndjongo, wa bandia waasi obe la Yakobo iwo la Yoana
\v 42 Yesu a wawelia mpe a waaselia ate: weewi ate wango wakondengaka nda makumu lamiki, wakolakisa makomu mawu, wa to wa nungu wakoheneseke wato wakeke odidi.
\v 43 Eti ndenge kikima la ndondo enu kasi moto ongo obali ate adje eloko ndondo eenu, adjee motuke ee wamiino wande;
\v 44 mpe ongo obali odjei moto opoo ndondo éenu, adjee motuke la sambo kpaa.
\v 45 Laate mana o moto adii, te ate wa mokelele, kasi laa okeli mpe ahii bomoi wonde la tina emoto kpaa.
\p
\v 46 Wa umali la yeeliko. Mpe ango epumbali Yesu, la watuke wande la wato ngbii, monga Time, Balatimai, mogwi maiso, ayabatali kelekele ee mboka.
\v 47 Aokali ate edjei Yesu onazaleta, njongo abandali otii mpoyi, Yesu mana o Davidi, njoka mbai magba!
\v 48 Wato ngbi wamotekesia ate atiyase, kasi ahumbali mpoyi mbalalambala la moli motetelake; monga Davidi njokela magba!
\p
\v 49 Yesu, ayamalia, pe aasia mowelani ala; wamowelia mogwi maiso, wamowaselia: atetesa wenge, amala, akowelaka.
\v 50 Mogwi maiso alumbia mokoto mondé, pe aamalia, akia aatié Yesu.
\p
\v 51 Yesu amowaselia: ndéema ebali owo ate iyokelelé? Labuni, Balatimani awongolia njongo, ibali ate iyeene.
\p
\v 52 Yesu amwaselia: keké ondimi oowe ewokalesi. La mbuse aenia, amotutia, Yesu la bomoi.
\c 11
\cl ESUKI 11
\p
\v 1 Kaikonde, ango edjaki iwo oyandongbei lahuwé e Yelusalema, la Betpage pe la Betania, lamokoli mo Oliva, Yesu awatomia wato waalé ndondo é watutiani wandé.
\v 2 Awaaselali ate: Kèkeni, la moki mungo modjéi liwoso lasu inga olingélani ndondo ehoo, okogbotoni mana o meme, wamobati la moliki; moto twèti atelaki likolo landé modukolani odjèni laindé.
\v 3 Inga moto aowaselani até okeli ndjongo alikambo la nde? Moongoselani: likumu adjei la posa nde, akoodheni odje la inde.
\p
\v 4 Watutiani wandé wakagbotia mana meme wamonangi la moliki ébeté ekelekele émoki; wamodhukolia
\v 5 Wadi wato wango wayamalaki ongo wabandia hoasi la iwo até: ndalikambo eemodhukolakani ino mana o meme?
\v 6 Wawawongoselia ndéngé Yesu awaaselali. Asé wa amodheia wakia.
\p
\v 7 Wamodjélia Yesu la mana o meme, asé walumbia wisindje wahu Yesu ayabatia likolo.
\v 8 Wato ngbi wadjaali obati wisindjè la mboka, weeti, mite mingi miteni iwo la wilanga.
\v 9 Wango wa djaali liwoso la wango wambuse wa djaali ohumbi pui: pambola ongo moto akodja la kombo é likumu.
\v 10 Likumu lo taata osu Dawidi lipoti odjii! Hosana ongo oyeti likolo!
\p
\v 11 Yesu alingélali la moki mo Jelusalema ndondo étepélo adhendia wiholo kpa. Ango ewumali pokwa, awongoyia la Betania iwo la watutiani wande liomu la iwale.
\p
\v 12 Mbuse e lisiyo likima walongoyia Betania Yesu aokali ndjala.
\v 13 La lihele aenia mote mo figuié éngé edjàki la kasikasi asé akiya o dhendi inga akogboto te maa ema likolo. Ango eumia indé ongo atigbote ema tèeti ndji kasikasi, etidjali, engele eho wotake.
\v 14 Yesu aasia la mote muho: moto tueti atilaka kine pukapuka eowe. Watutiani wande wa mookali.
\p
\v 15 Ango eumali iwo la Yelusaleme, Yesu alingelali la tepelo; apotali oumbi la wango wadjali otambi la osombi ndondo e tepelo. Alumbali wa mesa ma wato wango wadjakali okalambi wambele, la ngbelengo e wato wango wadjaakali otambi mbulu.
\v 16 Ase atitiké moto tueti ototi ema ndondo é tepelo.
\v 17 Adjàali otéi la oasi: édhingami ti, moguta mombai ekowelana ébeté eohakongi la miki kpa? Kaiko ino okalambia eho eholo e wato wa iwa.
\v 18 Iloko e wanganga e Mwengei la makumu mawatiesakoli mibeko, wamookali; wadjali oluki nda ndenge e kokoka iwo omooli, wadjali owangi la loyi ate watokpa wadjali ondjimi matiesakoli mande.
\v 19 Ase ango pokwa ewumali Yesu apumbali la gbata.
\p
\v 20 Boo e liso lilandji, wahetali ebete e mote mo figi; watutiani waenia mote mo figi moomaali swa tee la ndjili.
\v 21 Ndjongo petelo amoasélia: likumu moté mungo mobumakoli owe mogwi kpà tée la ndjili.
\p
\v 22 Yesu awawongosélia até: mondjimelani Mwengéi.
\v 23 Mèmene iyoasélini ino, inga moto mwesi aasa la muu mokoli ate: longwa ango yalumba la malia masungu inga atikoke ndondo e motema monde, kasi andjimi ate enge easi inde ekowuma, akoene ekoengemana.
\v 24 La ndjongo, iyowaselini: ema kpa ekoongoni ino la maongi, ndjimani ate ototigani, enge ekoohekelemani.
\v 25 Ango eyamaliani ino likolo la oyakongi, inga odjeini la ema esi mbe likolo e maangua, molimbesa laate sangwa ongo odjei likolo alimbese obe e owe.
\v 26 Inga ino otilimbeseni, sangbanu ongo odjei ongo likolo atiolimbesani.
\p
\v 27 Wakekia alidji la Yelusaleme, la enge engele Yesu adjali osombi sombi ndondo e etepelo; wiloko wa wanganga Mwengei, la watiesakoli wa mibeko la wilokowato wadjaali atie inde.
\v 28 Wamowaselali: nda okumu e kokelaka owe dji sambo, alidji ndai aohi ehele okumu?
\p
\v 29 Yesu awawongoselia: mbai pe ikohuelakani poopoo esi, wongoselani mbai; mbai pe ekowaselani nda okulu ikokelaka dji sambo.
\v 30 Patisa enge e Yoani edji likolo inga e wato? Ndjaselani mbai.
\p
\v 31 Wandolali iwoamene: inga towongosa ate: edji likolo, akoasa ate: woni otimondjimelalini?
\v 32 Inga towongosa ate edji la wato, Wawangali wato laate iwokpa wayewali ate Yoani adjali mosakoli.
\v 33 Wamoongoselia Yesu: toyewiti. Yesu awawongoselia, mbai pe itiowaselani nda okumu ekokelaka mbai djisambo.
\c 12
\cl ESUKI 12
\p
\v 1 Alèeti Yesu àwoasélia la masèpkè. Moto mwesi aonali ilanga évinyo àalingali, atoongia liwela, alidi ahia watuké wandé wa elanga, mbuse akia ookendo
\v 2 Lisio la obuki, oomia, otomia mosali mondé mwesi etie watuké wandé wa elanga, ate atote vinyo.
\v 3 Wamo mo helià, wa mobingià, wa moongosia mahoo ohola.
\v 4 Amotomia aléetsi wèeti mosali; wamobingia amoto;
\v 5 aléeti wamookisia osambo. Amotumia ongoosatu, wa molia; aléeti; wato ngbi, waabingia ingawowaolia.
\v 6 Atikolaki la mana oondé olibalano; a motomia mbuse, aasia: wakomo tosa a likambo adjei manaombai.
\v 7 Watuké wa elanga waasia: indé moto aotikalela élisi; djakani, tomoolé, élisi ekototikalela.
\v 8 Wa mohelai, wamoolia, wa molumbia kèlekèle: e ilanga.
\v 9 Sikandjo, memenè elakàngo akokela woni? Akodja, akoola djingé tuké dja élanga, akoha elanga la djéeti wato.
\v 10 Tangeni maamadingami? Libukeli wamai molako walumbali ewumia liklulé làandako;
\v 11 Loyi luho lilongwi etiémwéngéi; e wungami à maiso masu.
\p
\v 12 Walukià omoheli, wawangià wato. Wayewalitè edjei likambo lawundé Yesu àasiengé lise. Wamotikia, wa kia.
\p
\v 13 Wa motomelia Yesu wéeti wafalizéo la wéeti wato wa Elode, alikambo wa motote la eyaseli indé.
\v 14 Wadia omowaseli: mwalimo, toyewite odjéi olamu, aléeti otiasumbwaka la moto; alikambo otidendakà la elongi é moto, okwasakà sambo dja mwéengei la mèemenè. Endimami, ofuti pako ée Sezalo? Tokoki ofuti totikoké ofuti?
\p
\v 15 Yesu ayewia lokuta lowu, awongosia: Woni oomekaka inombai? Djelani mbai la falanga ého iyene.
\v 16 Wamodjelià falanga; Yesu awàaseli: elé edjéi elongi endai? Aleti madingami ma ndai? Wa mongoseli ée Sezalo.
\p
\v 17 Yesu àwawongoselia, hàa Sezalo engée é Sezalo et à Mwéengei ée Mwéengei wamokamoya.
\p
\v 18 Wasadukia, wango wakwasakà te obasi oti, wadjia etéi yesu, wa mohwélia:
\v 19 mwalimu, Moize atokomelali: inga manango omotomwesi agwa, atikia moli, awotiti la indé, manango akoyika moli ongo ongweli, aloyite amowotele manango wana.
\v 20 Ndjokandé, édjéi atiésu wato sambo. Ongo olioso ayikia moli, agwa atikiti mana.
\v 21 Ongo owalé amototia moli omanango, angwa atikitii mana. Ikelamia ndjongo longo osato,
\v 22 iwoo kpàa sambo watikiti mana.
\v 23 Mbuse éwu moli agwia. Lisio la Obasi, ndai akodja moli ondé? Àaloyi iwo kpàa wa moyiki.
\s moyiki.
\p
\v 24 Yesu àwa wongoselia: otiwungéni otiyeweni modingami tè, otétélaké é Mwéngei?
\v 25 Lisiyo obasi pele watitota wali, te wali wati tota pelé, iwo kpàa wako djia nda wandjelu likolo.
\v 26 Aloyi edéndi obasi ewato wagi, otitangàali, ndondo ebuku Moize tè, Mwengéi amowaselali a moté mokéké: idjei mwenéi o Abalama Mwengéi o Izaka la Yakobo?
\v 27 Mwéngei ati Mwzéngei é gbii; kasi wango wa bomoi. Odjeini laowusi.
\p
\v 28 Ndjokàndé mwesi ewa ilokowato owoyokia wakogulanakà, yesu awoongoliseli wa Sadukio, engbundu elamu, adjia peneindé amohwelia: ndamobéko moyeti djeti mibeko?
\p
\v 29 Yesu amowongoselia: engé eliwoso: okà, Isalayele, likumu, mwéengi esu, adjei indé mokikima likulu,
\v 30 Okobala Mwéengi owe lamoteme moowe mobimba, amolimo moowe mobimba, la lomungo moowe mobimba, la otétélaké loowè.
\v 31 Engé awalé: okomobala miino owe nda omwe amene owabali. Mobeko tueti eeti mibeko mwale.
\p
\v 32 Eloko moto aasia: kekedhingè, mwa limo; owasi olamu te Mweengéi adjei mokikima, oweti atii ndaa indé,
\v 33 aléeti omobali la motema moowe mobimba, la lomungo oowe, la molimo moowe mobimba, la otétélaké la oowe mobomba, mbuse mobala miino owe ndu oowe amene, éeti otumbi mbeka la ooli.
\p
\v 34 Yesu aeniate awongosi la okengi, amwaselia: otilihele moki e Mwengei. Moto twetei atilukali omohweli popoo.
\p
\v 35 Yesu abandia aleeti otei ndondo etepelo, aasia: Woni iloko wa kwasakatè Klisto adjei mana o Dawidi?
\v 36 Dawidi inde amene atumisamali la molimo mosatu, aasi: likumu aasi la likumu la mbai, abata la ewo embai epele tée ikokela wanguna waowe isuleli emakolo maowe.
\v 37 Dawidi indé amené akomowelaka likumu, ndandenge akoki odjei mana ondé? Wato wa djali omoyoki mwemu.
\p
\v 38 Awaaselia ndondo emateya mandé: Abania ni la iloko; wabali osombi la lobe elai, owahi mbote iholo ewato ngbi,
\v 39 wawonoko ibete eliwoso la wasinogoga, la kiti eliwoso la wa feti.
\v 40 Wakopwesaka wali wango wagweli pelé milako, la okosi; wakokelaka mabondeli malaimalai. Wakosambisama oyeti.
\p
\v 41 Yesu aabatali lihoso la eholo wakolumbaka mabonza, akodenda ndengé wato wakolumbaka falanga.
\v 42 Moli otundake ongo ongweli molome, abatia wibende iwale keke keke enge ekokaki inde osombi te la okoke.
\v 43 Yesu awelia wayekoli wandé aasia: iyowaselini meéné moli olo odjangi molome motundaké ahekeli oeti wango walumbi ngbi.
\v 44 Iwo walumbi enge elongwesi iwo la iho engé éeti; kasi inde alumbi engé edjaki indé leho, énge etikalaki laokali.
\c 13
\cl ESUKI 13
\p
\v 1 Ango yesu apumbia a tepelo, mwesi la wayekoli amohaselia a te: motyasakoli denda ndénge mabukeli maa la ma minguta
\v 2 Yesu amonongweselia: denga mu monguta lisungu? Te libukeli liesi etitikale likolo la leeti libukeli.
\p
\v 3 Aa batali la mokili ma olive, liwoso la tepelo, Yakobo, Yoane la Andele we mohelia.
\v 4 To asela nda hengele ekohuma eho, ndo ilembo ekotoyinia ate dingé wihoo wikokokisama.
\p
\v 5 Yesu abatia awaaselia: djàa la likeli moto twet ohiokosakeni.
\v 6 Wato wakodja la nkombo embai, la ohasi: edjei mbai wakokosa wato ngbi ino.
\v 7 Inga oyokani mboli ate Wita, wigeleli la midudu dja kindo ohidjakeni la owangi, dingé sambo esengeli okelani, kasi gboo ehumakiyo.
\v 8 Mokii mwesii mikosana la djeti mikii okondi ikosana la djeeti okondi mbume ikoningana, ndjala ikoningana, ango edjei obandi ehodidi.
\p
\v 9 Tota ekenge ino amene. Wako kambani la wa bilo, wakobingani mabukeli la sinagoga; wakomalesani atye wako guverner la makinji atina embai, la te ewayekele oyewani.
\v 10 Liwoso mboli ndamu ehasane la mikii kpaa.
\v 11 Tango wakodja okawi ni ino, otiyatungiseni liwoso, engé ekowasani ino, hino kasi asani enge ekodjeleni ino la enge ngonga, laate eti dje ino okwasaka kasi elimo satu.
\v 12 Wa huma wakoo olana, sango la mana; wana wakoyama lela waboti. Sango la mana wakoholana.
\v 13 Wato kpàa watiyobalani, la tina embai, ongo okohela motema tee la gboo akokala.
\p
\v 14 Inga okoheneni, libete hosoto, ekobatakà ebete ekokitii, hengele heho wango wadjei à yudea wabandi otili la mokoli.
\v 15 Ongo odjei likolo la ndako ati adjimba ototi ema la ndako.
\v 16 Moto ongo adjei la elenga atiwongwa kine mbuse ototi isindje.
\v 17 Magbà la wali wakodjalemi la wango wakonu nge saka mawe le maiso maho.
\v 18 Moongoni Mwengei ate djii sambo iti ume lisiyo la piyo.
\v 19 Laate mongo masiyo pasi ekodja makasi, laate tee Mwengei akeli moki pasi tueti ekokaniti la eho.
\v 20 Inga likulu atete nelate wato maa masiyo laate ewume okwe, te moto tueti ati koke okali, kasi likumu akelali ndjongo la likambo la wango wa onami.
\v 21 Igna moto asala inondjo: denga klisto adjei ala adjei Ongo. Oti ndimakeni.
\v 22 Laate waklisto wamoleho wakodjia wakokela makamwesi, la wilembo laokosi wa ononi inga ekoki odjei ndjongo.
\v 23 Angatalani wadhengani olamu: iyoyewesini lihoso.
\p
\v 24 Kasi la masio maho; mbuse eodjidji, wuse ekwakukula, ndeboo etobata kine;
\v 25 Minoto mikokpa la mbumé, okulu edjei likolo ekokpa sese.
\v 26 Ndjongo, okoeneni mana omoto akodja la mapata laokulu kpa lamwemu.
\v 27 Akowatoma waanzelu wande, akowabatesa waonami la ihoho inei, gbo embumé la gbo elikolo.
\p
\v 28 Tota liteya emote emosuké. Ango itape wango ilembeli, eumesia ngasi, ekoyewakate ngonga emoi ewumia pene odi.
\v 29 Inga okoweneni djinge sambo ewumia okelani, yewakani te mana omoto awumia pene la odji.
\v 30 Iyowaselini meemene: mamahota mati eta ndi dji sambo ekelami ga.
\v 31 Likolo la mbume ekoeta, kasi maloba ma mbai eta hete.
\v 32 Kasi lisio la edje ehengele, moto tweti ayewi waandjelu wa likolo, te mana, kasi wawa inde amene.
\v 33 Tota okengi, sindjilani alidji wakongani oyewini ti lisio linge djinge sambo ekowuma.
\v 34 Ekodjàa nda moto ongo oki okendo, adeiya molaka monde, ahekelia okondji la mituke wande, ahinia moto la moto la misala mandé. Ahaselia moabati molango adengake.
\v 35 Angatalami laate oyewiniti engele ekodja meemene ndako. Inga kolokolo, inga likolo inga boo.
\v 36 Wangani ate atiyogboteni ndji olali la hiloo.
\v 37 Inge edjeini mbai owasili ikoasaki la ino kpàà.
\c 14
\cl ESUKI 14
\p
\v 1 Etikali masiyo maale ate feti e pasika la okoke odjangi okundji ewume. Makumu ma wa kanga e Mwengei la watie sakoli e mibeko wa lukali omoheli Yesu la ma mungo mbe te wa moole.
\v 2 Asé waàsia até; étidjé wusé e olipati; alikambo até wato wakokéla monga.
\p
\v 3 Ango édjàkali indé Bétania, la molako e Simo omoto mbala, moli mwèsi alingélia ango édjàkali indé olaki, atotia molangi, mo-malasi ma lumba makasi, la matiyo mosungu, adukolia molangi mwèsi, asuakolia la moto mo Yesu;
\v 4 Wato wadji wopotia wasi iwo mène la oki motéma mobé: nda ndéngé obitisi malasi mango ma motio ndjo?
\v 5 Ewongokoli até watambé mango malasi la motio mosungu, wahe wato watu ndake wapotia omotoni ongo moli.
\p
\v 6 Asé yesu awaselia até, woni okomotungisaka ni? Akéli loi wèsi wolamu àatié mbai.
\v 7 Inga odjéni la wodjangi àatié nu, okowakélélani sambo ndamu masio kpàa. Kasi otidja kine la mbai masio kpa.
\v 8 Akéli éma éngé éengi la indé; amanoli maita ma lumba la wenge wa mbayi laate etikali, maakeki.
\v 9 Wasélini mèmène, wibété kpàa wikoasana mboli ndamu, la moki kpàa, wakoasa la loyi wa oholo moli nda ekeli inde.
\p
\v 10 Yuda Mokeliota, mwès owatutiani liomu la wale, akia àatié makumu ma Mwengei laate amotambé Yesu atié éwu.
\v 11 Ango ookia iwo ndjoongo, waémelia ngbii, wamo wonélia wambèle. Asé Yuda alukia ndénge até amokawe.
\p
\v 12 Wusé wo poo wungo wo lindjangi mana, inge lisiyo wakolaaka iwo wusé lo Pasika. Watutiani wa yesu wamwasélia éni ébali owe até tokawongèle ébete é Pasika?
\p
\v 13 Asé awatomia watutiani wandé wale, asé awasélia kekeni ongo la gbata, okogbotononi la moto mwèsi kpàali molugu mo malia la moto, motutiani.
\v 14 Engé ébeté ekolingela indé, asani la mèmène mongu ta: Likumu asiaté. Nda ébeté ekolakambai Pasika la watutiani wa mbai.
\v 15 Asé akowoéngani ébete elamu, édjei la wiabatele wilamu, ango ndé ekowo ngele iso la olaki lipati la pasika.
\v 16 Watutiani wakia, wakaumia la gbata, wagbotia wiho kpàa nda éwaselali indé ase wawongela pasika.
\v 17 Ango odjia kolokolo, adjia la watutiani wandé liomu la wale.
\p
\v 18 Ongo odjakali indé la mésa olaki, yesu asiaté: iwaseli ni mèmène, mwèsi oonu, ongo okolaka la mbai, ebete eikima, inde nde okokawa mbai.
\p
\v 19 Wapotia okimagba, ase omwaseli, mwèsi la mwèsi ate édjéi mbai.
\p
\v 20 Awaseli ate, mwèsi ongo oliomu la wale, ongo okobongake iso lainde ma wo la sani.
\v 21 Mèmene mana omoto akokeke ndenge edingamii ho ase magba la moto ongo omokawu. Ekelaki ate édjé wolamu ùoto oho atiwotame.
\p
\v 22 Ango odjakali iwo olaki, Yesu atotia wokoké, ase, mbuse e omwongi Mwengei, abukia, awahekeyelia, asia ate, totani ehele édjéi wenge wa mbai.
\v 23 Mbuse eho atotia ekutu; amwongia Mwengei awahekelia wakenge iwo kpàa.
\v 24 Ase awaselia: ehele edjéi makila ma mbai, makila ma wouma, mango mahani la wato kpàa.
\v 25 Iwaselini mèmene, ito kenga kine djiidji pukapuka dja vino ndiango okokenga mbai wuse wokokee mbai aatie Mwengei.
\v 26 Ango aseselia iwo olembi lembo, wakia la mokili mo-oliwa.
\p
\v 27 Yesu asalia ate: ino kpaa okokiosakolani; nda edingami eho: iko binga sindjili ewa meeme, wakoya ndjana.
\v 28 Kasi, mbuse embai obasi, la logo, ikoeta liwoso lanu ongo Galilai.
\p
\v 29 Petelo amwaselia: inga wino wa mbai wa sakela, iti sakela.
\p
\v 30 Leho Yesu awaselia: owe la likolo la keke, liwoso ate koko ilele, mbala iwale, owo okowungwana mbai mbala isato.
\p
\v 31 Kasi Petelo awongwanelia la moli motetelake: ekodja olamu mbai igwe lowe. Mongindji, iti owungana, aseko iwo pkaa wasia udi djongo.
\p
\v 32 E wa keeli mbuse ebete eweli iwo Getesemani, Yesu asia la mongindi monde: lambela ni mbai ala ongo ekoya kongaka mbai la wawa.
\v 33 Atelali Petelo, Yakobo la Yoani, abandali oyo kiboo la magba.
\v 34 Awaselia: molimo mombai moyoki magba tii la logo, tikalani a la otitaleni.
\v 35 Awongwea akua la mbume asiate Mwengei la oyakongindjo, inga obali ehele lihe ngonga like lihele la mbai.
\v 36 Aasali alidji: abba wawa sambopkaa ekoki atie owe, longwesela mbai wu woi wodiake etidjée! Linge libali mbai kasi linge libali owe.
\v 37 Ndjongo akia etie wa tutiani wa nei awa gbotia wa langali ndjongo asia la Petelo: Simoni olangali oyakongiti engali te la sa kikima?
\v 38 Wiilangaleni akongo la tina ate woti lilengele la omekame, elimo ewongelami kasi wenge etumi la okwi.
\v 39 Awa deiya mbala ewale ayakongia alidi.
\v 40 Ewongo onde awagboti ndi la ilo, late maiso mau madjali la oliti, watiyewali eyano e mowongoli.
\v 41 Ewongoende mbala esato awaselia: ate langala aseni ahomesani! Ase sikandjo! Sa ekoki denga mana omoto wamokawia la mawo ma wato wabe.
\v 42 Amala toleke denda motongo otambi mbai ageleli.
\p
\v 43 Ndjii akwasaka, Yudasi mwesi la wa liomo la iwale, aumia la wato wango wakpali wiwuni, la mite wango wa tomamate la wa tuke wa Mwengei la wa dingi emibeko, la iloko wato.
\v 44 Moto ongo omotambali awainukeiya: ongo ookalua mbai lainde, inde ongo moto helani oke la inde.
\v 45 Ango eumalinde andongbia kelekele le Yesu asia: Rabi! Ayaluiya la inde.
\v 46 Asekowango wato wa mobongia mawo npe wa mahelia.
\v 47 Mwesi la wa liomo la iwale adjakaliango; amesia auni atenia mwesi la wa tuke litoi.
\p
\v 48 Yesu asali la iwo: wodji late ohele mbai la iwuni la mite nda moto oyiwa?
\v 49 Idjali la ino, masio kpa la molako e Mwengei, ikoteyaka, kasi otihelalini mbai. Kasi ehele ekelami, laate madingo, atilia.
\p
\v 50 Iwo kpa wa modeeli aseko atilali obangu.
\v 51 Aseko mana opele Gedhihelake, walukali omoheli.
\v 52 Kasi alumbali esindje awatilia lingbegbele.
\p
\v 53 Wamohelali wakia lainde atie likumu ewatuke wa Mwengei, ongo eyabatali watuke kpaa wiloko wamolako mo engali la wa dingi kpaa.
\v 54 Petelo awatuteya tée la ndondo e saa emolako emomotuke mo Mwengei ayabati laiho wakotoko misa.
\v 55 Likumu ewakuke wa Mwengei la wadi kpaa wadiali oweli wato wa wahe te litatoli likikima linge likoki iwo oakei Yesu, kasi watieheneli.
\v 56 Wato ngbi wadjaali ohi matatoli malokuta kasi mango matatoli mati djaali okokani.
\v 57 Weti wadi la sambo owahi ndi moleho la tinde einde la hasaka:
\v 58 Tomookali okohasa: yogbalola ehele monguta limaani la maho ma wato, mbuse e masiyo masato ikomaa eti linge limaaniti la wato.
\v 59 Te la djinge sambo kpaa liaaki iwo ohengemeni etidjali.
\p
\v 60 Aseko likumu watuke wa Mwengei aamalia liwoso lau, amophuelia pwopwo Yesu, owongoliti lundu balate kikima la di sambo ekohasaka iwo owe kpaa? Owongoliti te lundu?
\v 61 Yesu ayabatali logo atiwongwesali. Likumu ewatuke wa Mwengei amohuelia aladji: odjei Masiya mana o Mwengei
\v 62 Yesu amongoselali: edjei ndjongo. Okweneni mana omoto ayabati la ewo elilome la okulu e mwengei, ayadjimbi la lipata.
\p
\v 63 Likumu eyatuké wa Mwengei asalakolia wisindje, ndandenge elukana iso djeeti poopo ndi inde amene aasi ga?
\v 64 Ookiniango nda etangakoli indé Mwengei. Owasini woni? Iwokpaa wamowongoselia awongi la logo.
\p
\v 65 Weeti wamosweelia iikahu pe wamolihia mbanda, laomobingi ibotu omowa seli aaate: ndai obingi asakine! Mbuse la djenge odidi kpaa wa tuké wawongoya la indé wakomobinga
\v 66 Petelo aabatali la lingalala aenia motuke mwesi omoli ongo ebeteé elikumu ewatuké wa Mwengei.
\v 67 Amwenia petelo ayabati amisa amodhengia pe amwaselia: owe pe odja ebete kikima la yesu onazalete.
\p
\v 68 Petelo awungania, aasia: iyewiti, itiyewaka ema enge ebali owo ondjaseli. Alongweiya ango, akia obatami. Koko elelia.
\p
\v 69 Mana omoli motuke olikumu amwenia petelo alidji, abandjia aleeti owasi la wango wadjaki la indé: oholo moto adje la wango wato. Awungania aleeti.
\p
\v 70 Mbuse, wango wadjaki ango waasia aleeti a petelo: edjei ndjongo odjei la wango wato, owe odjei mogalileya.
\p
\v 71 Abandia owabumakoli la olapi ndai: imoyewiti ongo moto okwasakani la indé.
\p
\v 72 Gbunduka, koko ebekua. Petelo amungolia mango ma mwasela li Yesu ate: lihoso te koko ebekwe mbala iwalé, okowungana mbai mbala isato. Amungoli enge Yesu amwasekali, alelali.
\c 15
\cl ESUKI 15
\p
\v 1 Lamwengele mo boo, tuke dja engali wakondi wawelali wiloko la wadhindi mandigo, la wasanedrina, walingelali likita, wa motambia Yesu, wamonangia ndiki wa kia lainde okaa mohi atie Pilato.
\v 2 Pilato amowelali Yesu: owe likumu lawayuda? Ée wasigaa.
\v 3 Tuke dja Mwengei adjakaali omopelegeli bali ngbii etie likumu la mokii.
\v 4 Pilato amohuelia aleeti, owongwesiti ema téeti? Denga sambo wakoohelesaka.
\v 5 Kasi Yesu atihali eyano, ndjongo likumu Pilato akamwali.
\p
\v 6 La mwengelee lipati. Wadjakali omesi moto mwesi la eselegbeè (boloko), ongo odjaali iwo omoongi.
\v 7 Enge mwengele adjaali la moto mwesi wamowelali Balabasi ongo odjaaki la mokulu ebete eikima la wato wa paima, wango wamoolali moto ango ememeleli iwo.
\v 8 Ndjoongo wato wasungu wabandalini ohongi ate akele ndenge ehahana inde la owakeleli.
\v 9 Pilato a wawongweselaali ndjoo: obalini motike likumu awa Yuda?
\v 10 La likambo aewali ate makumu ma engali wakondji iwo nde wamohaakali aloi la likunia.
\v 11 Kasi tuke dja engali wakondji, wa ndongbali ebele ewato watomia awaumisele nde mobalabasi.
\v 12 Aleeti Pilato, adjaali owa wongweselia: ikele woni la moto ongo oko mowelakani ino ate likumu la wayuda?
\p
\v 13 La mbala kikima wa humbia ate mobakani la ekulusu.
\p
\v 14 Pilato aasia la iwo aléeti ndjo; nda loi ekeli inde? Tée ndjongo wa humbàali ate: inokakani la mokakani la ekusu.
\v 15 Ndjngo Pilato, la olukani mwemu la ndjinge osungu o wato, awaumeselali Balabasi; mbuse e mopiesi, fimbo a wahiia la Yesu la oka mobati la ekulusu.
\p
\v 16 Masaze wakii la Yesu ndondo ée molako, ee likumu; mpe wa welia itutaki la wa masaze.
\v 17 Ango wa mo kpalesia esindje tanake mpe wa modjabeya kéeke la moto.
\v 18 Wakomohaka mibale ate: mbaa owe likumu wayuda.
\v 19 Wa mobingali motée la moto, wa mosuelate ikaha, amayaa magigindji, wa momeeli mahuli la omohekeli otua.
\v 20 Mbuse wa mondjidia la mbanda, wa komotangaka, wa motubia isindje, la mbuse kiala inde oka mwakei la ekulusu.
\p
\v 21 Wa djuiya okulu la opkali ekulusu e Yesu, wa mwenya moto mwesi ako longwaka la mobele kombo ee ndée Simoni ongo akwayabataka la moki mo sirene, sango Alexandre, la rifisi,
\v 22 Sikadjo wakia la Yesu la moki mokowelaka iwo Gologota, eluki waasi ate ebete enge ekokundaka iwo wato.
\v 23 Wa mohali maana madjii ate kenge, ndjongo watibalali ototi.
\v 24 Mbuse ee omobaki la ekulusu; wa bandia okawani isindje la weewi ungo okoki ondjuimoto la moto.
\p
\v 25 Ango edjaali mwengele ee isatu, mpe wamobakia la ekulusu. Wa dhingi sambo ndinge imokawi iwo, ongo likoolo la moto monde ate: owe likumu mo wa yuda.
\v 26 Likolo la mote wakomali tina emowolali wo ongo: likumu e wayuda.
\v 27 La mbuse eho wabakaali iwa waale mongindji la inde, iwa eesi la ewoo elilome, ongo weeti a liali,
\v 28 Ango endjei ekokesami la ndenge e aasali engbata Mwengei: adjaali mongindi la wato wango wandjali la odidi.
\v 29 Mpe wango wadjaali weeti la mboka wako motangaaka mpe la owangbungwanesi: owe moto, waasi ate: owe kine moto ongo opakaali obuki monguta mo Mwengei ase omee mbuse emasioo masato.
\v 30 Yakalesa kine, yandjimba kine la enge ekulusu.
\p
\v 31 Ndenge kikima nda edjaali tuke dja Mwengei wakondji, wakosekeeké la wango weeti, waasi ate awakalesali wango weeti, aseko inde amene ataya kalese.
\v 32 Klisto kumu mo isalayele ayandimbe sikandjo la enge mote mo monyoko, laate omongumye; tee wango wandjaali la inde mongindi wa omotangia.
\p
\v 33 Ango eumali mwengele emotoba likolo elingelaali la enge moki kpaa, tee mwengele molibwa.
\v 34 La enge mwengele mo libwa, Yesu ahumbaali pwi la moli motetelake ate: Eli, Eli, lamasabakatani? Inga wakukola ekwasaaka ate: Mwengei ombai, Mwengei ombai laande edei owe mbai?
\p
\v 35 Weeti wango wadjaali ango keekele, ndi enge mwengele iwo wanbandaali waasi ate: denga! Akomowelaka Eli.
\p
\v 36 Ndjongo moto mwesi aki obangu, aluliali linuka eesi la vinyo gagake abatia la mongendu, mbuse amohekelia ate angenge, aseko aasia ate modeeyo! Tondenge inga Elia akodja omondimbi ango.
\v 37 Mbuse Yesu ahumbaali pui ase ateniali motema.
\v 38 Mbuse lido mo tepelo mosaleiya likolo tee seese.
\p
\v 39 Kaiko ase likumu mo wa soda aamalaali liwoso la inde, ahewali ate atenyali motema ndi la enge mwengele okelami ungo loi; aasia ate: memene oholo moto adjei mana o Mwengei.
\v 40 Weeti wali wa dengaki la lihele, la ndondo eewu Malia magadala la Malia nango Yakobo, ongo mokeke Yose la Salome.
\v 41 Ongo odjaali iwo sombi la inde la omokeleli la enge mwengele edjaaki iwo ongo la Galileya, la wali weeti ekeli iwo lainde ongo la yeluzaleme.
\p
\v 42 Liwoso ate huse alye, wadjali olengeli o sambo o la lisio la sabata.
\v 43 Yozefu onngo owa alimatayo ongo adjaali motei mosungu, ongo, okomokaaka wato wa wangali. Ongo okeeliaatie pilato, la hongi wenge Yesu.
\v 44 Pilato awelaaki toosate agbi ndji sika ndjo, owa welia wa lambiani wa nde inga agbi gala.
\v 45 Tango mokondji ewa soda a mowaselia, Pilato amohia Yozefu ebembe.
\v 46 Ndjongo asombaali lini enge elamu mpe adimbaali molonda o molingia la line olamu amolangeya la mbila enge etongate iwo ndondo e mabukeli, mbuse akukolya modipo a lihia la monoko mo eho.
\v 47 Mbuse Mali Magadala la Moli nango Yosefu wa ndjaali ondengi ebete enge.
\c 16
\cl ESUKI 16
\p
\v 1 Ango lisio eyenga etali, Malia magadala la Malia nango Yakobo la Salome wasombia maita malumba enge elamu, alikambo ate wake omomunoli Yesu maita
\v 2 lioso linge la poo wakia okandengi mbila. Tango eboo ango ekelongia wuse.
\v 3 Wakoasaka iwo amene ndai akolongolo libukeli alikambo tolingele ongo ambila.
\v 4 Kasi ango edengali iwo waenali ate libukeli logui linge lidjali esungu eliongui.
\p
\v 5 Walingelia mbilia wa moenia elengi mwesi mpe opele abatia la ewo molome akpalia isidje ebubake wawangali.
\v 6 Awaselia otiwangi moto okomolukakani Yesu Nazarete atikine ndenga ebete innge elangalaki inde.
\v 7 Kasi kekeni oasili wahekoli wande la Petelo wa mobilia ongo la galileya ongo nde okomogbotoni la ndenge owowa selalini iwo.
\v 8 Wapumbia a mbila wa tilia wa wongweya la owongi enge eweniho ango waesiliti moto alikambo la Mwengei.
\p
\v 9 Yesu abasiali boo lisio la liwoso la poso, aeenia liwoso la mali, magadala ango ewumbali nde la milomo mbe sambo
\v 10 Malia akia wa sumbeli wa wekoli wa Yesu mboli awa gbotoli la magba la oleli.
\v 11 Ango yokia iwo mboli te adjei la bomoi alidi Malia a; oweneli wati ndimali.
\v 12 Mbuse ewo, Yesu aapumbia wayekoli waale ndenge eeti tango edjaki iwo oke a motulu.
\v 13 Wadja owasumbeli weeti mboli watindime.
\v 14 Mbuse eho awapumbelia liomo lesi wango wadjakali ameza, awasemia ino odjei la motema motekelake; alikambo wadjangi ondimi mano moto abasi.
\p
\v 15 Awaselia kekeni, okasombi mboli la moki mobimba, wase la mboli elamu la mabota pkaa.
\v 16 Ongo okondi mela mbai akopata watisimo akokla kasi ongo ati ndima akogua.
\v 17 Okombo mbai okoyumba la milimo mibe wakwasa la minoko miholi
\v 18 Denga ilembo ekowabiliaka wango wakondima kombo e mbai: wako pumbisa milimo mbe, wa kowasi minoko moholi.
\p
\v 19 Amgo asiselia inde owasi atelia likolo, abatia la ewo la mboli.
\v 20 Wayekoli wa keli osakoli mboli ndamu iho kpaa likumu adjali owa sungi adjali okeli sambo mingi la ondimesi maloba.