ach-ss-acholi_reg/44-JHN.usfm

\id JHN
\ide UTF-8
\h Lakana
\toc1 Lakana
\toc2 Lakana
\toc3 jhn
\mt Lakana
\c 1
\cl Chura 1
\p
\v 1 I acakki piny Lok onoŋo tye, Lok tye bot Lubaŋa, Lok en Lubaŋa.
\v 2 En ceŋ tye bot Lubaŋa i acakki piny;
\v 3 jami ducu en aye ceŋ otiyo, pe tye gin mo ma ceŋ giketo laboŋo en.
\v 4 I en con tye kwo, kwo meno con ceŋ pa dano.
\v 5 Ceŋ oryeny i piny macol, ento piny macol pe ogeŋo ryeny.
\p
\v 6 Yam tye dano mo ma Lubaŋa ooro, nyiŋe Jon.
\v 7 En obino pi bedo caden me tito lok i kom ceŋ, wek dano ducu guye pi lokke.
\v 8 En kikome onoŋo pe ceŋ, ento obino pi tito lok me caden i kom ceŋ.
\v 9 Ceŋ me ada ma menyo dano ducu onoŋo oebino i lobo.
\p
\v 10 En con tye i lobo, en aye ceŋ otiyo lobo, ento lobo pe obedo ki ŋec i kome.
\v 11 En obino tugi, ento jone pe gujole.
\v 12 Ento dano ducu ma ceŋ gujole, ma guye nyiŋe, omiyogi twero me doko litino pa Lubaŋa;
\v 13 ma pe ginywalogi ki remo, kadi pi miti me kom, kadi pi mit pa dano, ento pi miti pa Lubaŋa.
\p
\v 14 Lok odoko dano, obedo i kinwa, kun opoŋ ki kica ki ada; wan waneno deyone, deyo macalo pa latin acel keken ma oa bot Won.
\p
\v 15 Jon obolo lok me caden i kome kun daŋŋe ni, “Man aye ŋat ma yam atittiwu pire ni, ‘ŋat ma bino i ŋeya kata ki dit, pien en okwoŋo nyima con.’”
\v 16 Nia i lonyone mapol wan ducu gimiyowa kica i kom kica.
\v 17 Pien cik yam gimiyo kun wok ki bot Moses, ento kica ki ada, Yecu Kricito aye okelo.
\v 18 Pe tye ŋat mo ma yam oneno Lubaŋa; Wod acel keken, ma tye i kor Won, omiyo Won oŋene.
\p
\v 19 Man lok me caden ma Jon obolo, ka Lujudaya guoro ajwagi ki jo Levi nia Jerucalem pi penye ni, “In aŋa?”
\v 20 En otuco ka maleŋ, pe omuŋo, otuco ni, “An pe a Kricito ma Lubaŋa oyero.”
\v 21 Gupenye ni, “In doŋ aŋa? In Elia bo?” En odok iye ni, “Pe.” “In lanebi meno?” En ogamo ni, “Pe.”
\v 22 Dok gupenye ni, “In aŋa kaa? Tittiwa, wek wadwok lok bot jo muorowa. Ilwoŋŋe kekeni ni in aŋa?”
\v 23 En odok iye ni, “An a dwan ŋat ma daŋŋe i tim ni, ‘Wutir yo pa Rwot ocuŋ atir,’ macalo lanebi Icaya owaco.”
\p
\v 24 Jo mogo ma ceŋ gioro nia i kin Luparicayo
\v 25 gupenye ni, “Doŋ piŋo ibatija dano, ka in pe i Kricito ma Lubaŋa oyero, nyo Elia, nyo lanebi meno?”
\v 26 Jon odokkigi iye ni, “An abatija dano ki pii; ento i kinwu ocuŋ ŋatti mo ma wun wukwiya,
\v 27 en aye ŋat ma bino ki i ŋeya, ma an pe amyero ka gonyo del warre.”
\p
\v 28 Lok man ducu otimme i Betania loka Jordan, ka ma Jon yam obedo ka batija iye dano.
\p
\v 29 Orwone Jon oneno Yecu kun woto bino tuŋ bote, owaco ni, “Nen Latinromo pa Lubaŋa ma kwanyo bal me lobo!
\v 30 Man aye ŋat ma yam awaco pire ni, ‘I ŋeya bibino ŋat ma kata ki dit, pien en okwoŋo nyima con.’
\v 31 An kikoma onoŋo pe aŋeye, ento pi lok man omiya abino kun abatija dano ki pii, wek ginyute bot jo Icrael.”
\p
\v 32 Jon otito lok me caden i kome ni, “Ceŋ aneno Cwiny Maleŋ kun bino nia ki i polo macalo amam, opye, obedo i kome.
\v 33 An kikoma yam pe aŋeye; ento ŋat ma oora ka batija dano ki pii-ni owacca ni, ‘ŋat ma ibineno Cwiny Maleŋ bino, pye, bedo i kome, en aye ŋat ma bibatija dano ki Cwiny Maleŋ.’
\v 34 Doŋ aneno, dok atito lok me caden i kome ni, man en Wod pa Lubaŋa.”
\p
\v 35 Orwone doki, Jon ka ocuŋ ki jo aryo i kom lupwonnyene,
\v 36 oneno Yecu kun woto, owaco ni, “Nen Latin-romo pa Lubaŋa!””
\v 37 Lupwonnye meno aryo guwinyo kun waco lok man, ci gulubo Yecu.
\v 38 Yecu olokke, onenogi kun gilube, openyogi ni, “Wuyenyo aŋo?” Gin gupenye ni, “Rabbi (ma te lokke ni, Lapwony) ibedo kwene?”
\v 39 Odok ki gin ni, “Wubin, wunen.” Gubino, guneno ka ma en onoŋo bedo iye; ci gubedo bote i nino meno, pien cawa doŋ onoŋo cok romo apar.
\p
\v 40 ŋat acel i kin jo aryo ma yam guwinyo Jon kun loko, ci gulubo Yecu, onoŋo Anderiya, omin Cimon Petero.
\v 41 En okwoŋo noŋo ominne Cimon, owacce ni, “Watyeko noŋo Meciya” (ma te lokke ni, Kricito).
\v 42 En okele bot Yecu. Yecu onene, owacce ni, “In aye Cimon, wod pa Jon? Gibilwoŋi ni, Kepa” (ma te lokke ni, Petero).
\p
\v 43 Orwone Yecu omito cito i Galilaya. Orwatte ki Pilipo, owacce ni, “Luba.”
\v 44 Pilipo yam Labetecaida, ma gaŋgi kacel ki Anderiya ki Petero.
\v 45 Pilipo onoŋo Natanael, otitte ni, “Watyeko noŋo ŋat ma Moses yam ocoyo pire i cik, ma lunebi bene gucoyo pire, en aye Yecu me Najaret, wod pa Yucepu.”
\v 46 Natanael openye ni, “Gin mo maber twero katti ki i Najaret?” Pilipo odokke iye ni, “Bin, inen.”
\v 47 Yecu oneno Natanael kun bino bote, oloko i kome ni, “Nen Laicrael me ada, ma pe tye ki goba mo i cwinye!”
\v 48 Natanael openye ni, “Iŋeya niŋniŋ?” Yecu odokke iye ni, “Ma peya Pilipo olwoŋi, kun ibedo i te olam, an aneni.”
\v 49 Natanael odokke iye ni, “Lapwony, in giri i Wod pa Lubaŋa. In i Kabaka me Icrael!”
\v 50 Yecu odokke iye ni, “In iye pien awacci ni, ‘Aneni kun ibedo i te olam’? Ibineno lok madito makato magi.”
\v 51 Dok owacce ni, “Adada awacciwu ni, wubineno polo kun oyabbe, kun lumalaika pa Lubaŋa giito dok gilor piny i kom Wod pa dano.
\c 2
\cl Chura  2
\p
\v 1 I nino me adekke nyom obedo i Kana, gaŋ mo me Galilaya. Min Yecu onoŋo tye kunnu,
\v 2 Yecu ki lupwonnyene bene gilwoŋogi i nyom.
\v 3 Ka koŋo vino otum, min Yecu otitte ni, “Vinogi doŋ pe.”
\v 4 Yecu odokke iye ni, “Maa, walaro aŋo wan kwedi? Cawana pud peya oromo.”
\v 5 Minne ociko lutic ni, “Wutim gin ducu ma en biwacciwu.”
\v 6 Onoŋo tye kunnu dak pii me got abicel ma gicibo pi kit me lonnye pa Lujudaya; i dak acel acel twero a iye agulu abic nyo abicel.
\v 7 Yecu owaccigi ni, “Wuony pii i dak” Guonyo opoŋ woko libyeny.
\v 8 Owaccigi ni, “Doŋ wutwom, wuter bot ladit me nyom”; gutero.
\v 9 Ka ladit me nyom obilo pii ma doŋ olokke odoko vino, kun pe oŋeyo ka ma oa iye (ento lutic ma gutwomo pii giŋeyo), ladit me nyom olwoŋo lanyom.
\v 10 owacce ni, “Dano ducu koŋ kwoŋo miyo jo vino mamit; ka doŋ dano gumato oromogi, ka gikelo ma pe mit twatwalle; ento in ikano meri vino maber nio koni.”
\v 11 Lanyut meno mukwoŋo Yecu otiyo i Kana me Galilaya, kun nyuto kwede deyone; lupwonnyene guye en.
\p
\v 12 Ka man otum, Yecu ocito i Kapernaum kacel ki minne ki omegine ki lupwonnyene; guri kunnu pi kare manok.
\p
\v 13 Kato (Paska) pa Lujudaya onoŋo doŋ tye cok, omiyo Yecu ocito malo i Jerucalem.
\v 14 I ot pa Lubaŋa onoŋo tye iye jo ma cato twoni ki romi ki amam, ki lulok-cente ma gubedo piny.
\v 15 Yecu okedo anino ogwil matino, ci oryemogi ducu woko ki i ot pa Lubaŋa, kacel ki romi ki twoni. Oketo lim pa lulok-cente, oryebo mejagi.
\v 16 Ociko lucat amam ni, “Teru jami magi woko, pe wulok ot pa Abana odok cuk.”
\v 17 Lupwonnyene gupo lok ma yam gicoyo ni, “Arima pi odi mito neka woko.”
\p
\v 18 Pi man Lujudaya gupenye ni, “Lanyut aŋo ma inyuttiwa ma omiyo itiyo jami magi?”
\v 19 Yecu ogamo doggi ni, “Wuket ot pa Lubaŋa man woko, an abigerone pi nino adek.”
\v 20 Lujudaya guwacce ni, “Ot pa Lubaŋa man gigero pi mwaka pyeraŋwen wiye abicel kulu. In ibigerone pi nino adek keken?”
\v 21 Ento en onoŋo loko pi kome ma ot pa Lubaŋani.
\v 22 Ka doŋ gicere ki i kin jo muto, lupwonnyene gupo ni yam owaco lok man; ci guye ginacoya ki lok ma yam Yecu oloko.
\p
\v 23 Ka onoŋo en tye i Jerucalem i nino madit me Kato (Paska), jo mapol guye nyiŋe pi neno lanyut ma en obedo ka tiyogi;
\v 24 ento Yecu kikome pe obedo ki gen i komgi,
\v 25 pien en ŋeyo jo ducu, pe omito ni ŋat mo otit lok i kom dano mo bote, pien en kikome ŋeyo gin ma tye i cwiny dano.
\c 3
\cl Chura  3
\p
\v 1 Ceŋ tye dano mo i kin Luparicayo ma nyiŋe Nikodemo, ma en ŋat acel i kin jo madito me Judaya.
\v 2 En obino bot Yecu dyewor, owacce ni, “Lapwony, waŋeyo ni in lapwony ma ia ki bot Lubaŋa; pien pe tye ŋatti mo ma twero tiyo lanyut meno ma in itiyo, ka Lubaŋa pe tye kwede.”
\v 3 Yecu odokke iye ni, “Adada awacci ni, dano ka pe ginywale tyen me aryo* pe twero neno ker pa Lubaŋa.”
\v 4 Nikodemo openye ni, “Dano gitwero nywale niŋniŋ ka doŋ oti? Twero donyo doki i ot nyodo pa minne tyen me aryo, ci ginywale?”
\v 5 Yecu odok iye ni, “Adada awacci ni, dano ka pe ginywale ki pii ki Cwiny, pe twero donyo i ker pa Lubaŋa.
\v 6 Ma ginywale ki kom en kom, ma ginywale ki Cwiny en cwiny.
\v 7 Pe iŋur pien awacci ni, ‘Myero ginywalwu tyen me aryo.’
\v 8 Yamo kodo dok ka ma en mito; iwinyo dwane, ento pe iŋeyo ka ma oa iye, nyo ka ma dok iye; dano ducu ma ginywale ki Cwiny tye kameno.”
\v 9 Nikodemo openye ni, “Man twero timme niŋniŋ?”
\v 10 Yecu odokke iye ni, “In lapwony pa Icrael, pe iŋeyo lok man?
\v 11 Adada awacci ni, wan waloko i kom gin ma waŋeyo, wabedo caden i kom gin ma waneno, ento wun pe wuye lok ma watito botwu.
\v 12 Ka attitiwu lok me lobo, wun pe wuye, wubiye niŋniŋ ka atittiwu lok me polo?
\v 13 Pe tye ŋat mo ma yam oito i wi polo, kono en ma ceŋ olor piny nia ki i polo, en aye Wod pa dano, ma bedo i polo.
\v 14 Kit macalo Moses yam otiŋo twol malo i tim-mi, Wod pa dano bene myero gitiŋe malo kumeno,
\v 15 wek dano ducu ma ye en olim kwo ma pe tum.”
\p
\v 16 Pien Lubaŋa con omaro lobo kumeno, omiyo iye Wode acel keken, wek dano ducu ma ye en owek to, ento obed ki kwo ma pe tum.
\v 17 Lubaŋa pe ooro Wode i lobo ni oŋol kop i kom lobo, ento wek lobo olarre pi en.
\v 18 ŋat ma ye en pe doŋ giŋolo kop i kome, ento ŋat ma pe ye en, doŋ giŋolo kop oloye con; pien pe oye nyiŋ Wod acel keken pa Lubaŋa.
\v 19 ŋolo kop tye kit man, ceŋ con obino i lobo, ento dano gumaro piny macol makato ceŋ, pien timgi rac.
\v 20 Pien dano ducu ma timo gin marac dag ceŋ, pe bino i ceŋ, wek timme pe onen ka maleŋ.
\v 21 Ento ŋat ma timo gin me ada bino i ceŋ, wek ticce onen ka maleŋ, ni en tiyo i Lubaŋa.
\p
\v 22 Ka man otum, Yecu ocito i lobo Judaya kacel ki lupwonnyene; obedo kwedgi kunnu kun batija dano.
\p
\v 23 Jon bene onoŋo tye ka batija dano i Ainon, cok ki Calim; pien pii onoŋo dwoŋ kunnu, dano gubino, en obatijagi.
\v 24 Onoŋo peya gitweyo Jon i mabuc.
\v 25 Pyem ocakke i kin lupwonnye mogo pa Jon ki Lajudaya mo i kom lok me lonnye.
\v 26 Gubino bot Jon, guwacce ni, “Lapwony, ŋat ma ceŋ itye kwede loka Jordan, ma ceŋ ibolo lok me caden i kome-ni, nen, en tye ka batija dano, jo ducu gibino bote.”
\v 27 Jon odok iye ni, “Dano pe twero noŋo gin mo pire kene, ka pe gimiye nia ki i polo.
\v 28 Wun kikomwu onoŋo wubedo cadenna ni yam atito ni, ‘An pe a Kricito ma Lubaŋa oyero ento giora akwoŋo nyime.’
\v 29 ŋat ma cuŋ i ŋet nyako aye lanyom; larem lanyom ma cuŋ i ŋete kun winye, cwinye bedo yom twatwal pi winyo dwan lanyom; pi meno an bene cwinya yom kakare.
\v 30 En myero omedde, ento an myero adok piny.”
\p
\v 31 ŋat ma oa ki malo loyo ducu; ŋat ma oa i lobo en dano me lobo, loko lok me lobo; ŋat ma oa i polo loyo ducu.
\v 32 En bedo caden i kom gin ma oneno ki i kom gin ma owinyo, ento pe tye ŋat mo ma ye lok ma en otito.
\v 33 ŋat ma ye lokke, nyuto tamme ni, Lubaŋa en me ada.
\v 34 ŋat ma Lubaŋa ooro loko lok pa Lubaŋa, pien Lubaŋa pe miyo Cwiny kun pimo apima.
\v 35 Won omaro Wod, ci omiyo jami ducu i ciŋe.
\v 36 Dano ma ye Wod tye ki kwo ma pe tum; ŋat ma pe winyo dog Wod, pe bineno kwo, ento kiniga pa Lubaŋa bedo i kome.
\c 4
\cl Chura  4
\p
\v 1 Ka Rwot oŋeyo ni Luparicayo guwinyo ni Yecu tye ka loko jo mapol doko lupwonnyene ki batijagi, makato Jon,
\v 2 (kun Yecu kikome pe obatija dano, kono lupwonnyene aye gubatijagi),
\v 3 ci en oa ki i lobo Judaya, odok i Galilaya.
\v 4 Ceŋ myero en oŋol ki i Camaria.
\v 5 Obino i gaŋ mo me Camaria ma nyiŋe Cukar, cok ki poto ma Yakobo yam omiyo bot wode Yucepu.
\v 6 Waŋ it pa Yakobo onoŋo tye kunnu; Yecu ool ki wot, ci obedo piny i ŋet waŋ it. Onoŋo doŋ cawa oromo ka abicel.
\v 7 Dako mo me Camaria obino ka twomo pii. Yecu owacce ni, “Miya pii, amati.”
\v 8 Pien onoŋo lupwonnyene gucito i gaŋ ka wilo cam.
\v 9 Dako Lacamaria openye ni, “In Lajudaya ikwaya pii piŋo, ma kun an a dako me Camaria?” Pien Lujudaya pe gimer ki Lucamaria.
\v 10 Yecu odok iye bot dako ni, “Kono yam iŋeyo mot ma Lubaŋa miyo, dok ka kono iniaŋ i kom ŋat ma kwayi ni, ‘Miya pii, amat-ti’, kono ikwayo en, kono omii pii me kwo.”
\v 11 Dako odokke iye ni, “Ladit, in ipe ki gitwomo, waŋ it bene tut; inoŋo pii me kwo meno ki kwene?
\v 12 In i dit ikato kwarowa Yakobo, ma yam omiyowa waŋ it man, ma omato piine, en ki litinone ki lwak limme?”
\v 13 Yecu odokke iye ni, “Dano ducu ma mato pii man, orwo dok bineke aye;
\v 14 ento dano ma bimato pii ma an abimiye, orwo pe bineke nino ducu. Pii ma an abimiye, bidoko waŋ it ma gunnye i iye nio wa i kwo ma pe tum.”
\v 15 Dako okwaye ni, “Ladit, miya pii meno, wek orwo pe dok oneka, awek bino wa kany ka twomo pii.”
\p
\v 16 Yecu owacce ni, “Cit ilwoŋ cwari, ci idwog kany.”
\v 17 Dako odokke iye ni, “An cwara pe.” Yecu owaco ki dako ni, “Iwaco kakare ni cwari pe.
\v 18 Yam ibedo ki co abic, man ma koni itye kwede-ni pe cwari; man iwaco kakare.”
\p
\v 19 Dako owacce ni, “Ladit, aneno in giri lanebi.
\v 20 Kwariwa yam giworo Lubaŋa i kom got man, ento wun wuwaco ni kabedo ma myero giwor iye Lubaŋa tye i Jerucalem.”
\v 21 Yecu ogamo dog dako ni, “Dako, ye lokka; kare bibino ma pe wubiworo Won i kom got man, kadi i Jerucalem.
\v 22 Wun wuworo gin ma pe wuŋeyo, wan waworo gin ma waŋeyo, pien larre oa ki bot Lujudaya.
\v 23 Ento kare bibino, dok bene doŋ oo, ma ka jo ma woro i ada gibiworo Won i cwiny ki ada, pien Won yenyo jo macalo meno pi wore.
\v 24 Lubaŋa en cwiny, jo ma wore myero guwore i cwiny ki ada.”
\v 25 Dako owacce ni, “Aŋeyo ni Meciya bibino (en ma gilwoŋo Kricito); en ka bibino, bitittiwa lok ducu.”
\v 26 Yecu odokke iye ni, “An a en ma loko kwedi-ni.”
\p
\v 27 Cutcut lupwonnyene gubino. Ci guuro pien onoŋo en tye ka lok ki dako, ento pe tye ŋat mo i kingi ma owaco ni, “Imito aŋo?” nyo ni, “Piŋo iloko kwede?”
\p
\v 28 Dako oweko agulu piine, ocito i gaŋ, owaco bot dano ni,
\v 29 “Wubin, wunen laco mo-ni ma otitta gin ducu ma yam atiyo. Man mono pe en aye Kricito ma Lubaŋa oyero?”
\v 30 Dano gua ki i gaŋ, gucito bote.
\p
\v 31 I kine-nu lupwonnyene gubako doggi bote kun giwaco ni, “Lapwony, cam ba.”
\v 32 Ento en owaccigi ni, “Atye ki cam ma acamo ma wun pe wuŋeyo.”
\v 33 Omiyo lupwonnyene gupennye kekengi ni, “ŋatti mo okelle cam?”
\v 34 Yecu owaco botgi ni, “Camma en tiyo gin ma ŋat ma oora mito, ki cobo ticce.
\v 35 Wun pe wuwaco ni, ‘Pud odoŋ dwe aŋwen me cako kac’? Atittiwu ni, wutiŋ waŋwu malo, wunen kit ma doŋ poto ocek kwede me akaya.
\v 36 ŋat ma kayo limo mucara, coko nyig pi kwo ma pe tum, wek lacoyone ki lakayone igi obed yom kacel.
\v 37 Pien carolok man tye kakare. ni, ‘Lacoyo pat, lakayo pat.’
\v 38 Ceŋ aorowu ka kayo gin ma yam pe wucanne iye; jo mukene gucanne iye, wun wudonyo i cannegi.”
\p
\v 39 Lucamaria mapol ma i gaŋ meno guye en pi lok pa dako, ma owaco ni, “Otitta gin ducu ma yam atiyo.”
\v 40 Ka Lucamaria gubino bote, gukwaye ni koŋ myero obed kwedgi; ci en ori kunnu nino aryo.
\v 41 Jo mukene mapol guye en pi lokke.
\v 42 Guwaco bot dako ni, “Koni pe waye pi lokki keken, pien wawinyo giwa ki itwa, doŋ watyeko niaŋ ni, ada dano man en Lalar me lobo.”
\p
\v 43 Lacen ka nino aryo meno okato, en ocito i Galilaya.
\v 44 Pien Yecu kikome otito ni, “Lanebi mo pe ma giketo deyo kome i lobo tugi.”
\v 45 Ka obino i Galilaya, Lugalilaya gujole, pien guneno gin ducu ma en otiyo i Jerucalem i kare me nino madit, pien gin bene ceŋ gucito pi kwero nino madit.
\v 46 En dok odwogo i Kana me Galilaya ka ma yam oloko iye pii odoko koŋo vino. Yam tye latic mo madit i kal pa kabaka ma kom wode lit i Kapernaum.
\v 47 Ka owinyo ni Yecu oa i Judaya, obino i Galilaya, ocito obako doge bote ni obin ocaŋ wode, pien onoŋo doŋ cok to.
\v 48 Yecu odokke iye ni, “Ka pe wuneno lanyut ki taŋo, ci pe wubiye kadi matidi mo.”
\v 49 Latic i kal owacce ni, “Ladit, bin ma peya latinna oto.”
\v 50 Yecu owacce ni, “Cit giri, wodi bikwo.” Dano meno oye lok ma Yecu owacce, ci ocito.
\v 51 Ka pud tye ka bino i yo, orwatte ki luticce. Guwacce ni, “Latinni doŋ kwo.”
\v 52 En openyogi cawa mene ma twone ocako dok cen. Gin gugamo ni, “Laworo cawa abiro aye lyeto oa ki i kome.”
\v 53 Wonne oniaŋ ni meno aye cawa ma Yecu owacce iye ni, “Wodi bikwo”; omiyo en ki jo ma i ode ducu guye.
\p
\v 54 Man doŋ lanyut me aryo ma Yecu otiyo ka oa ki i Judaya, obino i Galilaya.
\c 5
\cl Chura  5
\p
\v 1 Lacen ka man otum, Yecu ocito i Jerucalem pi nino madit pa Lujudaya ma onoŋo tye.
\v 2 I Jerucalem, i ŋet dogcel me romo, yam tye iye kut ma gilwoŋo i dog jo Ibru ni Beteceda, ma tye iye bolo abic.
\v 3 Lwak lutwo mapol onoŋo buto iye, lutowaŋ, luŋolo ki lugoro, [ma gikuro twagge me pii.
\v 4 Pien kare mogo lamalaika pa Rwot bino i kut, rubo pii. ŋat ma okwoŋo lutte i pii kun pud girubo aruba, caŋ i kom kit two ducu ma yam tye i kome.]
\v 5 Onoŋo tye kunnu laco mo ma twone doŋ ori i kome mwaka pyeradek wiye aboro.
\v 6 Ka Yecu onene kun obuto, dok oŋeyo ni en ori kunnu pi kare malac, openye ni, “Imito icaŋ?”
\v 7 Latwo ogamo ni, “Ladit, pe atye ki ŋat ma bola i kut ka pii orubbe. Ka atye ka komo, ŋat mukene dok kwoŋo leŋŋe iye i nyima.”
\v 8 Yecu odokke iye ni, “A, ikwany gibutoni, iciti.”
\v 9 Oyotoyot dano meno ocaŋ; okwanyo gibutone, ocito gire. Onoŋo ninone ceŋ cabit.
\v 10 omiyo Lujudaya guwaco bot dano ma gicaŋo ni, “tin cabit, cik pe ye ni ikwany gibutoni.”
\v 11 Ento en odok ki gin ni, “ŋat ma ocaŋa aye owacca ni, ‘Kwany gibutoni, iciti.’”
\v 12 Gupenye ni, “Dano meno ma owacci ni, ‘Kwany gibutoni, iciti-ni’, en aŋa?”
\v 13 Dano ma gicaŋo pe ŋeyo ŋat ma ocaŋe, pien onoŋo Yecu ocito gire woko, lwak onoŋo opoŋ kunnu.
\p
\v 14 Lacen Yecu onoŋe i ot pa Lubaŋa, owacce ni, “Nen, doŋ icaŋ. Pe dok ibal, wek gin marac makato meno pe opot i komi.”
\v 15 Danonu ocito, otito bot Lujudaya ni, “Yecu aye ocaŋa.”
\v 16 En aye gin mumiyo Lujudaya gulibo Yecu, pien otimo jami magi i cabit.
\v 17 Ento Yecu odokkigi iye ni, “Wora tye ka tic nio koni, an bene atye tic.”
\v 18 En gin mumiyo Lujudaya dok gumedde ka yenyo yo me neke, pe pi turo cabit keken, ento bene pi lwoŋo Lubaŋa ni wonne, ma kun kette kene ni erom ki Lubaŋa.
\p
\v 19 Yecu odok iye ni, “Adada awacciwu ni, Wod pe twero tiyo gin mo pire kene, ento tiyo gin ma eneno Won tiyo; pien gin ma en tiyo, Wod bene tiyo kit meno.
\v 20 Won maro Wod, ci nyutte gin ducu ma en tiyo; dok binyutte tic madito makato magi, wek wuur.
\v 21 Pien macalo Won cero jo muto, miyogi kwo, kit meno Wod bene miyo kwo bot jo ma en mito.
\v 22 Won pe ŋolo kop i kom dano mo, ento doŋ otyeko miyo twer me ŋolo kop ducu bot Wod,
\v 23 wek dano ducu oket deyo i kom Wod, macalo giketo deyo i kom Won. ŋat ma pe keto deyo i kom Wod, pe keto deyo i kom Won ma ceŋ oore.
\v 24 Adada awacciwu ni, dano ma winyo lokka, ma ye ŋat ma oora, tye ki kwo ma pe tum; pe gibiŋolo kop i kome, ento doŋ oa i to, oo i kwo.
\p
\v 25 “Adada awacciwu ni, kare bibino, dok bene doŋ oo, ma jo muto biwinyo iye dwan Wod pa Lubaŋa; jo ma guwinyo bikwo.
\v 26 Pien macalo Won tye ki kwo i iye kene, kit meno en bene omiyo Wod bedo ki kwo i iye kene,
\v 27 dok omine twer me ŋolo kop, pien en Wod pa dano.
\v 28 Pe wuur lok man; pien kare bibino ma jo ducu ma tye i lyel biwinyo iye dwane.
\v 29 ci gibikatti woko. Jo ma ceŋ gutimo maber bidonyo i cer me kwo, jo ma ceŋ gutimo marac bidonyo i cer me ŋolo kop.
\v 30 “An pe atwero tiyo gin mo pira kena; aŋolo kop kit macalo awinyo; kop ma aŋolo tye atir, pien pe ayenyo yo me tiyo gin ma iya mito kena, ento ma ŋat ma ceŋ oora mito.
\p
\v 31 Ka abolo lok i koma kena, lok ma abolo pe bedo me ada.
\v 32 Tye ŋat mukene ma en aye cadenna, aŋeyo ni lok ma en bolo i koma lok me ada.
\v 33 Wun ceŋ wuoro kwena bot Jon, en obolliwu lok me ada me caden.
\v 34 An pe aye lok ma dano bolo i koma; ento awacciwu lok magi wek wularre.
\v 35 En ceŋ tara ma gicwinyo, ma lyel, yam wumito bedo ki yomcwiny pi kare manok i dero macce.
\v 36 Ento atye ki lok me caden ma pire dit makato pa Jon; pien tic ma Won omiya me acoba, tic magi kikomgi ma atye ka tiyogi, bedo caden i koma ni Won aye oora.
\v 37 Doki Won ma ceŋ oora en kikome obedo cadenna. Wun yam pe wuwinyo dwane, pe wuneno wa calle;
\v 38 pe wubedo ki lokke i iwu, pien pe wuye ŋat ma en ooro.
\v 39 Wuyenyo i ginacoya, pien wutamo ni i gin wutye ki kwo ma pe tum, kun gin aye caden ma tito lok i koma;
\v 40 ento wukwero bino bota, wek wulim kwo.
\p
\v 41 An pe alimo deyo ki bot dano,
\v 42 ento aŋeyo ni pe wutye ki mar pa Lubaŋa i iwu.
\v 43 An abino i nyiŋ Wora, ento wun pe wujola; ka ŋat mukene obino i nyiŋe kene, wun wubijole.
\v 44 Wun wutero ye niŋniŋ, ka ŋat acel limo deyo ki bot lawote, ento pe wuyenyo deyo ma a bot Lubaŋa ma en acel keken?
\p
\v 45 Pe wutam ni abidotowu bot Won; ŋat ma dotowu en Moses, ma wun wugeno.
\v 46 Ka kono wuye Moses, kono wuye an bene; pien en ocoyo lok i koma.
\v 47 Ento ka pe wuye lok ma en ocoyo, wubiye niŋniŋ lok ma an atittiwu?”
\c 6
\cl Chura  6
\p
\v 1 Ka man otum, Yecu ocito loka nam Galilaya, ma en nam me Tiberia.
\v 2 Lwak madwoŋ olube, pien ceŋ guneno lanyut ma en otiyo i kom lutwo.
\v 3 Yecu oito malo i wi got, obedo piny kunnu kacel ki lupwonnyene.
\v 4 Kato (Paska), ma en nino madit pa Lujudaya, onoŋo doŋ cok.
\v 5 Ka Yecu otiŋo waŋe, oneno lwak madwoŋ kun bino bote, openyo Pilipo ni, “Wabiwilo kwon kwene wek jo man ocam?”
\v 6 En oloko lok man pi teme, pien en kikome onoŋo ŋeyo gin ma ebitiyo.
\v 7 Pilipo odokke iye ni, “Kwon me denari miya aryo pe biromogi, wek ŋat acel acel ogam manok.”
\v 8 ŋat acel i kin lupwonnyene, en Anderiya omin Cimon Petero, owacce ni,
\v 9 “Latin awobi mo tye kany, ma tye ki mugati abic me cayiri, ki rec aryo; ento magi konyo aŋo bot lwak ma rom man?”
\v 10 Yecu owacci, “Wuwek lwak obed piny.” Lum onoŋo olot twatwal i kabedo meno; dano ma gubedo piny welgi mito romo alip abic.
\v 11 Lacen Yecu okwanyo mugati, opwoyo, opoko bot jo ma gubedo piny, ki rec bene, kit macalo gimito.
\v 12 Ka doŋ guyeŋ, ci owaco bot lupwonnyene ni, “Wucok ŋide ma odoŋ, gin mo owek rwenyo.”
\v 13 Gucoko ŋide, gupoŋo aduku apar wiye aryo ki i kom mugati abic me cayiri ma lwak gucamo odoŋ.
\p
\v 14 Ka lwak oneno lanyut ma en otiyo, guwaco ni, “Ada, man en lanebi meno ma bino i lobo.”
\v 15 Ka Yecu oniaŋ ni gimito bino ka make tetek pi kete me bedo kabaka, ci olwi, ocito i wi got kene.
\p
\v 16 Ka piny oyuto, lupwonnyene gucito i dog nam,
\v 17 gudonyo i yeya, gucako ŋolo dye nam me cito Kapernaum. Piny onoŋo doŋ col, Yecu onoŋo peya obino botgi.
\v 18 Nam otiŋŋe pi yamo ma onoŋo tye ka kodo.
\v 19 Ka onoŋo doŋ gucero yeya ma romo mairo adek nyo aŋwen, ci guneno Yecu kun woto i wi nam ki tyene. Lworo omakogi,
\v 20 ento en owaccigi ni, “An ennu, gwok wulwor”,
\v 21 omiyo guye odonyo i yeya. Cutcut yeya oo i wi tera ka ma gimito cito iye.
\p
\v 22 Orwone jo ma yam gudoŋ loka nam tuŋcel guneno ni onoŋo tye yeya acel keken kunnu, dok ni Yecu nene pe oito i yeya kacel ki lupwonnyene, ento lupwonnyene ceŋ gucito kengi.
\v 23 Kadi bed kumeno, yeya mukene ma gia Tiberia gubino cok ki kabedo ka ma dano gucamo iye kwon ma Rwot opwoyo.
\v 24 Ka lwak guneno ni Yecu pe kunnu, kadi wa lupwonnyene bene, gin kikomgi guito i yeya, gucito Kapernaum ka yenyo Yecu.
\p
\v 25 Ka gunoŋe loka nam tuŋ ca, gupenye ni, “Lapwony, ibino kany awene?”
\v 26 Yecu odokkigi iye ni, “Adada awacciwu ni, wutye ka yenya pe ni pien yam wuneno lanyut, ento ni pien wucamo kwon, wuyeŋ.
\v 27 Pe wuti pi cam ma top woko, ento pi cam ma ri nio wa i kwo ma pe tum, ma Wod pa dano bimiyowu; pien Lubaŋa Won oketo lanen mere i kome.”
\p
\v 28 Gin dok gupenye ni, “Myero watim gin aŋo wek wati tic pa Lubaŋa?”
\v 29 Yecu odok iye botgi ni, “Man en tic pa Lubaŋa, ni wubed ki niye i kom ŋat ma en ooro.”
\v 30 Gupenye ni, “Lanyut aŋo ma in itiyo, wek wanen, waye in? Tic aŋo ma in itiyo?
\v 31 Kwariwa yam gucamo manna i tim, macalo gicoyo ni, ‘Omiyogi kwon me acama mua ki i polo.’”
\p
\v 32 Yecu ogamo doggi ni, “Adada awacciwu ni, pe Moses aye yam omiyowu kwon meno mua ki i polo; ento Wora en aye tye ka miyowu kwon me ada nia ki i polo.
\v 33 Pien kwon pa Lubaŋa en kwon ma bino piny nia ki i polo, ma miyo kwo ki lobo.”
\p
\v 34 Guwacce ni, “Rwot, miwa kwon meno nino ducu.”
\v 35 Yecu owaco botgi ni, “An a kwon me kwo; ŋat ma bino bota, kec pe bineke; ŋat ma ye an, orwo pe dok bineke matwal.
\v 36 Ento yam atito botwu ni, wun doŋ wunena, ento pe wuye.
\v 37 Dano ducu ma Wora omiya bibino bota; ŋat ma bino bota, pe abiryeme.
\v 38 Pien doŋ alor piny ki i polo, pe ka tiyo gin ma iya mito pira kena, ento ka tiyo gin ma ŋat ma yam oora mito.
\v 39 Man en gin ma ŋat ma oora mito, ni i kom dano ducu ma en omiya awek rwenyo iye ŋatti mo, ento acergi woko ducu i nino me agik.
\v 40 Man en gin ma wora mito, ni, dano ducu ma neno Wod, ma ye en, myero olim kwo ma pe tum; ci an abicere woko i nino me agik.”
\p
\v 41 Lujudaya guŋur i kome pien owaco ni, “An a kwon ma olor piny nia i polo.”
\v 42 Guwaco ni, “Man pe Yecu, wod pa Yucepu, ma wonne ki minne waŋeyo? Piŋo en dok waco ni, ‘An alor piny nia i polo’?”
\v 43 Yecu odok iye ki gin ni, “Pe wuŋur i kinwu kenwu.
\v 44 Dano mo pe twero bino bota, ka Wora ma yam oora pe opeye; ci an bene abicere woko i nino me agik.
\v 45 Gicoyo i buk pa lunebi ni, ‘Lubaŋa bipwonyogi ducu.’ Dano ducu ma owinyo lok ki bot Won, ce omako lokke, bino bota.
\v 46 Pe ni ŋat mo yam oneno Won, kono ŋat ma yam oa bot Lubaŋa, en aye oneno Won.
\v 47 Adada awacciwu ni, ŋat ma ye an tye ki kwo ma pe tum.
\v 48 An a kwon me kwo.
\v 49 Kwariwu yam gucamo manna i tim, guto woko.
\v 50 Man en kwon ma lor piny nia i polo, ma ka dano mo ocamo, pe bito.
\v 51 An a kwon makwo, ma olor piny nia i polo; ka ŋat mo ocamo kwon man, en bibedo kwo nakanaka. Kwon ma abimiyo en koma, ma amiyo wek lobo obed ki kwo.”
\p
\v 52 Lujudaya guero pyem i kingi kekengi, kun giwaco ni, “Dano man twero miyowa kome me acama niŋniŋ?”
\v 53 Yecu owaccigi ni, “Adada awacciwu ni, ka pe wucamo kom Wod pa dano, wumato remone, pe wutye ki kwo i iwu.
\v 54 ŋat ma camo koma, ma mato remona, tye ki kwo ma pe tum, ci an abicere woko i nino me agik.
\v 55 Pien koma en cam meada, remona en ginamata meada.
\v 56 ŋat ma camo koma, ma mato remona, bedo i an, an bene abedo i iye.
\v 57 Macalo Won makwo ceŋ oora, kun an abedo kwo pi Won kit meno ŋat ma cama bikwo pira.
\v 58 Man en kwon ma olor piny nia i polo, pe kit kwon ma yam kwariwu gucamo, guto woko; ŋat ma camo kwon man bibedo kwo nakanaka.”
\v 59 En oloko lok magi i kare ma en pwonyo i kacokke i Kapernaum.
\p
\v 60 Lupwonnyene mapol ka guwinyo, guwacci, “Man lok matek; aŋa ma twero winyo?”
\v 61 Ento Yecu ka oŋeyo ki i cwinye kene ni lupwonnyene tye ka ŋur i kom lok man, openyogi ni, “Lok man obalo tamwu?
\v 62 Bibedo niŋniŋ ka kono wuneno Wod pa dano kun ito ka ma yam en tye iye con?
\v 63 Gin ma miyo kwo en aye cwiny, kom pe konyo gin mo; lok ducu ma awacciwu gin aye cwiny ki kwo.
\v 64 Ento tye jo mogo i kinwu ma pe giye.” Pien nia i acakki Yecu onoŋo ŋeyo jo meno ma pe ye, ki ŋat ma bidobe.
\p
\v 65 En dok owaco ni, “Man en gin mumiyo ceŋ atittiwu ni, pe tye ŋat mo ma twero bino bota, ka Won pe omiye twer.”
\p
\v 66 Cakke i kare meno, lupwonnyene mapol gudok cen, pe dok gubedo ka wot kacel kwede.
\v 67 Yecu openyo jone apar wiye aryo ni, “Wun bene wumito ket woto?”
\v 68 Cimon Petero ogamo doge ni, “Rwot, wabicito bot aŋa? In itye ki lok me kwo ma pe tum.
\v 69 Wan waye, dok watyeko niaŋ ni, in i ŋat Maleŋ pa Lubaŋa.”
\v 70 Yecu odokkigi iye ni, “Ceŋ pe ayerowu wun apar wiye aryo? Ento acel i kinwu pa Catan.”
\v 71 En onoŋo oloko i kom Juda wod pa Cimon me Keriot, ŋat acel i kin jo-nu apar wiye aryo, ma bidobe.
\c 7
\cl Chura  7
\p
\v 1 Ka man otum, Yecu obedo ka wot i kin Galilaya; pe omito cito i Judaya, pien Lujudaya gimito neke.
\v 2 Nino madito me Bolo pa Lujudaya onoŋo cok.
\v 3 Omegine guwacce in, “A ki kany, icit i Judaya, wek lupwonnyeni gunen tic ma in itiyo.
\v 4 Pe tye dano mo ma tiyo tic i muŋ, ka en kikome mito ni dano guŋeye. Ka itiyo tic magi, nyutte keni bot lobo.”
\v 5 Pien kadi omegine kikome bene pe guye en.
\v 6 Yecu owaccigi ni, “Karena pud peya oo, ento karewu nino ducu tye.
\v 7 Lobo pe twero kwerowu, ento okwero an, pien an atuco lok i kome, ni ticce ducu racu.
\v 8 Wun wucit ka kwero nino madito; an pe acito i nino madito, pien karena peya oromo maber.”
\v 9 Ka doŋ oloko lok man botgi, ci odoŋ i Galilaya.
\p
\v 10 Ento ka omegine doŋ gutyeko cito pi nino madito, ci en bene ocito, pe atyer, ento i muŋ.
\v 11 Lujudaya gubedo ka yenye i nino madito kun gipenyo ni, “En tye kwene?”
\v 12 Lwak onoŋo giŋur twatwal pire. Jo mukene guwaco ni, “En gire dano maber,” jo mukene ni, “Pe, en rwenyo lwak.”
\v 13 Ento pe tye ŋat mo ma waco nyiŋe ka maleŋ, pien gilworo Lujudaya.
\p
\v 14 Ka doŋ oo i dye nino madito, Yecu ocito i ot pa Lubaŋa, ocako pwonyo dano.
\v 15 Lujudaya guuro, kun giwaco ni, “Dano man oŋeyo nukuta niŋniŋ, kun kono pe okwano?”
\v 16 Yecu odok iye ki gin ni, “Pwony mera pe mera kikoma, ento pa ŋat ma ceŋ oora.
\v 17 Ka ŋat mo mito tiyo gin ma Lubaŋa mito, en biniaŋ ka ce pwony man oa ki bot Lubaŋa, nyo ka aloko pira kena.
\v 18 ŋat ma loko pire kene yenyo deyone pire kene, ento ŋat ma yenyo deyo pi ŋat ma oore, dano-nu en me ada, gin ma pe atir pe i iye.
\v 19 Moses ceŋ pe omiyowu cik? Ento pe tye ŋat mo i kinwu ma gwoko cik. Piŋo wumito neka?”
\p
\v 20 Lwak odok iye ni, “In giri itye ki cen! Aŋa ma mito neki?”
\v 21 Yecu ogamo doggi ni, “Yam atiyo tic acel, wun ducu wuuro.
\v 22 Moses ceŋ omiyowu cik me lirre (pe ni oa ki bot Moses, ento ki bot kwaro), wun bene wuliro dano i ceŋ cabit.
\v 23 Ka giliro dano i ceŋ cabit, wek cik pa Moses pe oballe, piŋo iwu waŋ i koma pi caŋo dano i ceŋ cabit?
\v 24 Pe wuŋol kop pi neno ki waŋ, ento wuŋol kop atir.”
\p
\v 25 Jo mogo me Jerucalem guwaco ni, “Man pe dano ma gimito neko-ni?
\v 26 Ento, nen, en tye ka lok ka maleŋ, gin pe guwacce lok mo. Luloc tika niaŋ ni man en Kricito ma Lubaŋa oyero?
\v 27 Ento wan waŋeyo ka ma dano man oa iye; ka Kricito binen, pe tye dano mo ma biŋeyo ka ma en oa iye.”
\p
\v 28 I kare ma Yecu pwonyo i ot pa Lubaŋa, en odaŋŋe, owaco ni, “Wun wuŋeya, wuŋeyo ka ma aa iye? An pe abino pira kena. ŋat ma oora en me ada, wun pe wuŋeye.
\v 29 Ento an aŋeye, pien aa ki bote, en aye oora.”
\p
\v 30 Gumito make, ento pe tye ŋat mo ma oketo ciŋe i kome, pien karene peya oromo.
\v 31 Ento jo mapol i kin lwak guye en. Guwaco ni, “Ka Kricito ma Lubaŋa oyero binen, bitiyo lanyut mapol makato ma dano man tiyo?”
\v 32 Luparicayo guwinyo ka lwak tye ka ŋur i kome, omiyo ajwagi madito pa Lubaŋa ki Luparicayo gucwalo askari ka make.
\p
\v 33 Yecu owaco ni, “Pud dok abibedo kwedwu pi kare manok, lacen abidok bot ŋat ma yam oora.
\v 34 Wubiyenya, ento pe wubinoŋa; ka ma abedo iye, wun pe wutwero o iye.”
\v 35 Lujudaya gupennye kekengi ni, “Dano man mito cito kwene, ma wan pe wabinoŋe-ni? En mito cito bot jo mewa muket ata i kin jo Grik, ka pwonyo jo Grik?
\v 36 Man te lokke niŋo, ni, ‘Wubiyenya, ento pe wubinoŋa,’ dok ni, ‘Ka ma abedo iye, wun pe wutwero o iye’?”
\p
\v 37 I nino me agikki me nino madito, ma en aye nino madit, Yecu oa malo, odaŋŋe, owaco ni, “Ka orwo neko dano mo, en myero obin omat bota.
\v 38 ŋat ma ye an, macalo ginacoya owaco, ‘Kulu me pii makwo bimol nia i iye.”
\v 39 En yam oloko lok man i kom Cwiny Maleŋ, ma jo ma giye en bilimo; pien onoŋo Cwiny Maleŋ peya gimiyo, pien onoŋo Yecu peya giketo deyo i kome.
\p
\v 40 Ka guwinyo lok magi, jo mogo i kin lwak guwaco ni, “Adada, nye man en lanebi meno.”
\v 41 Jo mukene guwaco ni, “Man gire Kricito ma Lubaŋa oyero.” Jo mukene dok gipenyo apenya ni, “Kricito ma Lubaŋa oyero yam a i Galilaya?
\v 42 Ginacoya pe tito ni, Kricito ma Lubaŋa oyero a ki i anywalli pa Daudi, ki i Beterekem, i gaŋ ma yam Daudi bedo iye?”
\v 43 Kumeno apokapoka obedo i kin lwak pire.
\v 44 Jo mogo i kingi omito make, ento pe tye ŋat mo ma oketo ciŋe i kome.
\p
\v 45 Askari gudwogo bot ajwagi madito pa Lubaŋa ki Luparicayo. Gin gupenyogi ni, “Piŋo pe wukele?”
\v 46 Askari gugamo doggi ni, “Pe tye ŋat mo ma yam oloko macalo dano man.”
\v 47 Luparicayo gudok iye ni, “Wun bene gityeko rwenyowu?
\v 48 Tye ŋat mo i kin luloc nyo i kin Luparicayo ma oye en?
\v 49 Ento lwak man ma kwiya cik doŋ gicenogi.”
\p
\v 50 Nikodemo ma yam obino bote, ma en bene ŋat acel i kingi, openyogi ni,
\v 51 “Cik mewa ŋolo kop i kom dano kun peya giwinyo lok ma a i doge, pi niaŋ i kom gin ma en timo?”
\v 52 Gudokke iye ni, “In bene ia ki i Galilaya? Koŋ iyeny, ibineno ni pe tye lanebi mo ma bia ki i Galilaya.”
\p
\v 53 ŋat acel acel odok i ode.
\c 8
\cl Chura 8
\p
\v 1 Ento Yecu ocito wa i wi got Jeituni.
\v 2 Odiko con en dok odwogo i ot pa Lubaŋa; jo ducu gucokke bote, en obedo piny, opwonyogi.
\v 3 Lupwonycik ki Luparicayo gukelo dako mo ma gimako ka timo abor. Gukete i dyere.
\v 4 guwacce ni, “Lapwony, dako man gimako ka timo abor, ginoŋe iye kikome.
\v 5 I cik Moses ocikowa ni, dano macalo man myero gicel woko ki got. I kono iŋolo niŋniŋ?”
\v 6 Guwaco lok man pi teme, wek ginoŋ lok ma gibidote kwede. Ento Yecu okulle piny, ocoyo ŋom ki lwete.
\v 7 Ka gumedde ka penye, en oille malo, owaccigi ni, “ŋat ma i kinwu ma pe ki bal okwoŋ cele ki got.”
\v 8 En dok okulle piny, ocoyo ŋom ki lwete.
\v 9 Ka guwinyo lok man, ci guket ki acel acel, kun ocakke ki i kom jo madito; ci Yecu odoŋ kene kun dako-nu pud ocuŋ i dyere.
\v 10 Yecu oille, openyo dako ni, “Dako, gin kono gitye kwene? Pe tye ŋat mo ma oŋolo kop loyi?”
\v 11 En ogamo ni, “Pe tye ŋat mo, ladit.” Yecu owaco ni, “An bene pe abiŋolo kop loyi. Cit giri; cakke tin pe dok ibal.”
\p
\v 12 Yecu dok oloko ki gin kun waco ni, “An a ceŋ me lobo; ŋat ma luba pe biwoto i piny macol, ento bibedo ki ceŋ me kwo.”
\v 13 Luparicayo guwacce ni, “In giri ibolo lok me caden i komi keni, lok ma ibolo pe me ada.”
\v 14 Yecu odok iye ni, “Kadi bed abolo lok i koma kena, lok ma abolo me ada, pien aŋeyo ka ma aa iye, ki ka ma acito iye, ento wun pe wuŋeyo ka ma aa iye, ki ka ma acito iye.
\v 15 Wun wuŋolo kop i kit pa dano, ento an pe aŋolo kop i kom ŋat mo.
\v 16 Kadi bed aŋol kop, ŋolo koppa tye atir, pien pe atye kena, ento wan ki ŋat ma oora.
\v 17 I cikwu gicoyo ni, lok pa caden aryo bedo ada;
\v 18 an abolo lok me caden i koma kena, dok Wora ma oora bene cadenna.”
\p
\v 19 Gipenye ni, “Woru tye kwene?” Yecu odok iye ni, “Wun pe wuŋeyo an, kadi Wora. Kono wuŋeya, kono wuŋeyo Wora bene.”
\v 20 En oloko lok man i kare ma pwonyo dano i ot pa Lubaŋa, i ot lim, ento pe tye ŋat mo ma omake, pien karene peya oromo.
\p
\v 21 En dok owaco ki gin ni, “An abicito woko. Wun wubiyenya, wubito i balwu; ka ma acito iye, wun pe wutwero bino iye.”
\v 22 Lujudaya guwaco ni, “En binekke kene, pien owaco ni, ‘Ka ma acito iye wun pe wutwero bino iye’?”
\v 23 En owaccigi ni, “Wun wua ki piny, an aa ki malo; wun jo me lobo, an pe a dano me lobo.
\v 24 Atyeko wacciwu ni, wubito i balwu; pien wubito i balwu ka pe wuye ni an a en.”
\p
\v 25 Gupenye ni, “In aŋa?” Yecu odok ki gin iye ni, “An a ŋat ma yam atittiwu con nia i acakki.
\v 26 Atye ki lok mapol me aloka i komwu, ki kop mapol me aŋola; ento ŋat ma oora en me ada, atito ki lobo gin ma doŋ awinyo ki bote.”
\p
\v 27 Pe guniaŋ ni en tye ka tittigi pi Lubaŋa Won.
\v 28 Omiyo Yecu owaco ki gin ni, “Ka doŋ wutiŋo Wod pa dano malo, ci wubiniaŋ ni an a en, dok ni pe atiyo gin mo pira kena, ento aloko gin ma Wora opwonya iye.
\v 29 ŋat ma oora tye kweda; pe oweka kena, pien nino ducu atiyo gin ma iye mito.”
\v 30 Ka oloko lok man, jo mapol guye en.
\p
\v 31 Yecu owaco bot Lujudaya ma guye en ni, “Ka wumoko i lokka, ci wun lupwonnyena adada;
\v 32 miyo wubiŋeyo lok me ada, lok me ada bigonyowu.”
\v 33 Gudokke iye ni, “Wan likwayo pa Abraim; ma naka yam peya wabedo opii pa ŋatti mo. Man doŋ in iwaco niŋniŋ ni, ‘Gibigonyowu’?”
\v 34 Yecu odokkigi iye ni, “Adada awacciwu ni, dano ducu ma timo bal, en opii me bal.
\v 35 Opii pe bedo i ot nakanaka, ento latin anywalli bedo gire nakanaka.
\v 36 Pi meno, ka Wod ogonyowu gibigonyowu atika.
\v 37 Aŋeyo ni wun likwayo pa Abraim; ento wumito neka, pien lokka pe noŋo kabedo i iwu.
\v 38 An aloko gin ma aneno ki bot Wora, wun wutiyo gin ma wuwinyo ki bot wonwu.”
\p
\v 39 Gudok iye ni, “Abraim en wonwa.” Yecu owaccigi ni, “Kono wun litino pa Abraim, kono wutiyo macalo Abraim.
\v 40 Ento koni wumito neka, an dano ma atittiwu lok me ada ma awinyo ki bot Lubaŋa; Abraim yam pe otiyo kit meno.
\v 41 Wun wutiyo gin ma wonwu otimo.” Gidok iye bote ni, “Wan pe ginywalowa i abor; watye ki wonwa acel, en aye Lubaŋa.”
\v 42 Yecu ogamo doggi ni, “Kono Lubaŋa wonwu, kono wumara, pien an aa ki bot Lubaŋa, koni doŋ atye kany; pe abino pira kena, en aye oora.
\v 43 Piŋo pe wuniaŋ lok ma awaco? Pien pe wutwero winyo lokka.
\v 44 Wun wua ki bot wonwu, Catan, wumito cobo gin ma wonwu mito. Nia i acakki piny en con lanek, pe cuŋ i ada, pien lok me ada pe i iye. Ka en loko lok goba, en lok macalo kite tye, pien en lagoba, doki won goba.
\v 45 Ento pe wuye an, pien an aloko lok me ada.
\v 46 Aŋa i kinwu ma nyuto lok me bal i koma ma loya? Ka atito lok me ada, piŋo pe wuye an?
\v 47 ŋat ma oa bot Lubaŋa winyo lok pa Lubaŋa; gin ma omiyo wun pe wuwinyo, pien pe wua bot Lubaŋa.”
\p
\v 48 Lujudaya gudokke iye ni, “Wan pe wawaco kakare ni, in Lacamaria, itye ki cen?”
\v 49 Yecu odok iye ni, “An pe atye ki cen; ento aworo Abana, wun pe wuwora.
\v 50 An pe ayenyo deyona pira kena; tye ŋat ma yenyo ma kakara, en aye biŋolo kop.
\v 51 Adada awacciwu ni, ka ŋat mo mako lokka, pe bito matwal.”
\p
\v 52 Lujudaya gudokke iye ni, “Koni doŋ waniaŋ ni itye ki cen. Abraim yam oto, ki lunebi bene guto, ento in iwaco ni, ‘Ka ŋat mo mako lokka, ci pe bibilo to matwal.’
\v 53 In i dit ikato kwarowa Abraim, ma ceŋ oto-ni? Lunebi bene guto, do! In ikette ni in aŋa?”
\v 54 Yecu ogamo ni, “Ka aketo deyo i koma kena, deyona mwa; Wora aye keto deyo i koma, en ma wun wuwaco ni Lubaŋawu-ni.
\v 55 Wun pe wuŋeye; ento an aŋeye. Ka kono awaco ni pe aŋeye, kono adoko lagoba macalo wun; ento an aŋeye, amako lokke.
\v 56 Kwarowu Abraim yam obedo ki yomcwiny ni ebineno ninona; ci oneno, cwinye obedo yom matek.”
\p
\v 57 Lujudaya guwacce ni, “In ma mwakani bene peya oromo pyerabic-ci, ineno Abraim?”
\v 58 Yecu ogamo doggi ni, “Adada awacciwu ni, ma Abraim pud pe, onoŋo doŋ an atye.”
\v 59 Omiyo gukwanyo got me cele; ento Yecu okanne, ci okato woko ki i ot pa Lubaŋa.
\c 9
\cl Chura  9
\p
\v 1 Ka ceŋ en oekato ki i yo, oneno dano ma ginywale ma waŋe oto.
\v 2 Lupwonnyene gupenye ni, “Lapwony, aŋa ma obalo, laco man, kece nyo jo ma gunywale, ma omiyo ginywale ma waŋe oto?”
\v 3 Yecu ogamo ni, “Laco man pe obalo, kadi jo ma gunywale, ento man otimme wek tic pa Lubaŋa onen i kome.
\v 4 Myero wati tic pa ŋat ma oora ma ceŋ pud tye; dyewor bibino ma ŋat mo pe twero tic.
\v 5 Ka pud atye i lobo, an a ceŋ me lobo.”
\p
\v 6 Ka oloko lok man, oŋulo laa piny, orubo ki ŋom, ci owiro ki waŋ laco-nu.
\v 7 Owacce ni, “Citi, ilwok i kut me Ciloam” (ma te lokke ni, Ma gioro). En ocito olwoko, ci odwogo ma waŋe doŋ neno piny.
\v 8 Luwote ki jo ma yam ginene kun kwayo lim guwaco ni, “Man pe laco ma bedo kun kwayo lim-mi?”
\v 9 Jo mogo guwaco ni, “En kikome”; jo mukene ni, “Pe, ento cal kwede acala.” En ogamo ni, “An ennu, do.”
\v 10 Gupenye ni, “Waŋi oyabbe niŋniŋ?”
\v 11 En ogamo ni, “Dano ma gilwoŋo nyiŋe ni Yecu aye orubo ŋom, owiro ki waŋa, ci ocika ni, ‘Cit ilwok i Ciloam.’ Ci acito, alwoko, acako neno piny.”
\v 12 Dok gupenye ni, “En tye kwene?” Ogamo ni, “Pe aŋeyo.”
\p
\v 13 Gikelo dano ma yam waŋe oto-ni bot Luparicayo.
\v 14 Nino ma Yecu orubo ŋom iye, oyabo ki waŋe, onoŋo ceŋ cabit.
\v 15 Luparicayo dok gupenye ni, “Waŋi oyabbe niŋniŋ?” En odok ki gin iye ni, “En owiro ŋom i waŋa, alwoko, ci aneno piny.”
\v 16 Luparicayo mogo guwaco ni, “Dano man pe oa ki bot Lubaŋa, pien pe gwoko cabit.” Ento jo mukene guwaco ni, “Dano ma labalo twero tiyo lanyut ma rom man?” Omiyo apokapoka obedo i kingi.
\v 17 Dok gupenyo dano ma yam onoŋo waŋe oto-ni ni, “In itamo lok aŋo i kome, pien oyabo waŋi?” En odok iye ni, “En lanebi.”
\p
\v 18 Lujudaya pe guye ni en yam obedo lawaŋoto, dok ni giyabo waŋe, nio ka gilwoŋo jo ma gunywalo dano ma giyabo waŋe-ni.
\v 19 Gipenyogi ni, “Man en latinwu ma wuwaco ni ginywale ma waŋe oto? Gin aŋo ma omiyo doŋ en neno piny koni?”
\v 20 Jo ma gunywale gudok iye ni, “Waŋeyo ni man latinwa, dok yam ginywale ma waŋe oto.
\v 21 Ento kit ma en neno ki piny koni, pe waŋeyo; dok wan pe waŋeyo ŋat ma oyabo waŋe. Wupenye; en doŋ dit, en bilok pire kene.”
\v 22 Jo ma gunywale guwaco lok man pien gilworo Lujudaya, pien onoŋo Lujudaya guporo lok kacel ni, ka ŋat mo otuco ni Yecu en Kricito ma Lubaŋa oyero, ci gibiryeme woko ki i kacokke.
\v 23 En aye gin mumiyo jo ma gunywale guwaco ni, “, En doŋ dit, wupenye.”
\p
\v 24 Pi lok man omiyo gulwoŋo dano ma yam waŋe oto tyen me aryo, guwacce ni, “Mi deyo bot Lubaŋa; wan waŋeyo ni dano man labalo.”
\v 25 En ogamo ni, “Ka en labalo, pe aŋeyo; gin acel keken ma aŋeyo, en aye ni, yam waŋa oto, ento koni doŋ aneno piny.”
\v 26 Gin gupenye ni, “En otimmi niŋniŋ? Oyabo waŋi niŋniŋ?”
\v 27 En odokkigi iye ni, “Doŋ atittiwu con, wun pe wuwinyo. Piŋo pud wumito winyo? Wun bene wumito doko lupwonnyene, ce?”
\v 28 Ci guyete kun giwaco ni, “In giri aye lapwonnyene ento wan giwa lupwonnye pa Moses.
\v 29 Waŋeyo ni Lubaŋa yam oloko ki Moses, ento dano man pe waŋeyo ka ma oa iye.”
\v 30 Dano ca odok iye ni, “Man lok me aura twatwal! Wun pe wuŋeyo ka ma en oa iye, kun en oyabo waŋa.
\v 31 Waŋeyo ni Lubaŋa pe winyo lubalo, ento ka ŋat ma woro Lubaŋa, dok tiyo gin ma en mito, Lubaŋa winye.
\v 32 Ma naka yam peya owinnye ni ŋat mo oyabo waŋ dano mo ma ginywale ma waŋe oto.
\v 33 Ka kono dano man onoŋo pe oa ki bot lubaŋa, kono pe otwero timo gin mo wa acel.”
\v 34 Gugamo doge ni, “In ma ginywali i bal keken-ni bene ipwonywa?” Ci guryeme woko.
\p
\v 35 Yecu ka owinyo ni giryeme woko, onoŋe, openye ni, “In iye Wod pa dano?”
\v 36 En odok iye ni, “En aŋa, ladit, wek aye en?”
\v 37 Yecu owacce ni, “Doŋ inene, en aye ŋat ma tye ka lok kwedi-ni.”
\v 38 En owaco ni, “Aye, Rwot”; owore.
\p
\v 39 Yecu owacce ni, “An abino i lobo ka ŋolo kop, wek jo ma pe neno piny gunen, jo ma neno gudok luwaŋoto.”
\v 40 Luparicayo mogo ma cok kwede guwinyo lok man. Gupenye ni, “Wan bene waŋwa oto?”
\v 41 Yecu odok iye ni, “Kono ka waŋwu oto, kono pe wutye ki bal; ento wun wuwaco ni, ‘Waneno’; pi meno balwu pud bedo gire.
\c 10
\cl Chura  10
\p
\v 1 “Adada awacciwu ni, ŋat ma pe donyo i dwol romo ki i doggola, ento ito ki ka mukene, dano meno lakwo ki layak;
\v 2 ento ŋat ma donyo ki i doggola, en lakwat romi.
\v 3 Lagwok-doggola yabbe kika, romi winyo dwane; en lwoŋo romi ki nyiŋgi, ci terogi woko.
\v 4 “Ka doŋ ocwalo mere ducu woko, en woto i nyimgi, romi lube, pien giŋeyo dwane.
\v 5 Pe gilubo welo, ento giriŋo woko ki bote, pien pe giŋeyo dwan welo.”
\p
\v 6 Yecu oloko ki gin carolok man, ento pe guniaŋ lok ma en otito botgi.
\v 7 Yecu dok owaco ki gin ni, “Adada awacciwu ni, an a doggola me romi.
\v 8 Jo ducu ma yam obino okwoŋo nyima, gin lukwo dok luyak; ento romi pe owinyo dwangi.
\v 9 An a doggola; ka ŋatti mo odonyo ki bota, en bibwot, bidonyo, bikatti woko, binoŋo cam.
\v 10 Lakwo pe bino pi lok mo mukene, ento kono pi kwalo, pi neko ki pi tyeko; an abino wek gunoŋ kwo, gubed kwede madwoŋ.
\p
\v 11 An lakwat maber. Lakwat maber miyo kwone pi romi.
\v 12 ŋat ma tiyo pi mucara, ma pe lakwat, ma romi pe mere kikome, ka oneno orudi bino, weko romi, riŋo woko; orudi makogi, keyogi.
\v 13 En riŋo woko pien tiyo pi mucara keken, pe paro pi romi.
\v 14 An lakwat maber; aŋeyo romina, mera bene ŋeya,
\v 15 macalo Won ŋeya, an bene aŋeyo Won; amiyo kwona pi romi.
\v 16 Atye ki romi mukene bene, ma pe me dwol man; myero akelgi bene, gibiwinyo dwana. Kit meno bibedo lwak acel ki lakwat acel.
\v 17 Gin mumiyo Won mara, pien amiyo kwona wek doki agam.
\v 18 Pe tye ŋatti mo ma mayo ki bota; amiyo gira pira kena. Atye ki twer me miyo kwona, dok atye ki twer me gamo doki; alimo cik man ki bot Wora.”
\p
\v 19 Apokapoka dok obedo i kin Lujudaya pi lok man.
\v 20 Jo mapol ki i kingi guwaco ni, “En tye ki cen, opo apoya; piŋo wuwinyo lokke?”
\v 21 Jo mukene guwaco ni, “Lok man pe pa dano ma tye ki cen. Cen twero yabo waŋ dano ma waŋe oto?”
\p
\v 22 I kare meno nino madit me kwero ot pa Lubaŋa obedo i Jerucalem.
\v 23 Onoŋo piny cwir, Yecu onoŋo tye ka wot i ot pa Lubaŋa, i te baraja pa Solomon.
\v 24 Lujudaya gucokke, gurume i dyere, gupenye ni, “Ibimiyo wakalo akala pi kare ma rom mene? Ka in i Kricito ma Lubaŋa oyero, tittiwa atir.”
\v 25 Yecu odokkigi iye ni, “Atyeko tittiwu, wun pe wuye. Tic ma atiyo i nyiŋ Wora gin cadenna.
\v 26 Wun pe wuye, pien pe wutye i kin romina.
\v 27 Romina winyo dwana, an aŋeyogi, gin luba.
\v 28 Amiyogi kwo ma pe tum; gin pe bito matwal, pe tye ŋatti mo ma bimayogi ki i ciŋa.
\v 29 Wora ma omiyogi bota dit makato ducu, pe tye ŋatti mo ma twero mayogi ki i ciŋ Won.
\v 30 An ki Won wan acel.”
\p
\v 31 Lujudaya dok gukwanyo got me cele.
\v 32 Yecu owaccigi ni, “Atyeko nyuttiwu tic mabeco mapol ma oa ki bot Won; wumito cela ki got pi tic mene?”
\v 33 Lujudaya gudokke iye ni, “Pe waceli pi tic mo maber, ento pi yeto Lubaŋa; pien in i dano adana, ikette keni ni in Lubaŋa.”
\v 34 Yecu ogamo doggi ni, “Pe gicoyo i cik mewu ni, ‘An awaco ni wun lubaŋa’?
\v 35 Ka en lwoŋo jo ma lok pa Lubaŋa obino botgi ni gin lubaŋa (ci ginacoya pe twero turre),
\v 36 wun wuwaco bot ŋat ma Won olonyo, oore i lobo, ni, ‘Iyeto lubaŋa,’ pien an awaco ni, ‘An Wod pa Lubaŋa’?
\v 37 Ka pe atiyo tic pa Wora, ci pe myero wuye an;
\v 38 ento ka atiyo ticce, kadi bed pe wuye an gira, myero wuye tic; wek wuŋe dok wuniaŋ ni Won tye i an, ki an i Won.”
\p
\v 39 Dok gutemo make, ento en opucce woko ki i ciŋgi.
\p
\v 40 En dok ocito loka Jordan, i kabedo ka ma yam Jon okwoŋo batija dano iye, obedo kunnu.
\v 41 Jo mapol gubino bote; guwaco ni, “Jon yam pe otiyo lanyut mo ento lok ducu ma Jon otito i kom dano man obedo me ada.”
\v 42 Jo mapol guye en ki kunnu.
\c 11
\cl Chura  11
\p
\v 1 Ceŋ tye dano mo ma kome lit i Betania ma nyiŋe Lajaro, i paco pa Maliam ki laminne Marita.
\v 2 En Maliam ma yam owiro Rwot ki moo, dok ojwayo tyene ki yer wiye, aye ominne kome lit-ti.
\v 3 Nyimege gucwalo kwena bote kun giwaco ni, “Rwot, ŋat ma imaro kome lit.”
\v 4 Ento ka Yecu owinyo, owaco ni, “Two man pe obino pi neke, ento pi kelo deyo bot Lubaŋa, wek pire gimi deyo bot Wod pa Lubaŋa.”
\v 5 Yecu yam maro marita ki laminne ki Lajaro.
\v 6 Ka owinyo ni kome lit, ci omedde ki ri doki nino aryo i kabedo ma yam en tye iye.
\p
\v 7 Lacen owaco bot lupwonnyene ni, “Wadoku doki i Judaya.”
\v 8 Lupwonnyene gudokke iye ni, “Lapwony, Lujudaya nene gimito celi ki got, in dok idok kunnu?”
\v 9 Yecu ogamo ni, “Cawa me dyeceŋ pe apar wiye aryo? Ka ŋatti mo woto i dyeceŋ, pe yokke, pien neno ceŋ me lobo man.
\v 10 Ento ka ŋatti mo woto dyewor, yokke, pien ceŋ pe i iye.”
\p
\v 11 En owaco kit man, lacen owaco botgi ni, “Laremwa Lajaro doŋ onino, acito wek acicoye woko ki i waŋ nino.”
\v 12 Lupwonnyene guwacce ni, “Rwot, ka onino, ci bicaŋ.”
\v 13 Yecu onoŋo loko pi to mere, ento gin gitamo ni oloko pi yweyo me nino.
\v 14 Lacen Yecu otittigi atir ni, “Lajaro doŋ oto.
\v 15 cwinya yom piwu pien onoŋo pe atye kunnu, wek wun wuye. Ci doŋ wacitu bote.”
\v 16 Tomaci (ma te lokke ni, Baŋi) owaco bot lupwonnye luwote ni, “Wan bene wacitu, wek watoyu kacel kwede.”
\p
\v 17 Ka Yecu oo, onono ni Lajaro doŋ ori i lyel nino aŋwen.
\v 18 Betania onoŋo cok ki Jerucalem, mito romo mairo aryo;
\v 19 jo mapol i kin Lujudaya onoŋo gubino bot Marita ki Maliam pi kweyo cwinygi pi omingi.
\v 20 Ka Marita owinyo ni Yecu oebino, en ocito, oromo kwede, ento Maliam odoŋ, obedo i ot.
\v 21 Marita owaco bot Yecu ni, “Rwot, kono nene itye kany, kono omera pe oto.
\v 22 Dok koni aŋeyo ni gin ducu ma ibilego ki bot Lubaŋa, Lubaŋa bimiyi.”
\v 23 Yecu owacce ni, “Omeru bicer.”
\v 24 Marita ogamo doge ni, “Aŋeyo ni en bicer i cer me nino me agik.”
\v 25 Yecu owacce ki, “An nicer ki kwo; ŋat ma ye an, nadi oto, dok bikwo;
\v 26 dano ducu makwo ma ye an, pe bito matwal. In iye man?”
\v 27 En odok iye ni, “Iyo Rwot; doŋ aye ni in i Kricito ma Lubaŋa oyero, Wod pa Lubaŋa, ma bino i lobo.”
\p
\v 28 Ka Marita oloko lok man, ci ocito olwoŋo laminne Maliam, okwille ni, “Lapwony tye kany, lwoŋi.”
\v 29 Ka en owinyo, ci oa oyotoyot, ocito bote.
\v 30 Yecu onoŋo peya oo i gaŋ-ŋu, ento onoŋo pud tye ka ma Marita oromo iye kwede.
\v 31 Ka Lujudaya ma onoŋo gitye bote i ot kun gikweyo cwinye guneno Maliam oa malo oyotoyot, okato woko, gulubo kore, kun gitamo ni en cito i wi lyel ka koko kunnu.
\p
\v 32 Ka Maliam oo ka ma Yecu tye iye, ka onene, ci opoto piny ka tyene, owacce ni, “Rwot, kono nene itye kany, kono omera pe oto.”
\v 33 Ka Yecu onene kun kok, ki Lujudaya ma gubino kwede bene gikok, cwinye opoto, iye owaŋ matek.
\v 34 Openyo ni, “Wukete kwene?” Gudokke iye ni, “Rwot, bin inen.”
\v 35 Yecu okok ki pig waŋe.
\v 36 Omiyo Lujudaya guwaco ni, “Nen, yam mare mada.”
\v 37 Ento jo mogo i kingi guwaco ni, “En ma ceŋ oyabo waŋ lawaŋoto pe twero geŋo dano man to?”
\p
\v 38 Yecu dok iye owaŋ matek, ojwat, ci obino i lyel; lyel meno onoŋo yam obedo boro got, ma giloro doge ki got.
\v 39 Yecu owaco ni, “Kwanyu got woko.” Marita lamin dano ma oto-ni owaco ni, “Rwot, koni doŋ ŋwe, pien ori nino aŋwen.”
\v 40 Yecu odokke iye ni, “Nakanen pe awacci ni, ka iye, ci ibineno deyo pa Lubaŋa?”
\p
\v 41 Ci gikwanyo got woko. Yecu otiŋo waŋe malo, owaco ni, “Aba, apwoyi pien doŋ iwinya.
\v 42 An aŋeyo con ni iwinya kare ducu, ento awaco lok man pi lwak ma gucuŋ ka ŋeta, wek guye ni in yam iora.”
\v 43 Ka doŋ owaco lok man, ci odaŋŋe ki dwan madit ni, “Lajaro, katti woko!”
\v 44 En ma ceŋ oto-ni okatti woko, kun ciŋe ki tyene giriyo ki boŋo, waŋe giboyo ki kitambara. Yecu ocikogi ni, “Wugonye, wuweke ociti.”
\p
\v 45 Jo mapol i kin Lujudaya ma gubino kacel ki Maliam, ka guneno gin ma Yecu otiyo, guye en.
\v 46 Ento jo mukene i kingi gucito bot Luparicayo, gutittigi gin ma Yecu otiyo.
\v 47 Omiyo ajwagi madito pa Lubaŋa ki Luparicayo gulwoŋo Lukiko, guwaco ni, “Wabitimo gin aŋo? Pien dano man tye ka tiyo lanyut mapol.
\v 48 Ka waweke kit meno, ci dano biye en, Luroma bibino, gibiketo kabedowa maleŋ ki rokwa woko.”
\p
\v 49 Ento ŋat acel i kingi, en Kayapa, ma en ajwaka madit i mwaka meno, owaco ki gin ni, “Wun pe wuŋeyo gin mo kadi matidi mo,
\v 50 dok pe wutamo ni bibedo ber botwu ka dano acel oto pi lwak, wek pe gityek rokwa.”
\v 51 En pe owaco lok man pire kene, ento pi bedo ajwaka madit i mwaka meno ceŋ en otito macalo lanebi ni Yecu bito pi rok meno;
\v 52 pe pi rok meno keken, ento wek ocok litino pa Lubaŋa ma guket ata, gubed acel.
\v 53 Cakke i nino meno guribo lok me neke.
\p
\v 54 Pi meno Yecu pe dok obedo ka wot ka maleŋ i kin Lujudaya, ento oa ki kunnu, ocito i lobo ma cok ki tim, i gaŋ ma gilwoŋo Epraim; obedo kunnu ki lupwonnyene.
\p
\v 55 Kato (Paska) pa Lujudaya onoŋo doŋ tye cok. Jo mapol gia ki i kin pacci gicito Jerucalem ma peya Kato (Paska) oromo, wek gilonnye kengi.
\v 56 Giyenyo Yecu, kun giloko kekengi ma gicuŋ i ot pa Lubaŋa ni, “Wutamo niŋniŋ? Nyo en pe bibino pi nino madit?”
\v 57 Ajwagi madito pa Lubaŋa ki Luparicayo onoŋo doŋ guciko dano ni, ka ŋat mo oŋeyo ka ma en tye iye, myero onyuttigi, wek gimake
\c 12
\cl Chura  12
\p
\v 1 Ka ceŋ odoŋ nino abicel me o i Kato (Paska), Yecu obino i Betania, ka ma Lajaro bedo iye, en ma ceŋ Yecu ocere ki i kin jo muto-ni.
\v 2 Gitedde cam me otyeno kunnu; Marita obedo ka poko cam, Lajaro onoŋo ŋat acel i kin jo ma obedo kwede i dog cam.
\v 3 Maliam okwanyo moo ma ŋwece kur me wel madwoŋ, moo nard magili, ma romo ratili acel, owiro ki tyen Yecu, ojwayo tyen Yecu ki yer wiye; ci ŋwec moo oromo i ot ducu.
\p
\v 4 Ento Juda me Keriot, ŋat acel i kin lupwonnyene, en ma bidobe, openyo ni,
\v 5 “Piŋo moo man pe gicato i wel me ciliŋ miya adek, wek gimi bot lucan?”
\v 6 En owaco lok man, pe ni en paro pi lucan, ento pien en yam lakwo, yam gwoko kicaa lim, ci kwanyo gin ma gibolo iye.
\v 7 Yecu owaco ni, “Wuweke, wek en okan pi nino me yika.
\v 8 Lucan wutye kwedgi nino ducu, ento an pe abibedo kwedwu nino ducu.”
\p
\v 9 Ka lwak Lujudaya madwoŋ guniaŋ ni en tye kunnu, ci gubino, pe pi Yecu keken, ento bene pi neno Lajaro ma en ocero ki i kin jo muto.
\v 10 Pi meno ajwagi madito pa Lubaŋa guyubo lok me neko Lajaro bene,
\v 11 pien pire Lujudaya mapol gua woko ki botgi, guye Yecu.
\p
\v 12 Orwone lwak jo mapol ma yam gubino i nino madit guwinyo ni Yecu bino i Jerucalem.
\v 13 Gukwanyo jaŋ otit, gukato ka jole, kun gidaŋŋe ni, “Ojana! Lubaŋa o mi gum i kom ŋat ma bino i nyiŋ Rwot, ma en Kabaka pa Icrael!”
\v 14 Yecu onoŋo latin kana, obedo i wiye, kit macalo gicoyo ni,
\v 15 “Pe wulwor, wun jo Cion. Nen, kabakawu bino botwu, obedo i wi latin kana!”
\p
\v 16 Lupwonnyene pe guniaŋ man koŋ; ento ka doŋ giketo deyo i kom Yecu, ci gupo ni ceŋ gicoyo lok magi i kome, dok ni gitimo i kome.
\p
\v 17 Lwak ma yam onoŋo tye bote ka en lwoŋo Lajaro ki i lyel me cere ki i kin jo muto gutito pire.
\v 18 En aye mumiyo lwak ocito ka jole, pien guwinyo ni en otiyo lanyut man.
\v 19 Luparicayo guloko kekengi ni, “Doŋ wuneno ni pe wukonyo gin mo. Nen, lobo ducu doŋ owirre ka lube.”
\p
\v 20 I kin jo ma yam gucito ka woro Lubaŋa i nino madit onoŋo jo mogo Lugrik.
\v 21 Jo-nu gucito bot Pilipo me Betecaida ma tye i Galilaya, guwacce ni, “Ladit, wamito neno Yecu.”
\v 22 Pilipo ocito, otito bot Anderiya; Anderiya ocito kacel ki Pilipo, gutito bot Yecu.
\v 23 Yecu odokkigi iye ni, “Cawa doŋ oromo me keto deyo i kom Wod pa dano.
\v 24 Adada awacciwu ni, nyig bel ka pe opoto i ŋom, oto, bedo kene; ento ka oto, ci ceko nyige mapol.
\v 25 ŋat ma maro kwo mere, birwenyone; ŋat ma kwero kwone i lobo man, bigwoko nio i kom kwo ma pe tum.
\v 26 Ka ŋat mo tiyo pira, myero oluba; ka ma an abedo iye, laticca bene bibedo kunnu; ka ŋat mo tiyo pira, ci Won binyuto worone i kome.
\p
\v 27 “Cwinya koni oŋabbe aŋaba. Abiwaco lok aŋo? Abana, lara i kom cawa man? Ento pi lok man omiyo ao i kom cawa-ni.
\v 28 Abana, ket deyo i kom nyiŋi.” Dwan oa ki i polo ni, “Doŋ aketo deyo i kome, dok abiketo aye.”
\v 29 Lwak ma gucuŋ ka ŋete guwinyo, ci guwaco ni, “Polo omor.” Jo mukene ni, “Lamalaika oloko kwede.”
\v 30 Yecu ogamo ni, “Dwan man pe obino pira, ento piwu.
\v 31 Koni gitye ka ŋolo kop i kom lobo man; koni lalo lobo man gibibole woko.
\v 32 An ka gitiŋa malo nia i lobo, ci abipeyo dano ducu bota.”
\v 33 En oloko lok man pi nyuto kit to ma ebito kwede.
\p
\v 34 Lwak gugamo doge ni, “Wan wawinyo ki i cik ni Kricito ma Lubaŋa oyero bedo nakanaka. In dok iwaco niŋniŋ ni Wod pa dano myero gitiŋe malo? Wod pa dano man en aŋa?”
\v 35 Yecu owaccigi ni, “Ceŋ pud tye botwu pi kare manok. Wuwot ma kun wutye ki ceŋ, wek piny macol pe oŋukwu. ŋat ma woto i piny macol pe ŋeyo ka ma ecito iye.
\v 36 Ka pud wutye ki ceŋ, wuye ceŋ, wek wudok litino me ceŋ.” Yecu ka oloko lok man, ci opokke ki botgi, okanne woko ki botgi.
\v 37 Kadi bed otiyo lanyut ma rom meno i nyimgi, pe guye en;
\v 38 wek lok pa lanebi Icaya ocobbe kakare, ni, “Rwot, aŋa ma oye lok ma watito? Dok aŋa ma Rwot onyuto tekone bote?”
\v 39 Man en gin mumiyo pe gitwero ye, pien Icaya dok owaco ni,
\v 40 “En oneko waŋgi, omiyo cwinygi odoko nwaŋ, wek pe gunen ki waŋgi, pe bene guniaŋ ki cwinygi, wek omi pe gulokke gudwog bota acaŋgi.”
\p
\v 41 Icaya owaco lok man pien oneno deyo mere, oloko pire,
\v 42 Kadi bed kit meno, jo mapol ma i kin luloc bene guye en, ento pi lworo Luparicayo omiyo pe gituco, wek pe giryemgi woko ki i kacokke;
\v 43 pien gimaro deyo ma dano keto i komgi makato ma Lubaŋa miyo.
\p
\v 44 Yecu odaŋŋe, owacci, “ŋat ma ye an, pe oye an, ento oye ŋat ma oora.
\v 45 ŋat ma onena, noŋo oneno ŋat ma oora.
\v 46 An abino i lobo pi bedo ceŋ me lobo, wek dano ducu ma ye an owek bedo i piny macol.
\p
\v 47 Ka dano mo winyo lokka ci pe mako, an pe aŋolo kop i kome; pien pe abino ka ŋolo kop i kom lobo, ento abino ka laro lobo.
\v 48 ŋat ma kwera, ma pe winyo lokka, tye ki ŋat ma biŋolo kop i kome; lok ma aloko biŋolo kop i kome i nino me agik.
\v 49 Pien pe aloko pira kena: Won ma oora, en kikome aye omiya cik, i gin ma myero awaci ki ma myero aloki.
\v 50 Aŋeyo ni cikke en kwo ma pe tum; pi meno gin ma awaco, awaco macalo Won oloko bota.”
\c 13
\cl Chura 13
\p
\v 1 Ma peya nino madit me Kato (Paska) oo, Yecu onoŋo ŋeyo ni cawane doŋ oromo me weko lobo man me dok bot Won; yam maro jone ma tye i lobo man; omarogi nio i agik,
\v 2 Ka pud gitye ka camo cam me otyeno, ma doŋ Catan oketo tam i cwiny Juda wod pa Cimon me Keriot me dobe.
\v 3 Yecu onoŋo ŋeyo ni Won otyeko miyo jami ducu i ciŋe, dok ni ea ki bot Lubaŋa, dok edok bot Lubaŋa.
\v 4 Oa malo ki i dog cam, olunyo boŋŋine oketo teŋe, okwanyo taulo, otweyo i pyere.
\v 5 Oonyo pii i becen, ci ocako lwoko tyen lupwonnye, ojwayo ki taulo ma otweyo i pyere.
\p
\v 6 Ka en oo bot Cimon Petero, Petero openye ni, “Rwot, in kulu aye ilwoko tyena?”
\v 7 Yecu odokke iye ni, “In pe iŋeyo gin ma atye ka tiyo, ento ibiniaŋ lacen.”
\v 8 Petero owacce ni, “In pe ibilwoko tyena matwal.” Yecu odokke iye ni, “Ka pe alwoki, noŋo ribbe pe i kinwa.”
\v 9 Cimon Petero owacce ni, “Rwot, pe doŋ tyena keken, ento ciŋa ki wiya bene.”
\v 10 Yecu owacce ni, “ŋat ma doŋ olwokke, pe doŋ myero olwok kome, ento kono tyene keken, pien noŋo kome ducu leŋ. Wun wuleŋ, ento pe wun ducu.”
\v 11 En onoŋo oŋeyo ŋat ma bidobe; en aye gin mumiyo en owaco ni, “Pe wun ducu wuleŋ.”
\p
\v 12 Ka doŋ olwoko tyengi, okwanyo boŋŋine, odok i kabedone, openyogi ni, “Wuniaŋ gin ma atimo i komwu?
\v 13 Wulwoŋa ni Lapwony dok ni Rwot; meno ber, pien atye kit meno.
\v 14 Ka an a Rwotwu ki Lapwonywu, alwoko tyenwu, wun bene myero wulwok tyenwu kekenwu;
\v 15 pien an anyuttiwu lanen, wek wun bene wutim gin ma an atimo i komwu.
\v 16 Adada awacciwu ni, latic pe bedo dit makato laditte, ŋat ma gioro pe dit kato ŋat ma oore.
\v 17 Ka wuŋeyo lok man, ci wubibedo ki yomcwiny ka wutiyogi.
\v 18 Pe aloko man i komwu ducu; aŋeyo jo ma doŋ ayero; ento wek ginacoya ocobbe kakare, ni, ‘ŋat ma camo kwon kacel kweda otiŋo opunye i koma.’
\p
\v 19 Koni atittiwu lok man ma peya otimme, wek ka bitime, wuye ni an atye.
\v 20 Adada awacciwu ni, ŋat ma jolo dano ma an aoro, noŋo ojolo an; ŋat ma jolo an, ojolo ŋat ma oora.”
\p
\v 21 Ka Yecu oloko lok man, ci cwinye opoto, oloko atyer ni, “Adada awacciwu ni, ŋat acel i kinwu bidoba.”
\v 22 Lupwonnye gunenne kekengi, pe guniaŋ ŋat ma en oloko i kome.
\v 23 ŋat acel i kin lupwonnye, en ma Yecu maro, onoŋo obuto cok ki kor Yecu.
\v 24 Cimon Petero ogwele, owacce ni, “Tucciwa ŋat ma en oloko i kome.”
\v 25 En ma ojeŋŋe i kor Yecu openye ni, “Aŋa, Rwot?”
\v 26 Yecu ogamo ni, “En aye ŋat ma abigweyo dek, amiyo bote.” Ka doŋ ogweyo dek, ci omiyo bot Juda wod pa Cimon me Keriot.
\v 27 Ka doŋ ogamo, ci Catan odonyo i iye. Yecu owacce ni, “Gin ma imito timo, tim oyot.”
\v 28 Pe tye ŋat mo i dog cam ma oniaŋ gin ma omiyo oloko lok man bote.
\v 29 Jo mogo gutamo ni, pien Juda onoŋo gwoko kicaa limgi, mumiyo Yecu owacce ni, “Wil jami ma mitte pi nino madit”; nyo ni myero omi gin mo bot lucan.
\v 30 Ka en doŋ ocamo dek ma gigwene, ci okato woko cut; onoŋo piny doŋ col.
\p
\v 31 Ka doŋ okato woko, Yecu owaco ni, “Koni doŋ giketo deyo i kom Wod pa dano, dok giketo deyo i kom Lubaŋa pire.
\v 32 Ka giketo deyo i kom Lubaŋa pire, Lubaŋa bene biketo deyo i kome pire kene, biketo deyo i kome oyotoyot.
\p
\v 33 Litino aduno, pud atye kwedwu pi kare manok. Wubiyenya, ento macalo ceŋ atito bot Lujudaya, kit meno atittiwu bene koni ni, ‘Ka ma acito iye, wun pe wutwero bino iye.’
\v 34 Amiyowu cik manyen, ni, wumarre kekenwu; wumarre kekenwu macalo ceŋ amarowu.
\v 35 Pi man dano ducu biŋeyo ni wun lupwonnyena, ka mer tye i kinwu.”
\p
\v 36 Cimon Petero openye ni, “Rwot, icito kwene?” Yecu ogamo ni, “Ka ma acito iye, pe itwero luba koni, ento ibiluba lacen.”
\v 37 Petero dok openye ni, “Rwot, piŋo pe atwero lubi koni? Abimiyo kwona piri.”
\v 38 Yecu ogamo ni, “Ibimiyo kwoni pira? Adada awacci ni, twon gweno pe bikok, nio ka koŋ ikwera tyen adek.
\c 14
\cl Chura  14
\p
\v 1 “Cwinywu owek ŋabbe aŋaba; wuye Lubaŋa, wuye an bene.
\v 2 I ot pa Abana tye iye kabedo mapol; kono pe kit meno, kono atittiwu ni acito ka yubo ki wun kabedo?
\v 3 Ka acito, ayubo ki wun kabedo, dok abidwogo ka omowu bota, wek ka ma an abedo iye, wun bene wubed iye.
\v 4 Ka ma an acito iye, wun wuŋeyo yone.”
\p
\v 5 Tomaci owacce ni, “Rwot, wan pe waŋeyo ka ma icito iye; watwero ŋeyo yone niŋniŋ?”
\v 6 Yecu odokke iye ni, “An a yo, ki ada, ki kwo: pe tye ŋat mo ma bino bot Won, kono ki i an keken.
\v 7 Kono ceŋ wuŋeya, kono wuŋeyo Wora bene; nia koni wuŋeye, doŋ wunene.”
\p
\v 8 Pilipo ogamo doge ni, “Rwot, nyuttiwa Won, ci biromowa.”
\v 9 Yecu odokke iye ni, “Doŋ ari kwedwu kare malac rom man, pud peya iŋeya, Pilipo? ŋat ma oneno an doŋ oneno Won: itwero waco niŋniŋ ni, ‘Nyuttiwa Won’?
\v 10 In pe iye ni, an atye i Won, ki Won i an? Lok ma aloko botwu pe aloko pira kena, ento Won ma bedo i an aye tiyo ticce.
\v 11 Wuye ni an atye i Won, ki Won i an; nyo ka pe kit meno, wuye an pi tic keken.
\v 12 “Adada awacciwu ni, ŋat ma ye an, en bene bitiyo tic ma an atiyo; dok bitiyo tic madito makato man, pien acito bot Won.
\v 13 Gin ducu ma wubilego i nyiŋa, abitiyone, wek giket deyo i kom Won pi Wod;
\v 14 ka wubilego gin mo i nyiŋa, abitiyo.
\p
\v 15 “Ka wumara, ci wubigwoko cikka.
\v 16 Abilego Won, en bimiyowu Lacuŋudwar mukene ma bibedo kwedwu nakanaka,
\v 17 en Cwiny me ada, ma lobo pe twero limo, pien lobo pe nene, dok pe ŋeye. Wun wuŋeye, pien en bedo kwedwu, dok bibedo i iwu.
\v 18 “Pe abiwekowu macalo litino kic; abidwogo botwu.
\v 19 Odoŋ kare manok, lobo pe dok binena, ento wun wubinena; pien an akwo, wun bene wubikwo.
\v 20 I nino meno wubiŋeyo ni an atye i Won, ki wun i an, ki an i wun.
\v 21 ŋat ma tye ki cikka, ma gwokogi, en aye ŋat ma mara; ŋat ma mara Wora bimare, an bene abimare, abinyutte kena bote.”
\p
\v 22 Juda ma pe me Keriot openye ni, “Rwot, man bibedo niŋniŋ, ni ibinyutte keni botwa, ento pe bot lobo?”
\v 23 Yecu odokke iye ni, “Ka ŋat mo mara, en bimako lok mera; Wora bimare, wabibino bote, wabiyubo kabedo piwa kenwa bote.
\v 24 ŋat ma pe mara, pe mako lokka; lok ma wuwinyo pe mera, ento pa Won ma ceŋ oora.
\v 25 “Lok man atittiwu kun pud atye botwu.
\v 26 Ento Lacuŋudwar, ma en Cwiny Maleŋ, ma Won bicwalo i nyiŋa, en bipwonyowu jami ducu, en bipoyo wiwu i lok ducu ma yam atittiwu.
\v 27 Awekkiwu kuc, kuc mera amiyo botwu. Amiyowu, pe macalo lobo miyo. Cwinywu owek ŋabbe aŋaba, pe wulwor.
\p
\v 28 Doŋ wuwinyo awacciwu ni, an abicito woko, dok abidwogo botwu. Kono wumara, kono cwinywu yom, pien acito bot Won; pien Won dit kata.
\v 29 Koni atittiwu lok man ma peya otimme, wek ka bitimme, wuye.
\v 30 Pe dok abiduro lwak lok mapol kwedwu, pien lalo lobo man tye ka bino. En pe tye ki twer i koma;
\v 31 ento man timme wek lobo oŋe ni, an amaro Won, atiyo macalo Won ocika. “Ayu, wacitu.
\c 15
\cl Chura  15
\p
\v 1 “An aye olok me ada, Abana en lapur.
\v 2 Jaŋe ducu ma i koma ma pe nyak en lwero woko, ento jaŋa ducu ma nyak en lonyo, wek omedde, onyak mapol.
\v 3 Wun doŋ gityeko lonyowu pi lok ma aloko botwu.
\v 4 Wubed i an, an bene i iwu. Macalo jaŋ olok pe twero nyak pire kene, ka pe tye i kom yatte, kit meno wun bene pe wutwero, ka pe wubedo i an.
\p
\v 5 An olok, wun jaŋe. ŋat ma bedo i an, ki an i en, en nyako nyige mapol, pien pe wutwero timo gin mo ka an a pe.
\v 6 Ka dano mo pe bedo i an, ci gibole woko macalo jaŋ yat, two woko. Gicokogi, gibologi i mac, giwaŋ woko.
\v 7 Ka wubedo i an, kun lokka bedo i wun, ci wuleg gin ducu ma wumito, gibitimo piwu.
\v 8 Man bikelo deyo i kom Abana, ka wunyako nyig mapol; kit meno wubidoko lupwonnyena.
\p
\v 9 Macalo Won ceŋ omara, an bene amarowu kit meno; wubed i marra.
\v 10 Ka wugwoko cikka, wubibedo i marra, kit macalo ceŋ agwoko cik pa Abana, abedo i marre.
\v 11 Lok man atittiwu wek yomcwinya obed i iwu, wek wupoŋ ki yomcwiny.
\v 12 “Man aye cikka, ni wumarre kekenwu macalo ceŋ amarowu.
\v 13 Pe tye ŋat mo ma tye ki mar madit makato man, ni dano miyo kwone pi lureme.
\v 14 Wun lurema ka wutiyo gin ducu ma acikowu.
\v 15 Pe dok alwoŋowu lutic, pien latic pe ŋeyo gin ma laditte tiyo; ento alwoŋowu lurema, pien gin ducu ma yam awinyo ki bot Wora doŋ atyeko nyuttiwu.
\v 16 Pe wun aye wuyera, ento an aye ayerowu, dok aketowu wek wuciti, wunyak nyigwu, dok wek nyigwu ori; wek gin ducu ma wubilego ki bot Won i nyiŋa, en omiwu.
\v 17 Gin ma acikowu en ene ni, wumarre kekenwu.
\p
\v 18 “Ka lobo okwerowu, wuŋe ni yam okwoŋo kwera ma kun peya okwerowu.
\v 19 Kono wun jo me lobo, kono lobo omaro wun jone; ento wun pe me lobo, ento ayerowu ki i lobo; pi meno lobo kwerowu.
\v 20 Wupo i lok ma yam atito botwu ni, ‘Latic pe bedo dit makato laditte.’ Ka yam giliba, wun bene gibilibowu; ka yam gimako lokka, gibimako mewu bene.
\v 21 Gin magi ducu gibitimo i komwu pi nyiŋa, pien pe giŋeyo ŋat ma yam oora.
\v 22 Kono pe nene abino, aloko botgi, kono pe gitye ki bal; ento koni doŋ pe gitye ki lok ma gibipido pi balgi.
\v 23 ŋat ma kwera, okwero Wora bene.
\v 24 Kono yam pe atiyo i kingi tic ma dano mo mukene pe otiyo, kono pe gitye ki bal, ento koni doŋ guneno dok gukwero an ki Wora.
\v 25 Ento man otimme wek lok ma gicoyo i cik megi ocobbe kakare, ni, ‘Gikwera nono.’
\p
\v 26 Ento ka Lacuŋudwar bibino, ma abioro botwu nia ki bot Won, ma en aye Cwiny me ada ma a ki bot Won, en bibedo cadenna.
\v 27 Wun bene wucaden, pien wubedo bota nia i acakki.
\c 16
\cl Chura  16
\p
\v 1 “Atyeko tittiwu lok man wek pe komwu oryaŋŋe.
\v 2 Gibiryemowu woko ki i kacokke; kare bibino ma dano ducu ma nekowu bitamo ni etye ka tic pi Lubaŋa.
\v 3 Gibitimo man i komwu pien pe giŋeyo Won, kadi an.
\v 4 Ento atittiwu lok magi wek ka karegi bio, wupo ni yam atittiwu pigi. “Yam pe atito lok man botwu i acakki, pien onoŋo pud atye kwedwu.
\p
\v 5 Ento koni adok bot ŋat ma ceŋ oora. Pe tye ŋat mo i kinwu ma penya ni. ‘Icito kwene?’
\v 6 Cwinywu opoŋ ki kumu pien atittiwu lok man.
\v 7 Ento atye ka tittiwu lok ada, ni, bibedo ber botwu ka an acito; pien ka pe acito, ci Lacuŋudwar pe bibino botwu. Ento ka acito, ci abiore botwu.
\v 8 En ka obino, bimiyo lobo niaŋ i kom bal, ki kit ma atir, ki ŋolo kop;
\v 9 i kom bal, pien pe giye an;
\v 10 i kom kit ma atir, pien adok bot Won, pe dok wubinena;
\v 11 i kom ŋolo kop, pien laloc me lobo man doŋ giŋolle kop woko.
\p
\v 12 “Pud atye ki lok mapol me awaca botwu, ento pe wutwero kanyo koni.
\v 13 Ka Cwiny me ada bibino, en bitelowu i ada ducu; pien en pe bilok pire kene, ento gin ducu ma en biwinyo, biwaco botwu, bitittiwu gin ma bitimme anyim.
\v 14 En biketo deyo i koma, pien bikwanyo gin ma tuŋ bota, nyuttiwu.
\v 15 Gin ducu ma Won tye kwede mega; en mumiyo awacciwu ni, en bikwanyo gin ma tuŋ bota, nyuttiwu.
\p
\v 16 “Odoŋ kare manok, pe dok wubinena; dok odoŋ kare manok, wubinena.”
\v 17 Lupwonnyene mogo guloko kekengi ni, “Man gin aŋo ma en waco botwa, ni, ‘Odoŋ kare manok, pe wubinena, dok odoŋ kare manok, wubinena’; dok ni, ‘Pien adok bot Won’?”
\v 18 Guwaco ni, “Man kono te lokke niŋo, ni, ‘Odoŋ kare manok’? Pe waniaŋ gin ma en tye ka waco.”
\p
\v 19 Yecu oŋeyo ni gin mito penye, omiyo en owaccigi ni, “Wutye ka pennye kekenwu pi lok ma nen awacciwu, ni, ‘odoŋ kare manok, pe dok wubinena; dok odoŋ kare manok, wabinena’?
\v 20 Adada awacciwu ni, wubikok, wubikumo, ento lobo cwinye bibedo yom; cwinywu bicwer, ento cwercwinywu bilokke doko yomcwiny.
\v 21 Ka mwoc ogoyo dako, kumo, pien cawane doŋ oromo; ento ka doŋ onywal, pe po i can pien noŋo cwinye yom pi nywalo dano i lobo.
\v 22 Koni cwinywu cwer, ento abinenowu doki, ci cwinywu bibedo yom, pe tye ŋat mo ma bikwanyo yomcwinywu ki botwu.
\v 23 I nino meno pe wubipenya lok mo. Adada awacciwu ni, ka wubilego gin mo bot Won, en bimiyowu i nyiŋa.
\v 24 Nio koni yam pe wulego gin mo i nyiŋa; wulegi, wubinoŋo, wek wupoŋ ki yomcwiny.
\p
\v 25 “Lok man atittiwu i carolok; kare bibino ma pe dok abilok kwedwu i carolok, ento abitittiwu ka maleŋ lok i kom Won.
\v 26 I nino meno wubilego i nyiŋa. Pe awacciwu ni abilego Won piwu,
\v 27 pien Won kikome marowu, pien wun wumara, dok wuye ni an aa bot Won.
\v 28 An aa bot Won, abino i lobo; doki aweko lobo, adok bot Won.”
\p
\v 29 Lupwonnyene guwaco ni, “Nen, koni iloko ka maleŋ, pe i carolok.
\v 30 Koni waŋeyo ni, in iŋeyo gin ducu, dok penyi pe dok mitte; pi man waye ni ia ki bot Lubaŋa.”
\p
\v 31 Yecu odok iye ki gin ni, “Koni doŋ wuye?
\v 32 Kare bibino, bene doŋ oo, ma wubiket woko, ŋat acel acel i pacone, wubiweka kena. Ento pe atye kena, pien Won tye kweda.
\v 33 Awaco lok man botwu wek wubed ki kuc i an I lobo wutye ki can; ento wudi cwinywu, an doŋ aloyo lobo.”
\c 17
\cl Chura 17
\p
\v 1 Yecu ka oloko man, otiŋo waŋe malo i polo, owaco ni, “Abana, kare doŋ oromo; ket deyo i kom Wodi, wek Wodi bene oket deyo i komi,
\v 2 macalo yam imiye twero i kom gin ducu ma tye ki kom, wek omi kwo ma pe tum bot jo ducu ma ceŋ imiyo bote.
\v 3 Man en kwo ma pe tum, ni giŋe in Lubaŋa acel me ada, ki Yecu Kricito ma yam ioro.
\v 4 Doŋ aketo deyo i komi i lobo, kun acobo tic ma ceŋ imiya me atiya.
\v 5 Doŋ koni, Abana, ket deyo i koma i nyimi, ki deyo ma yam abedo kwede i nyimi ma peya iketo lobo.
\p
\v 6 “Atyeko nyuto nyiŋi bot jo ma ceŋ imiya ki i lobo. Gin ceŋ meri, in imiyogi bota, gin gugwoko lokki.
\v 7 Koni giŋeyo ni jami ducu ma imiya oa ki boti;
\v 8 pien doŋ amiyogi lok ma ceŋ imiya, gin doŋ gujolo, giŋeyo atikatika ni an aa ki boti; dok giye ni in iora.
\v 9 Alego pi gin; pe alego pi lobo, ento pi jo ma ceŋ imiya, pien gin meri.
\v 10 Jamina ducu meri, ki meri ducu mera, alimo deyo pigi.
\v 11 An pe dok abedo i lobo, ento gin gitye i lobo, an abino boti. Won Maleŋ, gwokgi i nyiŋi ma con imiya, wek gibed acel macalo wan acel.
\v 12 Ka ceŋ atye kwedgi kacel, agwokogi i nyiŋi ma imiya; akurogi, pe tye mo ma orwenyo ki i kingi, kono dano ma myero orweny, wek ginacoya ocobbe kakare.
\p
\v 13 Ento koni abino boti; lok man aloko i lobo, wek gubed ki yomcwiny mera, gupoŋ kwede.
\v 14 Atyeko miyogi lok meri; ci lobo okwerogi, pien gin pe jo me lobo, macalo an pe a dano me lobo.
\v 15 pe alego ni myero ikwanygi woko ki i lobo, ento ni igwokgi ki i kom gin marac.
\v 16 Gin pe jo me lobo, macalo ceŋ an pe a dano me lobo.
\v 17 Lonygi i ada gibed maleŋ: lokki en ada.
\v 18 Macalo iora i lobo, an bene aorogi i lobo.
\v 19 An alonnye kena pigi, wek gin bene gilonygi i ada.
\p
\v 20 “Pe alego pi jo man keken, ento pi jo ma biye an pi lokgi,
\v 21 ni gin ducu gubed acel macalo in, Abana, ibedo i an, an bene i in, gin ducu gubed i wan, wek lobo oye ni in iora.
\v 22 Deyo ma ceŋ imiya, an amiyo botgi, wek gubed acel macalo wan acel,
\v 23 an i gin ki in i an, gubed acel atika, wek lobo oŋe ni in iora, dok imarogi macalo imara.
\p
\v 24 Abana, amito jo-ni, ma gin mot ma imiya, gibed bota ka ma an atye iye, wek ginen deyo mera ma imiya pi mar meri ma imara kwede ma ocakke ma peya icibo guti me lobo.
\p
\v 25 Ai Won muporre, lobo con pe oŋeyi, ento an aŋeyi; jo man ŋeyo ni in iora.
\v 26 Amiyo nyiŋi oŋene botgi, dok abimiyo ŋene, wek mar ma imara kwede obed i gin, ki an i igi.”
\c 18
\cl Chura 18
\p
\v 1 Ka Yecu doŋ oloko man, ocito kacel ki lupwonnyene, guŋolo nota me Kidron, ka ma onoŋo tye iye poto; odonyo iye kacel ki lupwonnyene.
\p
\v 2 Juda, ma ceŋ odobe, bene onoŋo ŋeyo kabedo meno, pien Yecu ki lupwonnyene yam gimaro cokke kunnu.
\v 3 Juda ogamo lwak askari ki ludito tic mogo ki bot ajwagi madito pa Lubaŋa ki Luparicayo, gucito kunnu ki tara ki mac raa ki jami lweny.
\v 4 Yecu onoŋo ŋeyo gin ducu ma bitimme i kome; okato botgi, openyogi ni, “Wuyenyo aŋa?”
\v 5 Gudokke iye ni, “Yecu me Najaret.” Yecu ogamo ni, “An a en.” Juda ma odobe onoŋo ocuŋ kacel kwedgi.
\v 6 Ka Yecu owaco ki gin ni, “An a en,” gujer ki ŋegi, gupoto piny.
\v 7 Dok openyogi ni, “Wuyenyo aŋa?” Gudokke iye ni, “Yecu me Najaret.”
\v 8 Yecu owaco ni, “Atyeko tittiwu ni an a en; ka wuyenya, wuwek jo man guciti.”
\v 9 Man otimme wek lok ma ceŋ en oloko ocobbe kakare, ni, “I kin jo ma ceŋ imiya, pe tye mo ma orwenyo.”
\p
\v 10 Cimon Petero onoŋo tye ki pala lucwan; ci owoto, otoŋo ki opii pa ajwaka madit, oŋuno ite malacuc. Nyiŋ opii meno Maliko.
\v 11 Yecu ociko Petero ni, “Dwok palani i akurane. Kikopo ma Abana omiya pe abimato?”
\p
\v 12 Lwak askari ki laditgi ki lutic pa Lujudaya gumako Yecu, gutweye.
\v 13 Gukwoŋo tere bot Anac, ma Kayapa onyomo nyare, ma onoŋo en ajwaka madit i mwaka meno.
\v 14 Kayapa en aye ceŋ omiyo tam bot Lujudaya ni ber dano acel oto pi lwak.
\p
\v 15 Cimon Petero olubo kor Yecu, kacel ki lapwonnye meno mukene. Lapwonnye man onoŋo ŋeyo ajwaka madit, omiyo en odonyo i dyekal pa ajwaka madit kacel ki Yecu;
\v 16 ento Petero ocuŋ woko i doggaŋ. Lapwonnye meno ma ajwaka madit ŋeyo ocito, oloko ki aŋeca ma gwoko doggaŋ, ci okelo Petero i gaŋ.
\v 17 Aŋeca ma gwoko doggaŋ openyo Petero ni, “In bene pe itye i kin lupwonnye pa dano man?” En ogamo ni, “An a pe i kingi.”
\v 18 Lutic ki ludito tic onoŋo gumoko mac miri, pien piny onoŋo ŋic, ci gicuŋ kun gioyo mac. Petero bene onoŋo ocuŋ kacel kwedgi ka oyo mac.
\p
\v 19 Ajwaka madit openyo Yecu pi lupwonnyene, ki i kom lok ma en pwonyo.
\v 20 Yecu odokke iye ni, “Yam aloko ka maleŋ bot lobo; nino ducu abedo ka pwony i kacokke ki i ot pa Lubaŋa, ka ma Lujudaya ducu gicokke iye. Pe aloko lok mo i muŋ.
\v 21 Ipenya piŋo? Peny jo ma yam guwinyo lok ma awaco botgi; gin ŋeyo lok ma awaco.”
\v 22 Ka oloko lok man, ci ŋat acel i kin ludito tic ma ocuŋ i ŋete odoŋo lem Yecu, kun waco ni, “Igamo dog ajwaka madit kumeno?”
\v 23 Yecu ogamo ni, “Ka aloko marac, nyut caden me gin marac; ento ka aloko maber, ci idoŋa piŋo?”
\v 24 Lacen Anac ocwale bot Kayapa, ajwaka madit, kun pud gitweye.
\p
\v 25 Cimon Petero onoŋo ocuŋ kun oyo mac. Gupenye ni, “In bene pe i ŋat acel i kin lupwonnyene?” En okwero woko, owaco ni, “An ko.”
\v 26 ŋat acel i kin opii pa ajwaka madit, wat pa dano ma Petero oŋuno ite-ni, openye ni, “Nanen pe aneni kacel kwede i poto?”
\v 27 Petero dok okwero; ci twon gweno otugi kok cut.
\p
\v 28 Lacen gikwanyo Yecu ki i ot pa Kayapa, gitere i Praitorion. Onoŋo piny doŋ cok ru. Gin kikomgi pe gudonyo i Praitorion, pien pe gimito balle, ento koŋ gicam Kato (Paska).
\v 29 Pi man omiyo Pilato okato woko botgi, openyogi ni, “Wudoto dano man pi kop aŋo?”
\v 30 Gudokke iye ni, “Kono dano man pe latim marac, kono pe wakele boti.”
\v 31 Pilato owaccigi ni, “Wun kikomwu wutere, wuŋolle kop kun wulubo cikwu.” Lujudaya gudokke iye ni, “Pe giye wan wanek dano mo.”
\v 32 Man otimme wek lok ma Yecu owaco ocobbe kakare, kun nyuto kit to ma ebito kwede.
\p
\v 33 Pilato dok odonyo i Praitorion, olwoŋo Yecu, openye ni, “In i Kabaka pa Lujudaya?”
\v 34 Yecu ogamo ni, “In iwaco lok man piri keni, kece mono jo mukene aye gutitti?”
\v 35 Pilato odok iye ni, “An Lajudaya? Rokki ki ajwagi madito pa Lubaŋa gukeli bota. In itimo gin aŋo?”
\v 36 Yecu ogamo ni, “Kerra pe me lobo man. Kono kerra me lobo man, kono jona gulwenyo pira, wek pe gimiya i ciŋ Lujudaya; ento kerra pe me lobo man.”
\v 37 Pilato openye ni, “In doŋ i kabaka, bo?” Yecu ogamo ni, “In iwaco ni an a kabaka. Ginywala pi man, abino i lobo bene pi man, pi bedo caden me lok ada. Dano ducu me ada winyo dwana.”
\v 38 Pilato openye ni. “Ada en gin aŋo?” Ka owaco lok man, ci okato woko bot Lujudaya, otittigi ni, “An gira pe anoŋo kop mo i kome.
\v 39 Ento wun wutye ki kitwu ni myero agonnyiwu ŋat acel i kare me Kato (Paska). Wumito agonnyiwu Kabaka pa Lujudaya?”
\v 40 Gin dok guwo ni, “Pe en, ento Baraba.” Baraba kono ceŋ layak.
\c 19
\cl Chura  19
\p
\v 1 Pilato otero Yecu, ogoye ki anino.
\v 2 Askari gucweyo lalukana okuto, gurwako i wiye, dok guruke ki boŋo makwar.
\v 3 Gibino bote kun guwaco ni, “Amoti, Kabaka pa Lujudaya!” gidoŋe.
\p
\v 4 Pilato dok okato woko botgi, owaco ki gin ni, “Nen, akelo en botwu, wek wuŋe ni pe anoŋo kop mo i kome.”
\v 5 Yecu okatti woko botgi kun oruko lalukana okuto ki boŋo makwar. Pilato owaccigi ni, “Nenu dano man.”
\p
\v 6 Ka ajwagi madito pa Lubaŋa ki ludito tic gunene, guwo ni. “Gure kom yat! Gure kom yat!” Pilato owaco botgi ni, “Wun wutere, wugure kom yat, pien an gira pe anoŋo kop mo i kome.”
\v 7 Lujudaya gugamo doge ni, “Wan watye ki cik; pi cik meno en myero oto, pien okette kene ni en Wod pa Lubaŋa.”
\p
\v 8 Ka Pilato owinyo lok man, lworo omedde i kome.
\v 9 Dok odok i Praitorion, openyo Yecu ni, “In ia ki kwene?” Ento Yecu pe ogamo doge.
\v 10 Omiyo Pilato owacce ni, “Pe igamo doga? Pe iŋeyo ni atye ki twer me gonyi, ki twer me guri kom yatariya?”
\q
\v 11 Yecu odokke iye ni, “Kono nene pe gimiyi twer ma oa ki malo kono pe ibedo ki twer i koma; pi meno ŋat ma omiya boti tye ki bal madit makato.”
\p
\v 12 Nia i kare meno Pilato ocako yenyo yo me gonye, ento Lujudaya guwo ni, “Ka igonyo dano man, ci in pe larem Cecar. Dano ducu ma kette kene bedo kabaka, noŋo pyem ki Cecar.”
\p
\v 13 Ka Pilato owinyo lok man, okelo Yecu woko, obedo i wi kom me ŋolo kop i kabedo ma gicano iye got; i leb Ibru gilwoŋo ni, Gabbata.
\p
\v 14 Onoŋo nino ca nino me Yubbe me Kato (Paska), cawa cok romo abicel. En owaco bot Lujudaya ni, “Nenu, Kabakawu en!”
\p
\v 15 Dano guwo ni, “Tere woko! Tere woko! Gure i kom yatariya!” Pilato openyogi ni, “Agur kabakawu i kom yatariya?” Ajwagi madito pa Lubaŋa gudok iye ni, “Wan pe watye ki kabaka, kono Cecar keken.”
\p
\v 16 Omiye botgi wek gigure i kom yatariya.
\p
\v 17 Gitero Yecu, okato woko kun tiŋo yatariyane, ocito i kabedo ma gilwoŋo Cogo Wic; i leb Ibru gilwoŋo ni, Golgota.
\v 18 Gigure i kom yatariya kunnu, ki jo mukene aryo kacel kwede, acel tuŋcel, acel tuŋcel, kun Yecu tye i dyere.
\p
\v 19 Pilato ocoyo lok, oguro i wi yatariya; gicoyo ni, “Yecu me Najaret, Kabaka pa Lujudaya.”
\v 20 Lujudaya mapol gukwano lok man, pien ka ma giguro iye Yecu onoŋo tye cok ki gaŋ, dok gicoyo i leb Ibru, i leb Roma ki i leb Grik.
\p
\v 21 Ajwagi madito pa Lubaŋa pa Lujudaya guwaco bot Pilato ni, “Pe ico ni, ‘Kabaka pa Lujudaya,’ ento ni, ‘Dano man owaco ni, An Kabaka pa Lujudaya.’”
\p
\v 22 Ento Pilato odok iye ni, “Gin ma acoyo, doŋ acoyo.”
\p
\v 23 Ka askari gutyeko guro Yecu i kom yatariya, gukwanyo ginarukane, gupoko i dul aŋwen, dul acel pi askari acel acel; ki kanyine bene. Kanyine onoŋo pe gikwoyo akwoya, ento gicweyo acweya, cakke ki malo.
\v 24 Guloko kekengi ni, “Pe myero wayecu, ento wabol kwir iye, wek wanen ŋat ma bitero.” Man otimme wek ginacoya ocobbe kakare, ni, “Gipoko ginarukana i kingi, gibolo kwir i kom boŋona.”
\p
\v 25 Askari gutimo man; ento min Yecu ki lamin minne, Maliam dako pa Kelopa, ki Maliam Lamagdala onoŋo gucuŋ i te yatariyane.
\v 26 Ka Yecu oneno minne, ki lapwonnye meno ma en maro kun gucuŋ i ŋete, owaco bot minne ni, “Maa, nen wodi!”
\q
\v 27 Ka dok owaco bot lapwonnye meno ni, “Nen meni.” Nia i cawa meno lapwonnye meno otere paco, ogwoke.
\p
\v 28 Lacen ka man otum, Yecu oŋeyo ni ducu doŋ otum; wek ginacoya ocobbe kakare, owaco ni, “Orwo neka.”
\v 29 Agulu koŋo vino mawac onoŋo gicibo kunnu; girwako amor ma opoŋ iye koŋo vino mawac i wi anyero, giketo i doge.
\v 30 Ka Yecu doŋ omato koŋo vino mawac, owaco ni, “Doŋ otum.” Okulo wiye, omiyo cwinye.
\p
\v 31 Nino meno obedo ceŋ me Yubbe, omiyo Lujudaya gukwayo Pilato ni myero gitur tyen dano ma gigurogi, gitergi woko, wek komgi pe ori i wi yat i ceŋ cabit, pien cabit meno en nino madit.
\v 32 Askari gubino, guturo tyen dano mukwoŋo, ki tyen dano me aryone ma ceŋ giguro kacel kwede;
\v 33 ento ka guo i kom Yecu, guneno ni doŋ otyeko to woko, ci pe dok guturo tyene.
\v 34 Ento ŋat acel i kin askari ocobo lakŋete ki toŋ; ci oyotoyot oa iye remo ki pii.
\v 35 ŋat ma ceŋ oneno obedo caden, lok ma en obolo tye ada, en ŋeyo ni ebolo lok ada, wek wun bene wuye.
\p
\v 36 Pien meno ducu otimme wek ginacoya ocobbe kakare, ni, “Cogone mo pe gibituro.”
\v 37 Dok dul ginacoya mukene owaco ni, “Gibineno ŋat ma gicobo.”
\p
\v 38 Ka man otum, Yucepu me Arimataya, ma onoŋo en lapwonnye pa Yecu, ento i muŋ, pi lworo Lujudaya, olego Pilato ni myero eter kom Yecu; ci Pilato oye. Obino, otero kome.
\v 39 Nikodemo bene, ma yam ocito bot Yecu dyewor, obino kun okelo murra ma girubo ki atakarac, ma pekke mito romo ratili miya.
\v 40 Gutero kom Yecu, guboyo ki boŋo camanini, kacel ki aŋwece, macalo kit me yik pa Lujudaya tye.
\v 41 Ka ma gigure iye onoŋo tye poto, i poto meno onoŋo tye iye lyel manyen ka ma yam peya giyiko iye ŋat mo.
\v 42 Pi ceŋ me Yubbe pa Lujudaya, dok pien lyel meno obedo cok, omiyo giyiko Yecu kunnu.
\c 20
\cl Chura  20
\p
\v 1 I nino mukwoŋo me cabit, Maliam Lamagdala opuk i lyel odiko con ma piny pud col oneno ni gikwanyo got woko ki i dog lyel.
\v 2 En oriŋo, ocito bot Cimon Petero, ki bot lapwonnye meno mukene ma Yecu maro, otittigi ni, “Gikwanyo Rwot woko ki i lyel, pe waŋeyo ka ma gikete iye.”
\p
\v 3 Petero ki lapwonnye meno mukene gumako yo, gucito i lyel.
\v 4 Gin aryo ducu guriŋo kacel, lapwonnye meno oyomo Petero ki ŋwec, okwoŋo o i lyel.
\v 5 Oguŋo, oŋiyo iye, oneno boŋŋi camanini ma giboye kwede gudoŋ kakare; ento pe odonyo iye.
\p
\v 6 Cimon Petero obino kun lube, odonyo i lyel, oneno boŋŋi camanini gudoŋ kakare,
\v 7 ki kitambara ma ceŋ tye i wiye, pe tye kacel ki boŋŋi camanini, ento odolle, tye kene pat.
\v 8 Lacen lapwonnye meno mukene ma okwoŋo o i lyel bene odonyo iye; oneno, ci oye.
\v 9 Pien ceŋ peya giniaŋ ginacoya, ni myerone ocer ki i kin jo muto.
\p
\v 10 Lupwonnye meno gudok paco.
\v 11 Ento Maliam ocuŋ i ŋet lyel kun kok; ka tye ka koko, ci oguŋo, oŋiyo i lyel.
\v 12 Oneno lumalaika aryo ma rukgi tar, kun gubedo ka ma gipyelo kom Yecu iye, acel tuŋ wiye, acel tuŋ tyene.
\p
\v 13 Gupenye ni, “Dako, ikok piŋo?” Odok iye ki gin ni, “Gikwanyo Rwoda woko, pe aŋeyo ka ma gikete iye.”
\v 14 Ka doŋ oloko lok man, ci olokke, oneno Yecu kun ocuŋ i ŋeye, ento pe oŋeyo ni en Yecu.
\q
\v 15 Yecu openye ni, “Dako, ikok piŋo? Iyenyo aŋa?” Otamo ni gwok nyo en lapur-poto, owacce ni, “Ladit, ka in aye itere, titta ka ma ikete iye, wek acikwanye.”
\p
\v 16 Yecu olwoŋe ni, “Maliam.” En olokke, owacce i leb Ibru ni, “Rabboni!” ma te lokke ni, Lapwony.
\q
\v 17 Yecu owacce ni, “Wek maka, pien peya acito bot Won. Ento cit bot utmega, itittigi ni, acito bot Wora ki bot Wonwu, bot Lubaŋa na ki bot Lubaŋawu.”
\q
\v 18 Maliam Lamagdala ocito, owaco bot lupwonnye ni. “Aneno Rwot”; otittigi ni en owaco lok man bote.
\p
\v 19 Otyeno me nino meno, ma en nino mukwoŋo me cabit, ma kun gicego doggola ka ma lupwonnye gucokke iye, pi lworo Lujudaya, Yecu obino, ocuŋ i dyegi, owaco ki gin ni, “Kuc obed botwu.”
\v 20 Ka owaco lok man, ci onyuttigi ciŋe ki lakŋete. Lupwonnye cwinygi obedo yom ka guneno Rwot.
\p
\v 21 Yecu dok owaco ki gin ni, “Kuc obed botwu. Macalo Won ceŋ oora, an bene aorowu.”
\v 22 Ka en owaco man, ci oywe i komgi, owaco ki gin ni, “Wugam Cwiny Maleŋ.
\v 23 Ka wugonyo bal pa ŋat mo, ci doŋ gigonyo; ka pe wugonyo bal pa ŋat mo, ci doŋ pe gigonyo.”
\p
\v 24 Tomaci, ŋat acel i kin jo apar wiye aryo, ma gilwoŋo ni Baŋi, onoŋo pe botgi i kare ma Yecu obino.
\v 25 Lupwonnye mukene gutitte ni, “Waneno Rwot.” Ento en odok iye ki gin ni, “Ka pe aneno poyo me cumar i ciŋe, ki keto nyig ciŋa i waŋ poyo me cumar, ki keto ciŋa i lakŋete, pe abiye kadi matidi mo.”
\p
\v 26 Ka nino aboro okato, lupwonnyene doki gubedo i ot, Tomaci bene onoŋo tye kwedgi. Onoŋo gucego doggola, ento Yecu obino, ocuŋ i dyegi, owaco ni, “Kuc obed botwu.”
\q
\v 27 Lacen owaco bot Tomaci ni, “Cwal nyig ciŋi kany, inen ciŋa; rye ciŋi, iket i lakŋeta; iwek bedo ma pe iye, ento ma ye.”
\q
\v 28 Tomaci ogamo ni, “In i Rwoda ki Lubaŋana”
\v 29 Yecu openye ni, “Pien inena omiyo iye? Tye ki gum dano ma pe guneno, ma guye.”
\p
\v 30 Yecu otiyo lanyut mapol i nyim lupwonnyene, ma pe gicoyogi i buk man.
\v 31 Ento magi gicoyo wek wuye ni, Yecu en Kricito ma Lubaŋa oyero, Wod pa Lubaŋa, ci ka wuye, wek wubed ki kwo i nyiŋe.
\c 21
\cl Chura  21
\p
\v 1 Ka man otum, Yecu dok onyutte bot lupwonnyene i dog nam Tiberia, onyutte kit man.
\v 2 Cimon Petero, Tomaci ma gilwoŋo ni Baŋi, Natanael me Kana me Galilaya, litino pa Jebedayo ki jo aryo mukene i kin lupwonnyene onoŋo gitye kacel.
\v 3 Cimon Petero owaco ki gin ni, “Acito ka mako rec.” Gugamo doge ni, “Wan wacito kwedi.” Gucito, gudonyo i yeya; ento i dyewor meno pe gumako gin mo.
\p
\v 4 Ka piny pud oru aruya, Yecu ocuŋ i wi tera, ento lupwonnyene pe giŋeyo ni en Yecu.
\q
\v 5 Yecu openyogi ni, “Litino, wunoŋo dek mo twal?” Gudokke iye ni, “Pe.”
\q
\v 6 En owaccigi ni, “Wubol obwo tuŋ malacuc me yeya. ci wubinoŋo.” Gubolo, tiŋo obwo oŋayogi pi pol rec.
\v 7 Lapwonnye meno ma Yecu maro owaco ki petero ni, “Meno Rwot!” Ka Cimon Petero owinyo ni meno Rwot, oruko boŋŋine, pien onoŋo ogonyogi woko pi tic, okworre i nam.
\v 8 Ento lupwonnye mukene gubino i yeya, kun giywayo obwo ma opoŋ ki rec, pien onoŋo pe gibor ki wi tera, mito romo tyen miya acel.
\v 9 Ka doŋ gukatti woko i wi tera, guneno mac miri kunnu, ma giketo rec i wiye, ki mugati.
\p
\v 10 Yecu owaccigi ni, “Wukel rec mogo ma pud wumako amaka-ni.”
\v 11 Cimon Petero oito i yeya, oywayo obwo, okelo i wi tera, kun opoŋ ki rec madito, miya acel ki pyerabic wiye adek. Kadi bed gipol ento obwo pe oyec.
\p
\v 12 Yecu owaccigi ni, “Wubin ka cam.” Pe tye ŋat mo i kin lupwonnye ma odiyo cwinye me penye ni, “In aŋa?” Pien giŋeyo ni en Rwot.
\v 13 Yecu obino, okwanyo mugati, opokkigi, ki rec bene kit meno.
\v 14 Man doŋ tyen me adekke ma Yecu onyutte kwede bot lupwonnyene, ma doŋ en ocer ki i kin jo muto.
\p
\v 15 Ka doŋ gicamo otum, Yecu openyo Cimon Petero ni, “Cimon wod pa Jon, in imara makato jo-ni?” En ogamo ni, “Iyo, Rwot, in iŋeyo an amari.” Ocike ni, “Kwa litino romina.”
\p
\v 16 Openye tyen me aryo ni, “Cimon wod pa Jon, in imara?” En ogamo ni, “Iyo Rwot, in iŋeyo an amari.” Ocike ni, “Gwok romina.”
\p
\v 17 Dok openye tyen me adekke ni, “Cimon wod pa Jon, in imara?” Petero okumo pien openye tyen me adekke ni, “Imara?” Owacce ni, “Rwot, in iŋeyo jami ducu; in iŋeyo an amari.” Yecu ocike ni, “Kwa romina.
\p
\v 18 Adada awacci ni, ka ceŋ in pud awobi, itweyo boŋoni keni, iwoto ka ma imito; ento ka doŋ iti, ibiryeyo badi, ci ŋat mukene bitweni boŋoni, biteri ka ma pe imito.”
\v 19 Owaco man pi nyuto kit to ma en biketo kwede deyo i kom Lubaŋa. Ka oloko lok man, owacce ni, “Luba.”
\p
\v 20 Petero olokke, oneno lapwonnye meno ma Yecu maro kun lubogi, en aye ŋat ma ceŋ ojeŋŋe i kor Yecu i dog cam me otyeno, ma owaco ni, “Rwot, aŋa ma bidobi?”
\v 21 Ka Petero onene, openyo Yecu ni, “Rwot, danoni kono?”
\p
\v 22 Yecu owacce ni, “Ka amito ni en ori nio ka abidwogo, ilaro aŋo iye? In luba.”
\v 23 Lok man oywek i kin utmego, ni lapwonnye man pe bito; ento Yecu ceŋ pe owaco ni en pe bito, ento ni, “Ka amito ni en ori nio ka abidwogo, ilaro aŋo iye?”
\p
\v 24 Man aye lapwonnye ma obedo caden i kom lok magi, dok ocoyogi; wan bene waŋeyo ni lok ma en obolo obedo ada.
\p
\v 25 Tye bene gin mukene mapol ma Yecu otiyo; ka kono gicoyogi ki acel acel, atamo ni kadi lobo kulu pe twero romo buk ma gicoyo.