Mon Apr 25 2022 22:09:54 GMT+1000 (AUS Eastern Standard Time)

01/01.txt

@@ -0,0 +1 @@
+\v 1 Garam santan ginungk gihahar gum mimungk mi wasak i agi. \v 2 Kurinai ginungk gaguria i maran gan i wa mangamangan nanai nungk kas ayang marasamub. Garam aus arunanai garam guzun Anutu gan, hin kurinai gikab gagaik anai wat agai. \v 3 Gisunanai hin zi ginang gum i yaguri simpim, i gagaik anai hugun gan hin zi yahahar simpim gisu nungk kas wah marasamub, hin zi yakab wat agam kuri garam mimungk Tiofilas. \v 4 Zi ginang gisunanai i agu yaku wayant mimungk i wa mangamangan agu nang ayang anai, nanai nizun bingan.

01/05.txt

@@ -0,0 +1 @@
+\v 5 Gubuak Herot an mpai King Judia  gan, pris basinta gimpai bingan gan Sakaraia, kuri Abaisa gan. Ingian gan bingan gan Elisabet hin a kuri gan Eron. \v 6 Kurinai garagia hup Anutu gan, hin kurinai gimpai mimungk i Anutu maran gan. \v 7 Kurinai gariak an mia i ausa, Elisabet ma gikab gariak amuk. Hin kurinai ru gimugui.

01/08.txt

@@ -0,0 +1 @@
+\v 8 Huguan mangan kuri Sakaraia gan giha ginang gum pris, hin Sakarai gua giha ginang gum pris i Anutu maran gan. \v 9 Kurinai gipaip satu gini yaguria wia pris nizun a yakatang yaha Ramangk tagur an hin yakati wa mangamangan kab guin mimungk. Hin a i nangku raham  arunanai tak kurinai gikab Sakaraia. \v 10 Ingka Sakaraia gikati wa mangamangan  i yakab guin mimungk, garam sagat santan giba gimpai tagur  masiahuan Garam Raham gan hin giyu.

01/11.txt

@@ -0,0 +1 @@
+\v 11 Ingka hangira Garam Raham gan gikas in gimunti bangkian yami alta ganai an, yangan yakab zah guhin mimunk. \v 12 Sakaraia giguria hangira, ingka gikutumirun in guan ayang raham giba ya. \v 13 Ingka hangira gini wat, "Sakaraia, wangkit i guan ayang, i ausa Anutu giyangwa agu yiu gayang gam. Agu hingyan gam Elisabet yakab gariak marub mangan. In agu yani i bingan gan Jon.

01/14.txt

@@ -0,0 +1 @@
+\v 14 Agu sampam gam nami mimunk arumangan,in garam sagat santan aua yasaikamp i gariyak kasayang. \v 15 I ausa, yaku bingan raham i Anutu maran gan. Ma ginum wain o pui bumurr ,yahuwank i rinan gan i mpai rinan gan sampan.

01/16.txt

@@ -0,0 +1 @@
+\v 16 Yakab garam sagat santan Israel yatirak mais kurinai gan in yaragi Anutu. \v 17 Bumurr gan gisu profet Elaisa in yanunk i Ramank. Yakab Raman wat Gariak yampai sampan basinta, in yakab garam sagat ring hayang i hup Anutu gan, yaku wayant mimunk in nanang mimunk yasu garam sagat mimunk. Yakab garam sagat yampai yaharui Ramank bagayang gan."

01/18.txt

@@ -0,0 +1 @@
+\v 18 Sakaraia gini wat hangira, "Gisu ausa  gin a izii wayant yayurr hup agu niya gayang anai yangan nizun a?  Izii tugi mugui in izii hinian gank aua tugi mugui." \v 19 Hangira gisuntai gin i hupan ubwa zua, Izii Gabriel, zii garam munti Anutu maran gan. In zii giba i yani hup mimunk wat agua. \v 20 Hup izii gini wat agua yangan yakas ayang i Anutu gubuak gan kab ayang, in agu ma gikab sampan i hup zii niya gayang anai amuk. Gisunanai in agu yangan mubaba agu ma yani hup amuk, yasank agu gariak gam yakas ayang."

01/21.txt

@@ -0,0 +1 @@
+\v 21 Garam sagat giharui Sakaraia bampampiar i yakas yaba pisit i Garam Raham tagur an. Hin kurinai wayant rugarugan i ausa, gimpai bampampiar i tagur wasak. \v 22 Gingan Sakaraia gikas giba hin ma giba gini hup wat kurinai amuk i ausa, muan barabin. Giba gin gahangkai bangkian tak i wa mangamangan kas ayang anai. Hin garam sagat ginibi guri sint i mpai tagur wasak Garam Raham gan. \v 23 Gubuak Sakaraia nang gum pris i Garam Raham tagur an gisa  hin giha i tagur an zua.

01/24.txt

@@ -0,0 +1 @@
+\v 24 Gingan huguan mangan wah manga-mangan anai gikas, hinian  Elisabet ku sampan i ikap 5pla giguap angku tak. \v 25 Elisabet hiniah, "Ramank sampan nhu i zii in gikab zii sampan gisunanai i yakuis rinimaik i zii i garam sagat maran gan."

01/26.txt

@@ -0,0 +1 @@
+\v 26 I ikap 6pla Elisabet gisu sampan, Anutu gigasi hangira Gabrel giha taun Nasaret, taun anai gimi taun raham Galili. \v 27 Gihan ini yani hup wat sagat inam mangan kuri maran rarab ayang i yahai Josep, kuri  King Devit han. In kurihinam anai bingan gan Maria. \v 28 Ingka hangira gihai i Maria in ginia, "Gubuak, Anutu gimpai wat agua in ginang mimunk i agua in gimari agua." \v 29 In Maria wayant ruga-rugan, hup suaus anai ah Maria giyangua.

01/30.txt

@@ -0,0 +1 @@
+\v 30 Hangira gini wat, "Nangkit i guan ayang, Maria, Anutu sampan mimunk i agua. \v 31 Agu yaku sampan in yaku gariak marub mangan, in wani i bingan gan "Yisu." \v 32 Yampai yasu Garam Raham, hin kuri yani gariak Anutu gan wagunk nizun. In yasu rumpun gan Devit. \v 33 Yampai yasu King i Jekop kuri gan han ayang. In ma ya zugub ayang amuk."

01/34.txt

@@ -0,0 +1 @@
+\v 34 Hin Maria gini wat angira gisu ni, "Wa mangamangan anai yakas yasu angka, zi kurihinam hin zi ma wat garam giangk ayang amuk?" \v 35 Angira gisungkai hup hin gini wat, "Marapayam yaba i agua hin bumur Anutu gan yampu agu sib. Hin gariak agu kua gayang, yampai pisit hin kuri yani gariak Anutu gan."

01/36.txt

@@ -0,0 +1 @@
+\v 36 Wayangua, agu gayang gam Elisabet tugimugui, ingka yangan sampan hin yaku gariak marub. Tugimpai ikap 6-pla, sagat arunai garam sagat ginibi ma yaku gariak amuk. \v 37 Wa mangamangan gan, "ma barabin i Anutu nang ayang amuk." \v 38 Maria ginia, "Ingka, zi sagat guzun Garam Raham gan, wakab i nakas izi yasu agu nia gayang." Ingka angira gizagari gin hin gihan.

01/39.txt

@@ -0,0 +1 @@
+\v 39 Ingka i hanayang gan arunanai, Maria gimunti hin gihan gahigun i parat ngaring i taun raham Judia. \v 40 Ingka giha gikas i taun raham Judia, gihai Sakaraia tagur an hin gini gubuak wat Elisabet. \v 41 Gariak gikatuab Elisabet sampan gan, Elisabet giyangua gubuak Maria nia gayang. Marapayam giwangk i Elisabet, hin gisapi Anutu bingan gan.

01/42.txt

@@ -0,0 +1 @@
+\v 42 Gikumpai kayak ayang in ginia, "Anutu yamar i agua, yakab mimunk wat agua yanus mimunk kab wat sagat hiruk, in yamari agua gariak kua gayang. \v 43 Izii wiyah in Garam Raham rinan gan giba izii. \v 44 Wayangua, gariak giyank zii sampank gikatuab i yangu agu ni gubuak. \v 45 Waku sanpan mimunk i ausa, agu gikab sampan i wah mangan Garam Raham  ni wat agua yaks nizun."

01/46.txt

@@ -0,0 +1 @@
+\v 46 Maria ginia, "Zii ganun gank sampan gank gisapi Anutu bingan gan. \v 47 In izii ganun gank sampan mimunk nizun i Anutu mari izii.

01/48.txt

@@ -0,0 +1 @@
+\v 48 Zii sagat gab a gum mangan ka zii bingan gank miya, ina ma maran gisim izii gamuk. I karunani  hanayang gan ka yaha huguan mangan gan, kuri yania, Anutu gimari zii ka gikab bangkian izii. \v 49 I ausa Anutu  bumur gan raham in ginang wah mangan i zii i bingan gan.

01/50.txt

@@ -0,0 +1 @@
+\v 50 Anutu gikab sampan i garam kab rungan ruk ayang, in mpai ragurun igin. In gikab sampan i garam sagat karunani gan, wat garam sagat ba tamur ayang aua. \v 51 Bankian gan aua bumur. Gisank i yatihub garamgaram sagat kab bingan gan yab ayang.

01/52.txt

@@ -0,0 +1 @@
+\v 52 Nanai gisangk yakuhis garam su  King i kurinai sia gan,ina gimari garam sagat garam ni mais igin. \v 53 In gikab ganang-kiruak mimunk wat garam sagat mpai marimp, ina gahukis garam rusuak i i ku sakuak  gihan, ka ma gikab wah mangan wat kurinai amuk.

01/54.txt

@@ -0,0 +1 @@
+\v 54 Gimari kuri Israil, garam sagat an gab i gum gan. \v 55 Gubuak mamuan, nungk gini hup i yamari kurinai. Gisunanai hin giragia hup an ru nia gayang anai, hin gikab sampan i Abraham wat gariak was an kab ayang i sampan gan wat karuni ka i gubuak mangan awah.

01/56.txt

@@ -0,0 +1 @@
+\v 56 Maria gimpai ikap irukangkua basinta wat Elisabet, ingka gingkiti gin hin giha parat an zua. \v 57 Gubuak Elisabet an i yaku gariak hin gikab gariak marub. \v 58 Elisabet nirunirungk an iruk wat gayan was an giyangua gisu ni, Garam Raham gimari gin hin kurinai sampan mimungk i Elisabet.

01/59.txt

@@ -0,0 +1 @@
+\v 59 I gubuak 8, kurinai giku gariak gihan i yagumam i rinim. Garam sagat wia nungk wangk ayang i gubuak karunanai, gini yakab bingan Sakaraia i gariak karunai i yasu ramangk an harangan gan. \v 60 Ingka gariak karunai rinangk an ginia "Mia, bingan gan, Jon." \v 61 Hin kurinai gini wat, "I agam buik am bingan aru Jon ni mia."

01/62.txt

@@ -0,0 +1 @@
+\v 62 Kurinai gini hup hin gakangkai bangkian wat i ramangk gan, hin gakantui gin i bingan ausa i yakab i gariak gan. \v 63 Hin gini wat kurinai yakab wa mangan i yahahar yah. Ingka kurinai gikab wat, gihahar gisu ni, "Gariak bingan gan Jon." Kurinai girarab hin gakutamirun.

01/64.txt

@@ -0,0 +1 @@
+\v 64 Gahigut arutak, Sakaraia garat gizah hin gini hup zua hin gisapi Anutu bingan. \v 65 Kuri mpai simpingk, gakutamirun i wa mangamangan Anutu nang i Sakaraia. Kurinai giha gini wat kuri hiruk i wa mangamangan rarab ayang, hin hup karunai gizarang giha parat ngaring Judia gan. \v 66 Kuri wia yangu hup arunai, kurinai gigab raguan i sampan gan hin ginia, "Ausa yakas i gariak aru gabu, i gubuak suraham gan?" I ausa Anutu bangkian gan gimi yah.

01/67.txt

@@ -0,0 +1 @@
+\v 67 Marapayam gimi i Sakaraia hin gipis nan gisu profet hin ginia, \v 68 "Nasapi Garam Raham bingan gan, Anutu Israil an. I giba gini yakab agai garam sagat  gan yampai pisit."

01/69.txt

@@ -0,0 +1 @@
+\v 69 Gikab kuri mangan i King Devit kuri gan giba i agai, hin bumur an yakab agai yampai mimungk. \v 70 Profet Anutu gan nungk gini hup ram ayang i wa mangan anai yakas ayang. \v 71 Yaku agi pias i garam mais bangkian gan, wat garam bangkian gan nang mais i agi.

01/72.txt

@@ -0,0 +1 @@
+\v 72 Ginang gisu nanai i aus gikab sampan i agi rumpungk gangk hin maran gihuar hup nahu an, \v 73 nungk nang ayang wat agi ramangk gangk Abraham. \v 74 Anutu nungk gikab hup nahu i yaku agi pias i bangkian bumur kitamp hin wangkiti guan ayang i ismint i gin, \v 75 I mimungk arumangan i gin i agi mpaiyang gangk.

01/76.txt

@@ -0,0 +1 @@
+\v 76 Hin agua gariak izi gangk, yangan kuri yani agu maran Anutu gan wagungk nizun. Agu yanungk i Garam Raham hin yariri nangkuraham gan, wat garam sagat bagayang gan. \v 77 Hin agu yani wat garam sagat yasu nani, Anutu gini yasiat kurinai mais an hin giku kurinai zua.

01/78.txt

@@ -0,0 +1 @@
+\v 78 Anutu marampi gan i kurinai, hin yakab gubuak gan i yaba buamp i yamari agai, \v 79 hin yakab gubuak wat garam mpai kamikuan wat  garam mpai butua wat mamp ayang. Hin agi yabanua i nankuraham sampan nu ayang."

01/80.txt

@@ -0,0 +1 @@
+\v 80 Gingan gariak gisu raham hin ganun gan giku bumur. Giha gimpai parat mangan garam mami mpai yah, gimpai gisangk gubuak an pis nan wat kuri Israil gikas.

02/01.txt

@@ -0,0 +1 @@
+\v 1 I gubuak arunanai, Sisa Ogastus gikab lo mangan gisu garam sagat mpai ragurun i Roman gavman yakab bingan kurinai gan. \v 2 Nanai gubuak marasamub i yaku garam sagat guzun sib, karunanai gikas i gubuak Kwarinias mpai gavana provins Siria gan. \v 3 Gisunanai ka basnta-sinta yaha i parat kintamp kurinai gan i yakab bingan.

02/04.txt

@@ -0,0 +1 @@
+\v 4 Josep anai kuri gan King Devit kuri gan anai, gisunai ka i girit i taun Nasaret i Galili ka giha Judia i Devit taun gan, bingan gan Betlihem. \v 5 Wat Maria gihan i yakab bingan. Maria gawangkun, sagat arunanai kuri gikab i yahuarr ayang.

02/06.txt

@@ -0,0 +1 @@
+\v 6 Gubuak kurinai gikas Betlihem, Mria gubuak gan i yaku gariak gikas. \v 7 Tagurr garam bagigiangk yah gihuangk sib ka rum miya gisunanai ka kurinai giha gigiangk tagurr bulmakau gan, ka i gkiu gariak marub marasamub gan, i gi hangka sib i buru  ka i gikab i giha wasak i bokis nam bulmakau gan.

02/08.txt

@@ -0,0 +1 @@
+\v 8 I mikuan arunanai, garam kab maran i sipsip rugigab maran i sipsip i taun Betlihem parat gan. \v 9 Hangira mangan gikas i kurinai, na pisit Anutu glori gan gihangka kurinai, ka kurinai giguan nizun.

02/10.txt

@@ -0,0 +1 @@
+\v 10 Ka hangira gini wat kurinai, "Agam wangkit i guan ayang, zii giku hup mimungk giba agam in ka hup arunanai yakab sampan nu ayang nizun wat garam sagat santan." \v 11 Karunani i gubuak arunanai i devit taun gan, sagat mangan giku gariak. Gariak arunanai yaku garam sagat santan zua. Nanai garam Raham Kirisi!

02/12.txt

@@ -0,0 +1 @@
+\v 12 Agam maran yararab nizun yasunani. Gariak mangan kuri giharu wat buru in gigiangk i humm gayah

02/13.txt

@@ -0,0 +1 @@
+\v 13 Bisab tak garam-ragiab santan gan-hungkun gan giba in gimpai wat hangira arunanai ka gisapi Anutu bingan gan giha wagaungk in ginia, \v 14 "Gisapi Anutu bingan gan wagungk nizun, ka kintamp garam sagat yampai sampan nuayang, Anutu sampan mimungk i kurinai."

02/15.txt

@@ -0,0 +1 @@
+\v 15 Gubuak hangira gingkit i kurinai ka giha ganhunkun, kuri kaping sipsip ginya, "Nahan agi naha Beylihem ka agi naha nararab aus naya gikas, i Garam Raham gini wat agi igin." \v 16 Kurinai gihan gahigun i yararab Maria wat Yusip, ka kurinai gararab gariak narun gigiangk hum ganang kiruak gan gah yah.

02/17.txt

@@ -0,0 +1 @@
+\v 17 Gubuak kurinai rurarab ayang arunai, kurinai gini harab i wah suaus hangira gini wat kurinai i gariak arunanai.  \v 18  Ka garamsagat gayangua hup suaus garam kaping sipsip niya gayang, kuriinai wayant marikum. \v 19 Ina Maria gikab hup anai sib i sampan gan ingka maran rugihuarr. \v 20 Kuri kaping sipsip giha zua, ka kurinai gisapi Anutu bingan gan i wah suaus kurinai rarab ayang ka yangua gayang. Wah manga-mangan gikas gisu hangira niya wat kurinai.

02/21.txt

@@ -0,0 +1 @@
+\v 21 I gubuak 8-pela kiurikian gan i rinangk kua gayang, kurinai gagumam i rinin, ka gini i bingan gan Yisu. Bingan arunanai hangira gikab wat i gubuak rinan gan mami ku sampan.

02/22.txt

@@ -0,0 +1 @@
+\v 22 Gubuak yasu hak i Anutu maran gan rugizama, gisu Moses niya gayang. Ka Maria wat Yusip giku gariak giha tagurr sunta i Jerusalem i yakab wat Garam Raham.\v 23 Kurinai giragi hup  guzu-gayang gisu Garam Raham niya wat kurinai, "Gariak marasamub sib rinan kua gayang kurinai nakab i naha Garam Raham." \v 24 Kurinai gikab pumu ka giragi gisu hup-guzu-gayang Garam Raham gan niya gayang, "Gikab buirr hirukangkkua gisu pumu."

02/25.txt

@@ -0,0 +1 @@
+\v 25 I gubuak arunanai garam mangan gimpai Jerusalem, bingan gan Simion, ka garam arunanai gigab kandaham mimungk ka gihis mint i Anutu. Nanai giharrwi garam Anutu gikab ayang i yakab sampan mimungk i kuri Israel. Ka marapayam gimpai wat kurinai. \v 26 Hangira rugini wat gisunanai, i ma yamamp ayang yah higun ayang amuk. Miya, i yararab Garam Raham Kirisi gin.

02/27.txt

@@ -0,0 +1 @@
+\v 27 Hangira gitak i Simion ka i giha wasak i tagurr sunta. Ramangk wat rinangk gariak Yisu gan giku Yisu gihan gisu hup-guzu gayang gisu Moses niya gayang. \v 28 Ka Simion gikua in gigab i bangkian gan ka gisapi Anutu bingan gan, Ka gini gisunani, \v 29 "Garam Raham karuni agu yakab garam gab agu gum gam yaha wat sampan nuayang, gisu agu hup gam niya gayang.

02/30.txt

@@ -0,0 +1 @@
+\v 30 Karuni zii maran gangk girarab wah agu gini gab ayang i yaku agai zua, \v 31 Agu rugimarigin i garam sagat maran gan. \v 32 Pisit mangan giba gini hup gwap ayang harab wat garam-sagat, ka i yakab bingan raham i Israel, nanai garaam-sagat agu gam.

02/33.txt

@@ -0,0 +1 @@
+\v 33 Ramangk rinangk gariak anai gan wayant marikum i hup suaus kurinai yangua gayang. \v 34 Simion gikab hup bumurr mimungk wat ka gini wat Maria rinan gan ka gariak gan, "Wayangua,gariak arunanai Anutu nungk gikab i garam sagat santan Israel yapuruk ayang ka santan yatak hirun zua. Nanai yakas yasu nangkias mangan garam sagat ma gikab nuguan igin amuk. Ka wayant gwap ayang garam sagat santan yakas pisi-payat. \v 35 Ka agu yaku barabin mangan raham nizun, gisu bungak maran pua gayang in gigumam i ganun gan.

02/36.txt

@@ -0,0 +1 @@
+\v 36 Sagat profet mangan bingan gan Ana gawa rugimpai. Nanai gari-kinam Panuel gan i kuri Asa. Nanai mugui nizun. Nanai nungk gisu gabuan ka gimpai 7-pela krisimas wat gabuan gan. \v 37 Ka i gimpai gisu sagat gabuan rumamp ayang ka gimpai 84-krisimas giha yah. Ana ma gingkit i tagurr sunta gamuk, i gini-ni miya i ganangkiruak ka giyu, i mikuan wat gubuak. \v 38 I gubuak arunanai Ana giba simpingk i gariak ka gikab sampan nuh ayang(tenkiu) wat Anutu, ka i gini gariak arunanai hup harab wat garam sagat harrwi Anutu yaku garam sagat Jerusalem.

02/39.txt

@@ -0,0 +1 @@
+\v 39 Gubuak kurinai nang wah manga-mangan sib gisu hup haru gayang Garam Raham niya gayang, kurinai giha zua i Galili, i Nasaret anai kurinai taun gan. \v 40 Ka gariak gisu raham ka giku bumurr. Ka giku wayant mimungk ingka sampan nu-ayang(marimari) Anutu gan gimi wat.

02/41.txt

@@ -0,0 +1 @@
+\v 41 I krisimas mai-maik ramangk rinangk giku Yisu giha Jerusalem i yararab gubuak raham passova gan. \v 42 I gubuak Yisu gisu krisimas 12-pela, kurinai garagi hup haru gayang i huank ayang ka kurinai gitip giha Jerusalem zua. \v 43 Gubuak raham mint gan sah ayang ka kurinai gitipm giha parat gan zua. Ina kuri samuak arunai gitip gimpai zua i Jerusalem, ka ramangk rinangk gan ma girarab gisu i mpai ayang amuk. \v 44 Kurinai ginibi i banu wat kuri hiruk gan wat bagayang rugubuak mangan gihan. Gingan kurinai gisurigin gin wasak i kurinai gan.

02/45.txt

@@ -0,0 +1 @@
+\v 45 Ina kurinai ma girarab amuk. Ka kurinai gigarrwi gin giha Jerusalem zua. \v 46 Tamurr i gubuak hirukangkua-basinta,  kurinai  gingan gararab wasak i tagurr sunta. I gimpai wasak wat kidungwaga haru-hup gan ingka gayangu kurinai hup gan ingka gakantui kurinai awa. \v 47 Kuri gayangua, ka gikutamirun igin i wayant gan ka hup gan niya wat kurinai awa.

02/48.txt

@@ -0,0 +1 @@
+\v 48 Kurinai hirukangkua girarab in gakutamirun igin. Rinangk gan gini gisunani, "Gariak, gisu aus in agu gikab agai gagarrwi agua gah? Ka gini wat wayangua, idzii wat agu ramangk gam gigarrwi agu in agai sampangk gangk barabin i garrwi agua. " \v 49 Ina Yisu gasuntai i ramangk rinangk gan hup, " Gisu aus in agam rugigarrwi zii? Agam wayant ma gararab amuk, gisu izii yampai ramangk gangk tagurr gan? " \v 50 Ina kurinai hirukangkua ma giku hup ram-ayang anai hugun gan i wayant amuk   i hup igan i suntai gin wat kurinai.

02/51.txt

@@ -0,0 +1 @@
+\v 51 I giha wat kurinai i Nasaret zua, ka gayangua ka garagi kurinai hup gan. Rinangk gan gigab hup arunanai simpim i sampan gan. \v 52 Ka Yisu gisu raham wat wayant mimungk. Ka Anutu gikab nuguan nizun igin ka garam sagat awa gikab nuguan yah.

02/title.txt

@@ -1 +1,5 @@
+<<<<<<< HEAD
 Nangkias 2
+=======
+Guzun 2
+>>>>>>> 5e1926faeba8f46424c94c80fa2c8f3ad929b7a7

03/01.txt

@@ -0,0 +1 @@
+\v 1 I 15 krisimaas Sisa Tiberius mpai su king. Pointius Pailet gimpai gisu gavana i distrik Judia gan, ka Herod gimpai gisu guzun Galili gan, ka raingk gan Pilip gimpai guzun Ituria wat Trakonitis. Ka Lisanias gimpa gisu guzun Abilene gan. \v 2 Gubuak Anas wat Kaiafas mpai hetpris, hup Anutu gan giba i Jon gariak Sekeraia  gan i para-miya.

03/03.txt

@@ -0,0 +1 @@
+\v 3 Gisunanai ka i giha distrik gimi pui Joden, ka gini hup harab i garam sagat yangkit i kandaham gan mais ka nani hup maragayab ka naku mpururub yangan Anutu yahukis mais pias sib i kurinai.

03/04.txt

@@ -0,0 +1 @@
+\v 4 Gisu arunanai gimi mamin sap profet Aisaia gan, "Garat mangan gakayak bumurr i parat garam miya." Namari nangkuraham Garam Raham gan, namari kandaham nasu surung.

03/05.txt

@@ -0,0 +1 @@
+\v 5 Natihun parat su masamp, Ka nagumpa ngaring naruk. Ka namari nangkuraham surankink, ka namari kandaham i parat mais. \v 6 Ka garam sagat sib yararab gum Anutu gab ayang i kua agi. "

03/07.txt

@@ -0,0 +1 @@
+\v 7 Garam sagat santan giba i Jon i yakab mpururub i kurinai ka i gini wat kurinai gisunani, agam kamak mais gariak gan! Wiya gini wat agam gisunanai ah, Anutu nuguan mais i agam ka yasu mais i agam ka yawaya agam. Ka agam gini yaruant i barabin arunanai ka yakatuab i barabin arunanai?

03/08.txt

@@ -0,0 +1 @@
+\v 8 Agam wani sampan barabin gam harab ka wani maragayab i sampan barabin agam gam ka agam wangkit i niya sunai, 'Abraham anai ramangk agai gam, 'Nizun zii gini wat agam, Anutu gigab bumurr i nakab sakuak yasu gariak Abraham gan.

03/09.txt

@@ -0,0 +1 @@
+\v 9 Jazun rugimi gai hugun. ini mami gai mangan mami gap mimungk, gai garr arunanai, ingka kurinai yaraya gai arunanai ka narim i naha bui zarh.

03/10.txt

@@ -0,0 +1 @@
+\v 10 "Ka garam sagat gayangu hup suaus Jon niya gayang ka kurinai rugakantui gin, agai yanga wah? " \v 11 I gisuntai i kurinai hup gisuani, "Ini garam mangan gab buru hirukangkua, nanai yasangk wat garam mami gab buru mangan. Ka garam mangan ini gab nam santan, nanai  nasangk wat garam nam mangan nam gan miya."

03/12.txt

@@ -0,0 +1 @@
+\v 12 Kuri ku sakuak giba i Jon i yaku mpururub, ingka kurinai gikantui gin, "Kidungwaga, agai yanga wah, " \v 13 Ka Jon gini wat kurinai, "Agam wangkit i ku sakuak santan, agam waku wasangk  sisa niya gayang."

03/14.txt

@@ -0,0 +1 @@
+\v 14 Ka garam-ragiab hiruk gakantui gin, "Ka gisu aus i agai? Agai yanga wah? Ka i gasuntai kurinai hup gan zua, "Agam wangkit zuhup ayang kab garam hahup barabin ka rak igin i sakuak gan. Agam wayant wasunani, "Sakuak hurawa agam kua gayang nanai rugisangk agam karunbanai."

03/15.txt

@@ -0,0 +1 @@
+\v 15 Garam sagat gayangu karunanai ka kurinai wayant marikum. Jon kirisi arunanai kuri gaharrwi gin i yaba gayang hahi. \v 16 Ina Jon gasuuntai i hup gisunani, "Zii girurubb agam i pui tak. Ina garam tamurr ayang, nanai gigab bumurr ginus zii bumurr gangk zua. Zii ma garam mimungk gisangk yatirak buak pias i hagarumpun gan amuk. Nanai yarurub agam i marapayam  wat zarh.

03/17.txt

@@ -0,0 +1 @@
+\v 17 I yaba wat saburr i bangkian gan i yasamu wit simpim ingka yakab i tagurr mpuak wit ya. Ina yakati kurukuan i zarh mami mamp ayang."

03/18.txt

@@ -0,0 +1 @@
+\v 18 Jon gini hup mimungk harab i garam-sagat  wat hup hiruk santan i yaku kurinai sampan i kurinai yazagari  kandaham mais gan. \v 19 Gubuak Jon gini Herot garam-guzun(gavana) kurinai gan. I ausa nanai giwarr Herodias rabuan gan inian, ka i kandaham mais hiruk Herot anai nang ayang awa. \v 20 Herot anai rungan ginang barabin hiruk awa, i gikab Jon i tagurr-barabin.

03/21.txt

@@ -0,0 +1 @@
+\v 21 Gubuak garam-sagat santan rugiku mpururub sib, Yisu gawa giku mpururub. Ka gubuak i rugiku mpururub ka i giyu ka gan-hungkun gakazai run. \v 22 Marapayam gikas  gisu gaziab mangan   kuri gini buirr giba gimpai yah. Ka kayak ayang mangan gimi ganhungkun giba gisunani, "Agua gariak idzii gangk wiya zii gikab nuguan tuguziab yah. Izii sampan gangk nuh ayang mimungk i agua.

03/23.txt

@@ -0,0 +1 @@
+\v 23 Gubuak Yesu nang mani,nanai Yesu krisimas an 30, garam sagat ginibi Josep gariak an, Josep panai Heli gariak an. \v 24 Heli ramangk gan Mathat. Ingka Mathat ramangk gan Livai. Ingka Livai ramangk gan Melki. Melki ramangk gan Janai. Janai ramangk gan Josep.

03/25.txt

@@ -0,0 +1 @@
+\v 25 Josep ramangk gan Matataias. Ingka Matataias ramangk gan Emos. Emos ramangk gan Naham. Ingka Naham ramangk gan Esli. Ingka Esli ramangk gan Nagai. \v 26 Nagai ramangk gan Mat. Ingka Mat ramangk gan Matataias. Ingka Matataias ramangk gan Semein. Ingka Semein ramangk gan Josek. Ingka Josek ramangk gan Joda.

03/27.txt

@@ -0,0 +1 @@
+\v 27 Ingka Joda ramangk gan Joanan. Ingka Joanan ramangk gan Resa. Ingka Resa ramangk gan Serubabel. Ingka Serubabel ramangk gan Salatiel. Ingka Salatiel ramangk gan Neri. \v 28 Ka Neri ramangk gan Melki. Ingka Melki ramangk gan Adi. Ingka Adi ramangk gan Kosam. Ingka Kosam ramangk gan Elmadam. Ingka Elmadam ramangk gan Er. Ingka Er ramangk gan Josua. \v 29 Josua ramangk gan Eliasa. Ingka Eliasa ramangk gan Jorim. Ingka Jorim ramangk gan Mathat. Ingka Mathat ramangk gan Livai.

03/30.txt

@@ -0,0 +1 @@
+\v 30 Livai ramangk gan Simion. Ingka Simion ramangk gan Juda. Ingka Juda ramangk gan Josep. Ingka Josep ramangk gan Jonam. Ingka Jonam ramangk gan Eliakim. \v 31 Eliakim ramangk gan Melia. Melia ramangk gan Mena. Ingka Mena ramangk gan Matata. Ingka Matata ramangk gan Natan. Ingka Natan ramangk gan Devit. \v 32 Ingka Devit ramangk gan Jesi. Ingka Jesi ramangk gan Obet. Ingka Obet ramangk gan Boas. Ingka Boas ramangk gan Salmon. Ingka Salmon ramangk gan Nason.

03/33.txt

@@ -0,0 +1 @@
+\v 33 Nason ramangk gan Aminadab. Ingka Aminadab ramangk gan Edmin. Ingka Edmin ramangk gan Ani. Ingka Ani ramangk gan Hesron. Ingka Hesron ramangk gan Peres. Ingka Peres ramangk Juda. \v 34 Juda ramangk gan Jekop. Ingka Jekop ramangk gan Aisak. Ingka Aisak ramangk gan Abraham. Ingka Abraham ramangk gan Tera. Ingka Tera ramangk gan Naho. \v 35 Naho ramangk gan Serug. Ingka Serug ramangk gan Reu. Ingka Reu ramangk gan Peleg. Ingka Peleg ramangk gan Ebe. Ingka Ebe ramangk gan Sila.

03/36.txt

@@ -0,0 +1 @@
+\v 36 Sila ramangk gan Kainan. Ingka Kainan ramangk gan Afaksad. Ingka Afaksad ramangk gan Sem. Ingka Sem ramangk gan Noa. Ingka Noa ramangk gan Lamek. \v 37 Lamek ramangk gan Metusela. Ingka Metusela ramangk gan Inok. Ingka Inok ramangk gan Jared. Ingka Jared ramangk gan Mahalalel. Ka Mahalalel ramangk gan Kenan. \v 38 Kenan ramangk gan Enos. Ingka Enos ramangk gan Set. Ingka Set ramangk gan Adam. Ka Adam ramangk gan Anutu.

03/title.txt

@@ -0,0 +1 @@
+Guzun 3

04/title.txt

@@ -1 +1,5 @@
+<<<<<<< HEAD
 Nankias 4
+=======
+Nangkias 4
+>>>>>>> 5e1926faeba8f46424c94c80fa2c8f3ad929b7a7

05/01.txt

@@ -0,0 +1 @@
+\v 1 Gubuak mangan, Yesu gamunti mpui raham gain Genesaret, o bingan mangan kuri gini Galili hin gikab hup wat garam sagat santan. \v 2 Ingka Yesu gararab bout irukangkua gimi mpui raham banging. Garam ku bipi gikab bout i nanai ka giha gakanuk haiquaing  gimpai. \v 3 Yesu giha gakatuab i bout mangan, nanai Saimon bout gan. Ingka Yesu gakantui gin ini yagisu bout yaha wasak bis, ingka i gimpai yah hin gikab hup wat garam sagat.

05/04.txt

@@ -0,0 +1 @@
+\v 4 Gubuak Yesu kab hup garam sagat zama gayang, nika gini wat Saimon, "Waku kambi waha opui ringkan in wakab haiquaing waruk i ku bipi." \v 5 Saimon gini wat zua, "Kidungwaga,agai ginang gum raham wat mikuan in agai ma giku bipi mangan amuk. Ingka zii yakab haiquaing gank yaruk pui yasu agu niya gayang." \v 6 Gubuak kurina sunanai, kurinai giku bipi santa-santan inka haiquaing ginni yakatik ayang. \v 7 Ingka kurinai gi kayak giha garam gan hiruk  mpai i bout mangan giba girim sib.Inka kambi hirukankua gipu giyab i bipi in gini yaruk pui gumpin.

05/08.txt

@@ -0,0 +1 @@
+\v 8 Gubuak Saimon Pita rarab sunanai, ga muruk Yesu in giniya, "Garam Raham, wankit i zii in wahan, izii garam mais mangan anai." \v 9 I ausa, wat garam gan tamur igin i ausa, Yesu ginang wahmanga-mangan rumanga-mangan zua. \v 10 Gihja gisu nanai wat garam hirukankua wat nang gum, Jems wat Jon, Sebedi gariak hirukankua. Yesu gini wat Saimon,"Wangkiti i guan ayang, ru agu yaku garam." \v 11 Kurinai gagikas hirun i banging, inka kurinai ginkiti i kambi wat wahmanga-mangan kurinai gimin ka gasantamp Yesu.

05/12.txt

@@ -0,0 +1 @@
+\v 12 Gubuak Yesu mpai wat garam parat mangan, garram mangan rinin tititink ga i rinin santan giba. Gubuak i rarab Yesu, gagantu haganugun hub, gikab guzun giruk kintamp in ga kantui Yesu, "Garam Raham, ini agu nuguan gam wamari zi nangan mimunk." \v 13 Ka Yesu gikab bankian hahuan ya ka giniya, karunai agu yampai mimunk." Inka gubuak bisinta tintink gazugub sibigin.

05/14.txt

@@ -0,0 +1 @@
+\v 14 Yesu gikab hup bumur wat, " Wangkiti ni wat garam mangan i wahmanga-mangan kas i agua, ka waha kapiri rungam wat garam guzun. Ka waha wakab pumua gayang gam yaasu hup Moses gan nia gayang. Nanai yasu kurinai bumur gan yarim kurinai sib."

05/15.txt

@@ -0,0 +1 @@
+\v 15 Inka, hup giha gipuk parat munka-munkak, ka garam sagat giba i Yesu i yayangu i hup gan, ka yamari kurimai rinimais gan. \v 16 Ka gubuak Yesu ginkiti kurinai ka giha parat kuri mami mpai ya i ya yu gayang.

05/17.txt

@@ -0,0 +1 @@
+\v 17 Ka guak mangan Yesu gikab hup wat garam sagat,ka i nanai kidungwaga lo gan i parat Galili ka Judia wat Jerusalem gimpai anai. Inka Anutu bumur gan gihuank ya igin i yamari garam rinimais.

05/18.txt

@@ -0,0 +1 @@
+\v 18 Garam iruk gabariang garam rinimais mangan, rinim hain rugimamp. Ingka kurinai gagarui nangkuraham i yaku yaha simpingk i Yesu. \v 19 Garam sagat gizang i tagur. Ingka kurirnai gaharu i giangkayang wat buak ingka gikab i giruk, wasak i garam sagat simpingk i Yesu hagan gan.

05/20.txt

@@ -0,0 +1 @@
+\v 20 Gubuak Yesu gararab bumur an, ingka gini wat, "Raingk, izi gahukis agu mais am." \v 21 Garam Farisi ka gidungwaga lo gan wayant giyas i rarab sunanai wiya garam arunanai ini gini hup hain i Anutu gan? Wia garam kirikian i Anutu gisangk i yakuhuis garam mais an?

05/22.txt

@@ -0,0 +1 @@
+\v 22 Ka Yesu ru gararab kurinai wayant an, ingka gini wat kurinai gisu nani, "Gisu aus hin agam giku wayant                 santasantan i agam sampan gam a? \v 23 Hup aus anai pisit i nia gayang, izi gahukis agu mais am ma 'gini gisu nani, wamunti gin wabanua?' \v 24 Ingka agam yararab yasu nani, Anutu gariak an nanai bingan gan gimi wagungk i kitamp ani i yahukis garam sagat mais an. Ingka gini wat garam rinimais, "Wamunti, hin waku gampan hin waha tagur am.'''

05/25.txt

@@ -0,0 +1 @@
+\v 25 Garam arunanai gitakirun gahigun, giku gampan gan hin gabanua gisapi Anutu bingan gan. \v 26 Garam sagat santan gakutamirun i nanai hin kurinai gisapi Anutu bingan gan. Kurinai gihuangk i wa mangan rugan mangan ingka kurinai ginia, "Agai gararab wa mangan rugan mangan wat gubuak arunani."

05/27.txt

@@ -0,0 +1 @@
+\v 27 Kirikian i nanai, Yesu gingkiti kurinai ka gihan. Ingka gararab garam mangan ku sakuak bingan gan Livai nanai gimpai parat ku sakuak yah. Yesu gini wat, "Wasantamp izi." \v 28 Livai gingkiti wa mangamangan santan ka gamunti garagi Yesu.

05/29.txt

@@ -0,0 +1 @@
+\v 29 Livai gisu nam raham wat Yesu i tagur an. Garam santan ku sakuak wat garam santan hiruk awah wat kurinai giga nam anai. \v 30 Ka kuri Farisi wat garam wayant raham i lo gini hup santan i Yesu garam gan, ka ginia, "Gisu aus hin agam gigan ginum wat garam ku sakuak ka garam mais a?" \v 31 Yesu girim hup hain wat zua gisu nani, "Garam sagat mami rinimais ma gisangk yaha rarab dokta gamuk, garam sagat rinimais tak." \v 32 Gisu nanai, izi ma giba i yakayak i garam sagat mimungk i yakab sampan amuk, mia, izi giba i yakayak i garam santan mais."

05/33.txt

@@ -0,0 +1 @@
+\v 33 Ka kurinai gini wat Yesu gisu nani, "Jon garam gan gingkiti nam ka giyu, ka Farisi garam gan awah. Ka agu garam gan gigan ginum." \v 34 Ingka Yesu gini wat kurinai gisu nani, "Ini garam mangan ini yahuar sagat, agam yani wat i raingk was i yangkiti nam i garam huar sagat anai wat agam mpai yang, mia? \v 35 Ingka huguan, gubuak kurinai ru ku garam arunai hanayang ka ma wat raingk was gimpai zua gamuk. Ingka i gubuak arunanai kurinai yangkiti nam gan ayang."

05/36.txt

@@ -0,0 +1 @@
+\v 36 Yesu gini hup ram ayang mangan wat kurinai, gini gisu nani, ini saket mamuan mangan ini katik ayang, ma garam mangan yagasiab saket harih mangan hin yantang mamuan yah gamuk. Nanai yawaia saket harih, ingka ma gisangk hain kutik arunanai mah yahuh yasu mamuan anai amuk.

05/37.txt

@@ -0,0 +1 @@
+\v 37 Ka mah garam mangan mah girab wain harih i memek rinin mamuan amuk. Ini sunanai, wain harih yakab memek rinin mamuan yangan ramaramat hin yapuk ayang hin yatawarun ka yawaya memek rinin anai. \v 38 Mia, wain harih yakatang bua i memek rinin harih. \v 39 Ka mah garam mangan mah ginum wain mamuan amuk, gisu nuguan i wain harih. Ka gini gisu nani, "Wain mamuan nanai mimungk arumangan.'''

05/title.txt

@@ -0,0 +1 @@
+Guzun 5

08/01.txt

@@ -0,0 +1 @@
+\v 1 Gingan Yesu giha gibanua parat wat taun, giha gikab hup mimung gan i parat an. 12-pela garam gan ragia gayang wat i banua gayang gan, \v 2 hin sagat iruk wat gabanua. Sagakuri Yesu ku marapayam mais sib i gin ka giku rinimais sib i kurinai. Kurinai mangan gan Maria, kurinai gini Sagat Makdala. Yesu nungk giku 7-pela marapayam mais sib i gin. \v 3 Mangan anai Joana, Susana wat sagakuri iruk. Joana gabuan gan Kusa, i garam su guzun i tagur Herot an. Sagat aus anai gikab wa mangamangan wat Yesu ka garam gan  ragia gayang.

08/04.txt

@@ -0,0 +1 @@
+\v 4 I gubuak garam sagat ba wangk ayang, kurinai giba taun. Ka Yesu gini hup ram ayang mangan wat kurinai. \v 5 "Garam gab gum giha girim giri yamuan, iruk gapuruk kandaham ka iruk i kandaham banging, ka garam gintuat i hagan hin gaziab giba giga giri. \v 6 Giri iruk gapuruk hahuan i kitamp sakuk kurukuan ka mami mpui. Giri gar gitamp kutik ka gimamp.

08/07.txt

@@ -0,0 +1 @@
+\v 7 Giri gar iruk gapuruk maragabian wasak.Ka maragabian wat gihu gintamp hin gigab giri gar anai gimamp. \v 8 Ka iruk gapuruk kitamp mimungk hin gigap giri gar santan." Gingan Yesu gini hup anai arunai, gi kayak i kurinai gisu ni, "Garam kab ringan, agu ga yangu hup simpim."

08/09.txt

@@ -0,0 +1 @@
+\v 9 Yesu garam gan wat banua gayang gakantui gin, "Hup ram ayang anai hugun gan giha gisu aus a?" \v 10 Yesu gini wat kurinai gisu ni, "Anutu gikab wayant mimungk wat agam i agam yararab wa mangamangan gimi parat guap ayang Anutu gan. I garam iruk tak zi gini hup ram ayang wat kurinai, kurinai gararab anai ka ma yararab ayang amuk. Kurinai gayangua anai ka ma yararab hup hugun gan amuk.

08/11.txt

@@ -0,0 +1 @@
+\v 11 Yesu gini wat kuri gan ragia gayang i hup hugun gan ram ayang hin ginia. Gariak gai gar gisu hup Anutu gan. \v 12 Gai gar gariak gamuruk kandaham su garam yangu hup Anutu gan ingka garam mais giba ga hukis hup i sampan gan. Garam mais wayant an, "i garam kab sampan gan nanai Anutu yakua gayang." \v 13 Gai gar gariak gamuruk kitamp sakuak, kurinai gisu yangu Anutu hup an hin giku wat sampan basinta. Hin kurinai gisu gai gar mami kab kuakian gan ruk kitamp. Kurinai gikab sampan gan gisu tup arumangan, ka barabin giba i kurinai, kurinai gamuruk i mais.

08/14.txt

@@ -0,0 +1 @@
+\v 14 Gai gar gariak gamuruk wasak i buak maran, kurinai gisu garam sagat yangu Anutu hup an. Kurinai wayant gihur sampan kurinai gan ka kurinai sampan wat wayant gan gihai sakuak, wa mangamangan kitamp an. I wa mangamangan arunai giwangk i kurinai sampan ka gahukis hup Anutu gan i kurinai sampan gan. Gisu kurinai ma gabanu bumur wat Anutu. \v 15 Gai gar gariak gamuruk i kitamp mimungk, nanai kurinai gisu garam yangu hup Anutu gan. Giku hup arunai hin gikab i sampan gan, ka garagia hup arunai. I yaku gariak mimungk marapayam gan.

08/16.txt

@@ -0,0 +1 @@
+\v 16 Yesu gini gisu ni, ma garam basinta ga mintung ja amuk ka ga humpun i gur wasak o ga humpun i giangk ayang ragurun gan. Gikab i pisit i garam santan yaguria gayang. \v 17 Ma wa mangan yaguap ayang amuk. Ka wa mangamangan garam humpun ayang i gubuak arunai yaba pisit. \v 18 Karuni agam wayangua. Ini garam mangan ku wa mangamangan sib, ingka Anutu yakab santan wat. I garam mangan wa mangamangan gan mia, Anutu ya hukis ausa i wayant agu kua gayang.

08/19.txt

@@ -0,0 +1 @@
+\v 19 I gubuak arunai rinangk wat raingk was an gibai gin, gisu aus hin kurinai ma yaha simpingk i gin amuk i aus garam sagat santan wat gimpai. \v 20 Hin kuri iruk gini wat Yesu, "Rinangk wat raingk was am ini yararab agua, hin kurinai gamunti parat." \v 21 Hin Yesu gikab hup an gihai kurinai gisu ni, "Rinangk wat raingk izi gangk, nanai garam sagat yangu hup Anutu gan hin ragia gayang."

08/22.txt

@@ -0,0 +1 @@
+\v 22 Gubuak basinta Yesu wat kuri gan ga katuab i bout. Ka gini wat kurinai gisu ni, "Agi yaha mpui wak hain aba,"Hin kurinai gihan. \v 23 Kurinai ru gian ka Yesu gigiangk. Mamup raham gitakirun i mpui wak, ka bout kurinai gan giwangk i mpui. Kurinai giku barabin daham.