mlp-x-gabagsal_jhn_text_reg/12/34.txt

\v 34 In nazaq Haqan on mataw na amenin emim bilaqiy,God ago marib gamuk araq kazaq bilaqsa i huritta haqiy. Gamuk na bilam, Mat anan Krais haqayta na og kab gwahtiqeq osad in ago os a hi hiqiyaqta haqad in bilam haqiy. Nagaqgo ni bilam, Mataw in Mat Atatin wazid eraqeq gwale turaq ham? haqiy. Teq ni Mat Atatin anan bilamta na in nog diq? haqiy. \v 35 Haqan Yesus gibilan, Saw anuwan asitmo ne nenaq a ta usaq ham. Saw anuwan na oysa ne saw waqad lehiy ham. Luweq ne le God ago maror aduganib a hi gwahtiqsamo romriq tigiqisihdaq ham. Mat romriqab luwad in ezaq lehaqta na ago in anad a hi em hasauqta ham. \v 36 Muran saw anuwan na oysa ne anan helmo haqiy ham. Ne helmo haqeq teq ne saw anuwan na ago onmin tiqiy daqay ham. Ari Yesus gamuk na bilaqim tihiqiyan in on mataw na gihulosad lehim gimeb tuqulilam.