bhb-x-billori_col_text_reg/02/01.txt

\c 2 \v 1 काहाका मा ऐहेकी इच्छा हाय का, तुमाखातोर आने लावदीकिया शेहराम हाय आने जियाही माल हुबूर वेयो नाहा ऐहेडा तुमा बांदा केअता मा कोतीही मोडी कोशिसहाय इ तुमहाल होमजायो नाहा. \v 2 तो कष्ट इया केअतो का , तिया मोनाल दिलासो वेरा जाजे आने तुमा प्रिती एक जागे जोडाय जा जोजे , ने ओकली मोडी खात्री मिला जोजे आने देवा दोबली गोठ तोज ख्रिस्त इया पुरा होमजा जोजे. \v 3 \v 4 तियाम बादो ज्ञानीपन आने ज्ञाना धोन दोबलो हाय केडाय तुमाहाल गोगूलाहीकी ठोगावे नेय तिया केअता आय इ आखी रीयोहो. \v 5 काहाका आय डिलाहाकी दुर हाय तेबी मोनाहाकी पाआही हाय आने तुाम व्यवस्थाने तुमामेने ख्रिस्तावे पाक्को विश्वास विईन आय खुशी की रिायोहो. \v 6 ओन काहाका ख्रिस्त येशू जो प्रभु इयाल तुमाही जेहेकी मानी लेदलो हाय तेहकी तुमा तियाम चाला. \v 7 तुमा तियाम मोजबुत वेलो ओन तियावे उबी रेहेलो ने तुमाहाल हिकवुल्या होच तुमा विश्वासाम पाक्के विईन उपकार इतविन तियाम वादते जा. \v 8 तुमा ऐहेकी कालजी ल्या का केडोबी माआहा रितीरिवाज तिईन जगा गोठील लागीन रेणाऱ्या हिकवुलाकी आने तिया पोकलो ठोगावुला की तुमाहाल ताबामे ला नाय जोजे. तो ख्रिस्ताल लागीन नाहा हाय. \v 9 काहाका ख्रिस्तामुज देवपणा बादो पुरो डिलाम विईन मियाम रेहे \v 10 तो बादी सत्ता ने ताकोत इयापेन मुनको विईन तिया उपे तुमा पुरो विगीयाहा \v 11 आने ख्रिस्ता सुनता विधी की तुमा बी तीयाम सुनता वेली हाय \v 12 तियाआरी बाप्तिस्मा दाटाय गियो ओन जियायतियाल मोलामेने जिवतो उठव्यो तिया देवा कामावे विश्वास मार्फत तुमाबी तियामुज तिया आरी उठवाय गिया. \v 13 आने तुमा जे पापाहाकी ने डिला चालीरितीकी सुनता वेली नाय वेरी तामोअला आथो ते तुमाहाल देवाय तिया आरी जिवतो केलो हाय, तियाय आपे पापाहा माफी देदली हाय. \v 14 आने आपु आडवा आवनारी जो आथुकी लेखलो आज्ञा लेख आपु विरुध्दाम आथो काहाका आपु केअतेहे हारो नाय एहेंडो रुडीही लेख पत्र तियाय नुसी टाक्यो ओन ता ेतियाय वधस्तंभाल खिलाटीन तो तिया पारवावी टाक्यो. \v 15 तियाय तियावेने अधिकाराहावे आने शक्ती हीने पारवावीन रिकामे किईन जीकीने उगाडो किईने देखावी देदो. \v 16 काहाका तुमा खातुला पितुलाविने सण, आमावस्था शाब्बाथ पालुलावेने केडाल तुमा न्याय केरा नाहा द्याहा. \v 17 इया गोठ्याता आवणारी गाेठीही सावली एहेडी हाय, पेन डिला ख्रिस्त हाय, \v 18 सवताहा मोनाकी गोरिब नम्र देखावणरे आने देवदुता भोक्ती केअनारे आने सावताहा देखाल्या गोठी आधाराप रेणारा ने जगीक मोनाकी वायबार गोरवाम चोडी जारणार एगाहा माआहाय तुमाहाल तुमा बक्षीस देदो तो केडो बुअची नाय ले. \v 19 ऐहडो माआहु मुनको जो ख्रिस्ताले तीन रेता नाहा तीया मुनकापे ख्रिस्ता पेने बादा डिलाले सादा बादलो इयाहापेने पुरोवि रेहलो हाय, आन तो पाक्को जोडाय जायन तिया देवाम वादी रियोहो. \v 20 काहाका जगा शिक्षणानामे तुमा ख्रिस्ता आरी माेअयी गियाहा ताहा जगाम जिवी रियाहा होच तुमा नियमान काहा वेअताहा. \v 21 आथलोहोमा, साकीनाहा, वेहो, आथाम लेहोमा, \v 22 एहंडो नियमाम बाथो गोठ्या दया वापराहाकी नास वेअनाऱ्या गोठ्या हाय. \v 23 दया गोठीम मोनाकी शक्ती ओन मोजा गोरवाई ने डिलाल मिलुल आज्ञा हाय तिया केअता इयामे खेरो खरी ओकली भाषा हाय पेन डिला लोब लालुच रोकी थोवुलो ताकोत नाहा.