\v 20 A vo vunautaki niya sara ina viwere ni lotu, na luve ni Kalou na Karisito. \v 21 E karacidru taucoko ga na varogo, a ru kwa bara niya o keya ikwe se jikai a vaburabura nidru mai Jerusalemi eru masujiya na yaca ikwe, a lamai ikei me mai vaveya kodaki tale ga ke, me meidru na vesu tu vuwadru na bete levu? \v 22 Avo kaikai mai o Saula, a vamataku cidru na Jiu eru no mai Tamasiko, nivo vadjinadjina ni Karisito o keya ikwe.
See in Reader
