Fri Sep 13 2024 20:08:05 GMT+0300 (East Africa Time)

01/01.txt

@@ -0,0 +1 @@
+\v 1 Awo Mowaabu n'ajeemera Isiraeri Akabu ng'amalire okufa. \v 2 Akaziya n'agwa mu kituli ekiruke ekyabbaire mu kisenge kye ekya waigulu ekyabbaire mu Samaliya, n'alwala: n'atuma ababaka, n'abakoba nti Mwabe mulagulwe eri Baaluzebubi katonda ow'e Ekuloni oba nga ndiwona endwaire eno.

01/03.txt

@@ -0,0 +1 @@
+\v 3 Naye malayika wa Mukama n'akoba Eriya Omutisubi nti Golokoka osisinkane ababaka ba kabaka w'e Samaliya obakobe nti Kubanga wabula Katonda mu Isiraeri kyemuva mwaba okulagulwa eri Baaluzebubi katonda ow'e Ekuloni? \v 4 Kale, Atyo bw'atumula Mukama nti toliva ku kitanda ky'oniinireku, naye tolireka kufa. Eriya n'ayaba.

01/05.txt

@@ -0,0 +1 @@
+\v 5 Ababaka ni bairawo gy'ali, n'abakoba nti kiki ekibairiryewo? \v 6 Ni bamukoba nti waizire omusaiza okutusisinkana n'atukoba nti mwabe mwireyo eri kabaka abatumire, mumukobe nti Atyo bw'atumula Mukama nti Kubanga wabula Katonda mu Isiraeri kyova otuma okulagulwa eri Baaluzebubi katonda ow'e Ekuloni? kyoliva oleka okuva ku kitanda ky'oniinireku, naye tolireka kufa.

01/07.txt

@@ -0,0 +1 @@
+\v 7 N'abakoba nti Omusaiza aizire okubasisinkana n'abakobera ebigambo ebyo afaanana atya? \v 8 Ne bamwiramu nti Yabbaire musaiza w'o bwoya bungi, era nga yeesibire olukoba olw'o luwu mu nkende ye.

01/09.txt

@@ -0,0 +1 @@
+\v 9 Awo kabaka n'atuma gy'ali omwami w'ataanu n'abasaiza be ataanu. N'ayambuka gy'ali: kale, bona, ng'atyaime ku ntiiko y'olusozi. N'atumula naye nti Niiwe omusaiza wa Katonda, kabaka atumwire nti Serengeta. \v 10 Awo Eriya n'airamu n'akoba omwami w'ataanu nti oba ndi musaiza wa Katonda, omusyo guve mu igulu gwokye iwe n'abasaiza bo ataanu. Omusyo ne guva mu igulu ne gumwokya iye n'abasaiza be ataanu.

01/11.txt

@@ -0,0 +1 @@
+\v 11 Awo n'atuma nate gy'ali omwami w'ataanu ogondi n'abasaiza be ataanu. N'airamu n'amukoba nti Niiwe omusaiza wa Katonda, atyo kabaka bw'atumwire nti Yanguwa okuserengeta. \v 12 Awo Eriya n'airamu n'abakoba nti oba nga ndi musaiza wa Katonda, omusyo guve mu igulu gwokye iwe n'abasaiza bo ataanu. Omusyo gwa Katonda ni guva mu igulu ni gumwokya iye n'abasaiza be ataanu.

01/13.txt

@@ -0,0 +1 @@
+\v 13 Awo n'atuma ate omwami w'ataanu ogondi n'abasaiza be ataanu. Omwami w'ataanu ow'okusatu n'ayambuka n'aiza n'afukamira ku makumbo ge mu maiso g'Eriya, n'amwegayirira n'amukoba nti Niiwe omusaiza wa Katonda, nkwegayiriire, obulamu bwange n'obulamu bwa banu ataanu abaidu bo bube bwo muwendo mungi mu maiso go. \v 14 Bona, omusyo gwaviire mu igulu ne gwokya abaami b'ataanu bombiri abaasookere n'abasaiza baabwe ataanu: naye watyanu obulamu bwange bubbe bwo muwendo mungi mu maiso go.

01/15.txt

@@ -0,0 +1 @@
+\v 15 Awo malayika wa Mukama n'akoba Eriya nti Serengeta naye tomutya. N'agolokoka n'aserengeta naye n'ayaba eri kabaka. \v 16 N'amukoba nti Atyo bw'atumula Mukama nti Kubanga watumire ababaka okulagulwa eri Baaluzebubi katonda ow'e Ekuloni, kubanga wabula katonda mu Isiraeri okulagulwa eri ekigambo kye kyewaviire okola otyo? kyoliva oleka okuva ku kitanda ky'oniinireku, naye tolireka kufa.

01/17.txt

@@ -0,0 +1 @@
+\v 17 Awo n'afa ng'e kigambo kya Mukama bwe kyabbaire Eriya kye yatumwire. Yekolaamu n'atandika okufuga mu kifo kye mu mwaka ogw'okubiri ogwa Yekolaamu mutaane wa Yekosafaati kabaka wa Yuda; kubanga teyabbaire mwana w'o bwisuka. \v 18 Era ebikolwa ebindi byonabyona ebya Akaziya bye yakolere tebyawandiikiibwe mu kitabo eky'eby'omu mirembe gya bakabaka ba Isiraeri?

02/01.txt

@@ -0,0 +1 @@
+\v 1 Awo olwatuukire Mukama bwe yatakire okuniinisya Eriya n'empunga egya kampusi mu igulu, Eriya n'ayaba n'e Erisa ng'ava e Girugaali. \v 2 Awo Eriya n'akoba Erisa nti bba wano, nkwegayiriire; kubanga Mukama antumire e Beseri. Erisa n'atumula nti Nga Mukama bw'ali omulamu n'emeeme yo nga bw'eri enamu, tinjaba kukuleka. Awo ni baserengeta ni baiza e Beseri.

02/03.txt

@@ -0,0 +1 @@
+\v 3 Awo abaana ba banabbi ababbaire e Beseri ne bafuluma eri Erisa, ne bamukoba nti Omaite nga Mukama yatoola mukama wo ku mutwe gwo atyanu? N'atumula nti Niiwo awo, maite; imwe musirike. \v 4 Awo Eriya n'amukoba nti Erisa, bba wano. nkwegayiriire; kubanga Mukama antumire e Yeriko. N'atumula nti nga Mukama bw’ali omulamu n'e meeme yo nga bw'eri enamu, tinjaba kukuleka. Awo ne baiza e Yeriko.

02/05.txt

@@ -0,0 +1 @@
+\v 5 Awo abaana ba banabbi ababbaire e Yeriko ni bafuluma eri Erisa, ni basemberera Erisa ni bamukoba nti Omaite nga Mukama yatoola mukama wo ku mutwe gwo watyanu? N'airamu nti Niiwo awo, maite; imwe musirike. \v 6 Awo Eriya n'amukoba nti Nkwegayiriire, bba wano; kubanga Mukama antumire e Yoludaani. N'atumula nti nga Mukama bw'ali omulamu n'e meeme yo nga bw'eri enamu, tinjaba kukuleka. Awo abo bombiri ni batambula.

02/07.txt

@@ -0,0 +1 @@
+\v 7 Awo abasaiza ataanu ab'oku baana ba banabbi ne baaba ni bemerera okuboolekera wala nabo; abo bombiri ne bemerera ku Yoludaani. \v 8 Awo Eriya n'airira omunagiro gwe n'aguzinga wamu n'akubba amaizi ni gaawulibwamu eruuyi n'eruuyi n'okubita ni babita bombiri ku lukalu.

02/09.txt

@@ -0,0 +1 @@
+\v 9 Awo olwatuukirw bwe baamalire okusomoka Eriya n'akoba Erisa nti Saba kye nakukolera nga nkaali kukutolebwaku. Erisa n'atumula nti Nkwegayiriire emigabo ibiri egy'omwoyo gwo gibbe ku nze. \v 10 N'atumula nti osabye kizibu: naye bwewambona bwe naakutoolebwaku kyabba kityo gy'oli; naye bw'otombone tikyabbe kityo.

02/11.txt

@@ -0,0 +1 @@
+\v 11 Awo olwatuukire nga bakaali batambula nga batumula, bona, ni waboneka eigaali ery'o musyo n'e mbalaasi egy'o musyo ne gibaawula bombiri; Eriya n'aniina mu igulu n'e mpunga egya kampusi. \v 12 Era Erisa n'akibona n'atumulira waigulu nti Itawange, Itawange, amagaali ga Isiraeri n'embalaasi gye! N'atambula ate: n'akwata ebivaalo bye n'abikanulamu ebitundu bibiri.

02/13.txt

@@ -0,0 +1 @@
+\v 13 Era n'alonda n'ekivaalo kya Eriya ky'aswire, n'airayo n'ayemerera ku lubalama lwa Yoludaani. \v 14 N'airira ekivaalo kya Eriya ky'aswire, n'akubba amaizi n'atumula nti Ali luuyi waina Mukama Katonda w'Eriya? awo ng'amalire okukubba amaizi yena, ni gaawulibwamu eruuyi n'eruuyi: Erisa n'asomoka.

02/15.txt

@@ -0,0 +1 @@
+\v 15 Awo abaana ba banabbi ababbaire e Yeriko okumwolekera bwe bamuboine, ne batumula nti Omwoyo gw'Eriya gutyama ku Erisa. Ni baiza okumusisinkana, ne bavuunama mu maiso ge. \v 16 Awo ne bamukoba nti bona waliwo abasaiza ataanu Ab'amaani wamu n'abaidu bo; tukwegayiriire baabe basagire mukama wo: Koizi omwoyo gwa Mukama gumusitwiire ni gumusuula ku lusozi oba mu kiwonvu; N'atumula nti timubatuma.

02/17.txt

@@ -0,0 +1 @@
+\v 17 Awo bwe bamutayiriire okutuusya ensoni lwe gyamukwaite, n'atumula nti mutume. Awo ne batuma abasaiza ataanu; ne basagira enaku isatu naye ne batamubona. \v 18 Awo ne bairawo gy'ali ng'akaali alinda e Yeriko; n'abakoba nti tinabakobere nti Temwayaba?

02/19.txt

@@ -0,0 +1 @@
+\v 19 Awo abasaiza ab'omu kibuga ne bakoba Erisa nti Bona, tukwegayiriire, awali ekibuga kino wasa nga mukama wange bw'abona: naye amaizi gabulaku kye gagasa, n'e nsi tekulya mere. \v 20 N'atumula nti Mundeetere akacupa akayaka, muteeke omwo omunyu. Ni bakaleeta gy'ali.

02/21.txt

@@ -0,0 +1 @@
+\v 21 N'afuluma n'aiza awali ensulo y'amaizi, n'asuula omwo omunnyu n'atumula nti Atyo bw'atumula Mukama nti mponyerye amaizi gano; temukaali muvaamu ate lumbe newaire obutakulya mere. \v 22 Awo amaizi ni gawona ne watynu ng'e kigambo bwe kyabbaire ekya Erisa kye yatumwire.

02/23.txt

@@ -0,0 +1 @@
+\v 23 Awo n'avaayo n'ayambuka n'ayaba e Beseri: awo ng'ali mu ngira ng'ayambuka abaana abatobato ni bava mu kibuga ni bamuduulira ni bamukoba nti Yambuka, iwe ow'e mpaata; yambuka, iwe ow'e mpaata. \v 24 N'akebuka n'ababona n'abalaama mu liina lya Mukama. Amadubu mabiri amakali ni gava mu kibira ni gataagula abaana ana na babiri ku ibo. \v 25 Awo n'avaayo n'ayaba eri olusozi Kalumeeri, n'avaayo n'airawo e Samaliya.

03/01.txt

@@ -0,0 +1 @@
+\v 1 Awo Yekolaamu mutaane wa Akabu n'atandika okufuga Isiraeri mu Samaliya mu mwaka ogw'e ikumi n'o munaana ogwa Yekosafaati kabaka we Yuda, n'afugira emyaka ikumi n'a ibiri. \v 2 N'akola ebyabbaire mu maiso ga Mukama ebibbiibi; naye obutafaanana itaaye n'o kufaanana maye: kubanga yatoirewo empango ya Baali itaaye gye yakolere. \v 3 Naye ne yeegaita n'e bibbiibi bya Yerobowaamu mutaane wa Nebati bye yayonooneserye Isiraeri; tiyabiviiremu.

03/04.txt

@@ -0,0 +1 @@
+\v 4 Era Mesa kabaka wa Mowaabu yabbaire musumba w'e ntama; n'awangayo eri kabaka wa Isiraeri ebyoya by'a baana b'e ntama kasiriivu n'e by'e ntama enume kasiriivu. \v 5 Naye olwatuukire Akabu bwe yafiire kabaka we Mowaabu n'ajeemera kabaka we Isiraeri. \v 6 Kabaka Yekolaamu n'ava mu Samaliya mu biseera ebyo, n'ayolesya Isiraeri yenayena.

03/07.txt

@@ -0,0 +1 @@
+\v 7 Awo n'ayaba n'atumira Yekosafaati kabaka we Yuda ng'atumula nti Kabaka w'e Mowaabu anjeemeire: watabaala Mowaabu wamu nanze? N'atumula nti Nayambuka: nze ninga we bw'oli, abantu bange ng'abantu bo, embalaasi gyange ng'embalaasi gyo. \v 8 N'atumula nti twayambuka mu ngira ki? N'airamu nti Mu ngira ery'o mu idungu erya Edomu.

03/09.txt

@@ -0,0 +1 @@
+\v 9 Awo kabaka w'e Isiraeri n'ayaba n'o kabaka we Yuda n'o kabaka w'Edomu: ne beetooloola olugendo lw'e enaku musanvu: so nga wabula maizi g'e igye waire ag'e nsolo egy'abasengererya. \v 10 Awo kabaka wa Isiraeri n'atumula nti Gitusangire! kubanga Mukama ayetere bakabaka bano abasatu okukuŋaana okubagabula mu mukono gwa Mowaabu.

03/11.txt

@@ -0,0 +1 @@
+\v 11 Naye Yekosafaati n'atumula nti wabula wano nabbi wa Mukama tubuulirye mu iye eri Mukama? Awo omumu ku baidu ba kabaka wa Isiraeri n'airamu n'atumula nti Erisa mutaane wa Safati wano eyafukiriranga amaizi mu ngalo gya Eriya. \v 12 Awo Yekosafaati n'atumula nti Ekigambo kya Mukama kiri naye. Awo kabaka wa Isiraeri n'o Yekosafaati n'o kabaka wa Edomu ne baserengeta gy'ali.

03/13.txt

@@ -0,0 +1 @@
+\v 13 Erisa n'akoba kabaka wa Isiraeri nti nfaayo ki eri iwe? Yaba eri banabbi ba Itaawo n'eri banabbi ba mawo. Kabaka wa Isiraeri n'amukoba nti bbe: kubanga Mukama ayetere bakabaka bano abasatu okukuŋaana okubagabula mu mukono gwa Mowaabu. \v 14 Erisa n'atumula nti nga Mukama w'e igye bw'ali omulamu gwe nyememera mu maiso ge, mazima singa tindowooza Yekosafaati kabaka wa Yuda okubbaawo, tunandikulingiriire so tinandikuboine.

03/15.txt

@@ -0,0 +1 @@
+\v 15 Naye ndeetera omukubbi w'e nanga. Awo olwatuukire omukubbi w'e nanga bwe yakubbire, omukono gwa Mukama ni gumwizaku. \v 16 N'atumula nti Atyo bw'atumula Mukama nti Mwizulye ekiwonvu kino ensalosalo. \v 17 Kubanga atyo bw'atumula Mukama nti Temwabone mbuyaga so temwanone maizi, naye ekiwonvu ekyo kyaizula amaizi: mwena mwanywa, imwe n'ebisibo byanyu n'e nsolo gyanyu.

03/18.txt

@@ -0,0 +1 @@
+\v 18 Era kino kigambo kitono so ti kikulu mu maiso ga Mukama: era aligabula n'Abamowaabu mu mukono gwanyu. \v 19 Era mulimenya buli kibuga ekiriku enkomera na buli kibuga ekironde ni mutema buli musaale omusa ni muziba ensulo gyonagyona egy'a maizi ni mwonoona buli musiri omusa n'amabbaale.

03/20.txt

@@ -0,0 +1 @@
+\v 20 Awo olwatuukire Amakeeri mu kiseera eky'okuwaayo ekitone, kale, bona, amaizi ne gaiza nga gafuluma mu  ngira ey'e Edomu, ensi n'eizula amaizi.

03/21.txt

@@ -0,0 +1 @@
+\v 21 Awo Abamowaabu bonabona bwe baawuliire bakabaka nga bambukire okulwana nabo, ne bakuŋaana bonabona abasoboire okuvaala ebyokulwanisya n'okusingawo, ni bemerera okutabaala. \v 22 Awo ne bagolokoka Amakeeri mu makeeri, eisana n'elyaka ku maizi, Abamowaabu ne babona amaizi agaboolekeire nga gamyukire ng'omusaayi: \v 23 awo ne batumula nti Guno niigwo musaayi: bakabaka tebalemere kuzikirizibwa, era baitire buli muntu mwinaye: kale, Mowaabu, mugwe ku munyago.

03/24.txt

@@ -0,0 +1 @@
+\v 24 Awo bwe baatukire mu lusiisira lwa Isiraeri, Abaisiraeri ne bagolokoka ne bakubba Abamowaabu n'okwiruka ne bairuka mu maiso gaabwe: ne beeyongerayo mu nsi nga bakubba Abamowaabu. \v 25 Ne bamenyamenya ebibuga; n'awali omusiri omusa ogw'e itakali ni bakasuka buli muntu eibbaale lye ne waizula; ni baziba ensulo gyonagyona egy'a maizi, ni batema emisaale gyonagyona emisa okutuusya lwe basigairyewo mu Kirukalesesi amabbaale gamu gonka; naye ab'envuumuulo ni batambulatambula mu nsi ne bagikubba.

03/26.txt

@@ -0,0 +1 @@
+\v 26 Awo kabaka wa Mowaabu bwe yaboine olutalo nga lumuyingiriire, n'atwala abasaiza lusanvu abaasowolanga ebitala, okuwaguzya okutuuka eri kabaka w’e Edomu: naye ne batasobola. \v 27 Awo n'airira mutaane we omuberyeberye eyandifugire mu kifo kye, n'amuwaayo okubba ekiweebwayo ekyokyebwa ku bugwe. Ne wabba obusungu bungi eri Isiraeri: ni bamuvaaku ne bairayo mu nsi yaabwe.

04/01.txt

@@ -0,0 +1 @@
+\v 1 Awo omukali omumu ow'oku bakali b'a baana ba banabbi n'atumulira waigulu eri Erisa ng'atumula nti Omwidu wo ibawange yafiire: era omaite ng’omwidu wo yatyanga Mukama: era ow'e ibbanja aizire okwetwalira abaana bange bombiri okubba abaidu. \v 2 Erisa n'a mukoba nti Nakukolera ki? Nkobera: olina ki mu nyumba? N'atumula nti Omuzaana wo abula kintu mu nyumba wabula akacupa ak'a mafuta.

04/03.txt

@@ -0,0 +1 @@
+\v 3 Awo n'atumula nti yaba weeyazike ebintu ewanza mu bainawo bonabona, ebintu ebyereere; weeyazike bingiku. \v 4 Awo n'oyingira weigalire iwe na bataane bo, oitululire mu bintu ebyo byonabyona; ogise ebiizwire.

04/05.txt

@@ -0,0 +1 @@
+\v 5 Awo n'ava w'ali ni yeigalira iye na batabane be; ne bamuleetera ebintu n'aitulula. \v 6 Awo olwatuukire ebintu bwe byaizwire n'akoba mutaane we nti ndeetera ate ekintu. N'amukoba nti tewakaali waliwo ate kintu. Amafuta ni gakoma.

04/07.txt

@@ -0,0 +1 @@
+\v 7 Awo n’aiza n'akobera omusaiza wa Katonda. N'atumula nti Yaba  otunde amafuta osasule eibbanja lyo, ebyafiikawo bikuliisyenga iwe na bataane bo.

04/08.txt

@@ -0,0 +1 @@
+\v 8 Awo olwatuukire lwabbaire lumu Erisa n'abita n'ayaba e Sunemu eyabbaire Omukali omukulu; n'amuwalirilya okulya ku mere. Awo olwatuukanga buli lwe yabitangawo n'akyamiranga omwo okulya ku mere. \v 9 N'akoba ibaye nti bona, ntegeire ng'ono musaiza mutukuvu wa Katonda atubitaku buli kaseera.

04/10.txt

@@ -0,0 +1 @@
+\v 10 Nkwegayiriire tukookere ku kisenge; tumuteekere eyo ekitanda n'emeenza n'entebe n'eky'etabaaza: awo olwatuukanga bw'eyayizanga gye tuli yakyamiranga omwo. \v 11 Awo olunaku lwabbaire lumu n'aizayo n'akyamira mu nyumba n'agalamira omwo.

04/12.txt

@@ -0,0 +1 @@
+\v 12 N'akoba Gekazi omwodu we nti Yeta omusunamu ono. Awo bwe yamwetere n'ayemerera mu maiso ge. \v 13 N'amukoba nti mukobe nti bona, watujanjabire okujanjaba okwekankana awo; kiki ekyabba kikukolerwa? otaka okutumulirwa eri kabaka oba eri omukulu w'eigye? N'airamu nti ntyama mu bantu bange nze.

04/14.txt

@@ -0,0 +1 @@
+\v 14 N'atumula nti Kale kiki ekyabba kimukolerwa? Gekazi n'airamu nti Mazima abula mwana wo bwisuka no ibaaye mukaire. \v 15 N'atumula nti mwete. Awo bwe yamwetere n'ayemerera ku mulyango. \v 16 N'atumula nti Mu kiseera kino Ebiseera bwe biriira, oliwambaatira omwana ow'obwisuka. N'atumula nti, mukama wange, iwe omusajja wa Katonda, tobbeya muzaana wo.

04/17.txt

@@ -0,0 +1 @@
+\v 17 Omukali n'abba ekida n'azaalira omwana ow'obwisuka mu kiseera ekyo ebiseera bwe byairire nga Erisa bwe yamukobere. \v 18 Awo omwana bwe yakulire olunaku lwabbaire lumu n'afuluma n'ayaba eri itaaye eri abakunguli. \v 19 N'akoba itaaye nti Omutwe gwange, omutwe gwange. N'akoba omwidu we nti musitule omutwale eri maye. \v 20 Awo bwe yamutwaire n'amutuukya eri maye, n'atyama ku makumbo ge okutuusya eiyangwe kaisi n'afa.

04/21.txt

@@ -0,0 +1 @@
+\v 21 N'aniina n'amugalamirya ku kitanda ky'omusaiza wa Katonda, n'amwigalira olwigi n'afuluma. \v 22 N'ayeta ibaye n'atumula nti nkwegayiriire, mpeererya omumu ku baidu n'e imu ku ndogoyi njabe mbiro eri omusaiza wa Katonda ngirewo.

04/23.txt

@@ -0,0 +1 @@
+\v 23 N'atumula nti kiki ekikutakirya okwaba gy'ali atyanu? ti lunaku lwo mwezi ogwakaboneka so ti sabbiiti. N'atumula nti mirembe. \v 24 Awo n'atandiika endogoyi n'akoba omwidu we nti bbinga otambule; toita ku bigere wabula nga nkukobere.

04/25.txt

@@ -0,0 +1 @@
+\v 25 Awo n'ayaba n'atuuka eri omusaiza wa Katonda ku lusozi Kalumeeri. Awo olwatuukiire omusaiza wa Katonda bwe yamulengeire ng'akaali wala, n'akoba Gekazi omwidu we nti bona, Omusunammu wuuyo: \v 26 Nkwegayiriire, iruka mbiro omusisinkane omukobe nti oli kusa? Ibaawo ali kusa? omwana ali kusa? N'airamu nti kusa.

04/27.txt

@@ -0,0 +1 @@
+\v 27 Awo bwe yatuukire eri omusaiza wa Katonda ku lusozi, n'amukwata ku bigere. Gekazi n'asembera okumusindika; naye omusaiza wa Katonda n'atumula nti muleke: kubanga emeeme ye enyiikaire mukati mu iye; era Mukama akingisire so tankobeire.

04/28.txt

@@ -0,0 +1 @@
+\v 28 Awo n'atumula nti Natakire omwana ow'obwisuka eri mukama wange? Tinatumwire nti tombeya? \v 29 Awo n'ankoba Gekazi nti Weesibe ekimyu oirire omwigo gwange mu mukono gwo oyabe: bw'e wasanga omuntu yenayena tomusugirya; era omuntu yenayena bweyakusugirya, tomwiramu: oteeke omwigo gwange ku maiso g'omwana.

04/30.txt

@@ -0,0 +1 @@
+\v 30 Maye w'o mwana n'atumula nti Nga Mukama bw'ali omulamu n'e meeme yo nga bw'eri enamu, Tinjaba kukuleka. N'agolokoka n'amusengererya. \v 31 Awo Gekazi n'abitamu n'abatangira n'ateeka omwigo ku maiso g'o mwana; naye ne watabba idoboozi waire okuwulira. Kyeyaviire airawo okumusisinkana, n'amukobera nti omwana tazuukire.

04/32.txt

@@ -0,0 +1 @@
+\v 32 Awo Erisa bwe yayingiire mu nyumba, bona, omwana ng'afiire era ng'a galamiire ku kitanda kye. \v 33 Awo n'ayingira ni yeigalira naye bombiri n'asaba Mukama. \v 34 N'aniina n'agalamira ku mwana n'ateeka omunwa gwe ku munwa gwe n’a maiso ge ku maiso ge n'e mikono gye ku mikono gye: ni yeegololera ku iye; omubiri gw'o mwana ni gubuguma.

04/35.txt

@@ -0,0 +1 @@
+\v 35 Awo n'airawo n’atambula mu nyumba omulundi ogumu eruuyi n'o mulundi ogumu eruuyi; n'a niina ne yeegololera ku iye: omwana n'ayasimula emirundi musanvu, omwana n'azibula amaiso. \v 36 N'ayeta Gekazi n'atumula nti nwete Omusunamu oyo. Awo n'amweta. Awo ng'ayingiire gy'ali n'atumula nti situla omwana wo. \v 37 Awo n'ayingira n'avuunama ku bigere bye n'akutama wansi; n'asitula omwana we n'afuluma.

04/38.txt

@@ -0,0 +1 @@
+\v 38 Awo Erisa n'aiza ate e Girugaali: ne waba enjala mu nsi; abaana ba banabbi ne batyama mu maiso ge: n'akoba omwidu we nti teekaku entamu enene, ofumbire abaana ba banabbi eiva. \v 39 Awo omumu n'afuluma n'ayaba ku itale okunoga amaboga, n'asanga omuzabbibu ogw'o mu nsiko, n'anogako amaboga ag'o mu nsiko n'aizulya olugoye lwe, n'aiza n'agatyemulatyemulira mu ntamu eimu eiva: kubanga tebaagamaite.

04/40.txt

@@ -0,0 +1 @@
+\v 40 Awo ne baiwulira abantu okulya. Awo olwatuukire bwe babbaire nga balya ku iva, ne batumulira waigulu nga bakoba nti Ai omusaiza wa Katonda, mu ntamu mulimu okufa. So tebasobola kugiryaku. \v 41 Yeena  n'atumula nti kale muleete obwita. N'abusuula mu ntamu; n'atumura nti Mwiwulire abantu balye. Ni watabba kabbiibi mu ntamu.

04/42.txt

@@ -0,0 +1 @@
+\v 42 Awo omusaiza n'aiza ng'ava e Baalusalisa, n'aleetera omusaiza wa Katonda emere ey'o kubiberyeberye, emigaati egya sayiri abiri n'ebiyemba eby'e ŋaanu ebibisi mu nsawo ye. N'atumula nti Bawe abantu balye. \v 43 Awo omwidu we n'atumula nti! nteeke kino mu maiso g'abasaiza ekikumi? Yeena n'atumula nti bawe abantu balye; kubanga atyo bw'atumula Mukama nti Baalya ne balemwa. \v 44 Awo n'agiteeka mu maiso gaabwe, ni balya ni balemwa ng'e kigambo kya Mukama bwe kyabbaire.

05/01.txt

@@ -0,0 +1 @@
+\v 1 Awo Naamani omukulu w'eigye lya kabaka w'e Busuuli yabbaire musaiza mukulu eri mukama we era w'e kitiibwa, kubanga ku bw'oyo Mukama yabbaire awaire Obusuuli okuwangula: era yabbaire musaiza wa maani muzira, naye yabbaire mugenge. \v 2 Awo Abasuuli babbaire batabaire bibiina, ne banyaga ne batoola mu nsi ya Isiraeri omuwala omutomuto; awo n'aweereryanga muka Naamani.

05/03.txt

@@ -0,0 +1 @@
+\v 3 Awo n'akoba mugole we nti Singa mukama wange ali n'o nabbi ali mu Samaliya! kale yandiwonere ebigenge bye. \v 4 Awo ne wabba ayingira n'akobera mukama we nti ati bw'atumwire omuwala ow'o mu nsi y'e Isiraeri.

05/05.txt

@@ -0,0 +1 @@
+\v 5 Awo kabaka w'e Busuuli n'atumula nti Kale naweererya kabaka wa Isiraeri ebbaluwa. N'ayaba n'atwala talanta ikumi egye feeza n'ebitundu kakaaga ebye zaabu n'e miteeko gy'e bivaalo ikumi. \v 6 N'aleetera kabaka wa Isiraeri ebbaluwa ng'atumula nti Kale ebbaluwa eno bw'eribba ng'etuukire gy'oli, bona, nkutumiire Naamani omwidu wange omuwonye ebigenge bye.

05/07.txt

@@ -0,0 +1 @@
+\v 7 Awo olwatuukire kabaka wa Isiraeri bwe yasomere ebbaluwa, n'akanula ebivaalo bye n'atumula nti Ninze Katonda ngite era namye, omusaiza ono n'okutuma n'antumira okuwonya omuntu ebigenge bye? naye mulowooze, mbeegayiriire, mutegeere bw'asagira kyeyanangire okutongana nanze.

05/08.txt

@@ -0,0 +1 @@
+\v 8 Awo olwatuukire Erisa omusaiza wa Katonda bwe yawuliire nga kabaka wa Isiraeri akanwire ebivaalo bye n'atumira kabaka ng'atumula nti Lwaki okukanula ebivaalo byo? aize gye ndi, kale yamanya nga mu Isiraeri mulimu nabbi. \v 9 Awo Naamani n'aiza n'embalaasi gye n'amagaali ge, n'ayemerera ku lwigi lw'e nyumba y'Erisa. \v 10 Erisa n'a mutumira omubaka ng'atumula nti Yaba onaabe mu Yoludaani emirundi musanvu, kale omubiri gwo guliira gy'oli, wena olibba mulongoofu.

05/11.txt

@@ -0,0 +1 @@
+\v 11 Naye Naamani n'asunguwala, ne yeirirayo n'atumula nti bona, mbaire nkoba nti taaleke kufuluma gye ndi n'ayemerera n'asaba eriina lya Mukama Katonda we n'abityabitya engalo awali ekifo, n'awonya omugenge. \v 12 Abana ne Falufali emiiga egy'e Damasiko tegisinga busa maizi gonagona aga Isiraeri? Tinsobola kunaaba omwo ne mba mulongoofu? Awo n'akyuka n'ayaba ng'aliku ekiruyi.

05/13.txt

@@ -0,0 +1 @@
+\v 13 Awo abaidu be ni basembera ne batumula naye nti itawange, nabbi singa akulagiire okukola ekigambo ekikulu, tewandikikolere? kale toosinge inu bw'akukobere nti Naaba obe mulongoofu? \v 14 Awo n'aserengeta ne yeinika mu Yoludaani emirundi musanvu ng'e kigambo bwe kyabbaire eky'o musaiza wa Katonda: omubiri gwe ne gwira ate ng'o mubiri gw'o mwana omutomuto, n’abba mulongoofu.

05/15.txt

@@ -0,0 +1 @@
+\v 15 Awo n'airayo eri omusaiza wa Katonda, iye n'ekibiina kye kyonakyona, n'aiza n'ayemerera mu maiso ge: n'atumula nti bona  ntegeire nga wabula Katonda mu nsi yonayona wabula mu Isiraeri: kale, nkwegayiriire, toola ekirabo ku mwidu wo. \v 16 Yeena n'atumula nti Nga Mukama bw'ali omulamu gwe nyemerera mu maiso ge, tinatoole kyonakyona. N'amutayirira okukitoola; naye n'agaana.

05/17.txt

@@ -0,0 +1 @@
+\v 17 Awo Naamani n'atumula nti Oba tootoole, naye nkwegayiriire omwidu wo aweebwe eitakali eryetiikibwa n'e nyumbu ibiri; kubanga omwidu wo takaali awayo okuva watyanu ebiweebwayo ebyokyebwa waire sadaaka eri bakatonda abandi wabula eri Mukama. \v 18 Mukama asonyiwe omwidu wo mu kigambo kino; mukama wange bweyayingiranga mu kiigwa kya Limoni okusinziryayo ne yeesigama ku mukono gwange ni nkutama mu kigwa kya Limoni, bwe nakutamanga mu kigwa kya Limoni, Mukama asonyiwenga omwidu wo mu kigambo ekyo. \v 19 N'amukoba nti Yaba mirembe. Awo ni baawukana n'atambulaku akabbanga.

05/20.txt

@@ -0,0 +1 @@
+\v 20 Naye Gekazi omwidu wa Erisa omusaiza wa Katonda n'atumula nti bona, mukama wange asonyiwire Naamani ono Omusuuli okutoola mu mikono gye ekyo kye yaleetere: nga Mukama bw'ali omulamu, nairuka ni musererya mbeeku kye namutookaku. \v 21 Awo Gekazi n'asengererya Naamani. Awo Naamani bwe yaboine amusengererya, n'ava ku igaali okumusisinkana, n'atumula nti Mirembe? \v 22 N'atumula nti Mirembe. Mukama wange antumire ng'atumula nti bona, atyanu nakaiza baize gye ndi nga bava mu nsi y'e nsozi ey'Efulayimu abaaisuka babiri ab'o ku baana ba banabbi; nkwegayiriire, bawe talanta y'e feeza n'e miteeko gy'e bivaalo ibiri.

05/23.txt

@@ -0,0 +1 @@
+\v 23 Awo Naamani n'atumula nti ikirirya, otoole talanta ibiri. N'amutayirira, n'asiba talanta ibiri egy'e feeza mu nsawo ibiri wamu n'emiteeko gy'e bivaalo ibiri, n'abitika abaidu be babiri: ni bagyetiikira mu maiso ge. \v 24 Awo bwe yatuukire ku lusozi, n'abitoola mu mukono gwabwe n'abigisa mu nyumba: n'asindika abasaiza ni bairayo. \v 25 Yena n'ayingira n'ayemerera mu maiso ga mukama we. Erisa n'amukoba nti ova waina, Gekazi? N'atumula nti omwidu wo abulaku gy'ayabire.

05/26.txt

@@ -0,0 +1 @@
+\v 26 N'amukoba nti omwoyo gwange tegwabire naiwe, omusaiza bw'akyukire okuva mu igaali lye okusisinkana naiwe? Niikyo ekiseera okutoola feeza n'okutoola ebivaalo n'e nsuku gy'e mizeyituuni n'ensuku gy'emizabbibu n'e ntama n'e nte n'a baidu n'a bazaana? \v 27 Kale ebigenge bya Naamani byegaita naiwe n'eizaire lyo emirembe gyonagyona. N'ava w'ali nga mugenge atukula ng'o muzira.

06/01.txt

@@ -0,0 +1 @@
+\v 1 Awo abaana ba banabbi ni bakoba Erisa nti Bona ekifo kye tubbamu mu maiso go kituyingire obutono. \v 2 Tukwegayiriire twabe ku Yoludaani tutooleyo buli muntu omusaale, twekolere eyo ekifo eky'okubbamu. N'airamu nti mwabe. \v 3 Awo ni wabba atumula nti nkwegayiriire, ikirirya oyabe n'abaidu bo. N'airamu nti Nayaba.

06/04.txt

@@ -0,0 +1 @@
+\v 4 Awo n'ayaba nabo. Awo bwe baatuukire ku Yoludaani, ni batema emisaale. \v 5 Naye omumu bwe yabbaire atema omusaale, empasa n'egwa mu maizi: n'akunga n'atumula nti Ginsangire, mukama wange! kubanga ebbaire njazike.

06/06.txt

@@ -0,0 +1 @@
+\v 6 Omusaiza wa Katonda n'atumula nti egwire waina? N'amulaga ekifo. N'atema omusaale n'agusuulawo n'aibbulukusya ekyoma. \v 7 N'atumula nti gironde. N'agolola omukono gwe n'agikwata.

06/08.txt

@@ -0,0 +1 @@
+\v 8 Awo kabaka w’e Busuuli n'alwana ne Isiraeri; n'ateesya n'abaidu be ng'atumula nti Engindi niiyo eribba olusiisira lwange. \v 9 Omusaiza wa Katonda n'atumira kabaka wa Isiraeri ng'atumula nti wekuume oleke okubita egindi; kubanga eyo Abasuuli gye baserengetere.

06/10.txt

@@ -0,0 +1 @@
+\v 10 Kabaka wa Isiraeri n'atuma mu kifo ekyo omusaiza wa Katonda ky'amukobeire ng'amulabula: n'awonera eyo omulundi ti gumu so ti ibiri. \v 11 Awo omwoyo gwa kabaka w'e Busuuli ni gweraliikirira inu olw'e kigambo ekyo; n'ayeta abaidu be n'abakoba nti Temwantegeezye ali ku ife ali ku lwa kabaka wa Isiraeri?

06/12.txt

@@ -0,0 +1 @@
+\v 12 Omumu ku baidu be n'atumula nti Bbe, mukama wange, ai kabaka; naye Erisa nabbi ali mu Isiraeri niiye akobera kabaka wa Isiraeri ebigambo by'otumulira mu nyumba yo gy'ogonamu. \v 13 N'atumula nti mwabe mubone gy'ali, ntume musyome. Ne bamukobera nti bona, ali mu Dosani.

06/14.txt

@@ -0,0 +1 @@
+\v 14 Awo n'atumayo embalaasi n'amagaali n'eigye lingi: ne baiza obwire ne bazingizya ekibuga. \v 15 Awo omwidu w'o musaiza wa Katonda bwe yagolokokere Amakeeri n'afuluma, bona, eigye n'embalaasi n'amagaali nga bazingizirye ekibuga. omwidu we n'amukoba nti gitusangire, mukama wange! twakola tutya? \v 16 N'airamu nti totya: kubanga abali naife bangi okusinga abali nabo.

06/17.txt

@@ -0,0 +1 @@
+\v 17 Erisa n'asaba n’atumula nti Mukama wange, nkwegayiriire, omuzibule amaiso ge abone. Awo Mukama n'azibula amaiso g'o mwisuka; n'abona: awo; bona, olusozi nga lwizwire embalaasi n'a magaali ag'omusyo ageetooloire Erisa. \v 18 Awo bwe baserengetere gy'ali Erisa n'asaba Mukama n'atumula nti nkwegayiriire, ziba amaiso g'abantu bano. N'aziba amaiso gaabwe ng'e kigambo kya Erisa bwe kyabbaire. \v 19 Erisa n'akoba nti Eno ti niiyo engira so ne kino ti niikyo ekibuga: munsengererye nzena n'abatuukya eri omusaiza gwe musagira. N'abatwala e Samaliya.

06/20.txt

@@ -0,0 +1 @@
+\v 20 Awo alwatuukire bwe baatuukire mu Samaliya, Erisa n'atumula nti Mukama: wange, zibula amaiso g'a bantu bano babone. Awo Mukama n'azibula amaiso gaabwe ni babona; kale bona, nga bali mu Samaliya wakati \v 21 Awo kabaka wa Isiraeri n'akoba Erisa bwe yababoine nti itawange mbakubbe? mbakubbe?

06/22.txt

@@ -0,0 +1 @@
+\v 22 N'airamu nti Tobakubba: otaka okukubba abo b'o wambire n'e kitala kyo n'omutego gwo? teeka emere n'a maizi mu maiso gaabwe balye banywe baire eri mukama waabwe. \v 23 N'abateekerateekera bingi: awo bwe bamalire okulya n'o kunywa n'abasindika ne baaba eri mukama waabwe. Awo ebibiina eby'e Busuuli nga tebikaali biiza ate mu nsi y'e Isiraeri.

06/24.txt

@@ -0,0 +1 @@
+\v 24 Awo olwatuukire oluvanyuma lw'ebyo Benikadadi kabaka w’e Busuuli n'akuŋaanya eigye lye lyonalyona, n'ayambuka n'a zingizya Samaliya. \v 25 Awo mu Samaliya nga mulimu enjala nyingi: kale, bona ni bakizingizya okutuusya lwe batundire omutwe gw'e ndogoyi olw'e bitundu eby'e feeza kinaana, n'e kitundu eky'okuna eky'e kibya eky'o busa bw'a mayemba nga babutunda olw'e bitundu by'e feeza bitaanu. \v 26 Awo kabaka we Isiraeri bwe yabbaire ng'a bitawo ku bugwe, omukali n'amukungirira ng'atumula nti Mbeera, mukama wange, ai kabaka.

06/27.txt

@@ -0,0 +1 @@
+\v 27 N'atumula nti Mukama bw'ataakuyambe, nze natoola waina eby'okukuyamba? mu iguuliro oba mu isogolero? \v 28 Kabaka n'amukoba nti Obbaire ki? N'airamu nti Omukali ono yankobere nti waayo omwana wo ow'o bwisuka tumulye watyanu era twalya omwana wange ow'o bwisuka Amakeeri. \v 29 Awo ne tufumba omwana wange ni tumulya ne mukoba ku lunaku olw'o kubiri nti waayo omwana wo tumulye yena omwana we amugisire.

06/30.txt

@@ -0,0 +1 @@
+\v 30 Awo olwatuukire kabaka bwe yawuliire ebigambo by'o mukali n'akanula ebivaalo bye; (era yabbaire ng'abitawo ku bugwe;) abantu ne batandika, kale, bona, ng'avaire ebinyakinyaki munda ku mubiri gwe. \v 31 Awo n'atumula nti Katonda ankole atyo n'okusingawo, omutwe gwa Erisa mutaane wa Safati bwe gwabba ku iye watyanu.

06/32.txt

@@ -0,0 +1 @@
+\v 32 Naye Erisa n'atyama mu nyumba ye n'abakaire ni batyama naye; kabaka n'atuma omusaiza okuva gy'ali: naye omubaka nga akaali kutuuka gy'ali n'akoba abakaire nti muboine ono omwana w'o mwiti bw'atumire okuntoolaku omutwe? kale omubaka bweyaiza, mwigaleewo olwigi munyigirirye olwigi ku iye: ebisinde by'ebigere bya mukama we tibiri nyuma we? \v 33 Awo ng'akaali atumula nabo, bona, omubaka n'aserengeta gy'ali: n'atumula nti bona, akabbiibi kano kaviire eri Mukama; kiki ekyabba kinindirirya ate Mukama?

07/01.txt

@@ -0,0 +1 @@
+\v 1 Awo Erisa n'atumula nti muwulire ekigambo kya Mukama: atyo bw'atumula Mukama nti eizo bwe bwabba nga kampegaano ekigero ky'o bwita obusa kyatundibwa sekeri, n'ebigero bibiri ebya sayiri sekeri mu wankaaki w'e Samaliya. \v 2 Awo omwami kabaka gwe yeesigikanga ku mukono gwe n'airamu omusaiza wa Katonda n'atumula nti bona, Mukama bweyakola ebituli mu igulu, ekigambo ekyo kyandisobokere okubbaawo? N'atumula nti bona, olikibona n'amaiso go, naye toliryaku.

07/03.txt

@@ -0,0 +1 @@
+\v 3 Awo wabbairewo abasaiza bana abagenge awayingirirwa mu wankaaki: ne bakobagana nti Kiki ekitutyamisya wano okutuusya lwe tulifa? \v 4 Oba nga twakoba nti Twayingira mu kibuga, kale enjala ng'eri mu kibuga, kale twafiira omwo: era oba nga twatyama wano butyami, era twafa. Kale mwize tusenge eigye ly'Abasuuli: bwe batuwonya nga balamu, kale tulibba balamu; era bwe batwita, twamala gafa.

07/05.txt

@@ -0,0 +1 @@
+\v 5 Awo ni bagolokoka obwire okwaba mu lusiisira olw'Abasuuli: awo bwe baatuukire ku lusiisira olw'Abasuuli we lukoma, bona, nga ebulayo muntu. \v 6 Kubanga Mukama yabbaire awuliirye eigye ly'Abasuuli eidoboozi ly'amagaali n'eidoboozi ly'embalaasi, eidoboozi ly'eigye eringi: ni bakobagana nti bona, kabaka wa Isiraeri atuweereireku bakabaka b'Abakiiti na bakabaka b'Abamisiri okututabaala.

07/07.txt

@@ -0,0 +1 @@
+\v 7 Awo nu bagolokoka ni bairuka bwire, ne baleka eweema gyabwe n'e mbalaasi gyabwe, n'e ndogoyi gyabwe, olusiisira nga bwe lwabbaire, ni bairuka olw'o bulamu bwabwe. \v 8 Awo abagenge abo bwe baatuukire ku lusiisira we lukoma, ni bayingira mu weema imu ni balya ni banywa; ni batoolamu efeeza n'e zaabu n'e bivaalo, ne baaba ne babigisa; ni bairawo ne bayingira mu weema egendi ni baiza n'o mwo ne baaba ne begisa.

07/09.txt

@@ -0,0 +1 @@
+\v 9 Awo ne bakobagana nti Tetukola kusa: Watyanu lunaku lwe bigambo bisa fena tusirika: bwe twalindirira obwire ne bukya, twaizirwa okubonerezebwa: kale mwize twabe tukobere ab'o mu nyumba ya kabaka. \v 10 Awo ne baiza ni bakoowoola omwigali w'e kibuga: ne babakobera nti twatuukire mu lusiisira lw'Abasuuli, kale, bona, nga mubula muntu waire eidoboozi ly'o muntu, naye embalaasi nga gisibiibwe n'e ndogoyi nga gisibiibwe n'e weema nga bwe gyabbaire. \v 11 Awo n'ayeta abaigali; ne bakobera ab'o mu nyumba ya kabaka munda.

07/12.txt

@@ -0,0 +1 @@
+\v 12 Awo kabaka n'agolokoka bwire n'akoba abaidu be nti atyanu nabategeeza Abasuuli kye batukolere. Bamaite ng'e njala etuluma; kyebaviire bava mu lusiisira okwegisa mu nsiko nga batumula nti bwe baviire mu kibuga twabawamba nga balamu, ni tuyingira mu kibuga. \v 13 Awo omumu ku baidu be n'airamu n'atumula nti batwale ku mbalaasi egisigaire itaanu, nkwegayirire, egisigaire mu kibuga, (bona, giri ng'e kibiina kyonakyona ekya Isiraeri ekisigaire mu kyo; bona, giri ng'e kibiina kyonakyona ekya Isiraeri ekimaliibwewo:) tutume tubone.

07/14.txt

@@ -0,0 +1 @@
+\v 14 Awo ne batwala amagaali mabiri n'e mbalaasi; kabaka n'atuma okusengererya eigye ly'Abasuuli ng'atumula nti mwabe mubone. \v 15 Ne babasengererya okutuuka ku Yoludaani: kale, bona, engira yonayona nga eizwire ebivaalo n'e bintu Abasuuli bye baswire nga banguwa. Ababaka ni bairawo ni bakobera kabaka.

07/16.txt

@@ -0,0 +1 @@
+\v 16 Awo abantu ne bafuluma ne banyaga olusiisira olw'Abasuuli. Awo ekigero ky'obwita obusa ne babutunda sekeri, n’e bigero ebye sayiri bibiri sekeri, ng'e kigambo kya Mukama bwe Kyabbaire. \v 17 Awo kabaka n'ateekawo omwami gwe yeesigikanga ku mukono gwe okulabirira wankaaki, abantu ni bamuniinirira mu mulyango n'afa ng'o musaiza wa Katonda bwe yakobere eyatumwire kabaka bwe yaserengetere gy'ali.

07/18.txt

@@ -0,0 +1 @@
+\v 18 Awo ni kituukirira ng'o musaiza wa Katonda bwe yakobere kabaka nti ebigero ebya sayiri bibiri bye sekeri, n'e kigero ky'o bwita obusa kye sekeri, bwe kiribba kityo mu mulyango gw'e Samaliya amakeeri  bulibba nga kampegaano; \v 19 omwami oyo n'airamu omusaiza wa Katonda n'atumula nti bona, Mukama bweyakola ebituli mu igulu, ekigambo ekyenkaniire awo kyandisobokere okubbaawo? n'atumula nti bona, olikibona n'a maiso go, naye toliryaku: \v 20 ne kituukirira gy'ali kityo; kubanga abantu bamuniiniriire mu mulyango n'afa.

08/01.txt

@@ -0,0 +1 @@
+\v 1 Era Erisa yabbaire akobere omukali gwe yazuukiriirye omwana we ng'atumula nti golokoka oyabe iwe n'e nyumba yo obbe yonayona gy'olisobola okubba: kubanga Mukama ayetere enjala; kale n'o kugwa erigwira ku nsi emyaka musanvu. \v 2 Awo omukali n'agolokoka n'akola ng'e kigambo bwe kyabbaire eky'o musaiza wa Katonda: n'ayaba n'e nyumba ye n'abba mu nsi y'Abafirisuuti emyaka musanvu. 3 Awo olwatuukire emyaka omusanvu bwe gyabitirewo; omukali n'airawo ng'ava mu nsi y'Abafirisuuti: n'afuluma okukukungirira kabaka olw'e nyumba ye n'ekyalo kye:

08/03.txt

@@ -0,0 +1 @@
+\v 4 Awo kabaka yabbaire ng'atumula n'o Gekazi omwidu w'o musaiza wa Katonda ng'akoba nti nkwegayiriire, nkobera ebikulu byonabyona Erisa bye yakolere.

08/05.txt

@@ -0,0 +1 @@
+\v 5 Awo olwatuukire bwe yabbaire ng'akobera kabaka bwe yazuukiire oyo eyabbaire afiire, bona, omukali gwe yazuukiriirye omwana we n'akungirira kabaka olw'e nyumba ye n'e kyalo kye. Gekazi n'atumula nti Mukama wange, ai kabaka, ono niiye omukali n'ono niiye omwana we Erisa gwe yazuukiirye. \v 6 Awo kabaka bwe yabwiirye omukali n'amukobera. Awo kabaka n'amuteekaku omumbowa mumu ng'atumula nti mwirirye byonabyona ebyabbaire ebibye n'e bindi byonabyona eby'e kyalo okuva ku lunaku lwe yaviiriiremu mu nsi okutuusya atyanu.

08/07.txt

@@ -0,0 +1 @@
+\v 7 Awo Erisa n'aiza e Damasiko; era Benikadadi kabaka w'e Busuuli yabbaire ng'alwaire; ne bamukobera nti Omusaiza wa Katonda aizire eno. \v 8 Kabaka n'akoba Kazayeeri nti twala ekirabo mu mukono gwo oyabe osisinkane omusaiza wa Katonda omubuuliryemu eri Mukama ng'otumula nti Ndiwona endwaire eno? \v 9 Awo Kazayeeri n'ayaba okumusisinkana n'atwala ekirabo eky'oku buli kintu ekisa eky'o mu Damasiko, ebyetiikibwa n'e ŋamira ana, n'aiza n'ayemerera mu maiso ge n'atumula nti Omwana wo Benikadadi kabaka w'e Busuuli antumire gy'oli ng'atumula nti ndiwona endwaire eno?

08/10.txt

@@ -0,0 +1 @@
+\v 10 Erisa n'amukoba nti Yaba omukobe nti tolireka kuwona; naye Mukama antegeezerye nga talireka kufa. \v 11 N'amwekalisisya maiso okutuusya ensoni lwe gyamukwaite: omusaiza wa Katonda n'akunga amaliga. \v 12 Awo Kazayeeri n'atumula nti Mukama wange akungira ki? N'airamu nti kubanga maite obubbiibi bw'olikola abaana ba Isiraeri: ebigo byabwe olibyokya omusyo, n'abaisuka baabwe olibaita n'e kitala, era olitandagira abaana baabwe abatobato, era olibbaaga abakali baabwe abali ebida.

08/13.txt

@@ -0,0 +1 @@
+\v 13 Awo Kazayeeri n'atumula nti Naye omwidu wo niikyo ki, niiye mbwa obubbwa, akole ekigambo ekyo ekikulu? Erisa n'airamu nti Mukama antegeezerye nga iwe olibba kabaka w'e Busuuli. \v 14 Awo n'ava awali Erisa n'aiza eri mukama we; n'amukoba nti Erisa yakukobere ki? N'airamu nti Yankobeire nga tolireka kuwona. \v 15 Awo olwatuukire amakeeri n'airira eky'okwebiika n'akiinika mu maizi n'akiteeka ku maiso ge n'okufa n'afa: Kazayeeri n'afuga mu kifo kye.

08/16.txt

@@ -0,0 +1 @@
+\v 16 Awo mu mwaka ogw'okutaanu ogwa Yolaamu mutaane wa Akabu kabaka wa Isiraeri, Yekosafaati nga niiye kabaka we Yuda mu birseera ebyo, Yekolaamu Mutaane wa Yekosafaati kabaka we Yuda n'atandika okufuga. \v 17 Yabbaire yaakamala emyaka asatu na ibiri bwe yatandikire okufuga; n'afugira emyaka munaana mu Yerusaalemi.

08/18.txt

@@ -0,0 +1 @@
+\v 18 N'atambulira mu ngira ya bakabaka ba Isiraeri ng'enyumba ya Akabu bwe bakolanga: kubanga yafumbiirwe muwala wa Akabu: n'akola ebyabbaire mu maiso ga Mukama ebibbiibi. \v 19 Naye Mukama teyatakire kuzikirirya Yuda ku lwa Dawudi omwidu we nga bwe yamusuubizirye okumuwa etabaaza olw'a baana be emirembe gyonagyona.

08/20.txt

@@ -0,0 +1 @@
+\v 20 Ku mirembe gye Edomu n'ajeema okuva wansi w'o mukono gwa Yuda, ni beekolera kabaka. \v 21 Awo Yolaamu n'asomoka n'ayaba e Zayiri n'amagaali ge gonagona wamu naye: n'agolokoka obwire n'akubba Abaedomu abaamuzingizingizirye, n'abaami b'amagaali: abantu ni bairukira mu weema gyabwe.

08/22.txt

@@ -0,0 +1 @@
+\v 22 Awo Edomu n'ajeema okuva wansi w'o mukono gwe Yuda ne watynu. Awo Libuna n'ajeema mu biseera ebyo. \v 23 Era ebikolwa ebindi byonabyona ebya Yolaamu ne byonabyona bye yakolere tebyawandiikiibwe mu kitabo eky'e by'omu mirembe gya bakabaka ba Yuda? \v 24 Awo Yolaamu ne yeekungira wamu na bazeiza be n'aziikirwa wamu na bazeizabe mu kibuga kya Dawudi: Akaziya Mutaane we n'afuga mu kifo kye.

08/25.txt

@@ -0,0 +1 @@
+\v 25 Mu mwaka ogw'e ikumi n'eibiri ogwa Yolaamu mutaane wa Akabu kabaka we Isiraeri Akaziya mutaane wa Yekolaamu kabaka we Yuda n'atandika okufuga. \v 26 Yabbaire yaakamala emyaka abiri na ibiri bwe yatandikire okufuga; n'afugira omwaka gumu mu Yerusaalemi. N'o maye eriina lye yabbaire Asaliya muwala wa Omuli kabaka w'e Isiraeri. \v 27 N'atambulira mu ngira y'e nyumba ya Akabu n'akola ebyabbaire mu maiso ga Mukama ebibbiibi ng'e nyumba ya Akabu bwe bakolanga: kubanga yabbaire muko w'e nyumba ya Akabu.

08/28.txt

@@ -0,0 +1 @@
+\v 28 N'ayaba n'o Yolaamu mutaane wa Akabu okulwana n'i Kazayeeri kabaka w'e Busuuli e Lamosugireyaadi: Abasuuli ne basumita Yolaamu ekiwundu. \v 29 Awo kabaka Yolaamu n'airawo okuwonera e Yezuleeri ebiwundu Abasuuli bye bamusumitire e Laama bwe yalwaine n'o Kazayeeri kabaka w'e Busuuli. Akaziya mutaane wa Yekolaamu kabaka we Yuda n'aserengeta okulambula Yolaamu mutaane wa Akabu e Yezuleeri kubanga alwaire.