pungs6th16_sif_luk_text_reg/05/29.txt

\v 29 Lefi ki fwɔŋn táaŋn Yesu se á sádi, martar-hlárɔn tyɛɛ́ŋ sɔ́ɔ tɛ̀ŋnɛ̀n ín, fù nì jimin máɛ̀, fɛ̀ bè tɛ̀ŋnɛ̀n à le le fɔŋnî mɔ yì wɔ́se. \v 30 À Farisyɛ́ɛ̀ŋɛ̂ n'à tɔ̂ŋn kɛlêê k'á yɛŋn kɔ̀ŋnɔn kwɔ́ŋn kùnmɔ, yì b'à lóon Yesu ǹ kɛɛln-bishɛ́ɛ̀ŋɛ̂ se dé: «À ri gbáno jà yíi bè le leèn àni martar-hlárêê n'àni gbɔjáal-klɛrêê wɔ́se?» \v 31 Yesu k'à gbukɛlî mɔgbɔ̀n, k'à wú yì se dé: «Jiminî mun n'á kpɛ́ln ɔ, wɔŋklɛrɔn togbɔ wo fù se bo, à togbɔ mun la láaŋrɔn se. \v 32 Mún wo bɛ̀ɲɛ̀n bùkwɔ̀ɛ̀ŋ fɛ́ɛŋn ɔ bo, mún ni bɛ̀ɲɛ̀n gbɔjáal-klɛrê fɛ́ɛŋn ɔ, nɔkɔ́ŋl yì ǹ klɛ̀ gbɔjáalî hlɔ̀má ki dé yì se, yì ki kár gbɔjáal to.»