Mon Jul 04 2016 14:37:06 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Gbɔɛ̀ɛ̂ mun ni klɛ̀ ŋmɛ́ɛn se, jimin tyɛɛ́ŋ sɔ́ɔ ri fù gbɔɛ̀ɛ̂ klɛ̀ fáâ todɛ̀ndɛ̂nî ɲwár funkpɛ́. \v 2 Fù gbɔɛ̀ɛ̂ ri klɛ̀ mɛ̀mun ɲíɲra ki gbɔ̀n à klɛ funkpɛ̂ gbâr ye, fɛ̀ ki bè tɛ̀ŋnè Jɔnɔsɔ gbukɛl kɛlê. Yì r'à klɛ̀ fáâ todɛ̀ndɛn ŋmɛ́ɛn se fáâ mun to, fù mɔ́n ɲwáartêê r'à ɲwár yì ɲíɲra klɛ̀ fáâ to. \v 3 Mún saaŋ fù gbɔɛ̀ɛ̂ klɛ̀ fáâ níkyàŋ ɲɔn sɔ́ɔ, ń tɔbin Tewofili, ki gbɔ̀n à yɛŋnjà fɔŋnî mɔ. Fù se kwó, mún ǹ jɛ́ɛn mɔ dé mún ni yanɲɛ̀n ń ki fɛ̀ nɔ̀nkurn ɲúr ákún se, à tɛ́ŋlɛ́n fáâ to ki gbɔ̀n à dɔ to \v 4 nɔkɔ́ŋl á k'à shu d'á ri kɛɛlnɲɛ̀n gbɔɛ̀ɛ̂ mun ɔ, á k'à hlɔja d'à klɛ̀ fá ɔ.

01/05.txt

@@ -0,0 +1 @@
+\v 5 Jude kìyɛŋnî wono, kìyɛŋntɔn Erɔdi ye mɔ flɛ́klɛrɔn dyàn ni tɛ̀ŋnɛ̀n ín, yì r'à fɛ́ɛŋn ín dé Jakariya. Yì ri flɛ́klɛrê jùmɔ̂ɔ̂ mun yin nɛ́nɲɛ̀n dé Abiya, à ri tɛ̀ŋnɛ̀n fɛ̀ wɔ́se ín. Fù jɔɔ̂ luû ki Aruna burjir ɔ ín, yì b'à fɛ́ɛŋn dé Elisabɛti. \v 6 À blê jir níinî ki bùkwɔ̀ɛ̀ŋa ɔ ín Jɔnɔsɔ se, yì r'á kpɛŋnjàɲɛ̀n ín Diryɔŋtotɔn ǹ tɔ̂ɛ̀ŋɛ̂ n'àn yɛ̀n gbɔɛ̀ɛ̂ to. \v 7 Kɛ̀, kwɔ̀ŋ dye mɔ́n byéen la yì yin ta ín bo, bóló ɔ bo à lu Elisabɛti ki dye kwɔŋ kaarn mél ɔ ín, yì jir níinî bè kòlɲɛ̀n.

01/08.txt

@@ -0,0 +1 @@
+\v 8 Lɔɔndya, Jakariya b'án flɛ́ɛɛ̂ klɛɛ̀n Jɔnɔsɔ se, bóló ɔ bo fù mlìî ri yanè àkun fù jùmɔ̂ɔ̂ to. \v 9 Ki yan à flɛ́ɛɛ̂ klɛ fáâ se, àkun fù mɛ̀lî mùn ni ŋmɔ́n gbɔ̀n wono gbúshúmɔ́n mɔ nyɛ brée ɔ à tonyɛɛlklɛ-lɔ́sɔ́ɔɔ̂ mɔ mímí. \v 10 Jakariya k'à gbúshúmɔ́nî mɔ nyɛ brê gbâr ye, à jùmɔ̂ɔ̂ nɔ̀nkurn tonyɛɛl klɛɛ̀n wo ín.

01/09.txt

@@ -0,0 +1 @@
+9

01/11.txt

@@ -0,0 +1 @@
+\v 11 À la máno tɛ̀ŋn híin, Diryɔŋtotɔn ǹ tɔ́ŋrɔn dyàn k'á byéen yɛ̀n à to, à bè líɲɛ̀n à flɛ́klɛmɔ́nî kìndíir bén se, à gbúshúmɔ́n mláaŋ fɔŋnî mɔ. \v 12 Jakariya mùfɔn à ŋmɔ́n à nìryɛŋn ki lùnè, à gbɛ́ɛ ki jìrè à to yànbê se. \v 13 Kɛ̀ Diryɔŋtotɔn ǹ tɔ́ŋrɔnî k'à wú à se dé: «Be yàntú bo, Jakariya, bóló ɔ bo Jɔnɔsɔ r'án tonyɛɛlî jà, á luû bè dye-jɛn kwɔŋbɛ̂ á se, á ki b'à yin nɛ́n dé Yuhana.

01/14.txt

@@ -0,0 +1 @@
+\v 14 À kwɔ̀ŋɔ̂ bè tɛŋna á se gbɔmɔnar gbɔ, á gbɔ b'á byéen tìyà, à saaŋ bè tɛŋna jimin tyɛɛ́ŋ sɔ́ɔ se gbɔmɔnar gbɔ. \v 15 Fù bóló ɔ bo à bè tɛŋna jimin denkɛŋl sɔ́ɔ Diryɔŋtotɔn se, à bè tyɛŋ gbɛa bo, à saaŋ be lamɔ́n bóló gbɛa mùmun bè jimin ɲáa mɔkekɛl hìn bo. À bè ywára Jɔnɔsɔ ǹ Tɛ́l-Tofénéê rɔ à kwɔŋ gbâr ye à nɔ se.

01/16.txt

@@ -0,0 +1 @@
+\v 16 Àkun b'à jéla Isirayɛli burjir tyɛɛ́ŋ sɔ́ɔ k'á sɛbɛ Diryɔŋtotɔn gbɔɔ̂ tosɛ́, yì ǹ Jɔnɔsɔɔ̂ ɛ̀. \v 17 À bè búra Jɔnɔsɔ nyân lotɔnbé b'à se, tɔ́ŋrɔn Eli fáâ to, ki tɔɛ̀ nì yì derê tyé tityɛ́ŋn. À bè gbɔtokátê nìryɛŋn tojira ki tɛŋn (bùkwɔ̀ɛ̀ŋ) gbɔmɔbinhlɔrê nìryɛŋn fáâ to, ki jùmɔ̂ sɛ̀bɛ̂ sɔ́ɔ mɔtityɛ́ŋn ɲɛn Diryɔŋtotɔn ǹ gbɔ ta.»

01/18.txt

@@ -0,0 +1 @@
+\v 18 Jakariya k'à wú Jɔnɔsɔ ǹ tɔ́ŋrɔnî se dé: «Mún bè gbáno fù shubɛ̂ dé hlɔ ɔ? Bóló ɔ bo mún klɔ̀mun ɔ. Mún luû saaŋ kòl déè dye kwɔŋ ɔ.» \v 19 Jɔnɔsɔ ǹ tɔ́ŋrɔnî k'à mɔli dé: «Mún ki tɔ́ŋrɔn Gabiriyɛli ɔ mùmun ni líɲɛ̀n Jɔnɔsɔ ɲáa bè mún to mano. À ri mún tɔ́ŋɲɛ̀n dé ń ki bɛ àni Twɔ́ɔŋn Nar Sɔ́ɔɔ̂ wú á se. \v 20 À fɔn yi, á yɛŋn bè táanbɛ̀ á wo kɛl hìn tɛŋna ká bo, fóro àni gbɔɛ̀ɛ̂ ki bɛ kwo, bóló ɔ bo á wo mún ǹ kɛl gbukɛlî hlɔjà bo, gbɔɔ̂ mun ni búrɲɛ̀n klɛ ta gbârî mun ni ɲɛ̀nɲɛ̀n à to.»

01/21.txt

@@ -0,0 +1 @@
+\v 21 Fù gbâr ye à jùmɔ̂ɔ̂ ri Jakariya kpɛŋnlɛɛ̀n ín, à tonyɛɛlklɛ-lɔ́sɔ́ɔɔ̂ mɔ à dálî ki yì wonkɔ́ŋnè. \v 22 À mùfɔn lɛ̀ à wo kɛl hìn ká bo, yì k'à shu d'à r'á tɛ́l mɔ ŋmɔ̂n klɛ̀ à tonyɛɛlklɛ-lɔ́sɔ́ɔɔ̂ mɔ. Ki tɛ̀ŋnè à b'á kpɛŋn ɔ kɛɛ̀ln yì wɔ́se à yɛŋntââ wono. \v 23 Jakariya fù klɛwɔɔ̂ klɛ gbârî mùfɔn á mɔyînè, k'á sɛno á sádi.

01/24.txt

@@ -0,0 +1 @@
+\v 24 Fù gbɔɛ̀ɛ̂ jìrɛ̂mun kwɔ́ɔn, Jakariya lu Elisabɛti ki nya gbɔ̀n, k'à toyá fwɔ́ŋn kwɛŋl wono à b'à lóon á byéen wono dé: \v 25 «Diryɔŋtotɔn ǹ klɛ̀ fù ri rɛn la mún se, dye ŋmɔ̂n kaarn flɛ́ɛ fɔn mún to ín, Diryɔŋtotɔn ki ɲukwó mún to ki fù flɛ́ɛɛ̂ gbɔ̀nli mún to.»

01/26.txt

@@ -0,0 +1 @@
+\v 26 Elisabɛti nyaâ fwɔ́ŋn kpaantɔn; à nɛn Jɔnɔsɔ k'án tɔ́ŋrɔn Gabiriyɛli búrno Galile kìyɛŋnî mɔ dyɛ dyàn mɔ dé Nasarɛti. \v 27 À r'à tɔ́ŋɲɛ̀n jɛn gbɔ hlɔ̀ kaarn mímyée-bisháaŋn dyàn se ín, yì b'à fɛ́ɛŋn dé Mariyamu, mùmun ni blèɲɛ̀nɲɛ̀n Isufu se, kìyɛŋntɔn Dawuda burjirî ɛ̀. \v 28 Jɔnɔsɔ ǹ tɔ́ŋrɔnî mùfɔn lò à to, k'à wú à se dé: «Ń n'á fuló Mariyamu, ákún mùmun búrɲɛ̀n jàrfyɛ mɔ, Diryɔŋtotɔn ni tɛ̀ŋnɛ̀n á wɔ́se.» \v 29 À fulóoô ki Mariyamu wonkɔ́ŋnè , à b'á byéen duùn àniî fulóoô tɔŋnî gbɔ ɔ.

01/30.txt

@@ -0,0 +1 @@
+\v 30 Jɔnɔsɔ ǹ tɔ́ŋrɔnî k'à wú à se dé: «Be yantú bo, Mariyamu, bóló ɔ bo á ri jàrfyɛ ŋmɔ́n Jɔnɔsɔ se. \v 31 À fɔn yi, á bè nya gbɔnbɛ̀, á ki dye-jɛn kwɔŋ, á ki bɛ à yin nɛ́n dé Yesu. \v 32 À bè tɛŋna jimin sɔ́ɔ, ki be fɛ́ŋn dé Lokúur-Nɔ̀nkurn-Totɔn Dye-Jɛn. Diryɔŋtotɔn Jɔnɔsɔ b'à ɲínɛ́ɛna à kpàŋn Dawuda ǹ faŋ-ɲínɛ́mɔ́nî ta. \v 33 À bè Isirayɛli buryinî takɛla gbâr mun nɔkɔŋl, àn kìyɛŋntɔnbéê bè tɛŋna dɔ kaarn gbɔ.»

01/34.txt

@@ -0,0 +1 @@
+\v 34 Mariyamu k'à wú Jɔnɔsɔ ǹ tɔ́ŋrɔnî se dé: «Fù la gbáno klɛɛ̀n, mún wo tɛ̀ŋn din jɛn dó wɔ́se bo? \v 35 Jɔnɔsɔ ǹ tɔ́ŋrɔnî ki Mariyamu ǹ gbukɛlî mɔli dé: «Tɛ́l-Toféné bè kyɛla á fléen, Lokúur-Nɔ̀nkurn-Totɔn Jɔnɔsɔ b'án lotɔnbéê rɔ á tohlúuna; fù r'à jɛ́l à bisháaŋn tofénéê mun bè kwɔŋbɛ̂, à bè fɛ́ŋna dé Jɔnɔsɔ Dye-Jɛn.

01/36.txt

@@ -0,0 +1 @@
+\v 36 À nɛn, á tɔbin mél Elisabɛti, mùmun dwɔ̂nɲɛ̀n dé kwɔŋ-kaarn-mél ɔ, àkun saaŋ nya gbɔ̀nɲɛ̀n dye-jɛn kwɔŋ ɔ, à n'án múklɔ̀béê bra ɔ, fù fwɔ́ŋn kpaan nɛn. \v 37 Fù bóló ɔ bo gbɔ dó wo kyɛ̀ŋlɛɛn Jɔnɔsɔ to bo.» \v 38 Mariyamu k'à wú dé: « Mún ki Diryɔŋtotɔn tɔŋnklɛrɔn ɔ, án lô gbɔɔ̂ ki kwo mún se, á k'à kɛl fáâ to.» Fù la klɛ̀ híin, Jɔnɔsɔ ǹ tɔ́ŋrɔnî k'á sukúr li à fur.

01/39.txt

@@ -0,0 +1 @@
+\v 39 Fù yefyɛ̂l níinî tyé mɔ, Mariyamu ki sìsâ mɔ dénno Jude káàlî kòkɛ̀lî dyɛ dyàn mɔ, \v 40 ki dé Jakariya sádi, ki fulóo búr Elisabɛti se. \v 41 Elisabɛti ri Mariyamu ǹ fulóo klɛ myɛlî ná gbârî mun ye, à bisháaŋnî k'á mɔgbé à biî nya mɔ, à biî ki ywárè Jɔnɔsɔ ǹ Tɛ́l-Toféné ɔ,

01/42.txt

@@ -0,0 +1 @@
+\v 42 ki kɔ́bɔ́ á faŋ sɔ́ɔ ɔ dé: «Kyon bè nɛ́nbɛ̂ á mɔ ki jiré à mél búùrî nɔ̀nkurn to, fù nì bisháaŋnî mun nya r'á ɲɛ kyon ki nɛ́n fù mɔ. \v 43 Mún ki gbòrɔ fóro mún Totɔn Jɔɔ̂ kwɔŋ nɔɔ̂ ki bɛ mún sádi? \v 44 À nɛn, mún tàshɛŋ ri jò ákún ǹ fulóo klɛ myɛlî mɔ gbârî mun ye à bisháaŋnî k'á mɔgbé mún nya mɔ á gbɔmɔnar se. \v 45 Mélî mun ni Diryɔŋtotɔn k'á se lô fù ri hlɔjà, d'à bè kwoa, fù la á fyâr.»

01/46.txt

@@ -0,0 +1,3 @@
+\v 46 Mariyamu k'à wú dé: «Mún ni sɔ́jà ɲɛ̀nɲɛ̀n Diryɔŋtotɔn ta ń nìryɛŋn nɔ̀nkurn ɔ,
+\v 47 Mún gbɔ ri ń byéen mɔnar Jɔnɔsɔ núkwɔ́ɔn,
+Mún Tanyântɔnî ɛ̀,

01/48.txt

@@ -0,0 +1,6 @@
+\v 48 Fù bóló ɔ bo à r'á tɛ́l ɲɛ̀nɲɛ̀n mún gbɔ mɔ,
+À tɔŋnklɛrɔn blɔ̀munî ɛ̀.
+Fù mùn n'à jɛ́l, jìrbɛ̀kúur mun nɔkɔŋl b'à wúa,
+Dé mún ni la ń fyâr.
+\v 49 Fù bóló ɔ bo Lokúur-Nɔ̀nkurn-Totɔn ni gbɔ sɔ́ɔ sɔ́ɛ̀ klɛ̀ mún se,
+À yin ki tɛŋn Toféné.

01/50.txt

@@ -0,0 +1,4 @@
+\v 50 À r'á yànhlórê mùnur jaàn,
+Fóro ki dénno loké yì kpaŋltosɛ̂ɛ̀ŋ nɔ̀nkurn to.
+\v 51 À ri gbɔtokpâr sɔ́ɛ̀ klɛ̀ á kpɛŋn tokpârî ɔ,
+Ki wonjɛ́ɛnsɔ́tê tó mɛlè yíi to.

01/52.txt

@@ -0,0 +1,4 @@
+\v 52 À ri faɛ̀ŋ tokyɛl li yì ǹ faŋ-ɲínɛ́mɔ́n ta,
+Ki jimin blɔ̀mɛ́ɛ̀ tɔŋnkúr.
+\v 53 À ri klɔ̂ ǹ jà tê kpɛŋn ló mɔ́n ɲɔn ɲɔɛ̀ ɔ,
+Ki nòfelê kpɛŋn kwɛ̂l tó gbeè.

01/54.txt

@@ -0,0 +1,5 @@
+\v 54 À ri Isirayɛli buryinî kpɛŋn to gbɔ ɲukwɔ́,
+À tɔŋnklɛrɔnî ɛ̀, k'á tɛ́l ɲɛn àkun nɔ̀nkurni k'à mùnur ja gbɔ mɔ,
+\v 55 Á n'à ŋmɔ́n árí à r'à ló ŋmɛ́ɛn kpɛ̀ɛ̀ŋɛ̂ se ín fáâ mun to,
+Brayima n'á kpaŋltosɛ̂ɛ̀ŋɛ̂ ɛ̀,
+D'à bè tɛŋna dɔ kaarn gbɔ.»

01/56.txt

@@ -0,0 +1 @@
+\v 56 Mariyamu ki tɛ̀ŋnè Elisabɛti wɔ́se fóro fwɔ́ŋn tyáar kúur, ki fù kwɔ́ɔn á sɛno á sádi. \v 57 Elisabɛti kwɔŋ gbârî mùfɔn lò, ki kwɔŋ jɛn-bisháaŋn. \v 58 À ɲínɛ́nshîtêê n'à tɔbiìŋî k'à nââ se dé Diryɔŋtotɔn n'án mùnur jaâ ɲájìr ɲɛ̀nè Elisabɛti bén se, yì nɔ̀nkurn gbɔ ki yì mɔnukwó à wɔ́se.

01/59.txt

@@ -0,0 +1 @@
+\v 59 À bisháaŋnî kwɔ̀ŋɔ̂ yefyɛ̂l kprɛɛntɔn lɔ, yì ki bɛ à kpàkwóon hlɛŋ ɔ, dé yíi k'à tɔ Jakariya yinî nɛ́n à to, \v 60 kɛ̀, à bisháaŋnî kwɔ̀ŋ nɔɔ̂ k'à wú dé: «Owo, à bè fɛ́ŋnbɛ̂ dé Yuhana.» \v 61 Yì k'à wú à se dé: «Yì wo máno ákún ǹ dó fɛ́ɛŋn bo!»

01/62.txt

@@ -0,0 +1 @@
+\v 62 Yì ki tàshɛŋtúrê ǹ jɛ́ɛn mɔ, á kpɛŋn ɔ kɛl à bisháaŋnî tɔɔ̂ wɔ́se, nɔkɔ́ŋl à fɛ́ŋn yinî ki shu. \v 63 Jakariya ki klɔ́bin sârmun nyɛl yì se mɔ́n ɲwáar ɔ, k'à ɲúr dé: «À yinî ki Yuhana ɔ.» Yì nɔ̀nkurn won ki kɔ́ŋnè.

01/64.txt

@@ -0,0 +1 @@
+\v 64 Fù tíkɛ́l byéenî mɔ Jakariya yɛŋn tââ ki flìè, à dɛ́ɛɛ̂ hlɛ̀ŋɛ̂ ki jalè, ki kɛl, ki fulóo tè Jɔnɔsɔ to. \v 65 À la máno tɛ̀ŋn híin, à ɲínɛ́nshîtêê nɔ̀nkurn nìryɛŋn ki lùnè yànbê se, jimiì bè fù gbɔɔ̂ klɛ̀ fáâ todɛ̀ndɛ́ɛn yíi se Jude káàlî kòkɛ̀lî nɔ̀nkurn wono. \v 66 Mɛ̀mun nɔkɔŋl nì fù gbukɛlî ná ki ɲínɛ̂nè fɛ̀ tɛ́l mɔ, yì b'á byéen duùn dé: «Àni bè tɛŋna gbáno dye?» À fáto kwó, Jɔnɔsɔ ri tɛ̀ŋnɛ̀n à wɔ́se.

01/67.txt

@@ -0,0 +1,3 @@
+\v 67 À la máno tɛ̀ŋn híin, à bisháaŋnî tɔ Jakariya ki ywárè Tɛ́l-Toféné ɔ, ki tɔ́ŋrɔnbé gbukɛl kɛl dé:
+ \v 68 «Diryɔŋtotɔn ki tofɛ́ɛŋn ɔ, Isirayɛli buryinî ǹ Jɔnɔsɔɔ̂ ɛ̀,
+À k'án jùmɔ̂ɔ̂ tokpɛŋnjàâ nì wɛɛl wono à tobúurnî ta.

01/69.txt

@@ -0,0 +1,7 @@
+\v 69 À ri Ɲɔnlɛtɔn ben fyɛ̂mun búr bɛ ŋmɛ́ɛn se,
+Mùmun ni fɛ́ lìɲɛ̀n Dawuda burjir mɔ,
+À tɔŋnklɛrɔnî ɛ̀,
+\v 70 À n'à ŋmɔ́n árí à r'à ló ín kyɛ̀ŋlye kyɛ̀ŋlye fáâ mun to,
+Án tɔ́ŋrê tofénéèê se,
+\v 71 D'á bè ŋmɛ́ɛn sɛ́ kɛŋla n̂ kɛ̀ŋlshìtê,
+Fù nì n̂ gbɔdɛ́tê nɔ̀nkurn kpɛŋn.

01/72.txt

@@ -0,0 +1,9 @@
+\v 72 Fù wono, à r'án mùnurjaâ klɛ̀ ŋmɛ́ɛn fù kpɛ̀ɛ̀ŋɛ̂ se ín,
+K'á tɛ́lɲɛn án tɔ́ŋyɛ̀-nyɛ̀bé tofénéê mɔ,
+ \v 73 À r'á mwɔ̀n ín fù mun klɛ gbɔ ɔ yɛŋngbɔ̂n wono,
+Brayima se, ŋmɛ́ɛn kpàŋnî ɛ̀.
+\v 74 Fù nì ki ŋmɛ́ɛn ɲɔn li n̂ sɛ́ kɛɛŋlmun kwɔ́ɔn ŋmɛ́ɛn kɛ̀ŋlshìtê kpɛŋn,
+Nɔkɔ́ŋl n̂ k'á nìryɛŋn fwàr ɔ àkun se gbɔɛ̀ɛ̂ kwo,
+\v 75 Nɔkɔ́ŋl ŋmɛ́ɛn ki tɛŋn jimin tofénéè,
+Fù nì n̂ ki tɛŋn bùkwɔ̀ɛ̀ŋ àkun ɲáa b'à to,
+Ŋmɛ́ɛn shiî nɔ̀nkurn wono.

01/76.txt

@@ -0,0 +1,6 @@
+\v 76 Ákún kwó, ń tɔé, á bè fɛ́ŋna dé
+Lokúur-nɔ̀nkurn-Totɔn ǹ Tɔ́ŋrɔn,
+Bóló ɔ bo á bè búra Diryɔŋtotɔn nyân
+Á k'à jìrɛ̂ ɲɛ̂ɛ̀lî sár.
+\v 77 Á b'à kwoa àn jimiìî ki yíi ɲɔnlɛɛ̂ shu,
+Yì ǹ klɛ̀ gbɔjáàlî ŋmáan jìrî se,

01/78.txt

@@ -0,0 +1,5 @@
+\v 78 Ń tɔ Jɔnɔsɔɔ̂ ǹ mùnurjaâ n'àn ɲɔnbéê faŋ mɔ.
+Fù mùnurjaâ b'à jéla n̂ ki woyɛ́ɛl ŋmɔ́n jɔ̀nɔ̀ ɲɛ
+Ye fɛ́ blakúnî fáâ to,
+\v 79 Ki woyɛ́ɛl li à butúun mɔ tɛ̀ŋnɛ̀n fɛ̀ɛ̂,
+N'à jir ja kún ɲɛhlóo fɛ̀ɛ̂ se, fù nì ki n̂ níi gbɔn ɲɛn jàrfyɛ ɲɛ̂l ta.»

01/80.txt

@@ -0,0 +1 @@
+\v 80 À bisháaŋnî kwó, fù ri fáâ mun to sɔ́jà dékɔ́ɔŋn, à tɛ́lî bè máno nukwó dékɔ́ɔŋn; ki tɛ̀ŋnè máno à klɔnɲáaâ se fóro à k'á byéen yɛn yefyɛ̂lî lò ɔ Isirayɛli buryinî to.

02/01.txt

@@ -0,0 +1 @@
+\c 2 \v 1 Fù gbâr ye, Rɔmu kìyɛŋntɔn sɔ́ɔ Sesari Ogusiti ri twɔ́ɔŋn dyàn wúɲɛ̀n ín dé kìyɛɛ̂ŋ nɔ̀nkurn mɔ jimiì yin ki ɲúr. \v 2 Fù yin ɲwáar túkyɛ̀ŋlî ri klɛ̀, fù gbâr ye Kiriniyusi bè Siri kìyɛŋnî takɛl gbɔ to. \v 3 Jimiì nɔ̀nkurn don ín án dyɛ mɔ nɔkɔ́ŋl yì nɔkɔŋl k'á yin ɲúrké á tɔden mɔ.

02/04.txt

@@ -0,0 +1 @@
+\v 4 Isufu ki saaŋ li Galile kìyɛŋnî wono Nasarɛti dyɛɛ̂ mɔ á yin ɲúrkɔ́ɔŋn ɔ Jude kìyɛŋnî dyɛ dyàn mɔ, Dawuda ǹ dyɛɛ̂ ɛ̀, mùmun ni fɛ́ɛŋn dé Betelehɛmu, bóló ɔ bo kìyɛŋntɔn Dawuda burjir ɔ ín. \v 5 Isufu ki dénno á yin ɲúrké á nyɛ̀ Mariyamu wɔ́se, fù mun ni flɔ́ɔ ín.

02/06.txt

@@ -0,0 +1 @@
+\v 6 Yì ki tɛ̀ŋnè mímí fóro Mariyamu kwɔŋ gbârî lò ɔ, k'á tú dye-jɛnî kwɔŋ, \v 7 k'à tokekɛ̂l wâ ɔ, k'à shín yìnmɔ́ɛ̀ ǹ le le kónkóolnb mɔ, bóló ɔ bo tɛŋnfɔŋn wo ŋmɔ́n yì se à tɔ́ɛ̀ŋ bré lɔ́ɔ̂ mɔ bo.

02/08.txt

@@ -0,0 +1 @@
+\v 8 Mɔ̀kɔ̀myɛntê dyɛ̀ tɛ̀ŋnɛ̀n fù kòkɛ̀lî mɔ ín, fɛ̀ ri woláan ín klɔŋn se, yì ǹ yìnmɔ́ɛ̀ɛ̂ tɛ́ŋlɛ́nfɔn. \v 9 Jɔnɔsɔ ǹ tɔ́ŋrɔn dyàn ki gbɔ̀n byéen ɔ á byéen yɛ̀n yì to, Jɔnɔsɔ tɛ̀ŋnɛ̀nî hláhlákúnî bè ŋmɔ́ɔn yì tomlì kyɛ̂ɛ̂ mɔ. Yàn ki yì nɔ̀nkurn jàè tɛ́tɛ̂.

02/10.txt

@@ -0,0 +1 @@
+\v 10 Kɛ̀, Jɔnɔsɔ ǹ tɔ́ŋrɔnî k'à wú yì se dé: «Yíi be yàntú bo! Bóló ɔ bo mún ni byɛ̀ Twɔ́ɔŋn Nar Sɔ́ɔ lóo ɔ yíkun se, à bè tɛŋna jimiì nɔ̀nkurn se gbɔmɔnar twɔ́ɔŋn. \v 11 À nɛn, gbɔ mɔ jimiì Ɲɔnlɛtɔn ɲa kwɔ̀ŋ yíkun se Dawuda ǹ dyɛɛ̂ mɔ, mùmun ki Jɔnɔsɔ ǹ mɔtɔ̂ŋmun jimin ɔ, fù mun ki ŋmɛ́ɛn Totɔn ɔ. \v 12 Fù tofyɛɛ̂ bè shua fáâ mun to fù rɛn: yíi bè bisháaŋn-kpɛ̀ŋl dyàn shínɲɛ̀n ŋmɔ́na yìnmɔ́ɛ̀ ǹ le le kónkóoln mɔ, à bè tokɛkɛ̂lɲɛ̀n wâ ɔ.»

02/13.txt

@@ -0,0 +1,3 @@
+\v 13 Kyáaŋn tɛ̀ŋn, Jɔnɔsɔ ǹ tɔ́ŋrɔn tyɛɛ́ŋ sɔ́ɔ k'à jɔ̀nɔ̀ ɲɛ lì bɛ à máâ tomlì kpɛ́è, yì bè Jɔnɔsɔ tofɛ́ɛŋn dé:
+ \v 14 «Fulóo ki tè Jɔnɔsɔ to nɔ̀nfléen jɔ̀nɔ̀ ɲɛ,
+ɲámɔgbâl ki tɛŋn à ɲáantyarî ta à gbɔmɔnar fɛ̀ɛ̂ se!»

02/15.txt

@@ -0,0 +1 @@
+\v 15 Jɔnɔsɔ ǹ tɔ́ŋrêê mùfɔn á sukúr li à mɔ̀kɔ̀myɛntêê fur, yì k'á sɛdúno à jɔ̀nɔ̀ ɲɛ, à mɔ̀kɔ̀myɛntêê k'à wú yíi se dé: «N̂ ki don à dyɛ wono, Betelɛhɛmu, àni gbɔɔ̂ mun klɛ̀mun nɛn, Diryɔŋtotɔn k'à kwo fù ki wú ŋmɛ́ɛn se, n̂ ki fù yiké.» \v 16 Yì k'á munân ɔ dénno, yì ki Mariyamu nì Isufu ŋmɔ́n, fù n'à bisháaŋn-kpɛ̀ŋlî bè shínɲɛ̀n yìnmɔ́ɛ̀ ǹ le le kónkóoln mɔ.

02/17.txt

@@ -0,0 +1 @@
+\v 17 Yì mùfɔn máno dénno à bisháaŋnî ŋmɔ́nké, gbɔɔ̂ mun ni lóon yì se ín, àni bisháaŋnî gbɔ mɔ, yì ki fù todèndɛn. \v 18 Mɛ̀mun nɔkɔŋl à mɔ̀kɔ̀myɛntêê ǹ dèndɛ̂n gbɔɔ̂ ná yì won ki kɔ́ŋnè. \v 19 Kɛ̀, Mariyamu kwó, àni gbɔɔ̂ ki tɛ̀ŋnè fù tɛ́l mɔ, à b'à kìsɛ́ɛn. \v 20 À mɔ̀kɔ̀myɛntêê k'á sɛno án tíkɛ́lî mɔ, yì bè Jɔnɔsɔ súnkwɔ́ɔn, yì b'à tofɛ́ɛŋn yì ǹ ŋmɔ̂n gbɔɔ̂ nì yì ǹ nâ gbɔɔ̂ rɔ, bóló ɔ bo à nɔ̀nkurn klɛ̀ ár'à ri todèndɛ́ɛn ín fáâ mun to.

02/21.txt

@@ -0,0 +1 @@
+\v 21 À bisháaŋn-kpɛ̀ŋlî kwɔ̀ŋ yefyɛ̂l kprɛɛntɔn n'á mɔyîn, ki kpàkwóon-tìn. Yì k'à yin nɛ́n dé Yesu. Jɔnɔsɔ ǹ tɔ́ŋrɔnî fù yinî mùn tɛ̀ Mariyamu to ín à nya wo gbɔ̀n kɛŋn bo.

02/22.txt

@@ -0,0 +1 @@
+\v 22 Isufu nì Mariyamu ǹ tofénébêc yefyɛ̂ɛ̀lî mɔyînmun kwɔ́ɔn, ki yan Musa ǹ tɔ̂ŋnî fáâ se, yì ki dénno à jɔɔnî ɔ Jerisalɛmu, ki yɛŋntê Diryɔŋtotɔn to; \v 23 bóló ɔ bo à ri ɲúrɲɛ̀n Diryɔŋtotɔn ǹ tɔ̂ŋnî mɔ dé tú dye-jɛɛ̂ nɔ̀nkurn ki tɛŋn Diryɔŋtotɔn ǹ gbɔ ta. \v 24 Yì ki saaŋ flɛ́kwo yekákwoon mɔ́n níin, fù nì kwoa bo nànànbrɛ̂ káarn mɔ́n níin ɔ, Diryɔŋtotɔn ǹ tɔ̂ŋnî mɔ à lô fáâ to.

02/25.txt

@@ -0,0 +1 @@
+\v 25 Jɔ dyàn ni tɛ̀ŋnɛ̀n Jerisalɛmu dyɛɛ̂ mɔ ín, mùmun yin ki Simeyɔn ɔ. Fù jɔɔ̂ ki bùkwɔ̀ŋe ɔ ín, à bè saaŋ á kpɛŋnjaàn Diryɔŋtotɔn ǹ yɛ̀n gbɔɛ̀ɛ̂ to. À ri Isirayɛli buryinî tofyɛŋnî kpɛŋnlɛɛ̀n ín, Jɔnɔsɔ ǹ Tɛ́l-Toféné ri tɛ̀ŋnɛ̀n ín à wɔ́se. \v 26 Tɛ́l-Toféné r'à yɛ̀n à to ín, d'à bè kúa á ɲáa bré kaarn mɔ Diryɔŋtotɔn ǹ Mɔtɔ̂ŋnmun Jiminî to bo.

02/27.txt

@@ -0,0 +1,4 @@
+\v 27 À ri dɛ́ à tonyɛɛlklɛ-lɔ́sɔ́ɔɔ̂ mɔ Tɛ́l-Toféné faŋ mɔ. Yesu kwɔ̀ŋmɛ́ɛ̀ɛ̂ mùfɔn lò à jɔɔnî ɔ, ki yɛŋntè à flɛ́klɛ gbɔɛ̀ɛ̂ k'à tɔ̂ŋnî mɔ yɛ̀n fáâ to, \v 28 Simeyɔn k'à gbɔ̀n búr á bɔ̀ mɔ, ki fulóo tè Jɔnɔsɔ to, k'à wú dé:
+ \v 29 «Mún Totɔn, á la kyáŋmɔ á tɔŋnklɛrɔnî kpìsàŋn ja híin,
+Ki don á ɲámɔgbâl ɔ,
+Án kɛl gbukɛlî mɔ à yɛ̀n fáâ to mún to.

02/30.txt

@@ -0,0 +1,4 @@
+\v 30 Bóló ɔ bo mún n'ákún ǹ ɲɔnlɛɛ̂ ŋmɔ́n ń ɲáa ɔ,
+\v 31 Á ri ɲɔnlɛɛ̂ mun gbɔ mɔtityɛ́ŋn ɲɛ̀nɲɛ̀n jimiì nɔ̀nkurn nyân,
+\v 32 Fù ki tɛŋn woyɛ́ɛl tɔbin kúùr se,
+K'à kwo sɔ́jà ki ɲɛn án jimiì, Isirayɛli buryinî ta.»

02/33.txt

@@ -0,0 +1 @@
+\v 33 Simeyɔn ǹ kɛl gbukɛlî k'à bisháaŋnî tɔɔ̂ n'à nɔɔ̂ wonkɔ́ŋnè, à gbɔ mɔ lô fù ri ta. \v 34 Simeyɔn ki kyon nɛ́n yì mɔ, k'à wú Mariyamu se dé: «À fɔn yi, àni bisháaŋnî b'à kwobɛ̂ Isirayɛli burjir tyɛɛ́ŋ sɔ́ɔ ki gburè, tyɛɛ́ŋ sɔ́ɔ ki tɔŋnkúr lí. À bè tɛŋna gbɔ tofyɛ, jimiì bè yíi tyaaŋn à gbɔ ta. \v 35 À bè máno jimin tyɛɛ́ŋ sɔ́ɔ wono gbɔ li búra woyɛ́ɛl to. Mariyamu, ákún kwó, á ɲámɔɲàn se, à bè tɛŋna árí yì r'á sàŋnɲɛ̀n kɛ̀ŋlɲɛ́n-krɔ ɔ ki dénno loké á nìryɛŋn to.»

02/36.txt

@@ -0,0 +1 @@
+\v 36 Aseri kpaŋltosɛ̂ŋn Fanuwɛli dye mél dyàn ni tɛ̀ŋnɛ̀n ín, tɔ́ŋrɔn-mél ɔ, yì r'à fɛ́ɛŋn ín dé Ani, à r'á tɛ́tɛ̂ kòlɲɛ̀n ín. Ki gbɔ̀n à mímyée mɔ à tyɛ̀l ɔ, à ri nɔ̀tɔ̂ŋn kiin klɛ̀ á dè wɔ́se, \v 37 à dèê ki kúè. À biî ki tɛ̀ŋnè máno mél sarɔn, à shiî ki bè nɔ̀tɔ̂ŋn kpɛ̂ŋlŋmɛn àmi yoro (84) ŋmɔ́n, à w'á fɔnbɛlkwɔ́ɔn à tonyɛɛlklɛ-lɔ́sɔ́ɔɔ̂ to bo, à bè Jɔnɔsɔ tonyɛɛln ki nìnfwɔ̂nf túun gbo ye gbo. \v 38 À biî ki saaŋ bè yanè Simeyɔn ǹ tonyɛɛlî to fù gbâr mɔ́n byéenî to, ki jo fulóo tɛ to Jɔnɔsɔ to, à bè Yesu gbɔ dèndɛ́ɛn wɛɛl wono Jerisalɛmu tobréeê kpɛŋnlɛ fɛ̀ɛ̂ se.

02/39.txt

@@ -0,0 +1 @@
+\v 39 Yesu kwɔ̀ŋmɔ́ɛ̀ɛ̂ ri Diryɔŋtotɔn ǹ tɔ̂ɛ̀ŋɛ̂ mɔ yɛ̀n gbɔɛ̀ɛ̂ kwò mɔyînè gbârî mun ye, yì k'á sɛno Galile kìyɛŋnî mɔ, Nasarɛti dyɛɛ̂ mɔ. \v 40 À bisháaŋnî fáâ mun to sɔ́jà dékɔ́ɔŋn, à tɛ́lî bè máno á mɔnurkwó dékɔ́ɔŋn, à bè ywárɲɛ̀n gbɔ mɔbinhlɔ tɛ́l ɔ, Jɔnɔsɔ ki jàrfyɛ tè à to.

02/41.txt

@@ -0,0 +1 @@
+\v 41 Yesu kwɔ̀ŋmɔ́ɛ̀ɛ̂ be nì kàtɛ̂l mun nɔkɔŋl doòn ín Jerisalɛmu, A-Bè-Jirea-Fu-Ta Wúwɔ́ɔŋɔ̂ wúwɔ́ŋ fɔŋnî mɔ. \v 42 Yesu kwɔ̀ŋ nɔ̀tɔ̂ŋn fú-níintɔn, à ri dɛlɲɛ̀n à bè klɛɛ̀n fáâ mun to, yì ki dénno yíse Jerisalɛmu à wúwɔ́ɔŋɔ̂ wúwɔ́ŋ fɔŋnî mɔ. \v 43 À wúwɔ́ɔŋɔ̂ mùfɔn kɔ́ŋnè, yì sɛkɔ́ŋnfɔn Yesu jɔɔnî ki tal ta Jerisalɛmu à kwɔ̀ŋmɔ́ɛ̀ɛ̂ w'à mɔhlɔ̀ bo. \v 44 Yì ǹ jɛ́ɛn mɔ d'à ri tɛ̀ŋnɛ̀n yíi wɔ́se à dyɛwɔ́ɔn kɔ́ŋntêê tyé mɔ ín, yì ki yefyɛ̂l byéen ɲɛ̂l kél, yì bè Yesu ɲɛ́ɛn yíi tɔbiìŋî nì yíi hlɔ̀têê tyé mɔ.

02/45.txt

@@ -0,0 +1 @@
+\v 45 Yì w'à ŋmɔ́n bo, fóro yì k'á sɛno Jerisalɛmu à ɲɛ́nfɔn. \v 46 À yefyɛ̂l tyáartɔn lɔ, yì ki dénno à ɲínɛ̂nɲɛ̀n ŋmɔ́nké à tonyɛɛlklɛ-lɔ́sɔ́ɔɔ̂ mɔ à kɛlêê tyé mɔ, à bè yì ǹ kɛl gbukɛɛ̀lî tonáan, fù n'à bè duklɛɛ̀n yì se. \v 47 Jimiìî mun nɔ̀nkurn n'àn gbukɛlî tonáan ín àn jɛ́ɛnhlɔ̀béê n'àn gbukɛlî mɔlɛ fáâ se, fɛ̀ won ki kɔ́ŋnè.

02/48.txt

@@ -0,0 +1 @@
+\v 48 À kwɔ̀ŋmɔ́ɛ̀ɛ̂ mùfɔn à ŋmɔ́n fɛ̀ won ki kɔ́ŋnè. À nɔɔ̂ k'à du dé: «Ń tɔé, à ri gbáno jà á k'àniî kwo ŋmɛ́ɛn to? Mún n'á tɔ tɛ́l mɔkɛɛŋlmun n'á bén ɲɛ́ɛn ín.» \v 49 K'à wú yì se dé: «À ri gbáno jà yíkun bè mún bén ɲɛ́ɛn? Yíkun w'à shi dé mún ni yanɲɛ̀n ń ki tɛŋn ń Tɔɔ̂ ǹ lɔ́ɔ̂ mɔ ín be a?» \v 50 Kɛ̀, yì w'àn kɛl gbukɛlî ná bo.

02/51.txt

@@ -0,0 +1 @@
+\v 51 Fù la klɛ̀ híin, Yesu k'á sɛno yì wɔ́se Nasarɛti dyɛɛ̂ mɔ, à bè sɔ́jà ɲɛ̀nɲɛ̀n yì fléen. À nɔɔ̂ k'àni gbɔɛ̀ɛ̂ nɔ̀nkurn ɲɛ̀nè á tɛ́l mɔ. \v 52 Yesu kwó, fù ǹ gbɔ mɔbinhlɔ̀ tɛ́lî b'á tabréen, à bè bɛlkwɔ́ɔn, à gbɔ ki Jɔnɔsɔ nì jimiì nɔ̀nkurn tìyà tɛŋn.

03/01.txt

@@ -0,0 +1 @@
+\c 3 \v 1 Rɔmu kìyɛŋntɔn sɔ́ɔ Tiberi ǹ kìyɛŋntɔnbéê nɔ̀tɔ̂ŋn fú-kwɛŋlɔnî r'à ŋmɔ́n Pɔnsi Pilati bè Jude kìyɛŋnî takɛɛ̀ln. Erodi bè Galilé kìyɛŋnî gbɔ ŋmelê ɲɛrotɔn, à ɲínkar Filipu bè Iture nì Tarakoniti kìyɛŋnî gbɔ ŋmelê ɲɛrotɔn, fù nì Lisaniyasi bè Abileni kìyɛŋnî gbɔ ŋmelê ɲɛrotɔn. \v 2 Fù gbâr ye Ani nì Kayifu bè flɛ́klɛrê ŋmelê. Fù kàtɛ̂lî to Jɔnɔsɔ ǹ gbukɛlî ri tɛ̀ Jakariya dye Yuhana to klɔŋnkúur se.

03/03.txt

@@ -0,0 +1 @@
+\v 3 Fù la klɛ̀ híin, Yuhana ki Jurudɛni yísɔ́ɔɔ̂ kpraâ nɔ̀nkurn kél, à bè tyɛl-tofénéja gbɔ ɔ jimiì sènbéen, dé hlɔ̀má wo dé yì se, yì ki kár gbɔjáal klɛ to, yì tyɛl-tofénéjaâ ki yì to ŋmáan jìr.

03/04.txt

@@ -0,0 +1,4 @@
+\v 4 Tɔ́ŋrɔn Esayi ǹ sɛ́bɛ̂ɛ̂ mɔ ɲwâr gbɔɛ̀ɛ̂ la kwò mɔyînè, fù mun mɔ à ri ɲúrɲɛ̀n ín dé:
+«Jɔ dyàn fɔn gbɔ́nkɔ́ klɛɛ̀n klɔŋnkúur se dé:
+"Diryɔŋtotɔn ǹ ɲɛ̂lî ki sár,
+À jìrɛ̂fɔɛ̀ŋɛ̂ ki sòlnja.

03/05.txt

@@ -0,0 +1,5 @@
+\v 5 À mɔ gbólón fɔɛ̀ŋɛ̂ nɔ̀nkurn ki túê,
+À káàlî n'à kpéèê nɔ̀nkurn k'á takɛ́ê,
+À ɲɛ̂l shɛɛŋlmɛ́ɛ̀ɛ̂ ki têlnè,
+À ɲɛ̂l mɔ kùr kùr fɔɛ̀ŋɛ̂ ki takɛ́ sòlnjaê.
+\v 6 Jimin kúur nɔkɔŋl bè Jɔnɔsɔ ǹ ɲɔnlɛɛ̂ ŋmɔ́na."»

03/07.txt

@@ -0,0 +1 @@
+\v 7 À jimin tyɛɛ́ŋ sɔ́ɔ ɔ mun blaàn ín Yuhana se á tè tofénéja ɔ, à r'à lóon fɛ̀ se ín dé: «Fúfwóonê dyɛ̀ kúùr! Gbò ri yíkun sènbé, dé yíi w'á byéen taŋl Jɔnɔsɔ ǹ bla fù kítíî to?

03/08.txt

@@ -0,0 +1 @@
+\v 8 Yíi wo ɲɛn fá ɲɔn mɔ á byéen ɲɛn mùmun b'à yɛn hìn dé hlɔ̀má ri dɛ́ yíi se, yíi ki kárè yíi ǹ klɛ fù gbɔjáàlî to. Yíi b'à búr á ŋmel mɔ dé Brayima ki yíkun kpàŋn ɔ bo, fù se kwó, ń b'à wúbɛ̂ yíi se dé Jɔnɔsɔ r'àni kàkrɔɛ̀ɛ̂ tojir hìn, ki tɛŋn Brayima kpaŋltosɛ̂ɛ̀ŋ.

03/09.txt

@@ -0,0 +1 @@
+\v 9 Yíkun ki tyémɔ́ɛ̀ ɔ, jéné tityɛ́ŋnmun ɔ yíkun tɔ́ɔ ɔ, yíi dirn ki mɔ kár, bóló ɔ bo tímɔ́nî mun wo sɛ̂ŋn ɲɔn sɛ́ŋn bo, fù bè tɔ́ nyɛ kaana.»

03/10.txt

@@ -0,0 +1 @@
+\v 10 À jùmɔ̂ɔ̂ r'à duùn ín dé: «Ŋmɛ́ɛn ki la kyáŋmɔ myɛ́n kwo?» \v 11 K'à mɔli dé: «Tonɛn-wâ mɔ́n níin nì tɛ̀ŋnɛ̀n tɔŋnî mun se, à w'à máâ tèè à tonɛn-wâ kaarn tɔŋnî to. Leyɛ́ɛŋn nì tɛ̀ŋnɛ̀n tɔŋnî mun se, fù ki má tè leyɛ́ɛŋn kaarn tɔŋn to.»

03/12.txt

@@ -0,0 +1 @@
+\v 12 Martar hlátê máɛ̀ ki saaŋ bɛ, Yuhana se á tè tofénéja gbɔ ɔ, fɛ̀ k'à du dé: «Kɛlɔn, ŋmɛ́ɛn ni yanɲɛ̀n n̂ ki myɛ́n kwo?» \v 13 Ki yì ǹ gbukɛlî mɔli dé: «Bɛn nì kwòɲɛ̀n mùmun ta, yíi be bóló sɛ́ ki fù takel bo.»

03/14.txt

@@ -0,0 +1 @@
+\v 14 Suruwáshi máɛ̀ ki saaŋ à du dé: «Ŋmɛ́ɛn híin, ŋmɛ́ɛn ni yanɲɛ̀n n̂ ki myɛ́n kwo?» Ki yì ǹ gbukɛlî mɔli dé: «Yíi be dó kpɛŋnmɔ́n sɛ́ à kpɛŋn faŋ ta bo, yíi be wô dó ta bo, yíi ǹ ŋmɔ́ɔn fù ri ki yíi ɲáa ja.»

03/15.txt

@@ -0,0 +1 @@
+\v 15 À jùmɔ̂ɔ̂ ri Jɔnɔsɔ ǹ Mɔtɔ̂ŋnmun Jiminî blaâ kpɛŋnlɛɛ̀n ín, yì nɔ̀nkurn ǹ jɛ́ɛn mɔ dé Yuhana ki Jɔnɔsɔ ǹ Mɔtɔ̂ŋnmun Jiminî ɔ ín. \v 16 Kɛ̀, Yuhana k'à wú yì nɔ̀nkurn se dé: «Mún fù ri ki yíkun tyɛl-tofénéja gbɔ ɔ nun ɔ, kɛ̀ tɔŋnî mun ǹ lobéê ri sɔ́ɔ mún fù ri to, fù mí blaàn. Mún ni dwan fù ǹ sáɛ̀ŋɛ̂ mɔ yɛŋlî jal ɔ. Fù bè yíkun tè tofénéjabɛ̂ Tɛ́l-Toféné nì nyɛ ɔ.

03/17.txt

@@ -0,0 +1 @@
+\v 17 Àn kùnmɔ bin fɛ́mɔ́nî ri jàɲɛ̀n à kpɛŋn, ki bɛ fù rɔ án kùnmɔ binî mɔfé li à sháa mɔ, k'à gbe án líi mɔ, k'à sháaâ ŋmɛ́ din kaarn nyɛ mɔ.»

03/18.txt

@@ -0,0 +1 @@
+\v 18 Yuhana r'àni gbukɛɛ̀lî kúur tyɛɛ́ŋ sɔ́ɔ ɔ jimiì sènbéen ín, fù n'à bè Jɔnɔsɔ ǹ Twɔ́ɔŋn Nar Sɔ́ɔɔ̂ lóon yì se. \v 19 Kɛ̀ la, Yuhana ki hlɔ wú gbɔ ŋmelê ɲɛrotɔn Erodi se, bóló ɔ bo à r'á ɲínkar jɔɔ̂ lu Erodiyadi shɛ́ à kpɛŋn, ki tɛ̀ŋnè à lu, fù n'àn gbɔjáàl máɛ̀ɛ̂ klɛ̀ɛ̂ ta. \v 20 À w'án gbɔjáal klɛɛ̂ dɔɲɛ̀n fɛ̀ fléen bo, ki Yuhana nɔ̀nkurni jà mɔkpɛ́è à mɔklálɔ́ɔ̂ mɔ.

03/21.txt

@@ -0,0 +1 @@
+\v 21 Yuhana k'à jimiìî nɔ̀nkurn tyɛ̀l tofénéjà gbâr ye, ki saaŋ Yesu tè tofénéja. Fù kwɔ́ɔn, Yesu ǹ tonyɛɛlî klɛ̀ gbâr ye à jɔ̀nɔ̀kpárî k'á mɔflìè. \v 22 Tɛ́l-Toféné ki kyɛl bɛ á twólè à ɲinatyé árí yekákwoon. Myɛl dyàn ki li à jɔ̀nɔ̀kpárî mɔ, fù b'à lóon dé: «Á ki mún dye-jɛn ɔ, mùmun gbɔ ri mún tìyà tɛ́tɛ̂.»

03/23.txt

@@ -0,0 +1 @@
+\v 23 Yesu r'án klɛwɔɛ̀ɛ̂ funkpɛ́ à kwɔ̀ŋɔ̂ nɔ̀tɔ̂ŋn kufú. Jimiì ǹ jɛ́ɛn mɔ dé Yesu ki Isufu dye-jɛn ɔ. Isufu ki Eli dye-jɛn ɔ. \v 24 Eli ki Matati dye-jɛn ɔ. Matati ki Lefi dye-jɛn ɔ. Lefi ki Meliki dye-jɛn ɔ. Meliki ki Janayi dye-jɛn ɔ. Janayi ki Isufu dye-jɛn ɔ.

03/25.txt

@@ -0,0 +1 @@
+\v 25 Isufu ki Matatiasi dye-jɛn ɔ. Matatiasi ki Amɔsi dye-jɛn ɔ. Amɔsi ki Nahomi dye-jɛn ɔ. Nahomi ki Esili dye-jɛn ɔ. Esili ki Nagayi dye-jɛn ɔ. \v 26 Nagayi ki Mata dye-jɛn ɔ. Mata ki Matatiasi dye-jɛn ɔ. Matatiasi ki Semeyini dye-jɛn ɔ. Semeyini ki Yoseki dye-jɛn ɔ. Yoseki ki Yoda dye-jɛn ɔ.

03/27.txt

@@ -0,0 +1 @@
+\v 27 Yoda ki Johanani dye-jɛn ɔ. Johanani ki Eresa dye-jɛn ɔ. Eresa ki Sorobabɛli dye-jɛn ɔ. Sorobabɛli ki Salatyɛli dye-jɛn ɔ. Salatyɛli ki Neri dye-jɛn ɔ. \v 28 Neri ki Meliki dye-jɛn ɔ. Meliki ki Adi dye-jɛn ɔ. Adi ki Kosami dye-jɛn ɔ. Kosami ki Elimadami dye-jɛn ɔ. Elimadami ki Eri dye-jɛn ɔ. \v 29 Eri ki Yesu dye-jɛn ɔ. Yesu ki Eliyeseri dye-jɛn ɔ. Eliyeseri ki Yorimi dye-jɛn ɔ. Yorimi ki Matati dye-jɛn ɔ. Matati ki Lefi dye-jɛn ɔ.

03/30.txt

@@ -0,0 +1 @@
+\v 30 Lefi ki Simeyɔn dye-jɛn ɔ. Simeyɔn ki Juda dye-jɛn ɔ. Juda ki Isufu dye-jɛn ɔ. Isufu ki Yonami dye-jɛn ɔ. Yonami ki Eliyakimu dye-jɛn ɔ. \v 31 Eliyakimu ki Meleya dye-jɛn ɔ. Meleya ki Mena dye-jɛn ɔ. Mena ki Matata dye-jɛn ɔ. Matata ki Natani dye-jɛn ɔ. Natani ki Dawuda dye-jɛn ɔ. \v 32 Dawuda ki Jɛsi dye-jɛn ɔ. Jɛsi ki Obedi dye-jɛn ɔ. Obedi ki Boosi dye-jɛn ɔ. Boosi ki Sala dye-jɛn ɔ. Sala ki Naasɔni dye-jɛn ɔ.

03/33.txt

@@ -0,0 +1 @@
+\v 33 Naasɔni ki Aminadabu dye-jɛn ɔ. Aminadabu ki Adimini dye-jɛn ɔ. Adimini ki Arini dye-jɛn. Arini ki Esirɔni dye-jɛn ɔ. Esirɔni ki Perɛsi dye-jɛn ɔ. Perɛsi ki Juda dye-jɛn ɔ. \v 34 Juda ki Yakuba dye-jɛn ɔ. Yakuba ki Ishaka dye-jɛn ɔ. Ishaka ki Brayima dye-jɛn ɔ. Brayima ki Tera dye-jɛn ɔ. Tera ki Nawori dye-jɛn ɔ. \v 35 Nawori ki Serugi dye-jɛn ɔ. Serugi ki Ereyu dye-jɛn ɔ. Ereyu ki Pelɛgi dye-jɛn ɔ. Pelɛgi ki Ebɛri dye-jɛn ɔ. Ebɛri ki Sala dye-jɛn ɔ.

03/36.txt

@@ -0,0 +1 @@
+\v 36 Sala ki Kayinamu dye-jɛn ɔ. Kayinamu ki Aripakisadi dye-jɛn ɔ. Aripakisadi ki Semu dye-jɛn ɔ. Semu ki Nufu dye-jɛn ɔ. Nufu ki Lamɛki dye-jɛn ɔ. \v 37 Lamɛki ki Matusalamu dye-jɛn ɔ. Matusalamu ki Enɔki dye-jɛn ɔ. Enɔki ki Yerɛdi dye-jɛn ɔ. Yerɛdi ki Malaleyɛli dye-jɛn ɔ. Malaleyɛli ki Kayinamu Dye-jɛn ɔ. \v 38 Kayinamu ki Enɔsi dye-jɛn ɔ. Enɔsi ki Sɛti dye-jɛn ɔ. Sɛti ki Adama dye-jɛn ɔ. Adama ki Jɔnɔsɔ dye-jɛn ɔ.

04/01.txt

@@ -0,0 +1 @@
+\c 4 \v 1 Yesu ywârmunî ɛ̀ Tɛ́l-Féné ɔ, k'á sɛli Jurudɛni yísɔ́ɔɔ̂ kpra, ki dénno klɔŋnkúur se Tɛ́l-Toféné b'à twɔn-yɛ̀n dékɔ́ɔŋn. \v 2 Fù la klɛ̀ híin, Sutana k'à tɔŋnli yi yefyɛ̂l bin kpɛ̂ŋlkrɔ̂, fù yefyɛ̂ɛ̀lî wono Yesu wo le bóló dì bo, fù mùfɔn kɔ́ŋnè, klɔ̂ ki la à ja.

04/03.txt

@@ -0,0 +1 @@
+\v 3 Sutana k'à wú à se dé: «Á nì Jɔnɔsɔ dye-jɛn kwó, à wú àni kàkrɔ̂ɔ̂ se, d'à w'á won-myɛ̂l tojìr. \v 4 Yesu k'à mɔli dé: «À ri ɲúrɲɛ̀n jɔnɔsɔ ǹ gbukɛlî ɲwâr sɛ́bɛ̂ɛ̂ mɔ dé leyɛ́ɛŋn byéen w'à jɛ́ɛln jimin ki tɛŋn á shi mɔ bo.»

04/05.txt

@@ -0,0 +1 @@
+\v 5 Fù jìrɛ̂mun kwɔ́ɔn, Sutana ki dénno à nɔ káal dyàn nɔ̀nfléen, ki díryɔ́ŋ mɔ kìyɛŋnbéèê nɔ̀nkurn yɛ̀n à to gbɔ̀n byéen, \v 6 k'à wú à se dé: «Ń bè fù kìyɛŋnbéèê nɔ̀nkurn faŋbéê n'à lobéê tebɛ̀ á to, bóló ɔ bo à ri tèɲɛ̀n mún to, ń k'à tè ń tìyà tɔŋn to, \v 7 ákún n'á kurkpɛ́ á k'á ɲáa hlú ɲáan ta mún tɔŋn, à nɔ̀nkurn tɛŋna á fù.»

04/08.txt

@@ -0,0 +1 @@
+\v 8 Yesu k'à wú à se dé: «À ri ɲúrɲɛ̀n Jɔnɔsɔ ǹ gbukɛlî ɲwâr sɛ́bɛ̂ɛ̂ mɔ d'á k'á kurkpé Diryɔŋtotɔn tɔŋn, án Jɔnɔsɔɔ̂ ɛ̀, á k'àkun byéen tonyɛl.»

04/09.txt

@@ -0,0 +1,4 @@
+\v 9 Sutana ki dénno à nɔ Jerisalɛmu dyɛɛ̂ mɔ, k'à ɲínɛ́ɛn à tonyɛɛlklɛ-lɔ́sɔ́ɔɔ̂ nùmwàŋ se, k'à wú à se dé:
+«Á nì Jɔnɔsɔ dye-jɛn kwó, lun jo à ɲáan ta;
+\v 10 bóló ɔ bo à ri ɲúrɲɛ̀n Jɔnɔsɔ ǹ gbukɛlî ɲwâr sɛ́bɛ̂ɛ̂ mɔ, d'á b'án tɔ́ŋrê búr bɛa á tɛ́ŋlɛ́ɛn ɔ,
+\v 11 dé fù nì yì k'á hlúja á kpìsàŋn to, nɔkɔ́ŋl á b'á níi kír timin to bo.»

04/12.txt

@@ -0,0 +1,3 @@
+\v 12 Kɛ̀, Yesu k'àn gbukɛlî mɔli dé:
+«À ri wúɲɛ̀n d'á be Diryɔŋtotɔn tɔŋnli bo, án Jɔnɔsɔɔ̂ ɛ̀.»
+ \v 13 Sutana ki Yesu tɔŋnli tar fá kúur nɔkɔŋl to, k'á sukúr li à fur wà.

04/14.txt

@@ -0,0 +1 @@
+\v 14 Yesu yârmunî ɛ̀ Tél-Toféné ǹ lotɔnbéê mɔ, k'á sɛno Galile kìyɛŋnî mɔ, à gbɔ ki ná fù kòkɛ̀lî nɔ̀nkurn wono. \v 15 À ri jimiì kɛɛln ín à tonyɛɛlklɛ-lɔ́ɛ̀ɛ̂ mɔ, jimiì nɔ̀nkurn n'à súnkwɔ́ɔn ín.

04/16.txt

@@ -0,0 +1 @@
+\v 16 Yesu ki bɛ Nasarɛti, à ri toblɔ̀ dyɛɛ̂ mun mɔ, ki dé à tonyɛɛlklɛ-lɔ́ɔ̂ mɔ tarwɔg yefyɛ̂l ta, à ri dɛlɲɛ̀n à bè klɛɛ̀n ín fáâ mun to. À ri duklɔ́ Jɔnɔsɔ ǹ gbukɛlî ɲwâr sɛ́bɛ̂ɛ̂ kɛɛln ɔ, \v 17 yì ki tɔ́ŋrɔn Esayi ǹ ɲwâr sɛ́bɛ̂ɛ̂ gbɔ̀n tèè à to. À ri fù mɔtàr híin, ki tíkɛ́l dyàn ŋmɔ́n à mɔ à bè ɲúrɲɛ̀n mímí dé:

04/18.txt

@@ -0,0 +1 @@
+\v 18 «Diryɔŋtotɔn Tɛ́lî ri mún fléen, bóló ɔ bo à ri nyɛ́ɛl fûr mún fléen, nɔkɔ́ŋl ń k'à Twɔ́ɔŋn Nar Sɔ́ɔɔ̂ wú dàkwɛɛ̂ŋl se. À ri mún tɔ́ŋɲɛ̀n nɔkɔ́ŋl ń ki don jimin jàmɛ́ɛ̀ tobrée gbɔ wúké yì se, fù nì kyaâr ɲáa tofli gbɔ fù nì ń ki da-klɛrê ɲɔnli yì kɛ̀ŋlshì tê kpɛŋn. \v 19 Nɔkɔ́ŋl Diryɔŋtotɔn b'án ɲɔnbéê rɔ bɛa díryɔ́ŋ mɔ kàtɛ̂lî mun to, ń ki fù wú jimiì se.»

04/20.txt

@@ -0,0 +1 @@
+\v 20 Fù jìrɛ̂mun kwɔ́ɔn, Yesu k'à sɛ́bɛ̂ɛ̂ blíin, k'à tèè à tonyɛɛlklɛ-lɔ́ɔ̂ mɔ klɛwɔ klɛtɔnî to, ki ɲínɛ́ɛnè. Fù tonyɛɛlklɛ-lɔ́ɔ̂ mɔ jimiìî nɔ̀nkurn k'á ɲáa kpéè à to. \v 21 Fù la klɛ̀ híin, k'à wú yì se dé: «Yíkun ki Jɔnɔsɔ ǹ Sɛ́bɛ̂ɛ̂ mɔ gbukɛlî mun nákún nɛn, fù la klɛ̀ ɲa.» \v 22 À jimiìî nɔ̀nkurn n'à yin nar fɛ́ɛŋn ín, fù n'à ri gbukɛl mɔbiîŋî mun kɛɛ̀ln ín, fù ki yì nɔ̀nkurn wonkɔ́ŋnè. Yì k'à wú dé: «Àniî ki Isufu dye-jɛn ɔ be a?»

04/23.txt

@@ -0,0 +1 @@
+\v 23 Yesu k'à wú yì se dé: «Mùmun wo gbɔ níin mɔ bo, yíkun b'àniî wúa tɛl mɔ dé wɔŋklɛrɔn w'á byéen kpɛ́lnja. Yíkun saaŋ b'à wúa mún se dé ń ni gbɔɛ̀ɛ̂ mun nɔkɔŋl klɛ̀ Kapɛrinayimu, dé yíi r'à ná, dé ń wo fù gbɔɛ̀ɛ̂ kúur kwo húnmɔ ń dyɛɛ̂ mɔ.» \v 24 Yesu ki saaŋ à wú yì se yé dé: «Hlɔ ta, tɔ́ŋrɔn dó wo jaàn ja fá ɲɔn mɔ án dyɛ mɔ bo.

04/25.txt

@@ -0,0 +1 @@
+\v 25 Kɛ̀, mún n'à lóon yíkun se hlɔ ta dé nɔ̀ r'á ká tɔ́ɔŋn ɔ kàtɛ̂l mɔ́n tyáar á to fwɔ́ŋn kpaan wono, tɔ́ŋrɔn Eli ye mɔ. Fù kàtɛ̂lî to klɔ̂ ri jòɲɛ̀n à kìyɛŋnî nɔ̀nkurn mɔ ín. Dè-klô-mél tyɛɛ́ŋ sɔ́ɔ ri tɛ̀ŋnɛ̀n Isirayɛli kìyɛŋnî mɔ ín. \v 26 Fù n'á nɔ̀nkurn mɔ, Jɔnɔsɔ wo tɔ́ŋrɔn tɔ́ŋnò yì mɔ dó se bo, fóro dè-kló-mél dyàn kwó kɛ̀, mùmun ni tɛ̀ŋnɛ̀n Sarɛpita dyɛɛ̂ mɔ ín, Sidoni kìyɛŋnî wono. \v 27 Túrbé láaŋ ri jimin tyɛɛ́ŋ sɔ́ɔ to ín Isirayɛli kìyɛŋnî wono tɔ́ŋrɔn Elise ye mɔ, fɛ̀ dó wo kpɛ́lbé ŋmɔ́n bo fóro Seri kìyɛŋnî jir Naman kwó kɛ̀.»

04/28.txt

@@ -0,0 +1 @@
+\v 28 À tonyɛɛlklɛ-lɔ́ɔ̂ mɔ fɛ̀ɛ̂ nɔ̀nkurn ni fù gbukɛlî ná híin, yì k'á nìrfúnè tɛ́tɛ̂. \v 29 Yì ki dukú, yì ki Yesu totúr li à dyɛɛ̂ bur. Yì ǹ dyɛɛ̂ ri ɲínɛ̂nɲɛ̀n káalî mun fléen, yì k'à jàno líké fù káalî kwɔ́ ɲáaâ yɛŋn to, nɔkɔ́ŋl yì k'à totúr búrê mímí. \v 30 Kɛ̀, Yesu ki jìré yì tyé mɔ, ki jìreno á kɔ́ɔŋn fɔŋn.

04/31.txt

@@ -0,0 +1 @@
+\v 31 Yesu ki dénno jimiì kɛɛlnké à tarwɔ yefyɛ̂lî ta, Kapɛrinayimu dyɛɛ̂ mɔ Galile kìyɛŋnî wono. \v 32 Yesu k'à jimiìî kɛɛln fáâ ki tɛ̀ŋnè shɔ́ gbɔ yì se, bóló ɔ bo à ri yì kɛɛ̀ln ín, faŋ b'àn gbukɛlî mɔ.

04/33.txt

@@ -0,0 +1 @@
+\v 33 Jɛn tyɛ́ɛŋntɔn dyàn ni tɛ̀ŋnɛ̀n yì wɔ́se à tonyɛɛlklɛ-lɔ́ɔ̂ mɔ ín, fù jɔɔ̂ ki fɛ́ yì ta á faaŋn sɔ́ɔ ɔ dé: \v 34 «Hé jɔ! Á ri myɛ́n ɲɛ́ɛn ŋmɛ́ɛn se Nasarɛti jir Yesu? Á ri byɛ̀ ŋmɛ́ɛn tó lɛ ɔ a ? Ń n'á shi, á ki tɔŋnî mun ɔ, Jɔnɔsɔ ǹ jimin toféné.»

04/35.txt

@@ -0,0 +1 @@
+\v 35 Yesu ki fɛ́ á faaŋn sɔ́ɔ ɔ à jɔɔ̂ ta dé: «Á kɔŋnî kpɛ́ n̂ ta, á k'à jɔɔ̂ búrê!» À tyɛ́ɛŋnî k'à jɔɔ̂ gbɔ̀nsâr ta yì tyé mɔ, ki lì jìré à wo bóló gbɔjáal klɛ̀ à to bo. \v 36 À jimiìî nɔ̀nkurn won ki kɔ́ŋnè, yì b'à lóon yíi se d'àniî ki gbáno gbukɛl ɔ? Yesu bè kɛɛ̀ln kôòl wɔ́se faŋ nì totɔnbé b'à se, yì bè lɛɛ̀n jimiì mɔ. \v 37 Fù gbɔɔ̂ klɛ̀ɛ̂ núkwɔ́ɔn, Yesu yin ki dukú fù kòkɛ̀lî nɔ̀nkurn wono.

04/38.txt

@@ -0,0 +1 @@
+\v 38 À ri lɛ̀ à tonyɛɛlklɛ-lɔ́ɔ̂ mɔ ki dénno Simɔn sádi. Simɔn brɛ̂-mélî gbɛ́ɛ bè jɛ̀nɲɛ̀n tɛ́tɛ̂, yì ki Yesu tonyɛl d'à w'à kyaŋ kpɛ́lnbê gbɔ mɔ. \v 39 Yesu k'á tùtwòn à biî fléen, k'à gbɛ́ɛ jɛ̀nî tóli à gbɛ́ɛ mɔ fù tíkɛ́l byéenî mɔ á myɛl kpɛ́ln ɔ, à biî ki dukú ki le tè yì to.

04/40.txt

@@ -0,0 +1 @@
+\v 40 À yeê jwɛl gbâr ye jimiì nɔ̀nkurn ki bɛ án láŋrɔn kúur nɔkɔŋl ɔ, Yesu k'á kpɛŋn ɲɛn yì byéen byéenî fléen, ki yì kpɛ́lnjàè. \v 41 Kôòl ki li jimin tyɛɛ́ŋ sɔ́ɔ mɔ, yì bè fláan á faaŋn sɔ́ɔ ɔ dé: «Ákún ki Jɔnɔsɔ Dye-Jɛnî ɔ.» Kɛ̀, Yesu ki yì tokùkwɔŋ, à w'à se yì ki kɛl bo, bóló ɔ bo yì r'à shi d'àniî ki Jɔnɔsɔ ǹ Mɔtɔ̂ŋmun Jiminî ɔ.

04/42.txt

@@ -0,0 +1 @@
+\v 42 À wóon wo saaŋ tɛ́l máá Yesu ki li, ki dénno klɔŋn se. À jimiìî nɔ̀nkurn ki li à bén ɲɛ́ɛn ɔ, yì ki dénno à ŋmɔ́nké. Yì w'à se ki don ki yì tal ta bo. \v 43 Kɛ̀ la, k'à wú yì se dé: «Fóro mún ki saaŋ don à dyɛ búùrî mɔ ń ki Jɔnɔsɔ ǹ faŋbé Twɔ́ɔŋn Nar Sɔ́ɔɔ̂ wúké mímí, fù mùn núkwɔ́ɔn ɔ mún ni tɔ́ŋ bɛ̀ɲɛ̀n.» \v 44 À b'à Twɔ́ɔŋn Nar Sɔ́ɔ wúun mli jimiì se à tonyɛɛlklɛ-lɔ́ɛ̀ɛ̂ mɔ Jude kìyɛŋnî wono.

05/01.txt

@@ -0,0 +1 @@
+\c 5 \v 1 Lɔɔndya, Yesu bè tɛ̀ŋnɛ̀n Jɛnɛsarɛti nun kárbrê sɔ́ɔɔ̂ kpra, à jùmɔ̂ɔ̂ ki bɛ à kpar táè á tyé mɔ, Jɔnɔsɔ ǹ gbukɛlî toná besé, \v 2 ki kúrn mɔ́n níin líɲɛ̀n ŋmɔ́n, à yɔfɛtêê ri lɛ̀ mɛ̀mun mɔ, yì b'án yɔɛ̀ɛ̂ tolóon à nunî blɛ̀ se. \v 3 Ki dé fù kúrn mɔ́n níinî mɔ mɔ́n byéen mɔ, fù bè Simɔn fù. Yesu k'à wú Simɔn se d'à w'à fɔn bɛlkwó à ɲáantyarî to kyáaŋne. Yesu bè ɲínɛ̂nɲɛ̀n à kúrnî mɔ, à b'à jùmɔ̂ɔ̂ kɛɛln.

05/04.txt

@@ -0,0 +1 @@
+\v 4 À mùfɔn yì kɛɛln kɔ́ŋnè, k'à wú Simɔn se dé: «Á sukúrno à nun twáŋl fɔŋnî mɔ, yíi k'án yɔɔ̂ fe.» \v 5 Simɔn k'àn gbukɛlî mɔli dé: «Kɛlɔn, ŋmɛ́ɛn n'á byéen mɔŋmɛ̀ wóon tɛ́lè à klɛwɔɔ̂ mɔ, n̂ wo bóló ŋmɔ́n bo. Kɛ̀, án lôô ta, ń b'à yɔɔ̂ febɛ̂.» \v 6 Yì r'à yɔɔ̂ fɛ híin, yì ki yɛ́ɛŋn tyɛɛ́ŋ sɔ́ɔ ja, fóro à yɔɛ̀ɛ̂ ki b'á mɔgbɔ́ngbɔ́n kùnmɔ. \v 7 Yì krɔmɛ́ɛ̀ɛ̂ mun ni tɛ̀ŋnɛ̀n à kúrn máâ mɔ, yì ki fɛ̀ fɛ́ŋn á kpɛŋn ɔ yíi kyaŋ ɔ. Yì mùfɔn byɛ̀, yì k'à kúrn mɔ́n níinî nɔ̀nkurn wú yɛ́ɛŋn ɔ, fóro yì ki bè kyɛl kùnmɔ à nunî fùnɔn.

05/08.txt

@@ -0,0 +1 @@
+\v 8 Simɔn, yì ri mùmun fɛ́ɛŋn dé Piyɛri, fù la máno à ŋmɔ́n híin, k'á kurkpé Yesu tɔŋn, k'à wú dé: «Ń Totɔn, á fɔn bɛlkwó mún to, bóló ɔ bo mún ki ŋmáantɔn ɔ.» \v 9 Àni yɔɔ̂ fɛ̀ɛ̂ k'à yɛ́ɛ̀ŋɛ̂ jà fáâ k'àkun n'á wɔ́se fɛ̀ɛ̂ nɔ̀nkurn wonkɔ́ŋnè. \v 10 Sebede dye-jɛɛ̂ ɛ̀: Jaki nì Yuhana, fɛ̀ mun ki Simɔn brashì tê ɔ, fɛ̀ won ki saaŋ kɔ́ŋnè. Kɛ̀, Yesu k'à wú Simɔn se dé: «Be yàntú bo, ki la gbɔ̀n kyáŋmɔ to, á bè jimiì ɲɛ́nbɛ̂ Jɔnɔsɔ se.» \v 11 Yì k'á sɛbɛ à kúùrî ɔ, yì k'á kpɛŋnmɔ́ɛ̀ɛ̂ nɔ̀nkurn jél ta, yì ki kpé Yesu ta.

05/12.txt

@@ -0,0 +1 @@
+\v 12 Yesu tɛ̀ŋnɛ̀nî se dyɛ dyàn mɔ, túrbé láaŋ ǹ jàmun jɔ dyàn k'à ŋmɔ́n, fù jɔɔ̂ k'á kurkpé k'á ɲáa hlú à ɲáan ta à tɔŋn, k'à tonyɛl dé: «Ń Totɔn, á n'à toshɛ́, á ki mún kpɛ́lnja.» \v 13 Yesu k'á kpɛŋn ɲɛn à fléen, k'à wú à se dé: «Ń n'à toshɛ́, á ki kpɛ́lnja.» Fù tíkɛ́l byéenî mɔ à jɔɔ̂ ki kpɛ́lnjàè.

05/14.txt

@@ -0,0 +1 @@
+\v 14 Fù la klɛ̀ híin, Yesu k'à yɛ̀n à jɔɔ̂ to dé: «B'àniî tokɛl dó se bo, kɛ̀ don á byéen yɛnké à flɛ́klɛrɔnî to, á ki kpɛ́lnbê ŋmɔ̂n flɛ́kwo án tofénébéê ŋmɔ̂nî ɔ Musa ǹ yɛ̀n fáâ to, fù b'à jéla jimiì k'à shu d'á ri kpɛ́lnjàè.»

05/15.txt

@@ -0,0 +1 @@
+\v 15 Fù n'á nɔ̀nkurn mɔ, Yesu yinî ki li bénkúur nɔ̀nkurn se, fóro jimiì ri lɛɛ̀n ín tyɛɛ́ŋ sɔ́ɔ, yì ki bɛ yíi tobra àn gbukɛɛ̀lî tonáa ɔ, fù nì ki yì to lɛ́ɛ̀ŋɛ̂ kpɛ́lnja yì se. \v 16 Kɛ̀ Yesu r'á sukúurn li yì fur ín dyàno, ki don klɔŋnkúur se tonyɛɛlklɛ ɔ.

05/17.txt

@@ -0,0 +1 @@
+\v 17 Lɔɔndya Yesu bè jimiì kɛɛln, à Farisiyɛ́ɛ̀ŋɛ̂h n'à tɔ̂ŋn yɛn kɛlêê máɛ̀ bè ɲínɛ̂nɲɛ̀n, fɛ̀ mun ni lɛ̀ Galile kìyɛŋnî dyɛɛ̂ nì Jude kìyɛŋnî dyɛɛ̂ nɔ̀nkurn mɔ, fù nì Jerisalɛmu dyɛɛ̂ ɛ̀. Diryɔŋtotɔn ǹ lotɔnbéê ri tɛ̀ŋnɛ̀n Yesu se ín, à bè fù rɔ láaŋrê kpɛ́lnjaàn.

05/18.txt

@@ -0,0 +1 @@
+\v 18 À nɛn, jimiì dyɛ̀ ki jɔ dyàn mùrkômun gbɔ̀n bɛ à shínmɔ́n ta, yì r'à se ín, yì ki dé à nɔ, yì k'à shín Yesu ɲɛro. \v 19 Fù jimiìî w'à jɔɔ̂ rɔ á dɛ́ fá shi à jùmɔ̂ɔ̂ sɔ́ɔ se bo, yì ki dú à lɔ́ɔ̂ fléen à jɔɔ̂ rɔ, yì ki kwɔ́ kwáŋl à klɛ̀ɛ̂ mɔ, yì k'à n'á shîn mɔ́nî ɔ kyɛlno fù kwɔ́ɔ̂ se Yesu ɲɛro à jimiìî tyé mɔ.

05/20.txt

@@ -0,0 +1 @@
+\v 20 Yesu r'à jimiìî ǹ gbɔ hlɔ-jaâ hlɔ̀, k'à wú à jɔɔ̂ se dé: «Á to ŋmáanî ri jìrè.» \v 21 À tɔ̂ŋn yɛn kɛlêê n'à Farisyɛ́ɛ̀ŋɛ̂ ki fù gbɔɔ̂ kìsɛ̂ kùnmɔ dé: «Àni jɔɔ̂ ki gbò rɔ, à bè Jɔnɔsɔ yin nìnáan? Gbò ri ŋmáan jir hìn, à wo Jɔnɔsɔ ɔ bo?»

05/22.txt

@@ -0,0 +1 @@
+\v 22 Yesu ki yì ǹ kìsɛ̂ gbɔɛ̀ɛ̂ hlɔ̀ɔ̂ se, k'à wú yì se dé: «À ri gbáno jà yíkun bè máno á kìsɛ́ɛn? \v 23 Àni gbukɛl mɔ́n níinî mɔ fɛ́ɛŋntɔn lô ri nar? Á to ŋmáanî ri jìrè, fù lô ri nar dàà, dukú á ki kélî lô ri nar? \v 24 Nɔkɔ́ŋl yíi k'à shu dé faŋ ri tèɲɛ̀n à ɲáan tyarî ta Jimin Dye-Jɛn to, à b'à nɔ ŋmáan jir hìn.» Fù se kwó, k'à wú à láaŋrɔn jɔɔ̂ se dé: «Mún n'à lóon ákún se, dukú á k'á shínmɔ́nî gbɔ̀n á ki don á sádi.»