See in Reader
28 lines
3.7 KiB
JSON
28 lines
3.7 KiB
JSON
{
|
|
"1": "Ho jêng păng ră čih pang yo Yang Tŏng Tlĕh Yêsu, kuôn so kăn Đawit, kuôn so kăn Abraham. ",
|
|
"2": "Kăn Abraham bă I-săk, I-săk bă kăn Ja-kôp, Ja-kôp bă kăn Yuđa wăt ta băl ŏh mi kăn.",
|
|
"3": "Yơng băh de Ta-mar Yuđa bă kăn Pha-rê ta kăn Sê-ra, kăn Pha-rê bă kăn Êk-rôm, kăn Êk-rôm bă kăn A-ram. ",
|
|
"4": "Kăn A-ram bă kăn A-mi-na-đap, kăn A-mi-na-đap bă kăn Na-ăč-son, Kăn Na-ăč-son bă kăn Săñ-mol. ",
|
|
"5": "Kăn Săñ-mol bă kăn Ƀô-ô yơng băh de Ra-hap. Kăn Ƀô-ô bă kăn Ô-ƀêt yơng băh de Ru-tơ, kăn Ô-ƀêt bă kăn Yê-se. ",
|
|
"6": "Kăn Yê-se bă mtao Đawit, mtao Đawit yơng băh ur kăn Uri bă kăn Sa-lô-môn. ",
|
|
"7": "Sa-lô-môn bă kăn Rô-ƀô-am, Rô-ƀô-am bă kăn A-ƀi-ya, kăn A-ƀi-ya bă kăn A-sa. ",
|
|
"8": "Kăn A-sa bă kăn Yô-sa-phat, Yô-sa-phat bă kăn Yô-ram, Yô-ram bă kăn Ô-sia.",
|
|
"9": "Kăn Ô-sia bă Yô-tam. Kăn Yô-tam bă kăn Ača. Kăn Ača bă kăn Ê-sê-čia.",
|
|
"10": "Kăn Ê-sê-čia bă kăn Ma-na-se, kăn Ma-na-se bă kăn A-môn, kăn A-môn bă kăn Yô-sia. ",
|
|
"11": "Kăn Yô-sia jăng jai nai kmhal mhŏ dư̆k mŏng čar Ƀa-ƀi-lôn, hư̆n kăn bă Yê-kô-nia wăt ta băl ŏh mi kăn. ",
|
|
"12": "Jêh nai kmhal hên mŏng čar Ƀa-ƀi-lôn, mông hư̆n kăn Yê-kô-nia bă kăn Sa-ăñ-thi-el, kăn Sa-ăñ-thi-el bă kăn Sô-rô-ƀa-ƀel. ",
|
|
"13": "Kăn Sô-rô-ƀa-ƀel bă kăn A-ƀi-ut, kăn A-ƀi-ut bă kăn Ê-li-a-kim, kăn Ê-li-a-kim bă kăn A-sô. ",
|
|
"14": "Kăn A-sô bă kăn Sa-đôk, kăn Sa-đôk bă kăn A-čim, kăn A-čim bă kăn Ê-li-ut. ",
|
|
"15": "Kăn Ê-li-ut bă kăn Ê-lê-a-sa, kăn Ê-lê-a-sa bă kăn Ma-than, kăn Ma-than bă kăn Ya-kôp. ",
|
|
"16": "Kăn Ya-kôp bă kăn Yô-sep jêng sai de Mari di, Mari jêng nêh lai săk Yang Yêsu, nai nơ-năn jêng Krist. ",
|
|
"17": "Kơt iên, dŏng băh nuk kăn Abraham tăl trôh ta nuk mtao Đawit, mau măt puôn gưl nêh. Dŏng băh nuk mtao Đawit tăl trôh ta nuk nai kmhal mhŏ dư̆k mŏng čar Ƀa-ƀi-lôn ăt mau măt puôn gưl nêh ya, jêh iên dŏng băh nuk nai kmhal mhŏ dư̆k mŏng čar Ƀa-ƀi-lôn tăl trôh ta nuk Mtao Krist ăt wêh mau măt puôn gưl nêh ya. ",
|
|
"18": "Ƀê̆ dăh, pơp nai lai săk ta Yang Yêsu Krist klăh iêu ĕh! Mông hư̆n de Mari jêh nai tŏng huôt ta kăn Yôsep ru, ƀê̆ dăh ñăm hên tŏng gŭk băk ôh, mông hư̆n de jêh mau ndư̆l yơng băh Yang Ngăt Găl. ",
|
|
"19": "Kăn Yôsep, sai de Mari jêng ju nau nêh kpă, so kăn khơñ lăm prêng de ôh, bơ yơng hư̆n kăn khơñ ndrŏh muôč de.",
|
|
"20": "Ƀê̆ dăh jăng jai kăn mĭn yơng ta bruă hư̆n, nêh myang Yang Trôk sak tŏng tuôm ta kăn Yôsep mŏng pơp mbơi, jêh iên ngơi: “Wơ Yôsep kuôn so mtao Đawit! Ei ru me ngam sŏk de Mari no di ĕh ñjêng ur me ôh. Bơ yơng kuôn de triêu mŏng ndư̆l hư̆n yơng băh Yang Ngăt Găl. ",
|
|
"21": "De jrăng lai săk ta ju nau kuôn tlau, ăn me nơ-năn kuôn tlau hư̆n jêng Yêsu, bơ yơng kuôn tlau hư̆n yơh jrăng lăm tlĕh uôn lan Yang di băh pơp tih.” ",
|
|
"22": "Lĕ mơt bruă hư̆n ĕh trôh, no di lăm nư̆k pơp Yang Trôk ngơi yơng băh băl têh luôr klăh iêu:",
|
|
"23": "“Ho, mau ju nau ur drôh jrăng trơ-triêu jêh iên de lai săk ju nau kuôn tlau. Jêh hư̆n nai jrăng nơ-năn kuôn tlau hư̆n jêng Em-ma-nu-el!” Lơ lang jêng Yang Trôk gŭk băk băn.",
|
|
"24": "Jêh kăn Yôsep ngĕh bê̆, kăn sak mhŏ trĭp ta pơp nêh myang Yang Trôk tơ-tă ta kăn, jêh hư̆n kăn sak sŏk ur kăn du gŭk băk kăn.",
|
|
"25": "Ƀê̆ dăh so kăn bê̆ băk de ôh, tăl trôh mông de lai săk ta ju nau kuôn tlau jêh iên kăn nơ-năn jêng Yêsu.\n\n"
|
|
}
|