mnong_2020_mng_mlt_mat_book/mat/9.json

{
  "1": "Jêh hư̆n Yang Yêsu hao plŭng, găn gao dak sĭ jêh iên du ta uôn tơm.",
  "2": "Tŏ hư̆n, nai ndơp trôh ta Khoa Yang ju nau nêh wiên jăng jai bê̆ ta bêl. Jêh Yang Yêsu so pơp đăo hên, Khoa Yang ngơi ta nêh wiên: “Wơ kuôn! Ăn kjăp nuih nhăm. Pơp tih me jêh đač ru.\"",
  "3": "Tŏ hư̆n, mau băl khua tơ-ti pơp bhiên tŏng ngơi ndăng hên: \"Nêh ho ngơi mgao ta Yang Trôk.\"",
  "4": "Ƀê̆ dăh Yang Yêsu so pơp mĭn hên di jêh iên lup: \"Pơp mhŏ pu me mau pơp mĭn djŏh mŏng nuih nhăm klăh iên?\"",
  "5": "Yơng năn pơp ĕh lưih hĭn, ndă ngơi: \"Pơp tih me jêh đač ru\" mdăh ngơi \"Ăn me dŏk jêh iên sak?\"",
  "6": "Ƀê̆ dăh hư̆n yơh no di pu me gư̆t klăh iêu Kuôn Nêh mau pơp dơi đač pơp tih mŏng dôn tĕh\" Jêh hư̆n Khua Yang ngơi ta nêh wiên: \"Ăn me dŏk, ñôt bêl me di jêh iên du ta hih.\"",
  "7": "Kơt iên, nêh wiên dŏk du ta hih kăn tơm.",
  "8": "Jêh uôn lan so klăh iên, hên hơ̆ hă jêh iên nơ-nei ta Yang Trôk, Mtao jêh ăn ta nêh pơp myang klăh iên.",
  "9": "Mông Yang Yêsu du băh iên, Khua Yang so ju nau nêh năn Mathiơ, Jăng jai gŭk mŏng hih rưng jia. Khua Yang kuôl kăn: \"Ăn gre ăñ! Kăn dŏk rŏk jêh iên gre Khua Yang.\"",
  "10": "Bruă eh trôh jăng jai Yang Yêsu gŭk sông sa mŏng hih. tŏ hư̆n, ŏk ngăn băl rưng jia jêh iên băl tih djŏh trôh sông sa băk Yang Yêsu, wăt băl ƀing kna Yang.",
  "11": "Băl Pharisi so klăh iên, hên ngơi ta băl ƀing kna Yang di: \"Pơp mhŏ khua tơ-ti pu me sông ju băk ta băl rưng jia wăt ta băl tih djŏh?",
  "12": "Jêh Yang Yêsu tŏng klăh iên, Khua Yang Ngơi: \"Nêh găl mŏng săk jăn so khơñ nai dak gư̆n ƀă, čuôm gu nêh kuôp ji khơñ.\"",
  "13": "Ăn pu me sak jêh iên riêm no di gư̆t đô̆ nă pơp ho čiêng ngơi: \"Ăñ khơñ nuih nhăm gư̆t đač, so khơñ pơp mhŏ yang. Yơng ăñ trôh, so geh kuôl nêh kpă, ƀê̆ dăh kuôl nêh tih.\"",
  "14": "Mông hư̆n, băl ƀing kna kăn Yôhan trôh tŏng tuôm ta Khua Yang, lup: \"Pơp mhŏ hi wăt băl Pharisi khăng ngăl sa, ƀê̆ dăh ƀing kna Yang di hên so ngăl sa?\"",
  "15": "Yang Yêsu wêh ngơi ta hên: \"Jăng jai băl năč gŭk mŏng tŭk sông sa tăm sai, so mau pơp bhiên lăm pơl muh măt bêng pơp nguôt nư̆ng ƀă, bơ yơng kăn tle hôm gŭk băk hên?\" Ƀê̆ dăh jrăng trôh nar nai sŏk kăn tle hư̆n wăč băh hên, mông hư̆n kah hên jrăng ngăl sa.",
  "16": "So mau nêh rư̆m ju nhêk mnal mhei mŏng blăh ao yau, yơng mnal mhei hư̆n jrăng lăm c̆riêk ao yau jêh iên ao jrăng sat ram hĭn.  ",
  "17": "Ăt so mau nêh tôh nơm mhei mŏng nhông tau yau. Ndă mhŏ kơt iên, nhông jrăng đhang, nơm ĕh mañ ta ling jêh iên nhông jrăng čăh. Hư̆n yơh, nai jrăng tôh nơm mhei mŏng nhông tau mhei, lĕ bar hân jrăng hôm găl gơ-gu.\"",
  "18": "Jăng jai Yang Yêsu hôm ngơi pơp hư̆n ta hên. Tŏ hân, mau ju nau khua ram trôh čuôn krŭng ta măt Khua Yang. Kăn ngơi: \"Kuôn u ur ăñ mhei khư̆t, ƀê̆ dăh dăn Khua Yang sak bi ti ta ĕh, ĕh jrăng wêh brêh.\"",
  "19": "Hư̆n yơh, Yang Yêsu dŏk sak hui gre kăn, jêh iên băl ƀing kna ăt sak băk Khua Yang.  ",
  "20": "Mông hư̆n, mau ju nau u ur kuôp ji huôr mham mau măt bar năm ru, sak ta kơi Yang Yêsu jêh iên de bi ta pư̆t ao Khua Yang.",
  "21": "Yơng de mĭn: \"Ndă ăñ dơi bi ta pư̆t ao Yang di gu, ăt ăñ jrăng dơi băh ya.\"",
  "22": "Ƀê̆ dăh Yang Yêsu wiêng dlăng so de jêh hư̆n ngơi wơ kuôn, ăn kjăp nuih nhăm. Pơp đăo kuôn jêh dơi lăm băh kuôn. Mông hư̆n rŏk de dơi băh pơp kuôp ji.",
  "23": "Jăng jai Yang Yêsu mư̆t mŏng hih kăn tơm năk hih ƀư̆n, Khua Yang so băl ôh mbuôt jêh hư̆n hên mhŏ sư̆k rư̆k.",
  "24": "Khua Yang ngơi: \"Du lĕ ta ling, yơng kuôn sei bê̆ gu so khư̆t ƀă.\" Ƀê̆ dăh hên gơm mưč Khua Yang.",
  "25": "Jêh Khua Yang prŏh hên du lĕ ta ling, Khua Yang mư̆t mŏng dŭ lăm, Khua Yang măn ti de jêh iên de dŏk",
  "26": "Pơp ho nai tŏng pĕh mŏng grăp wăl hư̆n.",
  "27": "Jêh Khua Yang du băh tŭk hư̆n, mau bar nau nêh tiêh măt gre Khua Yang. Hên ôr tĕh dơk klăh iêu: “Wơ kuôn mtao Đavit, dăn đač ta hi ƀă.\"",
  "28": "Jêh Yang Yêsu mư̆t mŏng hih, bar nau nêh tiêh hư̆n sak tŏng tuôm ta Khua Yang. Yang Yêsu lup hên: \"Pu me đăo ya ăñ dơi mhŏ bruă ho? Hên ngơi, Hi đăo! Dơi!\"",
  "29": "Mông hư̆n, Yang Yêsu bi ta măt hên jêh iên ngơi: \"Bruă ho jêng hui si pơp đăo pu me mau,\"",
  "30": "mông hư̆n măt hên dơi ang, jêh iên Khua Yang tơ-tă  nư̆k ta hên, klăh iêu: \"Ăn pu me kăh, man ăn nai dơi gư̆t bruă ho.\"",
  "31": "Ƀê̆ dăh bar nau hên sak têh sơm bruă hư̆n grăp tŭk.",
  "32": "Jêh bar nau hên hư̆n du. Tŏ hư̆n, nai ndơp ta Yang Yêsu ju nau nêh mblo yang djŏh mư̆t.",
  "33": "Jăng jai jêh prŏh yang djŏh, nêh mblo dơi ngơi rŏk. Băl uôn lan hĭ hă tŏng ngơi ndăng hên: \"Ñăm tuôm so bruă klăh iêu mŏng Israel!\"",
  "34": "Ƀê̆ dăh băl Pharisi Ngơi: \"Kăn knang mtao yang djŏh prŏh yang djŏh.”",
  "35": "Yang Yêsu sak grăp uôn ram jêh iên uôn đăm. Khua Yang tơ-ti mŏng hih ƀư̆n hên, têh sơm Pơp Găl băh trôk jêh iên lăm băh lĕ mơt pơp kuôp ji wăt nêh wiên.",
  "36": "Jăng jai Khua Yang so uôn lan ŏk, Khua Yang tŏng đač mŏng nuih nhăm, bơ yơng nai hao nuih jêh iên lăm rai hên, hên klăh di biêp so mâo nêh năk.",
  "37": "Jêh hư̆n Khua Yang ngơi ta băl ƀing kna: \"Dơm riêk jêh trôh, ƀê̆ dăh nêh riêk ƀê̆.\"",
  "38": "Hư̆n yơh, ăn pu me dăn gơñ ta Mtao dơm riêk, no di Khua Yang yua băl riêk mư̆t mŏng dơm riêk Yang di.\""
}