See in Reader
23 lines
2.9 KiB
JSON
23 lines
2.9 KiB
JSON
{
|
|
"1": "Ta kơi nar saƀat, ôi măng nar tal muôi bôk simen, Mari Mađơlen jêh iên Mari dêh sak siêp tu môč.",
|
|
"2": "Tŏ hân, mâo pơp nggơ-nggăr tĕh ktang ngăn, bơ yơng ju nâo nêh myang Yang di jâr băh trôk, sak jêh iên lơng bôk mâo, jêh hân gŭk ta iên.",
|
|
"3": "\tSăk jăn nêh myang ndrơm klăh di ƀlĭp lơp, jêh iên ao buôk klăh di pliêr.",
|
|
"4": "\tbăl ka han gak pơ prăm bơ yơng bhŭng tăl ĕh bông ndrơm klăh di nêh khât.",
|
|
"5": "\tɃê̆ dăh nêh myang ngơi ta hên: \"Man bhŭng, bơ yơng ăñ gât pu e juôi Yêsu, Mtao jêh nai pŏng điñ.",
|
|
"6": "\tKhoa Yang so hôm gŭk ta o ƀă, ƀê̆ dăh jêh dŏk brêh ru, hui si pơp Khoa Yang jêh ngơi. Ăn sak dlăng tŭk Khoa Yang bê̆.",
|
|
"7": "\tĂn sak têh sơm gơñ ta băl ƀing kna Yang klăh iêu: \"Khoa Yang jêh dŏk brêh băh tŭk khât. Tŏ hân, Khoa Yang jrăng sak luôr ta pu me trôh ta Galilê. Ta iên, pu me jrăng so Khoa Yang. Dlăng ho! Ăñ jêh têh ta pu e ru hân.\"",
|
|
"8": "Băl u ur mhăč mhôr du băh tu, wăt pơp bhŭng, tân ta pơp čhô̆ brơn jêh iên dhul sak têh ta băl ƀing kna Khoa Yang.",
|
|
"9": "Tŏ hân, Khoa Yang tŏng tuôm ta hên, jêh iên ngơi: \"Đăp nang ta pu e\" Băl u ur sak mơñ, ut jŏng Khoa Yang jêh iên kôh mpŭ ta Khoa Yang.",
|
|
"10": "\tJêh hân Yang Yêsu ngơi ta hên: \"Man bhŭng, ăn sak têh ta oh mi ăñ trôh ta Galilê. Ta iên hên jrăng tŏng tuôm ăñ.\"",
|
|
"11": "\tJăng jai băl u ur hân sak. Tŏ hân, băl ka han gak tu mât mŏng uôn ram têh sơm ta băl khoa mhŏ yang ram lĕ mơt broă jêh trôh.",
|
|
"12": "\tJêh tŏng ƀân ta băl khoa u rañ jêh iên trông čhai ta broă hân, hên ăn ŏk prăk ta băl ka han",
|
|
"13": "\tjêh iên tơ-tă, Ăn pu me ngơi: \"Băl ƀing kna kăn trôh mông mơ-măng jêh iên sŏk blăc̆ săk khât mông hi jăng jai bê̆.\"",
|
|
"14": "Ndă pơp ho trôh ta tôr khoa čar, hi jrăng lơ lang ta kăn jêh iên mgang pu me so tuôm pơp dlĕh.\"",
|
|
"15": "Hân yơh jêng băl ka han sŏk prăk jêh hân mhŏ drơm klăh di băl ĕh tơ-tă. Pơp ho nai lăm pĕh lĕ mơt mŏng uôn lan Yothaĭ jêh iên tăl hôm trôh nar o ya.",
|
|
"16": "\tɃê̆ dăh măt muôi nâo băl ƀing kna sak trôh ta Galilê, trôh ta yôk Yang Yêsu jêh tơ-to ta hên.",
|
|
"17": "\tJăng jai hên so Khoa Yang hên kôh mpŭ ta Khoa Yang, ƀê̆ dăh mâo ƀơ-ƀă nêh hôm đing.",
|
|
"18": "\tYang Yêsu sak trôh jêh iên ngơi ta hên: \"Lĕ pơp myang tŏng trôk jêh iên mŏng tĕh jêh jao ta ăn.",
|
|
"19": "\tHân yơh, ăn sak jêh iên tơ-ti lĕ mơt uôn lan ñjêng ƀing kna ăñ ji. Ăn mhŏ ƀap tem ta hên ta năn Yang Bap, Yang Kuôn jêh iên Yang Ngăt Găl.",
|
|
"20": "\tĂn tơ-ti hên ñôt kjăp lĕ mơt pơp ăñ jêh tơ-tă ta pu me. Jêh iên ho! Ăñ ăt gŭk ju băk ta pu me, răn ƀăn tăl trôh nar tôč dât."
|
|
}
|