See in Reader
33 lines
4.4 KiB
JSON
33 lines
4.4 KiB
JSON
{
|
|
"1": "Bruă trôh jăng jai Yang Yêsu jêh tơ-ti măt bar nâo băl ƀing kna, Khua Yang du băh iên no di tơ-ti lăh mŏng grăp uôn hên di.",
|
|
"2": "Mông hư̆n, jăng jai Yôhan gŭk mŏng war tŏng pĕh lĕ bruă Yang Tŏng Tlĕh mhŏ, kăn yua băl ƀing kna kăn sak lup Khua Yang.",
|
|
"3": "Hên lup klăh iêu: \"Geh ya! Khua jêng Mtao jrăng trôh, mdăh hi hôm kăp găn Mtao dơ-dêh?\"",
|
|
"4": "Yang Yêsu wêh ngơi ta hên klăh iêu: \"Ăn sak têh sơm ta Yôhan lĕ mơt bruă ŏh mi so jêh iên tŏng.",
|
|
"5": "Nêh tiêh măt dơi so, nêh kuet wiên dơi sak, nêh dư̆n lôt dơi ngôr, nêh tư̆k dơi tŏng, nêh khư̆t dơi wêh brêh jêh iên nêh knap mñai dơi iêt Pơp Găl.",
|
|
"6": "Găl jôn ta nêh tơm so păk bông yơng băh ăñ.",
|
|
"7": "Jăng jai jêh băl hư̆n du, Yang Yêsu dư̆ng ngơi pơp brêh Yôhan ta uôn lan: \"Ŏh mi mư̆t mŏng tač ndrăñ năn pơp ŏh mi dlăng? dlăng čal nggŏh tơm prŏh lăh?",
|
|
"8": "Ƀê̆ dăh, mư̆t mŏng iên năn pơp ŏh mi dlăng? dlăng nai soh ao nhăp găl ĕh di? Ăñ ngơi ngăn, nêh soh ao nhăp găl nai gŭk mŏng hih mtao gu.",
|
|
"9": "Ndă kơt iên oh mi mư̆t mŏng iên năn pơp dlăng? Ju nau nêh têh luôr ĕh di? Geh! Ăñ ngơi ngăn ta ŏh mi kăn ăt gao hĭn nêh têh luôr ya.",
|
|
"10": "Yơng băh nêh hư̆n mau pơp ngơi: \"Tŏ hư̆n, ăñ yua ndrañ ăñ sak ta măt Kuôn, kăn jrăng weh truông un ta Kuôn.\"",
|
|
"11": "Ăñ ngơi ngăn ta ŏh mi, mŏng lĕ mơt nêh jêh u ur lai săk, so mau ju nau nêh dơi ram hĭn kăn Yôhan ƀap tit. Ƀê̆ dăh, nêh ku êt ngăn mŏng Uôn Găl ăt ram hĭn kăn Yôhan.",
|
|
"12": "Dŏng băh nar kăn Yôhan ƀap tit trôh iêu, Uôn Găl jêh tŭ pơp mhŏ djŏh jêh iên băl djŏh yua pơp ktang khơñ sŏk sua ĕh.",
|
|
"13": "Yơng lĕ mơt pơp têh luôr wăt pơp bhiên jêh tơ-têh ru tăl trôh nuk kăn Yôhan.",
|
|
"14": "Ndă di ŏh mi pơk nuih nhăm sŏk ruôm. Kăn hư̆n yơh jêng Êli, nêh jrăng trôh.",
|
|
"15": "Nêh tơm mau tôr iêt, ăn iêt.",
|
|
"16": "Năn pơp ăñ sŏk no di tô mô ta gưl ho? Hên ndrơm klăh di băl ku sei mŏng tŭk tăč blŏ tŏng ôr ndăng ĕh.",
|
|
"17": "Klăh iêu: \"Băl hi ôh lôt un, ƀê̆ dăh pu me so kdŏ. Băl hi tlŏng nưng ƀê̆ dăh pu me so ñim.\"",
|
|
"18": "Yơng Yôhan trôh, ngăl sông wiêr ñêt, hư̆n hên ngơi: \"Kăn hư̆n jêh yang djŏh mư̆t.\"",
|
|
"19": "Kuôn Nêh trôh sông, ñêt, hên ngơi: \"Dlăng tŏ hư̆n, kăn hư̆n jêng nêh he sa, he ñêt tŏng ndruông ta băl rưng jia wăt ta băl tih djŏh! \" Ƀê̆ dăh pơp gư̆t mĭn dơi so nâk băh ple ĕh.",
|
|
"20": "Jêh hư̆n Yang Yêsu dư̆ng ôt lăh, grăp uôn pơp myang Yang di jêh lăm ƀlang, bơ yơng hên so čiêng niêl pơp tih.",
|
|
"21": "Knap yơh me, Kôrasin! Knap yơh me, Ƀêtsaiđa! Bơ yơng, ndă lĕ mơt bruă myang jêh mhŏ mŏng mbar pu me, dơi mhŏ ta Tyrơ wăt uôn Siđôn, ăt nai jêh soh ao kdô, prui dô̆ bŭh tŏng bôk, niêl ndrŏh pơp tih băh yau ru.",
|
|
"22": "Hư̆n yơh, Ăñ ngơi no pu me gư̆t, mŏng nar phat dôih uôn Tyrơ ta uôn Siđôn jrăng kmal nghơč hĭn ta pu me.",
|
|
"23": "Bơ me, wơ Kapenaum! Nai jrăng so dơi hơk me trôh tŏng trôk ƀă. Nai jrăng lăm jư̆r me trôh ta uôn khư̆t. Bơ yơng, ndă lĕ bruă myang jêh mhŏ mŏng mbar me dơi mhŏ ta Sôđôm, uôn hư̆n ăt hôm trôh ta nar o.",
|
|
"24": "Hư̆n yơh ăñ ngơi no me gư̆t, mŏng nar phat dôih, tĕh Sôđôm jrăng kmhal nghơč hĭn ta me.",
|
|
"25": "Mông hư̆n, Yang Yêsu kuôl dăn: “Wơ Bap, jêng Yang rih ñjêng trôk tĕh, Kuôn nơ-nei ta Bap, Yơng Bap srôm lĕ pơp ho ta băl knhau wăt băl gư̆t mĭn, ƀê̆ dăh dơi lăm ƀlang ta băl ku sei.",
|
|
"26": "Ngăn ya, wơ Bap! Yơng pơp hư̆n găl nuih nhăm Bap!",
|
|
"27": "Lĕ mơt bruă Bap ăñ jêh jao ta ăñ ru. So Mau nêh gư̆t năl Kuôn čuôm gu Bap, jêh iên so mau nêh gư̆t năl Bap čuôm gu Kuôn wăt ta nêh Kuôn khơñ lăm ƀlang Bap ta hên.",
|
|
"28": "Wơ lĕ mơt nêh ăr măh ta nêh tung jŏk, ăn sak ta ăñ, ăñ jrăng ăn ta ŏh mi dơi gŭk mdei.",
|
|
"29": "Ăn tung nung ăñ ji jêh iên riêm gre ăñ, yơng ăñ mau nuih nhăm băn ưn jêh iên luă gŭ, ŏh mi jrăng dơi so pơp gŭk mdei ta ngăt ŏh mi di.",
|
|
"30": "Bơ yơng nung ăñ jêng lưih jêh iên pơp tung ăñ jêng nghơč. "
|
|
}
|