See in Reader
49 lines
6.2 KiB
JSON
49 lines
6.2 KiB
JSON
{
|
|
"1": "\tYang Yêsu wêh ngơi jêh iên yoa pơp h'hôr t'ti ta hên klăh iêu:",
|
|
"2": "\tUôn Yang Trôk ndrơm klăh di ju nâo mtao mkra pơp sông sa ta kuôn tlâo kăn.",
|
|
"3": "\tMtao yoa băl dâk sak lăm kăh lĕ mơt nêh jêh ndơm sak ta tŭk tăm sai, ƀê̆ dăh hên so sak.",
|
|
"4": "\tMtao wêh yoa băl dâk d'dêh, t'tă klăh iêu: \"Ăn ngơi ta băl năč jêh ăñ ndơm: \"Dlăng ho, ăñ jêh prăp prê pơp sông sa. Ndrôk ram jêh iên ndrôk kuôn mă jêh mhŏ čĭ ru, grăp mta pơp jêh dăp dăng. Ăn sak tăm guôp sông sa.\"",
|
|
"5": "\tɃê̆ dăh băl năč so đing nơn jêh iên du wăč, mâo nêh sak mhŏ mir, ƀ'ƀă lơh sa, ƀ'ƀă tăč blŏ.",
|
|
"6": "\tMâo băl d'dêh mơh hên ñâp băl dâk mtao di pŭ bang jêh iên lăm khât.",
|
|
"7": "\tMtao hao nuih jêh iên yoa k'han sak lăm khât lĕ mơt băl djŏh ƀai jêh hân jhu uôn hên.",
|
|
"8": "\tJêh hân mtao ngơi ta băl dâk: \"Pơp sông sa jêh prăp prê, ƀê̆ dăh lĕ mơt băl ăñ ndơm hân so năng.",
|
|
"9": "\tKlăh iên, ăn pu me sak grăp truông mbăh jêh iên ndơm lĕ mơt nêh eh ndal ta pu me ăn mât sông sa.",
|
|
"10": "\tBăl dâk hân sak grăp truông ram jêh iên tŏng ƀân nêh tơm jêh hên tŏng tuôm, băl djŏh wăt băl găl. klăh iên dŭ sông sa bêng năč.",
|
|
"11": "\tɃê̆ dăh jăng jai mtao mât no di dlăng năč sông sa, mtao so ju nâo nêh so sŏh ao kdrăp tăm sai.",
|
|
"12": "\tMtao lup kăn hân: \"Wơ jôk, pơp mhŏ me mât ta o, ƀê̆ dăh so me sŏh ao kdrăp tăm sai ôh?\" Ƀê̆ dăh kăn hân gŭk miêt.",
|
|
"13": "\tJêh hân mtao lăh ta băl dâk: \"Ăn čăp ti jŏng kăn ho jêh iên čĕ kăn mŏng tŭk ngo măng ta ling tŏ, tŭk jrăng mâo pơp ôr ñim jêh iên kriêt sêk.",
|
|
"14": "\tBơ yơng ŏk nêh dơi kuôl, ƀê̆ dăh ƀê̆ nêh gĕh săč.",
|
|
"15": "\tMông hân, băl Pharisi du băh iên jêh iên tŏng trông čhai mnăč no di dơi mblơm Yang Yêsu mŏng pơp Khoa Yang ngơi.",
|
|
"16": "\tHên yoa băl ƀing kna hên, ju băk ta băl gŭk ting ju Hêrôt sak tŏng tuôm ta Khoa Yang, băl ĕh lup: \"Wơ Khoa Yang, hi gât ya Khoa Yang jêng ngin ngăn jêh iên t'ti lăh truông ƀăng Yang Trôk di ta pơp kpă. Khoa Yang so ăn pơp nai ngơi lăm mlĭh pơp Khoa Yang t'ti, bơ yơng Khoa Yang so phat dôih hui si pơp so ta ling kuôn nêh.",
|
|
"17": "\tHân yơh, dăn ăn ta hi gât đa lăh Khoa Yang mĭn? Dơi tôh jia ta Sêsar mdăh so?\"",
|
|
"18": "\tɃê̆ dăh Yang Yê su gât pơp mĭn djŏh hên, hân Khoa Yang ngơi: \"Wơ băl pra mhŏ găl, pơp mhŏ pu me lông dlăng ăñ?\"",
|
|
"19": "\tĂn ta ăñ dlăng prăk tôh jia. Hên ndơp ta Khoa Yang prăk ju đơniê.",
|
|
"20": "\tYang Yêsu lup hên: \"Nêh tơm rup jêh iên năn săk ho?\"",
|
|
"21": "\tHên têh: \"Kăn Sêsar di!\" Kơt iên Yang Yêsu ngơi ta hên: \"Ndă kơt iên, năn pơp kăn Sêsar ăn plŏ ta Sêsar, jêh iên năn pơp Yang Trôk di ăn plŏ ta Yang Trôk.\"",
|
|
"22": "\tJêh hên tŏng kơt iên, hên hơ̆ hă ngăn. Jêh hân hên ndrŏh Khoa Yang jêh iên hên du.",
|
|
"23": "\tĂt mŏng nar hân, mâo băl Sađusê jêng băl khăng ngơi so mâo pơp wêh dŏk brêh, Sak mơñ Khoa Yang jêh iên hên lup Yang Yêsu,",
|
|
"24": "\tklăh iêu: \"Wơ Khoa Yang, Môis tuôm t'ti; ndă ju nâo nêh t'tlâo khât ƀê̆ dăh so mâo kuôn, oh kăn hân jrăng sai ur mi kăn no di bă kuôn ta mi kăn di.",
|
|
"25": "\tMŏng mbar băl hi mâo pŏh nâo oh mi. Kăn mi bôk gŭk ur jêh hân khât ƀê̆ dăh so mâo kuôn, hân ñjêng lơi ur ta oh tal bar.",
|
|
"26": "\tNêh tal bar klăh iên ya, jêh hân trôh nêh tal pei, tăl trôh ta nêh tal pŏh.",
|
|
"27": "\tTrôh ta kơi, de u'ur ăt khât ya.",
|
|
"28": "\tKlăh iên, mŏng nar wêh dŏk brêh, de u'ur hân jrăng jêng ur ta nêh tơm, mŏng pŏh nâo oh mi hân? Bơ yơng lĕ mơt hên jêh sai de ñjêng ur hên.\"",
|
|
"29": "\tYang Yêsu wêh ngơi ta hên klăh iêu: \"Pu me čhoai ru, yơng pu me so gât pơp ngơi Yang Trôk, ăt so pu me wơng pơp myang Yang Trôk di.",
|
|
"30": "\tBơ yơng mông wêh brêh, kuôn nêh so hôm tŏng sai ƀă. Mlĭh ta iên, hên jrăng ndrơm klăh di băl myang tŏng trôk.",
|
|
"31": "\tBơ pơp wêh brêh băl khât di, năng ai ñăm pu me dlăng pơp Yang Trôk ngơi ho, ngơi ta pu me lăh?",
|
|
"32": "\t\"Ăñ jêng Yang Trôk kăn Apraham, Yang Trôk kăn Ysak, Yang Trôk kăn Yakôp. Yang Trôk jêng so gĕh Yang Trôk băl khât di ƀê̆ dăh jêng Yang Trôk băl brêh di.\"",
|
|
"33": "\tJăng jai băl uôn lan iêt klăh iên, hên hơ̆ hă băh pơp t'ti lăh Khoa Yang di.",
|
|
"34": "\tɃê̆ dăh jăng jai băl Pharisi tŏng pĕh klah iêu, Yang Yêsu jêh lăm dât dơk băl Sađusê, hân yơh hên tŏng ƀân ju băk.",
|
|
"35": "\tJu nâo mŏng băl hên, jêng khoa t'ti pơp bhiên, lup Khoa Yang ju mta no di lông dlăng Khoa Yang.",
|
|
"36": "\t\"Wơ Khoa Yang, năn pơp t'tă ram ngăn mŏng pơp bhiên?",
|
|
"37": "\tYang Yêsu ngơi: \"Ăn me khăp ta Yang Trôk, jêng Yang Trôk me di, ta lĕ nuih nhăm, lĕ ngăt nhuôl jêh iên lĕ pơp mĭn me.\"",
|
|
"38": "\tHân jêng pơp t'tă ram jêh iên yuôm ngăn ta lĕ mơt.",
|
|
"39": "\tHo jêng pơp t'tă tal bar ăt ndrơm klăh iên ya. \"Ăn me khăp ta nêh d'dêh ndrơm klăh di săk me tơm.\"",
|
|
"40": "\tLĕ mơt pơp bhiên jêh iên pơp têh luôr ăt knang băh bar pơp t'tă ho ya.",
|
|
"41": "\tMông hân, jăng jai băl Pharisi hôm tŏng ngơi ndăng hên, Yang Yêsu lup hên ju mta.",
|
|
"42": "\tKhoa Yang lup: \"Đô̆ nă pu me mĭn ta Yang Krist? Nêh tơm kuôn Khoa Yang jêng?\" Hên têh ta Khoa Yang klăh iêu: \"Kuôn mtao Đavit.\"",
|
|
"43": "\tYang Yêsu wêh ngơi: \"Ndă kơt iên, pơp mhŏ Đavit mâo Yang Ngăt Găl gŭk băk jêh iên kăn kuôl Krist jêng Yang, jăng jai kăn ngơi klăh iêu:",
|
|
"44": "\t\"Yang ngơi ta Yang ăñ; ăn gŭk đăh ma Ăñ, tăl trôh mông Ăñ ăn băl rŏh kuôn mŏng sô̆ jŏng kuôn\"",
|
|
"45": "\tNdă Đavit kuôl Yang Krist jêng Yang, đô̆ nă Khoa Yang dơi wêh ñjêng kuôn mtao Đavit?\"",
|
|
"46": "\tSo hôm ju nâo nêh wêh ngơi ta Khoa Yang ju mta pơp, jêh iên dŏng băh nar hân, so mâo ju nâo nêh hôm năñ lup Khoa Yang ôh."
|
|
}
|