See in Reader
37 lines
5.3 KiB
JSON
37 lines
5.3 KiB
JSON
{
|
|
"1": "\tBơ yơng Uôn Yang Trôk ndrơm klăh di ju nâo nêh tơm tĕh, ôi ưm sak juôi nêh mhŏ broă mŏng mir ño kăn.",
|
|
"2": "\tJêh tŏng tŭ ư nơn ta hên mŏng prăk ƀơk ju nar jêng ju đơ-niê, kăn yoa hên mât mŏng mir ño kăn di.",
|
|
"3": "\tNăng ai mŏng sân mông ang ôi kăn wêh sak jêh iên so băl mhŏ broă d'dêh gŭk gai mŏng tŭk tăč blŏ.",
|
|
"4": "\tKăn ngơi ta hên: \"Lĕ pu me hân ƀă, ăn mât mŏng mir ño ăñ jêh hân ăñ jrăng ƀơk gĕh nŏh ta pu me.\"",
|
|
"5": "\tKlăh iên hên sak. Kăn wêh sak măt bar mông dŏng nar jêh iên pei mông mho, ăt kăn mhŏ klăh iên ya.",
|
|
"6": "\tWêh ju dŏ, năng ai mŏng prăm mông mho, kăn wêh sak jêh iên ăt hôm so ŏk nêh gŭk gai. Kăn ngơi ta hên: \"Pơp mhŏ pu me gŭk gai nar mho ta o ho?\"",
|
|
"7": "\tHên ngơi: \"Bơ yơng so mâo nêh čiêng yoa hi.\" Kăn ngơi ta hên: \"Ăn pu me sak mât mŏng mir ño ăñ, mhŏ broă ta ăñ.",
|
|
"8": "\tTrôh mho nar, kăn tơm tĕh ngơi ta kăn tơm năk băl mhŏ broă kăn: \"Ăn kuôl băl mhŏ broă mât jêh iên bơk prăk ta hên, dŏng băh nêh ta kơi dât trôh ta nêh luôr bôk.\"",
|
|
"9": "\tJăng jai băl nai yoa mŏng prăm mông mho sak trôh, grăp nâo hên dơn ju đơ-niê g'gu.",
|
|
"10": "\tJăng jai băl nai yoa mŏng mông ôi ưm trôh, hên mĭn hên jrăng dơi dơn ŏk hĭn, Ƀê̆ dăh grăp nâo hên ăt dơn ju đơ-niê gu ya.",
|
|
"11": "\tJêh hên dơn prăk ƀơk, hên ngơi ƀŭk ta kăn tơm mir.",
|
|
"12": "\tHên ngơi: \"Lĕ băl sak mhŏ ta kơi dât tŏ hân, hên mhŏ čuôm gu ju mông, ƀê̆ dăh kăn tơm mir dlăng ndrơm klăh ta hi, jêng nêh mhŏ broă lĕ ju nar mŏng sô̆ pơp dôh al pal săk.\"",
|
|
"13": "\tɃê̆ dăh kăn tơm mir ngơi ta ju nâo nêh mŏng hên: \"Wơ jôk, ăñ so mhŏ djŏh ta pu me ƀă. Gĕh ya! pu me jêh tŭ ư mhŏ broă ta ăñ prăk ƀơk ju đơ-niê lăh?\"",
|
|
"14": "\tĂn me dơn prăk ƀơk me di jêh iên me du. Ăñ čiêng ƀơk ta băl nêh sak mhŏ ta kơi dât ho ndrơm klăh di ƀơk ta me ya.",
|
|
"15": "\tĂñ so mâo pơp dơi yoa ngăn drăp ăñ hui si pơp ăñ khơñ ĕh di? mdăh yơng ăñ mhŏ broă găl hân pu me hao nuih?",
|
|
"16": "\tHân yơh, nêh ta kơi dât jrăng ñjêng bôk jêh iên nêh luôr bôk jrăng ñjêng ta kơi dât. (Ŏk nêh nai kuôl ƀê̆ dăh ƀê̆ nêh nai dơn)",
|
|
"17": "\tJăng jai Yang Yêsu sak trôh uôn Yêrusalem, Khoa Yang ndơm măt bar nâo băl ƀing kna sak d'dêh, jêh iên jăng jai sak truông Khoa Yang ngơi ta hên:",
|
|
"18": "\t\"Tŏ hân, băn jăng jai sak trôh uôn Yêrusalem, jêh hân nai jrăng jao Kuôn Nêh mŏng ti băl khoa mhŏ yang ram jêh iên băl t'ti pơp bhiên. Hên jrăng phat dôih lăm khât Khoa Yang",
|
|
"19": "\tjêh iên jrăng jao Khoa Yang ta uôn lan d'dêh no di mưč mač, pŭ yat jêh iên pŏng điñ ta jhi tăm kăng. Ƀê̆ dăh mŏng nar tal pei, Khoa Yang wêh dŏk brêh.",
|
|
"20": "\tMông hân, mei bar nâo kuôn tlâo Sêƀêđê wăt ta băl kuôn de sak tŏng tuôm ta Yang Yêsu. De čâp măt k'kôh Khoa Yang jêh iên dăn Khoa Yang ju mta.",
|
|
"21": "\tYang Yêsu lup de: \"Năn pơp e khơñ?\" De ngơi ta Khoa Yang: \"Dăn ăn pơp dơi no di bar nâo kuôn tlâo ăñ ho ju nâo dơi gŭk đăh ma, ju nâo gŭk đăh kiêu Khoa Yang, mŏng čar Khoa Yang di.\"",
|
|
"22": "\tɃê̆ dăh Yang Yêsu ngơi: \"E so gât năn pơp e jăng jai dăn hân ƀă. Bar nâo ŏh mi pu me dơi ñêt kčok ăñ dưng ñêt hân ya?\" Hên ngơi ta Khoa Yang: \"Hi dơi ñêt ya.\"",
|
|
"23": "Khoa Yang ngơi ta hên: \"Pu me jrăng ñêt kčok ăñ ñêt. Ƀê̆ dăh gŭk ju đăh ma mdăh ju đăh kiêu ăñ, so gĕh broă ăñ dơi ăn, broă hân thêm ta nêh Bap ăñ ji jêh prăp ta tŭk hân gu.\"",
|
|
"24": "\tJăng jai măt nâo ƀing kna jêh gât pơp ho, hên hao nuih ta bar nâo oh mi hân.",
|
|
"25": "\tɃê̆ dăh Yang Yêsu kuôl hên trôh, jêh iên ngơi: \"Pu me gât mtao uôn lan d'dêh khăng kmhal uôn lan mhŏ broă ta hên, jêh iên băl khoa ram krĕh yoa pơp khưm hên ñôt bôk uôn lan.\"",
|
|
"26": "Ƀê̆ dăh mŏng mbar pu me jrăng so dơi mhŏ klăh iên. Mlĭh ta iên, nêh khơñ mhŏ ram mŏng mbar pu me ăn mhŏ dâk ta oh mi kăn,",
|
|
"27": "\tjêh iên nêh khơñ gŭk bôk măt mŏng mbar pu me ăn kăn mhŏ broă pu me,",
|
|
"28": "\tnrơm ya Kuôn Nêh trôh, so gĕh ăn nai mhŏ broă ta tơm ƀê̆ dăh mhŏ broă ta nai, jêh iên myơr pơp brê̆h tơm no di toai pơp tih ta ŏk nêh.\"",
|
|
"29": "\tJăng jai hên du băh uôn Yêrikô, ju pôl uôn lan ŏk ngăn gre ta kơi Khoa Yang.",
|
|
"30": "\tTŏ hân, mâo bar nâo nêh tiêh măt gŭk ta kêng truông. Jăng jai bar nâo hên tŏng Yang Yêsu jrăng sak găn, hên ôr tĕh: \"Wơ Khoa Yang, Kuôn mtao Đavit, dăn đač ta hi ƀă.\"",
|
|
"31": "\tBê̆ dăh uôn lan ôt bar nâo hên, ăn hên gŭk miêt, ƀê̆ dăh hên ôr tĕh hĭn: \"Wơ Khoa Yang, Kuôn mtao Đavit, dăn đač un hi.\"",
|
|
"32": "\tJêh hân Yang Yêsu hŏng, kuôl hên jêh iên lup: \"Năn pơp pu me khơñ ăñ mhŏ ta pu me?\"",
|
|
"33": "\tHên ngơi ta Khoa Yang: \"Wơ Khoa Yang, dăn ăn ta hi dơi ang măt.\"",
|
|
"34": "\tYang Yêsu tŏng đač mŏng nuih nhăm, Khoa Yang bi ta măt hên. Mhăč rŏk, hên dơi ang măt jêh iên sak gre Khoa Yang."
|
|
}
|