See in Reader
26 lines
4.6 KiB
JSON
26 lines
4.6 KiB
JSON
{
|
||
"1": "Trôh mông jêh nai lai săk Yang Yêsu ta uôn Ƀet-le-hem, čar Yuđa. Mŏng nuk mtao Hêrôt kĕ kriê, mau băl gư̆t mĭn băh đăh nar lôh hên sak trôh ta uôn Yêrusalem jêh iên hên lup:",
|
||
"2": "“U tŭk mtao băl Yuđa mhei nai lai săk? Bơ yơng jêh hi tuôm so măñ Yang di băh đăh nar lôh tê̆, hư̆n yơh hi sak kôh mpŭ Khua Yang!”",
|
||
"3": "Jêh tŏng gu pơp hên ngơi hư̆n, mtao Hêrôt wăt ta lĕ mơt băl uôn lan mŏng Yêrusalem hên bêng pơp rŭng răng.",
|
||
"4": "Mhăč rŏk mtao tŏng ƀư̆n lĕ mơt băl khua mhŏ yang, băl tơ-ti pơp bhiên mŏng uôn lan jêh iên lup hên: “U tŭk nai lai săk Yang Krist?”",
|
||
"5": "Hên têh ta kăn: “Ta uôn Ƀet-le-hem čar Yuđa, bơ yơng mau pơp têh luôr čih klăh iêu; ",
|
||
"6": "‘Wơ Ƀet-le-hem čar Yuđa! Me so mau jêng kuôn nê̆ mŏng čar Yuđa ôh! Bơ yơng băh me, jrăng mau ju nau mtao, hư̆n jêng Mtao kĕ kriê băl Israel, jêng uôn lan ăñ ji!’”",
|
||
"7": "Jêh hư̆n, mtao Hêrôt ndơm muôč băl gư̆t mĭn băh đăh nar lôh, lup nư̆k hên yơng ta mông nar măñ ĕh lăm ƀlang ta hên hư̆n.",
|
||
"8": "Jêh hư̆n kăh kăn yua pŏng hên sak trôh ta Ƀet-le-hem, kăn pra tơ-tă pŏng hên klăh iêu: “Ăn pu me sak lup nư̆k yơng ta kuôn sei dêt hư̆n, trôh mông jêh pu me so ĕh, ăn pu me têh sơm ta ăñ ƀă no di ăñ sak kôh mpŭ ta mtao hư̆n.”",
|
||
"9": "Jêh hên tŏng gu pơp kăn ngơi hư̆n, hên sak rŏk, jêh iên tŏ hư̆n, măñ hên so băh đăh nar lôh ĕh sak lăm hên ta măt, tăl trôh ta tŭk ŏh nga gŭk hư̆n kăh ĕh hŏng.",
|
||
"10": "Trôh mông băl gư̆t mĭn so măñ hư̆n, mŏng hên bêng pơp čhô̆ brơn. ",
|
||
"11": "Trôh mông hên mư̆t mŏng hih, hên so ŏh nga wăt de Mari jêng mei Khua Yang ta iên. Hên čư̆p măt mŏng teh jêh iên hên kôh mpŭ Khua Yang. Jêh hư̆n hên sŏk pơp yuôm bhăn hên mau hên myơr ta Khua Yang, mŏng iên mau măh, dak ƀau kăh jêh iên dak gư̆n tăng. ",
|
||
"12": "Jêh hư̆n, Yang Trôk têh sơm ta hên mŏng pơp mbơi, so Khua Yang ăn hên lŏ wêh du ta tŭk mtao Hêrôt ôh. Hư̆n yơh hên diêr truông dêh no di hên du ta čar hên tơm. ",
|
||
"13": "Jêh hên du čar hên tơm, tŏ hư̆n, mau ju nau nêh myang Yang Trôk nôh ƀlang ta kăn Yôsep mŏng pơp mbơi ngơi klăh iêu: “Ăn me dŏk gơñ, ăn me triêu ŏh nga ta mei Khua Yang jêh iên du plăč mŏng čar Êjip sô̆, ăn me gŭk ta iên tăl trôh mông ăñ kuôl me, bơ yơng mtao Hêrôt jăng jai juôi truông khơñ lăm khư̆t ŏh nga hư̆n.”",
|
||
"14": "Kăn Yôsep ngĕh bê̆, kăn triêu ŏh nga wăt ta mei Khua Yang lăm du ta čar Êjip mơ-măng hư̆n rŏk,",
|
||
"15": "jêh iên kăn gŭk ta iên tăl trôh mông mtao Hêrôt khư̆t no di lăm nư̆k pơp Yang Trôk ngơi mơn băh băl têh luôr ngơi klăh iêu: “ Jêh ăñ kuôl kuôn ăñ du băh čar Êjip!”",
|
||
"16": "Trôh mông, mtao Hêrôt gư̆t, băl gư̆t mĭn mblơm kăn, kăn bêng pơp hao nuih jêh iên kăn yua nêh sak lăm khư̆t lĕ mơt băl ŏh nga tlơ-tlau mŏng uôn Ƀet-le-hem wăt lĕ wăl jư̆m dar hư̆n, dŏng băh bar năm iêu mŏng sô̆ geh trĭp ta nar khe băl gư̆t mĭn băh đăh nar lôh têh ta kăn hư̆n ya. ",
|
||
"17": "Kơt iên jêng, ĕh lăm nư̆k lĕ mơt pơp băh nêh têh luôr Yêrêmi ngơi klăh iêu: ",
|
||
"18": "“Ta uôn Ra-ma, nai tŏng dơk ôr ñim jêh iên tlŏng nư̆ng ktang! Hư̆n jêng dơk de Ra-čel ñim ŏh kuôn de, jêh iên so de dơn pơp nai jôh lih, bơ yơng ŏh kuôn de so hôm brêh ôh.”",
|
||
"19": "Trôh mông mtao Hêrôt khư̆t, tŏ hư̆n, mau ju nau nêh myang Yang Trôk nôh ƀlang ta kăn Yôsep mŏng pơp mbơi ta čar Êjip, ",
|
||
"20": "ngơi klăh iêu: “Ăn me dŏk! Ăn me triêu kuôn sei ta mei Khua Yang jêh hư̆n du plŏ hư̆t ta čar Israel, bơ yơng đơ nêh khơñ lăm khư̆t kuôn sei hư̆n jêh khư̆t ru!”",
|
||
"21": "Jêh hư̆n kăn Yôsep dŏk, kăn triêu kuôn sei ta mei Yang di, jêh hư̆n du plŏ du ta teh Israel.",
|
||
"22": "Ƀê̆ dăh jêh kăn tŏng klă mtao A-čê-lu jêng nêh ndơn jhưng mtao bap kăn di hư̆n jêng mtao Hêrôt, no di kĕ kriê mŏng čar Yuđa, so năñ kăn Yôsep du ta iên ôh. Ƀê̆ dăh jêh Yang Trôk sơm ta kăn mŏng pơp mbơi, hư̆n yơh kăn sak gŭk mŏng čar Ga-li-lê tŏ,",
|
||
"23": "jêh iên ndă di jêh trôh ta iên, kăn sak gŭk mŏng uôn ram nai nơ-năn jêng uôn Na-sa-ret, no di lăm nư̆k băh pơp băl têh luôr ngơi klăh iêu: “Nai jrăng nơ-năn Khua Yang jêng nêh uôn Na-sa-ret!”"
|
||
}
|