See in Reader
28 lines
3.8 KiB
JSON
28 lines
3.8 KiB
JSON
{
|
|
"1": "\tJêh hân, Yang Ngăt Găl ndơp Yang Yêsu sak ta tač ndrăñ no di tŭ pơp yang djŏh mblơm.",
|
|
"2": "\tTa kơi mông Yang jêh ngăl sa puôn jăt nar ta puôn jăt măng, jêh hân Yang nguôt.",
|
|
"3": "\tJêh hân, yang djŏh trôh ngơi ta Yang, klăh iêu: \"Ndă me jêng Kuôn Yang Trôk, ăn ngơi ta tak mâo ho mblư̆ jêng ƀăñ.\"",
|
|
"4": "\tɃê̆ dăh, Yang Yêsu wêh ngơi ta ĕh: \"Mâo pơp čih klăh iêu! Kuôn nêh brêh so mâo mơn čuôm băh ƀăñ gu ôh, ƀê̆ dăh mơn băh lĕ pơp ĕh du băh dơk Yang Trôk.\"",
|
|
"5": "\tMông hân, yang djŏh lăm ndơp Khoa Yang mât mŏng uôn ram ƀrăh jêh iên ăn Khoa Yang gŭk ta tŭk joa hĭn tŏng hĭh ƀân,",
|
|
"6": "\tjêh iên ngơi ta Khoa Yang: \"Ndă me jêng Kuôn Yang Trôk, ăn tuôt mŏng sô̆, yơng mâo pơp čih: \"Yang jrăng yoa băl myang Yang di dŏng me, jêh iên hên jrăng hơk me mŏng plang ti hên di, no di jŏng me so gĕh ta bôk mâo.\"",
|
|
"7": "\tYang Yêsu wêh lăh ta ĕh: \"Ăt mâo pơp čih: Me man lông dlăng Yang jêng Yang Trôk me.\"",
|
|
"8": "\tSatan wêh ndơp Khoa Yang c̆ơng tŏng dôn yôk joa, jêh iên sơm ta Khoa Yang lĕ mơt grăp čar mŏng dôn tĕh wăt ta lĕ pơp drưh ang ĕh di.",
|
|
"9": "\tĔh ngơi ta Khoa Yang: \"Ăñ jrăng ăn ta me lĕ mơt pơp ho, ndă me cuôn krŭng jêh iên kôh mpŭ ta ăñ.",
|
|
"10": "\tYang Yêsu ngơi: “Wơ Satan, ăn du băh o gơñ! Yơng mâo pơp čih: Ăn me kôh mpŭ Yang jêng Yang Trôk me, jêh iên ăn me kôh mpŭ čuôm gu ju nâo Yang Trôk.\"",
|
|
"11": "Jêh hân Satan du băh Khoa Yang. Tŏ hân, pôl băl myang trôh đru broă khoa Yang.",
|
|
"12": "\tMông hân, jăng jai Yang Yêsu tŏng pĕh Yôhan jêh nai ñâp, hân yơh Khoa Yang plŏ ta čar Galilê.",
|
|
"13": "\tYang du băh Nasaret jêh iên trôh gŭk ta uôn Kapenaum, ju tŭk ta hang dak sĭ Galilê mŏng tĕh Saƀulôn ta Neptali.",
|
|
"14": "\tBroă ho trôh no di dơi lăm nâk pơp jêh ngơi luôr yơng băh tơm têh luôr Êsai, klăh iêu:",
|
|
"15": "\t\"Tĕh Saƀulôn ta tĕh Neptali, tŏng iêu dak sĭ, đăh tŏ dak kruông Yôđan, jêng wăl Galilê tĭng ju uôn lan dơ-dêh!",
|
|
"16": "\tUôn lan gŭk mŏng tŭk ngo măng jêh so pơp ang ram, lĕ băl gŭk mŏng čar ta gui pơp khât, hân yơh pơp ang jêh đang ang tŏng hên.",
|
|
"17": "\tDŏng băh iên, Yang Yêsu đhơm tơ-ti lăh, klăh iêu: \"Ăn niêl pơp tih, yơng čar Yang Trôk jêh trôh mơñ.\"",
|
|
"18": "\tJăng jai sak ta hang dak sĭ Galilê, Khoa Yang so bar nâo ŏh mi Simôn, kuôl jêng Pêtrôs ta ŏh kăn Andrê, jăng jai trăh jal mŏng dak yơng hên mhŏ broă ñâp ka.",
|
|
"19": "\tYang Yêsu ngơi ta hên: \"Jơ̆ hui gre ăñ, ăñ jrăng lăm ñjêng pu me jêng nêh mhŏ broă trăh nêh.\"",
|
|
"20": "\tMhăč rŏk, hên ndrŏh jal jêh iên gre Khoa Yang.",
|
|
"21": "\tJăng jai Yang Yêsu wêh sak băh iên, Khoa Yang so bar nâo ŏh mi dơ-dêh. Yakơ kuôn Sêƀêđê di ta Yôhan ŏh kăn. Hên hôm gŭk mŏng plŭng, jư̆ng jal ju băk bap hên năn Sêƀêđê. Khoa Yang kuôl hên.",
|
|
"22": "Jêh iên hên mhăč rŏk ndrŏh plŭng ta bap hên, jêh hân hui gre Khoa Yang.",
|
|
"23": "\tYang Yêsu sak grăp tŭk mŏng čar Galilê, tơ-ti ta grăp hĭh ƀân, têh sơm pơp mhei mhang băh čar Yang Trôk, lăm băh lĕ mơt pơp kuôp ji ta koet wiên mŏng uôn lan.",
|
|
"24": "\tPơp pĕh hing băh Khoa Yang lam lĕ čar Siri jêh iên nai ndơp trôh ta Khoa Yang, lĕ nêh mâo pơp kuôp kăt ju băk pơp kuôp ji dơ-dêh, blăh di mâo pơp ji kôr knap mñai, đơ băl gĕh čak mât, ju băk nêh lu jêh iên koet wiên, Yang Yêsu dơi lăm băh lĕ ta hên.",
|
|
"25": "\tMâo ŏk băl uôn lan sak gre Khoa Yang dŏng bah čar Galilê, čar Đêkapôlis, uôn ram Yêrusalem, wăl Yuđê jêh iên đăh tŏ dak kruông Yôđan."
|
|
}
|