See in Reader
26 lines
4.0 KiB
JSON
26 lines
4.0 KiB
JSON
{
|
|
"1": " Jêh nai lai săk ta Yang Yêsu mŏng Ƀetlehem wăl Yuđê, mŏng nŭk mtao Hêrôt. Mông hư̆n, mau băl gư̆t mĭn băh đăh nar lôh trôh Yêrusalem. ",
|
|
"2": "Hên lup: \"Nêh jêh lai săk mhŏ mtao uôn lan Yuđa tŭk ta gŭk iêu? Bơng yơng jêh hi so măñ Yang di băh đăh nar lôh hư̆n yơh hi trôh no di kôh mpŭ Yang.\"",
|
|
"3": "Ƀê̆ dăh jêh tŏng pơp ngơi hư̆n, mtao Hêrôt kăn rung răng wăt lĕ uôn ram Yêrusalem iên ya.",
|
|
"4": "Jêh hư̆n mtao Hêrôt kuôl lĕ mơt băl khua mhŏ yang ram wăt băl tơ-ti pơp bhiên mŏng uôn lan jêh iên lup hên: \"U ta tŭk Mtao Tŏng Tlĕh jêh lai săk?\"",
|
|
"5": "Hên têh ta mtao: \"Ta Ƀetlehem wăl Yuđê, bơng yơng ho jêng pơp jêh čih băh băl têh luôr\".",
|
|
"6": "Ƀê̆ dăh me, Ƀetlêhem mŏng teh Yuđa, me ei so jêng ku êt ngăn mŏng lĕ uôn ram Yuđa di ôh, bơ yơng băh me jrăng mau ƀơn Mtao năk iêl têk lăm băl Israel ăñ ji.",
|
|
"7": "Jêh hư̆n, Hêrôt kuôl muôč băl gư̆t mĭn trôh, no di lup hên năn mông nư̆k ngăn măñ lăm ƀlang.",
|
|
"8": "Jêh hư̆n, kăn yua hên sak ta Ƀetlehem, jêh iên tơ-tă: \"Ăn sak lup nư̆k ta Ŏh Nga hư̆n. Di lăh jêh so Ŏh Nga, ăn têh ta ăñ gư̆t ƀă, no di ăñ jrăng sak trôh kôh mpŭ Mtao.\"",
|
|
"9": "Jêh tŏng pơp mtao ngơi, hên wêh sak. Tŏ hư̆n, măñ ram jêh hên so đăh năr lôh sak luôr ta măt hên, tăl trôh mông ĕh trôh jêh iên ĕh hŏng tŏng ta tŭk Ŏh Nga gŭk.",
|
|
"10": "Jêh so măñ hư̆n, hên čhô̆ brơn ram ngĭn ngăn yơh. ",
|
|
"11": "Jêh hư̆n, hên mư̆t mŏng hih jêh iên so Ŏh Nga băk Mari, mei Ŏh Nga. Hên čuôn krŭng kôh mpŭ Khua Yang. Hên pŏk lĕ ngăn yuôm hên di, Yơr ăn ta Yang lĕ ngăn yuôm, ta măh, dak bau kăh jêh iên dak gư̆n tăng.",
|
|
"12": "\tɃê̆ dăh mŏng pơp mbơi, Yang Trôk têh sơm ta hên, ei ru wêh du tŭk mtao Hêrôt, kơt iên hên sak truông dêh plơ̆ du čar hên tơm.",
|
|
"13": " Jêh hên du băh iên. Tŏ hư̆n, ju nau nêh myang Yang di nôh ƀlang ta Yôsep mŏng pơp mbơi jêh iên lăh: \"Ăn dŏk, triêu Ŏh Nga ta mei Yang di du plăč ta čar Êjip. Ăn gŭk ta iên tăl trôh mông ăñ kuôl me, bơng yơng Hêrôt jrăng juôi Ŏh Nga khơñ lăm khư̆t.\"",
|
|
"14": "Jêh iên mŏng măng hư̆n, Yôsep dŏk triêu Ŏh Nga wăt ta mei Yang di, du plăč ta čar Êjip.",
|
|
"15": "Kăn gŭk ta iên tăl trôh nar Hêrôt khư̆t. Bruă ho lăm nư̆k lĕ mơt pơp Yang Trôk jêh ngơi ta băl têh luôr klăh iêu: \"Ăñ jêh kuôl Kuôn Ăñ du băh Êjip.\"",
|
|
"16": "Jêh Hêrôt gư̆t băl gư̆t mĭn mhŏ mnăč ta kăn, kăn bêng pơp hao nuih. Kăn yoa nêh lăm khư̆t lĕ mơt băl ku sei tơ-tlau dŏng băh bar năm iêu mŏng sô̆ ta uôn Ƀetlehem, jêh iên mŏng lĕ wăl hư̆n, hui si mông kăn dơi ngơp dŏng băh băl gư̆t mĭn.",
|
|
"17": "Kơt iên jêng lăm nư̆k lĕ mơt pơp ngơi ta nêh têh luôr Yêrêmi, klăh iêu:",
|
|
"18": "\"Nai tŏng dơk mŏng uôn ram Rama, ôr ñim jêh iên ñim biê̆k tlŏng nư̆ng, Račel ñim băl kuôn de, ƀê̆ dăh de so khơñ pơp nai jôh lih, bơng yơng băl ĕh so hôm ôh.\"",
|
|
"19": "Jêh mtao Hêrôt khư̆t. Tŏ hư̆n, mau ju nau nêh myang Yang di nôh ƀlang ta Yôsep mŏng pơp mbơi ta Êjip,",
|
|
"20": "ngơi ta kăn: \"Ăn me dŏk, triêu Kuôn Sei ta mei Yang di plŏ du ta tĕh Israel, bơng yơng băl nêh juôi lăm khư̆t Kuôn Sei jêh khư̆t ru.\"",
|
|
"21": "Hư̆n yơh Yôsep dŏk, triêu Kuôn Sei ta mei Yang di plŏ du ta teh Israel.",
|
|
"22": "Ƀê̆ dăh, jêh kăn tŏng Ačêlôs mhŏ khua wăl Yuđê truôk tŭk bap kăn mtao Hêrôt, blăh iên so nañ kăn du ta iên ôh. Jêh Yang Trôk tơ-têh ta kăn mŏng pơp mbơi, kăn sak truông dêh du ta wăl Galilê. ",
|
|
"23": "Jêh iên, kăn sak gŭk brêh mŏng uôn ram nai năn jêng Nasaret. Hư̆n jêng ĕh lăm nư̆k pơp jêh ngơi ta băl têh luôr, klăh iêu: \"Nai jrăng kuôl Khua Yang jêng nêh Nasaret.\""
|
|
}
|