mnong_2020_mng_mlt_mat_book/mat/5.json

{
  "1": "Jăng jai Yang Yêsu so uôn lan ŏk. Khoa Yang sak čơng yô̆k. Trôh ta iên Khoa Yang  gŭk mŏng sô̆, jêh hân băl ƀing kna trôh ta tŭk Khoa Yang.",
  "2": "Khoa Yang pŏk dơk jêh iên t’ti hên, klah iêu;",
  "3": "Găl jôn ta nêh dlĕh knap mŏng ngăt nhuôl, yơng uôn Yang Trôk jêng hên di.",
  "4": "Găl jôn ta nêh ñim biêk, yơng hên jrăng dơi dơn pơp jôh lih.",
  "5": "Găl jôn ta nêh băn dhư̆, yơng hên jrăng dơi dơn teh.",
  "6": "Găl jôn ta nêh hêr nguôt pơp gĕh tŏng, yơng hên jrăng dơi hơm le.",
  "7": "Găl jôn ta nêh gâ̆t tŏng đac̆, yơng hên jrăng dơi dơn pơp đac̆.",
  "8": "Găl jôn ta nêh ƀrăh ngôr mŏng nuih ñhăm, yơng  hên jrăng so Yang Trôk",
  "9": "Găl jôn ta nêh lăm găl, yơng nai jrăng kuôl hên jêng kuôn Yang Trôk.",
  "10": "Găl jôn ta nêh nai mhŏ jdoh yơng pơp geh tŏng, yơng uôn Yang Trôk thêm ta hên.",
  "11": "Găl jôn ta ŏh mi jăng jai nai ngơi jdoh, jêh iên nai mhŏ ƀai ŏh mi wăt nai mbâ̆t jdăp pơp tih mblư̆ ta ŏh mi yơng Ăñ.",
  "12": "Ăn c̆hô̆ gai jêh iên brơn mơn, yơng pơp khôm ŏh mi di tŏng trôk ram ngin ngăn yơng nai jêh mhŏ jdoh ƀai ta tơm têh luôr lak nrơm ŏh mi ya.",
  "13": "Ŏh mi jêng buô̆h ta teh dih. Ƀê̆ dăh, dilah buô̆h nga pơp tiêt, đô̆ dơi wêh mhŏ no mâo pơp tiêt. Eh so hôm yuôm ta lĕ broă ô̆h, nai jrăng c̆ĕ ta ling jêh iên nai jrăng juô̆t ta jŏng.",
  "14": "Oh mi jêng pơp ang ta dôn teh di, ju mlăm uôn ram guk tŏng dôn yô̆k  ĕh ei so dơi lâm ndăp ô̆h.",
  "15": "Ăt so mâo nêh jhu iñ kđen jêh iên ăn mŏng sô̆ thung, ƀê̆ dăh jrăng ăn tŏng tê̆ ndŏng iñ, no di đang ang ta lĕ mơt nêh mŏng hih.",
  "16": "No di ăn pơp ang oh mi đang ta măt nai c̆iêng ta hên so broă găl oh mi di jêh iên n’nei ta bap oh mi tŏng trôk",
  "17": "Man mĭn ô̆h Ăñ trôh no di lăm rai pơp bhiên mdah pơp têh luôr; Ăñ trôh ei so geh no di lăm rai  ƀê̆ dăh c̆iêng lăm nâk.",
  "18": "Yơng Ăñ ngơi ngăn ta oh mi, ndă di trôk jêh iên teh ñăm tôc̆ dât, so mâo ƀơn têl mdah ju nê̆ mŏng pơp phiên jêh gao, tăl trôh lĕ mơt pơp dơi lăm jêh.",
  "19": "klah iên, nêh tơm mhŏ tih dŏng nê̆ mŏng pơp phiên ho, jêh iên t’ti nêh d’dêh mhŏ blăh iên jrăng ngơp jêng kuôn nê̆ ngăn mŏng c̆ar Yang trôk. Ƀê̆ dăh nêh tơm ñôt kjăp pơp phiên hân jêh iên t'ti ta nêh d'dêh nêh hân jrăng dơi ngơp jêng ram mŏng c̆ar Yang trôk. ",
  "20": "Yơng Ăñ lah ta oh mi gât, ndă di pơp kpă oh mi so gao hĭn ta pơp kpă khoa tơm t’ti pơp bhiên ta băl Pha-ri-si iên ngăn oh mi jrăng so dơi mât mong c̆ar Yang Trôk.    ",
  "21": "Oh mi tŏng ya pơp băl dưm t’ti lah: Me so dơi lăm khât nêh, jêh iên Nêh tơm lăm khât nêh jrăng dơn pơp phat dôih.",
  "22": "Ƀê̆ dah Ăñ ăn oh mi gât klah iêu, nêh tơm hao nuih ta oh mi tơm jrăng dơn pơp phat dôih. Nêh ngơi ta oh mi tơm ‘’băl so yuôm’’ Năng ta nai phat dôih, jêh iên nêh tơm ngơi ‘’băl plâp!’’ Năng ta nai c̆ĕ mŏng war iñ.",
  "23": "Kơt iên, ndă oh mi jăng jai yơr pơp mhŏ yang ta jhưng kôh mông hân bhong kah tôr ta ju nâo oh mi mâo pơp so găl ta tơm.                    ",
  "24": "Ăn ndroh pơp yơr hân ta măt jhưng kôh luôr hĭn ăn sak lăm găl ta oh mi hân, jêh iên sak yơr pơp mhŏ yang.         ",
  "25": "Ăn sak lăm găl gơñ ta nêh tơm kc̆ŭt oh mi jăng jai oh mi sak băk nêh hân trôh ta tŭk phat dôih. ndă so, nêh kc̆ŭt oh mi, jrăng jao oh mi ta băl phat dôih, jêh iên băl phat dôih jrăng jao  ta k'han, jêh hân oh mi jrăng gŭk mŏng war. ",
  "26": "Ăñ ngơi ngăn ta oh mi, oh mi jrăng so dơi du băh war tăl trôh mông jêh tăm lĕ nŏh nuôn nai.",
  "27": "Oh mi tŏng ya pơp t’ti lah: Man mhŏ tĭh dŏng târ.",
  "28": "Ƀê̆ dăh ăñ ăn oh mi gât klah iêu: nêh rŭng ju nâo u’ur jêh  iên khơñ mhŏ tih ta de hân jêng jêh mhŏ tih dŏng târ ta de mŏng nuih nhăm ru. ",
  "29": "Ndă măt đah ma lăm ndơp oh mi ta pơp tih, ăn liê̆k lat jêh iên c̆ĕ ĕh du wăc̆ băh oh mi. Yơng găl hĭn ju ghăn săk jăn oh mi di rai lêc̆ ta nâm săk jăn oh mi di so nai c̆ĕ mŏng war iñ.",
  "30": "Ndă plang ti ma lăm ndơp oh mi mhŏ tĭh, ăn ndăč lat ĕh jêh iên čĕ wăc̆ băh oh mi. Yơng găl hĭn ju ghăn săk jăn oh mi di rai lêc̆ ta nâm săk jăn oh mi di so mât mŏng war iñ. ",
  "31": "Ăt mâo pơp t,ti: Nêh tơm ndroh ur, jrăng ăn ta de ju pŏk hră tŏng ndroh. ",
  "32": "Ƀê̆ dăh Ăñ ăn ta oh mi gât klah iêu: Nêh tơm ndroh ur \"so ngơp ô̆h pơp mhŏ tih dŏng târ\"kăn yơh lăm jêng de jêng nêh tih dŏng târ. Jêh iên, nêh gŭk de nai ndroh hân, ăt mhŏ tih dŏng târ ya.",
  "33": "Ăt oh mi tuôm tŏng ya pơp băl dưm t’ti: ‘Man buăn huô̆k, ƀê̆ dăh ăn ñôt kjăp pơp buăn băn di ta Yang trôk.’",
  "34": "Ƀê̆ dăh, Ăñ lah ta oh mi gât, ei ru kăt săk ôh, man kăt săk to Trôk yơng Trôk jêng  jhưng Mtao Yang Trôk.",
  "35": "Man kăt săk to teh yơng hân jêng tŭk djruông jŏng yang di: Man kăt săk to uôn ram Yêrusalem ƀuăn yơng uôn hân jêng uôn mtao ram di.  ",
  "36": "Man kăt săk ta bôk tơm yơng oh mi so dơi lăm ñjêng ju mlăm sei sŏk jêng buô̆k mdah jŭ. ",
  "37": "Ƀê̆ dăh ăn oh mi ngơi ‘Mâo! mâo’mdăh ‘So! so mâo.’ Lĕ mơt pơp d’dêh mbăc̆ ta iên jêng trôh bah yang djoh.             ",
  "38": "Oh mi tuôm tŏng ya pơp ngơi:‘Măt c̆iu măt, sêc̆ c̆iu sêc̆.'",
  "39": "Ƀê̆ dăh ăñ lah no di oh mi gât, man tăm dăng ta nêh ƀai.  Mlih ta iên, Nêh tap mô̆k dah ma oh mi jêh iên ăn hlao mô̆k dah tŏ ta kăn.",
  "40": "Ndă nêh khơñ kčŭt oh mi ta tŭk phat dôih, c̆iêng ta sŏk ao ta ling oh mi di, ăn ta kăn sŏk lhao ao mŏng nuông.      ",
  "41": "Nêh mhăl oh mi sak ju wang truông, ăn sak ju băk nêh hân bar wang.  ",
  "42": "Ăn ta nêh tơm lŭp dăn pơp oh mi, jêh iên ei ru mhŏ ñjră ta nêh tơm khơñ c̆an pơp oh mi.",
  "43": "Oh mi tuôm tŏng ya pơp ngơi:’ Ăn khăp khơñ ta nêh kiêu ma me, jêh iên hao nuih ta băl roh me.’",
  "44": "Ƀê̆ dăh  ăñ ngơi ta oh mi, ăn khăp băl rŏh oh mi di, jêh iên kuôl dăn ta băl mhŏ ƀai ta oh mi di.",
  "45": "No di oh mi dơi ñjêng kuôn Bap băn gŭk tŏng trôk. Yơng Yang trôk ăn nar Yang di đang ta nêh djoh wăt nêh găl, jêh iên ăn mih ta nêh kpă wăt ta nêh tih. ",
  "46": "Ndă di oh mi khăp c̆uôm gu ta nêh khăp oh mi, kơt iên năn pơp khôm oh mi dơi dơn? Geh ya! Băl rưng jia ăt hên mhŏ blăh iên ya? ",
  "47": "Ndă oh mi čuôm gu k’kôh ta oh mi tơm, kơt iên oh mi tŭk mâo pơp gao hĭn ta nêh d’dêh? Geh ya! Băl uôn lan d’dêh ăt hên mhŏ blah iên ya.",
  "48": "Hân yơ̆h, ăn oh mi jêng nâm nơn, nrơm Bap tŏng trôk oh mi di jêng nâm nơn. "
}