mnong_2020_mng_mlt_mat_book/mat/19.json

33 lines
4.8 KiB
JSON

{
"1": "Jăng jai Yang Yêsu jêh tơ-ti djăp pơp hư̆n, Khua Yang du băh Galilê sak trôh ta wăl Yuđê đăh tŏ hang dak kruông Yôđăn.",
"2": "Mau pôl uôn lan ŏk ngăn gre Khua Yang, jêh iên Khua Yang lăm băh pơp kuôp ji hên ta iên.",
"3": "Băl Pharisi trôh ta iên no di lông dlăng Khua Yang, hên lup: \"Băl tlơ-tlau dơi ndrŏh ur hên yơng grăp mta pơp trôh mdăh so?\"",
"4": "Yang Yêsu ngơi: \"Pu me ñăm tuôm dlăng Mtao rĭh ñjêng hên dŏng băh luôr bôk, Yang Tơm rĭh ñjêng nêh tlơ-tlau jêh iên nêh u ur lăh?",
"5": "Yang Trôk wêh lăh: \"Yơng kơt iên, băl tlơ-tlau jrăng yĕh băh mei bap no di tŏng tlăč băk ur kăn, jêh iên lĕ bar jrăng ñjêng ƀơn lŏng săk.\"",
"6": "Hư̆n yơh, hên so hôm jêng bar ƀê̆ dăh ƀơn lŏng săk gu. Klăh iên, năn pơp jêh Yang Trôh tŏng tlăč ju băk, kuôn nêh so dơi wêh tŏng tlăh.\"",
"7": "Hên lup Khua Yang: \"Ndă iên! Pơp mhŏ kăn Môis tơ-tă hi, ăn mhŏ ju pŏk ră tăm lơi jêh iên ndrŏh ur?\"",
"8": "Khua Yang ngơi: \"Yơng pơp krăk dăng nuih nhăm pu me hư̆n Môis ăn dơi ndrŏh ur, ƀê̆ dăh dŏng băh luôr bôk lak so mau klăh iên.",
"9": "Ăñ ngơi no pu me gư̆t, nêh tơm ndrŏh ur so gĕh yơng băh pơp dŏng tư̆r, jêh iên gŭk nêh dơ-dêh, kăn hư̆n jêng nêh mhŏ tih dŏng tư̆r. Nêh tơm gŭk ur jêh nai ndrŏh hư̆n ăt jêng nêh mhŏ tĭh dŏng tư̆r ya.",
"10": "Băl ƀing kna tŏng ngơi ta Yang Yêsu: \"Ndă băl tlơ-tlau mhŏ ta ur klăh iên, năn pơp yuôm wêh čiêng gŭk ur hât.\"",
"11": "Ƀê̆ dăh Yang Yêsu ngơi ta hên: \"So mau grăp nêh dơi dơn pơp tơ-ti ho ƀă, čuôm gu nêh tơm nai dơi ăn pơp hư̆n gu.\"",
"12": "Bơ yơng mau nêh nên dŏng băh mhei lai săk, jêh iên mau nêh nên yơng băh plang ti nêh. Ăt mau ya nêh yơng Uôn Yang Trôk kăn lăm ñjêng nên kăn tơm. Nêh tơm dơi sŏk dơn pơp tơ-ti ho ăn sŏk dơn yơh.",
"13": "Năng hư̆n, nai sak ndơp băl ku sei dêt ta Khua Yang, no di Khua Yang bi ti ta băl ĕh jêh iên kuôl dăn, ƀê̆ dăh băl ƀing kna ƀuăh hên.",
"14": "Jêh iên, Yang Yêsu ngơi: \"Lơi băl ku sei sak trôh ta ăñ, man ghă băl ĕh. Bơ yơng Uôn Yang Trôk thêm ta nêh tơm ndrơm klăh di ku sei.\"",
"15": "\tKhoa Yang bi ti ta băl ĕh jêh iên Khoa Yang du băh iên.",
"16": "\tTŏ hân, mâo ju nâo nêh sak tuôm ta Yang Yêsu, Jêh iên lup: \"Wơ Khoa Yang! năn broă găl ăñ jrăng mhŏ no di dơi dơn pơp brêh hui hai?\"",
"17": "\tYang Yêsu ngơi ta kăn: \"Pơp mhŏ me lup ăñ ta broă găl? Čuôm gu mâo ju nâo Mtao jêng găl jôn, ƀê̆ dăh ndă me khơñ dơi dơn pơp brêh, ăn ñôt lĕ mơt pơp bhiên.\"",
"18": "\tKăn hân wêh lup Khoa Yang: \"Năn pơp bhiên hân?\" Khoa Yang Yêsu ngơi: \"Man lăm khât nêh, man mhŏ tĭh dŏng târ, man tlĕ blăč, man têh sơm huôk,",
"19": "\tăn mpŭ ta mei bap, jêh iên khăp ta nêh kiêu ma ndrơm săk jăn tơm.\"",
"20": "\tKăn tlâo nu sak ngơi ta Khoa Yang: \"Ăñ jêh gưt djăp mta pơp bhiên hân. Năn pơp hôm ăñ ñăm mhŏ?\"",
"21": "\tYang Yêsu ngơi ta kăn: \"Ndă me khơñ dơi nâm nơn, ăn sak blŏ lĕ mơt pơp me mâo jêh iên phă gai ta băl ƀun, jêh hân me jrăng mâo pơp yuôm bhăn tŏng trôk. Ta kơi hân, ăn du ta o jêh iên gre ăñ.\"",
"22": "\tɃê̆ dăh jêh kăn tlâo nu tŏng pơp Yang Yêsu ngơi, kăn du ta pơp nguôt nư̆ng bơ yơng kăn mâo ŏk pơp no.",
"23": "\tYang Yêsu ngơi ta băl ƀing kna: \"Ăñ ngơi ngăn ta pu me, nêh ndrŏng mât mŏng Uôn Yang Trôk dlĕh ngăn.\"",
"24": "\tĂñ ăn pu me gât, lak đa mât mŏng trôm nư̆ng lưih hĭn ta nêh ndrŏng mât mŏng Uôn Yang Trôk.",
"25": "\tJăng jai băl ƀing kna tŏng klăh iên, hên hơ̆ hă ngăn, jêh iên lup: \"Ndă kơt iên nêh tơm dơi tlĕh?\"",
"26": "\tYang Yêsu dlăng ta hên jêh iên ngơi: \"Broă hân nêh so dơi mhŏ ôh, ƀê̆ dăh ta Yang Trôk, lĕ mơt broă dơi g'gu.\"",
"27": "\tJêh hân Pêtrôs lup Khoa Yang: \"Dlăng ho! Hi jêh ndrŏh lĕ mơt grăp mta pơp mâo no di gre Khoa Yang. Ndă kơt iên năn pơp hi dơi dơn?\"",
"28": "\tYang Yêsu ngơi ta hên: \"Ăñ ngơi ngăn ta pu me, mŏng nŭk mhei, jăng jai Kuôn Nêh gŭk tŏng Jhưng Mtao guh ang, pu me jêng nêh jêh gre ăñ, pu me ăt jrăng gŭk ta măt bar jhưng mtao, phat dôih măt bar găp pôl Israel.",
"29": "\tNêh tơm jêh ndrŏh hĭh tâm, oh mi, rôh mei, mei, bap, ur, kuôn mdăh tĕh lŏ yơng băh năn ăñ, jrăng dơi dơn khăñ ju hiêng dŏ jêh iên dơi dơn pơp brêh hui hai.",
"30": "\tɃê̆ dăh mâo ŏk nêh khăng ñjêng bôk jrăng ñjêng hât ta kơi, jêh iên mâo nêh băh kơi dât jrăng ñjêng bôk."
}