{
  "1": "Mŏng nar hư̆n kăn Yôhan Ƀap-tit sak tơ-ti pơp đăo mŏng tač ndrăñ čar Yuđê ,",
  "2": "ngơi klăh iêu: “Ăn pu me niêl mlih, bơ yơng uôn Yang Trôk jêh trôh mơñ!”",
  "3": "Bơ yơng ho jêng nêh yơng băh nêh têh luôr Êsai ngơi klăh iêu: “Mau dơk nai ôr tĕh mŏng tač ndrăñ! Ăn mkra truông Yang di, lăm tŏng lĕ mơt ndrôih Khua Yang!”",
  "4": "Kăn Yôhan sŏh ao ta nuôk lak đa, kăn đuôt nuôi kăn ta sei tau, kăn sa krăh jêh iên kăn ñêt dak wei bri. ",
  "5": "Kơt iên jêng, băl uôn lan Yêrusalem, wăl Yuđê jêh iên wăt ta lĕ mơt wăl jư̆m dar dak kruông Yôđan hên sak ta kăn gơ-gu.",
  "6": "Kăn mhŏ ƀatem ta hên mŏng dak kruông Yôđan, jai jêh hên sơm pơp tih hên di.",
  "7": "Ƀê̆ dăh jăng jai kăn so ŏk băl Pharisi ta băl Sađusê sak tŏng tuôm kăn no di dơi tŭ ƀatem, hư̆n kăn ngơi ta hên: “Wơ pôl nhuôr bêh khơih! Nêh tơm tơ-têh ta pu me du diêr băh pơp hao nuih mơñ trôh?",
  "8": "Kơt iên ăn mau ple năng ta nuih nhăm niêl mlih.",
  "9": "Ei ru tŏng mĭn ndăng pu me: \"Hi jêh mau Abraham jêng pang yo hi.\"Yơng ăñ ngơi ta pu me klăh iêu, Yang Trôk ăt dơi lăm ñjêng kuôn so ta kăn Abraham băh grăp bôk mau ho.",
  "10": "Ƀê̆ dăh măt sung jêh nai kơng mơñ tơm jhi ru. Hư̆n yơh, năn tơm jhi so mau ple găl nai jrăng kăl lĕ jêh iên čĕ mŏng ĭñ.  ",
  "11": "Ăñ mhŏ ƀatem yơng ta bruă niêl mlih ŏh mi di ta dak. Ƀê̆ dăh Mtao trôh ta kơi ăñ jêng ram hĭn ta ăñ, ăñ ăt so năng ñôt jep ta Khua Yang. Yang jrăng mhŏ ƀatem ta ŏh mi ta Yang Ngăt Găl jêh iên ta ĭñ.",
  "12": "Khua Yang ñôt kjơ mŏng ti Yang di, no di srơu ngôr tŭk prăh ba Khua Yang, jêh hư̆n kuôm ba Yang di ăn mŏng năm, ƀê̆ dăh Yang jrăng jhu djhôp ĕh ta ĭñ so gư̆t khư̆t.  ",
  "13": "Mông hư̆n, Yang Yêsu sak băh wăl Galilê trôh dak kruông Yôđan, tŭk kăn Yôhan, no di ăn Yôhan mhŏ ƀatem.",
  "14": "Ƀê̆ dăh Yôhan juôi truông ghă Khua Yang, kăn ngơi: \"Yang mhŏ ƀatem ta ăñ kah gĕh, pơp mhŏ Yang lŏ wêh sak hư̆t ta ăñ blăh iêu?\"",
  "15": "Ƀê̆ dăh Yang Yêsu lăh hư̆t ta kăn blăh iêu: \"Nar o, ăn me mhŏ kơt iên yơh, bơ yơng bruă hư̆n yuôm bhăn ta băn no di lăm jêh nư̆m nơn pơp kpă.\"kơt iên jêng kăn Yôhan mhŏ ƀatem ta Khua Yang.",
  "16": "Jêh dơn pơp ƀatem, Yang Yêsu dŏk du rŏk băh dak. Tê̆ hư̆n, wang trôk pŏk ta măt Khua Yang. Khua Yang so Yang Ngăt Găl Yang Trôk di, jư̆r trôh blăh di sư̆m tơp jrăm ta sing nik Khua Yang.  ",
  "17": "Jêh hư̆n, mau dơk băh trôk ngơi klăh iêu: \"Ho jêng Kuôn khăp ngăn ăñ ji. Ăñ brơn mơn ngăn yơng ta Kuôn ho.\""
}