mnong_2020_mng_mlt_mat_book/mat/3.json

{
  "1": "Mŏng nar hư̆n kăn Yôhan Ƀap-tit sak tơ-ti pơp đăo mŏng tač ndrăñ čar Yuđê ,",
  "2": "ngơi klăh iêu: “Ăn pu me niêl mlih, bơ yơng uôn Yang Trôk jêh trôh mơñ!”",
  "3": "Bơ yơng ho jêng nêh yơng băh nêh têh luôr Êsai ngơi klăh iêu: “Mau dơk nai ôr tĕh mŏng tač ndrăñ! Ăn mkra truông Yang di, lăm tŏng lĕ mơt ndrôih Khua Yang!”",
  "4": "Kăn Yôhan sŏh ao ta nuôk lak đa, kăn đuôt nuôi kăn ta sei tau, kăn sa krăh jêh iên kăn ñêt dak wei bri. ",
  "5": "Mông hư̆n lĕ mơt băl uôn lan mŏng uôn Yêrusalem, čar Yuđê wăt ta lĕ mơt băl uôn lan jư̆m dar wăl dak kruông Yôđan, hên sak iêt pơp kăn tơ-ti gơ-gu. ",
  "6": "Hên sơm pơp tih ta kăn jêh iên kăn mhŏ ƀap tem ta hên mŏng dak kruông Yôđan.",
  "7": "Ƀê̆ dăh jăng jai kăn Yôhan so ŏk băl Pharisi ta băl Sađusê sak tŭ ƀap tem, hư̆n kăn ngơi ta hên: “Wơ pôl nhuôr bêh khơih! Nêh tơm sơm ta pu me, no di pu me gư̆t du plăč băh pơp hao nuih jrăng trôh?",
  "8": "Kơt iên, ăn pu me mau ple năng ta pơp niêl mlih, ",
  "9": "jêh iên đăm pu me rña săk no di ngơi; ‘Pang yo hi jêng Abraham,’ bơ yơng ăñ ngơi nư̆k ta pu me no di pu me gư̆t, Yang Trôk dơi mblư̆ bôk mau ho no di ĕh ñjêng ŏh kuôn ta kăn Abraham!",
  "10": "Ƀê̆ dăh măt sung jêh nai kơng mơñ tơm jhi ru. Hư̆n yơh, năn tơm jhi so mau ple găl nai jrăng kăl lĕ jêh iên čĕ mŏng ĭñ.  ",
  "11": "Ăñ mhŏ ƀatem yơng ta bruă niêl mlih ŏh mi di ta dak. Ƀê̆ dăh Mtao trôh ta kơi ăñ jêng ram hĭn ta ăñ, ăñ ăt so năng ñôt jep ta Khua Yang. Yang jrăng mhŏ ƀatem ta ŏh mi ta Yang Ngăt Găl jêh iên ta ĭñ.",
  "12": "Khua Yang ñôt kjơ mŏng ti Yang di, no di srơu ngôr tŭk prăh ba Khua Yang, jêh hư̆n kuôm ba Yang di ăn mŏng năm, ƀê̆ dăh Yang jrăng jhu djhôp ĕh ta ĭñ so gư̆t khư̆t.  ",
  "13": "Mông hư̆n, Yang Yêsu sak băh wăl Galilê trôh dak kruông Yôđan, tŭk kăn Yôhan, no di ăn Yôhan mhŏ ƀatem.",
  "14": "Ƀê̆ dăh Yôhan juôi truông ghă Khua Yang, kăn ngơi: \"Yang mhŏ ƀatem ta ăñ kah gĕh, pơp mhŏ Yang lŏ wêh sak hư̆t ta ăñ blăh iêu?\"",
  "15": "Ƀê̆ dăh Yang Yêsu lăh hư̆t ta kăn blăh iêu: \"Nar o, ăn me mhŏ kơt iên yơh, bơ yơng bruă hư̆n yuôm bhăn ta băn no di lăm jêh nư̆m nơn pơp kpă.\"kơt iên jêng kăn Yôhan mhŏ ƀatem ta Khua Yang.",
  "16": "Jêh dơn pơp ƀatem, Yang Yêsu dŏk du rŏk băh dak. Tê̆ hư̆n, wang trôk pŏk ta măt Khua Yang. Khua Yang so Yang Ngăt Găl Yang Trôk di, jư̆r trôh blăh di sư̆m tơp jrăm ta sing nik Khua Yang.  ",
  "17": "Jêh hư̆n, mau dơk băh trôk ngơi klăh iêu: \"Ho jêng Kuôn khăp ngăn ăñ ji. Ăñ brơn mơn ngăn yơng ta Kuôn ho.\""
}