mnong_2020_mng_mlt_mat_book/mat/12.json

{
  "1": "Nar hư̆n, Yang Yêsu sak găn tač lŏ mŏng nar saƀat. Băl ƀing kna Khua Yang nguôt, hư̆n yơh hên hôč ba no di hên sa.",
  "2": "Ƀê̆ dăh jăng jai băl pharisi so pơp hư̆n. Hên ngơi ta Yang Yêsu: \"Tŏ hư̆n, băl ƀing kna Yang di mhŏ bruă so bhiên mhŏ mŏng nar saƀat.\"",
  "3": "Ƀê̆ dăh Yang Yêsu wêh ngơi ta hên: \"Pu me so tuôm dlăng ôh bruă Đavit jêh mhŏ, jăng jai kăn wăt ta băl nêh sak băk kăn, hên nguôt lăh?",
  "4": "Mtao mư̆t mŏng hih Yang Trôk di jêh iên sa ƀăñ mhŏ Yang. Ƀăñ hư̆n, mtao wăt ta nêh sak băk, lĕ mơt hên so dơi sa. Ƀê̆ dăh čuôm gu ăn ta khua mhŏ yang.",
  "5": "Mdăh pu me ñăm tuôm dlăng ôh mŏng druôm ră pơp bhiên? Mŏng nar saƀat lĕ băl khua mhŏ yang mŏng hih ƀư̆n ndă hên gao pơp bhiên nar saƀat ăt so ngơp tih ya ĕh di?  ",
  "6": "Ƀê̆ dăh ăñ ngơi no di pu me gư̆t mau ju nau Mtao ram hĭn ta hih ƀư̆n gŭk ta o.",
  "7": "Ndă pu me dơi wơng pơp ngơi: \"Ăñ khơñ nuih nhăm tŏng đač, so khơñ pơp mhŏ yang,\" đô̆ nă lơ-lang! Năng ai pu me so phat dôih nêh găl.",
  "8": "Bơ yơng Kuôn Nêh jêng Khua ta nar saƀat.",
  "9": "Jêh hư̆n Yang Yêsu du băh iên, jêh iên mư̆t mŏng hih ƀư̆n hên.",
  "10": "Tŏ hư̆n, mau ju nau nêh krau plang ti. No di dơi kčut bruă Khua Yang mhŏ, băl Pharisi lup Yang Yêsu klăh iêu: \"Dơi ya! Lăm băh nêh kuôp ji mŏng nar saƀat?\"",
  "11": "Yang Yêsu wêh ngơi ta hên: \"Mau mơh nêh mŏng pu me! Ndă di, mau čuôm gu ƀơn kuôn biêp jêh iên kuôn biêp hư̆n ĕh lăč mŏng ƀăng mŏng nar saƀat, so pu me kŏng jêh iên đŏh ĕh tŏng tê̆ lăh?",
  "12": "Ƀăh jai nêh ho, kăn yuôm hĭn lĕ mơt ta kuôn biêp! Hư̆n yơh, nai dơi mhŏ bruă găl mŏng nar saƀat.",
  "13": "Jêh hư̆n Yang Yêsu ngơi ta kăn hư̆n: \"Ăn yơr ti me gơñ.\" Kăn hư̆n yơr ti jêh iên ti kăn dơi băh, ndrơm klăh di ti ju đăh tŏ.",
  "14": "Ƀê̆ dăh băl Pharisi du ta ling jêh iên hên trông čhai mnăč tăm dăng ta Khua Yang, juôi truông lăm khư̆t Khua Yang.  ",
  "15": " Jăng jai Yang Yêsu gư̆t klăh iên, Khua Yang du băh tŭk hư̆n. Mau ŏk nêh hui gre Khua Yang jêh iên Khua Yang lăm băh lĕ pơp kuôp ji hên.",
  "16": "Khua Yang tơ-tă ta hên man ăn nai gư̆t Khua Yang,",
  "17": "no di dơi lăm nư̆k pơp ngơi ta nêh têh luôr Êsai klăh iêu:",
  "18": "\"Tŏ hư̆n, dư̆k ăñ ji, nêh ăñ jêh săč ruăh, nêh ăñ khăp khơñ ngăn, nêh dơi lăm brơn mŏng ngăt  ăñ. Ăñ jrăng ăn Yang Ngăt Găl ăñ ta nêh hư̆n, jêh iên kăn jrăng têh sơm pơp kpă ta uôn lan dơ-dêh.",
  "19": "Kuôn Nêh jrăng so tăm dăng mdăh tŏng ôt, ăt so nai tŏng dơk Kuôn Nêh ta truông mei.",
  "20": "Kuôn Nêh jrăng so wŏk tơm prŏh jêh čăh, so khôm iñ đen mơñ khư̆t, tăl trôh mông Kuôn Nêh ăn pơp kpă dơi ta lĕ mơt.",
  "21": "jêh iên mŏng năn Khua Yang lĕ uôn lan dơ-dêh jrăng mau pơp c̆ang mơñ ram ngin ngăn. ",
  "22": "Nar hư̆n, nai sak ndơp ta Yang Yêsu ju nau nêh tiêh jêh iên mblo, yang djŏh mư̆t. Khua Yang lăm băh kăn, ăn nêh mblo ho dơi ngơi jêh iên dơi so.",
  "23": "Lĕ uôn lan ŏk hên hơ̆ hă gơ-gu jêh iên tŏng ngơi: \"Nêh ho so gĕh jêng kuôn so Đavit lăh?\"",
  "24": "Ƀê̆ dăh jăng jai băl Pharisi tŏng yơng pơp myang hư̆n, hên ngơi: \"Kăn ho so dơi prŏh yang djŏh ƀă ndă so knang ta mtao čak Ƀelsêƀul.\"",
  "25": "Ƀê̆ dăh Yang Yêsu gư̆t pơp mĭn hên di, hư̆n yơh Khua Yang ngơi ta hên: \"Năn čar tăm khăh ndăng tơm jrăng trôh ta pơp rai, ju uôn mdăh ju mlăm hih tŏng khăh ndăng tơm ăt so dơi gŭk kjăp ya.",
  "26": "Ndă Satan prơh Satan, kơt iên jêng ĕh tăm khăh ndăng ĕh. Ndă kơt iên đô̆ nă čar eh dơi gŭk kjăp?",
  "27": "Ndă di ăñ knang ta Ƀelsêƀul no di prŏh yang djŏh, ŏh kuôn pu me knang ta nêh tơm no di prŏh eh? Bơ yơng băh iên yơh yang djŏh jrăng jêng nêh phat dôih pu me.",
  "28": "Ndă di ăñ prŏh yang djŏh yơng băh Yang Ngăt Găl Yang Trôk di, nư̆k ngăn yơh Uôn Yang Trôk jêh trôh ta pu me ru.",
  "29": "Mdăh đô̆ nă mhŏ no di dơi mư̆t mŏng hih ju nau nêh pral, čiêng khơñ sŏk pơp no mŏng hih kăn hư̆n. Luôr ngăn, ăn me čăp kăn prăl hư̆n, jêh iên kăh, me dơi sŏk pơp no mŏng hih kăn?",
  "30": " Nêh tơm so gŭk băk ăñ jêng tăm dăng ta ăñ, jêh iên nêh tơm so tŏng guôp ta ăñ jrăng tlăh rai.",
  "31": "Hư̆n yơh, ăñ ngơi no di pu me gư̆t, lĕ mơt pơp tih jêh iên pơp ngơi mgao jrăng dơi đač ta nai. Ƀê̆ dăh pơp ngơi mgao ta Yang Ngăt Găl jrăng so hôm dơi đač ƀă.",
  "32": "Ndă nêh tơm ngơi pơp tăm dăng ta Kuôn Nêh, ăt dơi đač ya. Ƀê̆ dăh nêh tơm ngơi mgao ta Yang Ngăt Găl, nêh hân jrăng so hôm dơi đač ôh, dŏng băh nuk ho tăl trôh nuk ta kơi.",
  "33": "Tăm jhi găl jrăng mau ple găl, tăm jhi djŏh jrăng mau ple djŏh. Yơng mơn băh ple gư̆t năl jhi.",
  "34": "Wơ pôl nhuôr bêh ngăl, pu me jêng djŏh đô̆ nă pu me dơi ngơi pơp găl? Bơ yơng bêng băh nuih nhăm, hư̆n dơk ngơi ta ling.",
  "35": "Nêh găl yơng nuih nhăm bêng dlai pơp găl hư̆n jêng biă pơp găl. Ƀê̆ dăh, băl djŏh yơng băh nuih nhăm bêng dlai pơp djŏh hư̆n jêng biă pơp djŏh.",
  "36": "Ăñ ngơi no di pu me gư̆t, nai jrăng têh sơm lĕ mơt pơp djŏh nai jêh tuôm ngơi mŏng nar phat dôih.",
  "37": "Yơng băh pơp ngơi, pu me jêng nêh kpă, ăt yơng băh pơp ngơi pu me jrăng dơn pơp phat dôih.",
  "38": "Mông hư̆n, lĕ băl tơ-ti pơp bhiên jêh iên băl Pharisi ngơi ta Yang Yêsu: \"Wơ Khua, hi khơñ so Khua mhŏ ju mta pơp lăm năl.\"",
  "39": "Ƀê̆ dăh Yang Yêsu wêh ngơi ta hên klăh iêu: \"Ju gưl nêh djŏh ƀai jêh iên čhơng tăt tŏng juôi pơp lăm năl. Ƀê̆ dăh so hôm mau pơp lăm năl dơi ăn, čuôm gu pơp lăm năl ta nêh têh luôr Yôna.",
  "40": "Bơ yơng klăh di Yôna jêh gŭk pei măng pei nar mŏng ndâl ka ram. Ăt klăh iên ya, Kuôn Nêh jrăng gŭk pei nar pei măng mŏng ƀăng tĕh.",
  "41": "Trôh nar phat dôih, uôn lan Ninive jrăng dŏk ju băk uôn lan ho, jêh iên kčŭt băl ĕh. Bơ yơng băl Ninive iêt pơp tơ-ti băh kăn Yôna jêh iên niêl pơp tih. Dlăng tŏ hư̆n, ta o mau ju nau Mtao ram hĭn ta kăn Yôna.",
  "42": "Trôh nar phat dôih, mtao u ur đăh măt nar ñăp jrăng dŏk ju băk uôn lan ho jêh iên kčŭt băl ĕh. Băh bôk pât tĕh dih, de dơi trôh no di iêt pơp gât mĭn kăn Salômôn di. Dlăng tŏ hân, ta o mâo ju nâo Mtao ram hĭn Salômôn.",
  "43": "Jăng jai jêh yang djŏh du băh kăn hân, ĕh sak găn gao grăp tŭk răñ ro no di juôi tŭk mdei, ƀê̆ dăh so dơi so.",
  "44": "Jêh iên eh ngơi: \"ăñ jrăng wêh du hih ăñ lak, jêng tŭk mhei ăñ du. \"Jêh ĕh du, ĕh so hih hơng hang, jêh nai weh ƀrăh ngôr jêh iên dăp găl ru.",
  "45": "Jêh hân, ĕh sak jêh iên ndơm băk ĕh pŏh nâo yang djŏh dơ-dêh, băl hân jhat ƀai hĭn ta ĕh ya, jêh iên lĕ ju pôl ĕh hân mât gŭk ta iên. Hân yơh, pơp brêh nêh hân ta kơi jrăng jêng djŏh hĭn ta luôr lak. Găp pôl djŏh ƀai ho ăt jrăng klăh iên ya.",
  "46": "Jăng jai Yang Yêsu hôm tŏng ngơi ta uôn lan. Tŏ hân, mei wăt ta oh hên Khoa Yang trôh dŏk ta ling, juôi truông tŏng ngơi ta Khoa Yang.",
  "47": "Mâo nêh têh ta Khoa Yang: \"Dlăng tŏ hân, mei me wăt ta oh hên me, hên hôm dŏk ta ling, khơñ tŏng ngơi ta me.\"",
  "48": "Ƀê̆ dăh Yang Yêsu wêh ngơi ta kăn tơm têh ta Khoa Yang hân: \"Nêh tơm jêng mei ăñ? jêh iên nêh tơm jêng oh hên ăñ?\"",
  "49": "Jêh hân Khoa Yang yơr ti ting ju băl ƀing kna jêh iên ngơi: \"Dlăng ta o, ho jêng mei ăñ jêh iên oh hên ăñ ji!\"",
  "50": "Yơng nêh tơm mhŏ hui pơp khơñ Bap ăñ ji gŭk tŏng trôk, nêh hân jêng oh mi ăñ, rôh mei jêh iên mei ăñ ji.\""
}